Rogo First Development Organization

03/06/2026

ASSALAMU ALAIKUM WARAHMATULLAHI WABARAKATUH

Kamar yadda muka sanar a baya, wannan kungiya mai albarka ta ROGO FIRST DEVELOPMENT ORGANIZATION ta fitar da fom wanda duk wani ɗan asalin Ƙaramar Hukumar Rogo ke da damar cikewa ta yanar gizo (online) ko kuma a taimaka masa a cike

Wannan tsari na nufin bai wa kowa damar zama cikakken memba na wannan kungiya,

Saboda haka, muna ƙara tunatar da al'ummar Ƙaramar Hukumar Rogo da su yi ƙoƙarin cike wannan fom domin samun damar amfana da dukkan alhairan da ka iya zuwa ta hanyar wannan kungiya mai albarka

Har yanzu ƙofa a buɗe take ga masu son yin rajista. Don haka, ku ci gaba da cikewa ta hanyar latsa wannan hanyar sadarwa (link) da ke ƙasa

Da zarar kun danna, za ta kai ku kai tsaye zuwa shafin cikewa.
👇👇👇
https://forms.gle/SX9R4AzGsu55ce8o6

Muna godiya matuƙa bisa juriyarku, goyon bayanku, da kuma bibiyar dukkan al'amuran wannan kungiya.

ROGO ita ce a matakin farko! 👌

✍️ Zahraddeen Mahmud Tsara
P.R.O
ROGO FIRST DEVELOPMENT ORGANIZATION

01/06/2026

ASSALAMU ALAIKUM WARAHMATULLAHI WA BARAKATUH

A ƙoƙarin samar da haɗin kai da ci gaba a faɗin Ƙaramar Hukumar Rogo,

wannan ƙungiya mai albarka ta ROGO FIRST DEVELOPMENT ORGANIZATION ta samar da fom ɗin rajista domin bai wa kowane ɗan asalin Ƙaramar Hukumar Rogo damar shiga cikin wannan tafiya ta ci gaba

Saboda haka, duk mai sha'awar kasancewa memba a wannan ƙungiya, ana roƙonsa da ya danna hanyar sadarwar (link) da ke ƙasa domin cike bayanansa yadda ya kamata

Wannan zai ba mu damar haɗa kan al'umma tare da samar da ayyukan ci gaba da taimako ta fannoni daban-daban domin amfanin jama'ar Ƙaramar Hukumar Rogo baki ɗaya

Muna matuƙar godiya da goyon baya da bibiyar ayyukanmu da kuke yi a kowane lokaci.

https://forms.gle/SX9R4AzGsu55ce8o6

ROGO FIRST DEVELOPMENT ORGANIZATION

"ROGO Ita Ce a Gabanmu." 💚🤝

✍️ Zaharaddeen Mahmud Tsara

27/05/2026

Assalamu Alaikum Warahmatullahi Wabarakatuh

A madadin shugabanci tareda mambobin wannan kungiya ta
ROGO FIRST DEVELOPMENT ORGANIZATION,

muna mika sakon Barka da Sallah ga daukacin al’ummar karamar hukumar Rogo — maza da mata, yara da manya,

Muna kuma addu’ar Allah Maɗaukakin Sarki Ya amshi dukkan ibadunmu, Ya maimaita mana irin wannan lokaci cikin koshin lafiya, zaman lafiya, aminci da kwanciyar hankali.

Barka da Sallah.

✍️ Zahraddeen Mahmud Tsara
P.R.O
ROGO FIRST DEVELOPMENT ORGANIZATION

24/05/2026

Assalamu Alaikum Warahmatullahi Wabarakatuh

Ga daukacin mabiyanmu masu daraja da al’ummar Karamar Hukumar Rogo baki ɗaya, muna miƙa uzuri bisa kusan mako guda da muka ɗauka ba tare da fitar da sabbin bayanai a wannan shafi ba. Wannan ɗan jinkiri ya samo asali ne sakamakon nauyin ayyukanmu da kuma ƙoƙarinmu na ci gaba da yi muku hidima cikin ingantacciyar hanya mai amfani.

