09/01/2026
Heisann! På denne sida har det stått stille sidan skipingsfesten i september 2025, men derimot har det skjedd mykje i Å+!
Eit halvår har gått sidan skipinga, og etter det har vi hatt mange flotte arrangement. Mellom anna har vi bada og strekt på kroppen i Seimsdalen, snakka oss bort på julebord, og snekra nokre flotte peparkakehus på juleverkstad! Her har vi både fått prata med kjende, men òg knytt nye kjennskap. Dette satsar vi på å gjera endå meir av i 2026! Vi har òg vore så heldige at Sogn Sparebank ynskjer å støtta oss økonomisk, slik at vi har fått sett saman eit flott årshjul som de kan sjå på det vedlagde biletet. Dette er ein førebels plan og opne for endringar. Vi har allereie tankar om fleire arrangement vi vil få til 😊
Framover vil vi poste arrangement med påmelding i facebookgruppa Å+ Årdal, samt på mail til dei som har oppgitt mailadressa til oss. Om du vil ha moglegheit for deltaking, meld deg inn i facebookgruppa eller send mail til [email protected]
Etter kvart skal vi også velje styremedlem til organisasjonen vår, så om du kunne tenke deg å vere ein del av denne flotte og initiativrike gjengen må du melde interesse når den tid kjem! 😊
Vårt komande arrangement er ølsmaking (også med alkoholfritt alternativ) og snacks på Klingenberg hotell den 24. januar. Sjå eigen post i gruppa om dette for påmelding 😍🥳
Vi gler oss til det nye året og håpar på å bidra til sosialisering og aktivisering av Årdals befolkning mellom 20-40 år 😍