Ɗaya daga cikin manyan manufofin kungiyar ROGO FIRST DEVELOPMENT ORGANIZATION shi ne kawo sauyi mai kyau a tunani da fahimtar al’ummarmu ta hanyar wayar da kai, ba da shawarwari da kuma ƙarfafa haɗin kai a tsakanin jama’a.

Mun yi imani cewa kowane mutum yana da gudunmawar da zai bayar wajen gina al’umma, kuma muna ci gaba da ƙoƙarin ƙarfafa aiki tukuru, haɗin kai da cigaba a duk inda al’ummarmu suke.

Burinmu ba wai na yau kawai ba ne, har ma da gina kyakkyawan tarihi da al’umma masu zuwa za su yi alfahari da shi.

Don haka muna roƙon ku da ku ci gaba da ba mu haƙuri, fahimta da goyon baya yayin da muke aiki ba dare ba rana domin cimma manufofinmu, In Shaa Allah.

Muna kuma farin cikin sanar da ku cewa ABDULKADIR SHEHU BARI ,wanda aka fi sani da Computer Guru, ya shiga wannan tafiya da wannan kyakkyawan yunkuri na ci gaban Rogo a hukumance.

An naɗa shi a matsayin Daraktan Fasaha (Director of Technology) na Rogo First Development Organization.

Abdulkadir mutum ne da aka sani da ƙwazo, ilimi da gogewa a fannin fasaha, kuma muna da cikakken yaƙini cewa gudunmawarsa, shawarwarinsa da ƙwarewarsa za su ƙara ƙarfi da ci gaba ga wannan tafiya tare da bunƙasa cigabanmu ta fuskar fasaha da zamani.

A madadin dukkan shugabanni da mambobin Rogo First Development Organization, muna yi maka maraba da shiga wannan tafiya tare da yi maka fatan alheri da nasara a wannan sabon nauyi.

Tare za mu ciyar da Rogo gaba.

✍️ Zahradeen Mahmud Tsara
PRO I, Rogo First Development Organization.

23/05/2026

Bari Literacy And Vocational Skills Acquisition Centre

Muna tunatar da mutanen mu cewa har yanzu program na federal govt SUPA Program yana tafiya.

https://supa.itf.gov.ng

Muna sa ran Bari Literacy And Vocational Skills Acquisition Centre Insha Allah tana cikin Centres da zasu bada training a ɓangaren LEATHER WORK da kuma CATERING. Muna ba matasanmu shawara su shiga su cike kuma su zaɓi CATERING musamman ga mata da kuma LEATHER WORK ga kowa da kowa. Bayan training akwai kudin transport da suke biya akwai kuma Certificate bayan gama training.

Ibrahim Umar Bari
Coordinator, Bari Literacy And Vocational Skills Acquisition Centre

Empowering artisans and intending artisans in Nigeria with skills and certifications.

14/05/2026

Assalamu Alaikum Warahamatullahi Wabarakatuh

A wannan rubutu, za mu ci gaba da kawo muku ci gaban tafiyar ƙungiyar Rogo First Development Organization mai cike da ƙwarin gwiwa da albarka

Bayan samun nasarar karɓar takardar shaidar rajista ta CAC, mambobin ƙungiyar sun sake gudanar da wani taro ta kafar sadarwa ta zamani (virtual meeting) domin taya juna murnar wannan gagarumar nasara tare da nuna godiya ga sadaukarwa, jajircewa da haɗin kan da ya taimaka wajen cimma wannan buri

A yayin taron, an tattauna muhimman batutuwa da s**a shafi ci gaban ƙungiyar da kuma hanyoyin ƙara inganta ta a nan gaba

Daga cikin abubuwan da aka tattauna akwai:

🔹 Samar da ofishin ƙungiya, musamman a yankin Islamic Centre da ke kan titin Karaye–Makarfi.

🔹 Buɗe asusun banki na hukuma (Corporate Account) domin gudanar da harkokin ƙungiyar cikin tsari.

🔹 Samar da kafafen sada zumunta na hukuma, musamman a Facebook da X (wanda a da ake kira Twitter), kuma cikin ikon Allah an riga an samar da su cikin nasara.

🔹 Samun rajistar matakin jiha domin ƙara ƙarfafa matsayin ƙungiyar ta fuskar doka da gudanarwa.

Alhamdulillah, duk waɗannan tsare-tsare suna kan hanya kuma suna ci gaba da kammaluwa sannu a hankali, In Shaa Allahu Rabbi.

Kasancewar wannan ƙungiya an kafa ta ne domin haɗin kai, ci gaba da bunƙasa al’umma, muna matuƙar bai wa ra’ayoyi, shawarwari da gudummawar jama’a muhimmanci. Saboda haka, idan kuna da wata shawara, tsokaci, ƙarfafawa ko wata nasiha mai amfani, muna maraba da ku ku tuntube mu ta adireshin imel ɗinmu na hukuma:

📩 [email protected]

Muna tabbatar muku cewa duk wata gudummawa ko bayanin da kuka aiko mana za a karɓe shi cikin mutuntawa da sirri

Wannan shi ne ƙarshen bayaninmu na yau. Muna miƙa godiya ta musamman gare ku bisa bibiyar wannan tafiya da kuma goyon bayan wannan hangen nesa mai albarka. Ku ci gaba da bibiyar wannan shafi tare da ƙarfafa wasu su ma su biyo mu, domin za mu ci gaba da sanar da ku dukkan matakan ci gaban wannan ƙungiya, In Shaa Allah.

Allah Ya ci gaba da albarkace mu baki ɗaya tare da shiryar da mu.

✍️ Zahradeen Muhmud Tsara
PRO I, Rogo First Development Organization

13/05/2026

Assalamu Alaikum Warahmatullahi Wabarakatuh

Bayan yunƙurin farko na yin rijistar ƙungiyar ta hannun SADIYA ROGO bai yi nasara ba, daga bisani COMRADE AL'AMIN HAMZA GANGARBI ya sake gabatar da wani wakilin rijista wanda daga ƙarshe ya taimaka wajen samun nasarar rijistar bayan dogon lokaci na ƙoƙari da ƙalubale

A gaskiya, AL'AMIN GANGARBI ya taka muhimmiyar rawa wajen samun takardar shaidar CAC ta hanyar jajircewarsa, ƙoƙarinsa, bibiyar al’amura ba tare da gajiyawa ba, da sadaukarwa tun daga farko har zuwa ƙarshen wannan tafiya

A yayin tafiyar rijistar, an gabatar da sunaye da dama domin amincewa, amma da yawa daga cikinsu an ƙi amincewa da su. Daga cikin sunayen da aka ƙi akwai:

🔹 Rogo First Organization
🔹 Rogo First Association
🔹 Rogo First Concern Citizens

…da wasu sunaye masu yawa da aka gabatar amma ba a amince da su ba duk da yawan gyare-gyare da ƙoƙari.

Sai dai bayan haƙuri, jajircewa, da haɗin kan dukkan membobi, daga ƙarshe an amince da sunan “Rogo First Development Organization” wanda ya zama sunan hukuma da aka karɓa

Samun takardar shaidar CAC ya ɗauki lokaci mai tsawo da gagarumin ƙoƙari, inda aka fara tun daga watan Agustan 2025 har zuwa Afrilun 2026. Duk da jinkiri da ƙalubalen da aka fuskanta, membobin ƙungiyar sun ci gaba da kasancewa cikin haɗin kai, mayar da hankali, da ƙudurin ganin wannan buri ya zama gaskiya.

Bayan samun nasarar rijistar CAC, ƙungiyar ta sake samun wata muhimmiyar rijista daga hukumomin ƙaramar hukuma. Wannan tsari ya samu jagoranci da kulawar SHAMSU GARBA DAN'AZUMI wanda ta hanyarsa aka samu takardar shaidar rajista daga Sashen Cigaban Al’umma na Ƙaramar Hukuma (Community Development Department).

Wannan nasarori sun zama manyan tarihi a tafiyar ƙungiyar tare da ƙara mana ƙwarin guiwa wajen ci gaba da aiki domin haɗin kai, cigaba, da bunƙasar Ƙaramar Hukumar Rogo,

Muna sake gode muku da ci gaba da bibiyar wannan tafiya tamu. Ku ci gaba da bibiyar wannan shafi tare da ƙarfafa wa wasu gwiwa su biyo mu, In Shaa Allah, za mu ci gaba da kawo muku muhimman bayanai da tarihin da s**a taimaka wajen gina wannan tafiya zuwa matsayin da take a yau.

Allah Ya albarkace mu baki ɗaya, Ya kuma ɗora mu a hanya madaidaiciya.

✍️ Zahradeen Mahmud Tsara
PRO I, Rogo First Development Organization

12/05/2026

Assalamu Alaikum Warahmatullahi Wabarakatuh

Bayan ƙirƙirar WhatsApp group ɗin kungiyar, an gudanar da taronmu na farko a kafar sadarwa ta zamani *(virtual meeting),* inda aka tattauna muhimman batutuwa da s**a shafi shugabanci da kuma makomar wannan ƙungiya mai albarka.

A yayin taron, waɗannan mutane ne s**a zama jagororin farko na wannan tafiya:

🔹 *Alhaji Isa Shehu Isa* — Shugaba
🔹 *Comrade Al’amin Hamza Gangarbi* — Mataimakin Shugaba
🔹 *Samir Ibrahim Rogo* — Sakatare
🔹 *Shamsuddeen Garba Dan’azumi* — Ma’aji
🔹 *Zahradeen Muhmud Tsara* — PRO I
🔹 *Sadiya Shuaibu* Rogo — Shugabar Mata
🔹 *Fatima Rogo* — PRO II

Nan take bayan nada shugabannin, aka fara tattaunawa kan muhimmancin yin rijistar kungiyar a Hukumar CAC domin samun cikakkiyar doka da sahalewar aiki.

Abin da ya fi daukar hankali a wannan taro shi ne yadda mambobi s**a nuna sadaukarwa da kishin cigaban kungiyar. Dukkanmu mun amince cewa ba za mu nemi tallafin kudi daga wajen kungiyar ba, sai dai mu hada karfi da karfe ta hanyar bada gudummawa tsakaninmu domin cimma manufofinmu.

Alhamdulillah, mambobi sun bayar da gudummawar da ake bukata cikin farin ciki da hadin kai. A yayin wannan tsari, Sadiya Shuaibu Rogo ta sanar da kungiyar cewa tana da wanda yake gudanar da rijistar CAC cikin sauki da rahusa. Ta tuntube shi, sannan daga baya ya aiko da dukkan abubuwan da ake bukata domin fara rijistar, ciki har da sunan kungiyar, trustees, da kundin tsarin mulki (constitution).

Domin tafiyar ta samu sauki, an kafa kwamiti wanda ya hada da Al’amin Gangarbi, Hamisu Hafizu, Samir Ibrahim Rogo, tare da wasu mambobi guda biyu masu jajircewa. Kwamitin ya yi aiki tukuru wajen tsara kundin tsarin mulkin kungiyar tare da gabatar da sunan farko da aka zaba wato:

ROGO FIRST ORGANIZATION

Wanda yake kula da rijistar ya fara kokarin gudanar da aikin, tare da yin yunkuri da dama domin samun nasarar rijistar. Sai dai abin takaici, duk da kokarin da aka yi da maimaita gwaje-gwaje sau da dama, ba a samu nasarar rijistar kungiyar a wannan mataki ba.

Cikin gaskiya da amana, daga baya wanda yake gudanar da rijistar ya mayar da kudin da aka biya, sannan ya ci gaba da wasu harkokinsa.

Ko da yake ba a samu nasara nan take ba, wannan mataki ya koya mana hakuri, juriya, da muhimmancin hada kai wajen cimma buri guda.

Muna godiya da kasancewarku tare da mu a wannan tafiya. Ku ci gaba da bibiyar wannan shafi tare da gayyatar sauran mutane su biyo mu.

In Shaa Allah, a rubutu na gaba za mu ci gaba da kawo yadda muka samu nasarar karɓar takardar shedar CAC da kuma cigaban da kungiyar ta samu bayan haka.

Allah Ya ci gaba da albarkace mu baki daya, Ya kuma ba mu ikon cika manufofinmu na alkhairi.

✍️ Zahradeen Muhmud Tsara
PRO I, Rogo First Development Organization

11/05/2026

📢 SANARWA !
📢 SANARWA !!
📢 SANARWA !!!

Muna sanar da daukacin ’yan asalin ƙaramar hukumar Rogo Local Government Area da suke neman gurbin karatu (Admission) a waɗannan makarantu kamar haka:

🎓 1. A.B.U Zaria
🎓 2. F.U.E Zaria
🎓 3. Digama College of Health

Cewa mun samu wannan damar ne ƙarƙashin wannan ƙungiya mai albarka domin taimakawa matasa wajen samun ilimi da cigaba

Saboda haka, duk wanda ya cike ɗaya daga cikin waɗannan makarantu kuma yake da ra’ayin samun taimako ko ƙarin bayani,

ya tuntubi wannan lambobin kamar haka:
👇👇👇
0703 893 6542 -Abdulrazak
08089635142- zahraddeen

✍️ Zahraddeen Mahmud Tsara

09/05/2026

ASSALAMU ALAIKUM WARAHMATULLAHI WABARAKATUH

Bayan tattaunawar farko da aka gudanar, wasu daga cikin mutanen da s**a halarci wannan taro mai tarihi sun hada da:
👇👇👇
-Alhaji Isa Shehu Isa (Baban Yara)
-Shamsudeen Garba Dan’azumi (Garkuwa)
-Ibrahim Sulaiman Shugaba
-Sadiya Shuaibu Rogo (Sadiya Rogo)
-Fatima Rogo
-Hamisu Bello (Escaper)
-Al’amin Hamza Gangarbi
-Zahraddeen Mahmud Tsara
-Masro Rogo
-Abubakar Aliyu Audi
-Sa’idu Muhammad
-Samir Ibrahim Rogo
-Isa Alhassan (Talaka),

Da sauran mutane da dama wadanda watakila ba za mu iya tuna sunayensu gaba daya a wannan lokaci ba

Don haka muna neman afuwa ga duk wanda ba a ambaci sunansa ba.

Muhimmin abin da tattaunawarmu ta fi mayar da hankali a kai shi ne yadda za a ciyar da Karamar Hukumar Rogo gaba tare da bayar da gudunmawa mai amfani ga ci gabanta da bunkasuwarta.

Duk da bambancin ra’ayoyi, matsayi, da bukatunmu na kashin kai, gaba daya mun amince cewa ci gaban Rogo shi ne abu mafi muhimmanci da ya kamata a bai wa fifiko

A yayin wannan muhimmiyar tattaunawa ne aka gabatar da sunan “Rogo First”, wanda duk wadanda s**a halarta s**a amince da shi

Wannan suna yana wakiltar hadin kanmu da kuma imaninmu cewa muradin Rogo, hadin kai, da cigabanta ya kamata su kasance a gaba fiye da duk wata bukata ta kashin kai.

Haka kuma mun cimma matsaya cewa wannan tafiya dole ta kasance ba ruwanta da siyasa ko bangaranci, sannan ta kasance mai hada kowa da kowa domin ci gaban al’umma da bunkasar kasa baki daya

Jim kadan bayan kammala taron ne aka kirkiri WhatsApp Group na kungiyar, inda mambobi s**a shiga cike da sabuwar himma, kwarin gwiwa, da jajircewa

Wannan ne ya zama farkon wannan tafiya mai albarka da tarihi

Yayin da muke ci gaba da wannan tafiya, za mu ci gaba da bayyana muku irin ci gaban da aka samu, kalubalen da muka fuskanta, da kuma yadda muka kai wannan mataki da muke ciki a yau, In Shaa Allah

Muna rokonku da ku ci gaba da bibiyar wannan shafi tare da gayyatar sauran mutane su biyo mu. Tare da hadin kanmu, za mu iya gina Rogo mai karfi, hadin kai, da ci gaba domin amfanin al’ummarmu da kuma ‘ya’yanmu na gaba.

MUN GODE.

✍️ Zahraddeen Mahmud Tsara
PRO I, Rogo First Development Organization