Kebbi State Samarin Tijjaniya

02/06/2026

Muna gayyatar kowa zuwa wurin maulidin Shehu Ahmad Tijjani R. A
Wanda za'ayi a masallin wala birnin kebbi, a jihar Kebbi
Ranar Asabar 25safar 1448
Daidai da 8/8/2026
Karfe 10:00Am

27/05/2026

Babban limamin masallacin Abuja, Prof. Ibrahim Maqari, ya bayyana muhimmanci da darajar salati ga Ma'aikin Allah (SAW), yana mai nuna cewa soyayya ta gaskiya ga Annabi ita ce mafi girman abin da ke motsa zukatan muminai wajen yawaita salati a gare shi.

Ya ce ko da ace babu wani lada ko falala da aka tanadar wa mai salati, kasancewar salatin kyauta ce daga masoyi zuwa ga masoyinsa, hakan kaɗai ya isa ya sanya mumini yawaita salati ga Manzon Rahama (SAW).

23/05/2026

10/05/2026

DA DUMI DUMI: Zikirin Juma’a na Ƙasa a Côte d’Ivoire ya Gudana Cikin Nasara

A ranar 08/05/2026, an gudanar da gagarumin Zikirin Juma’a na ƙasa a ƙasar ****, inda dubban mabiya addini s**a hallara daga ƙasashe daban-daban.

Rahotanni sun nuna cewa taron ya samu halartar manyan shugabannin Ɗariƙar Tijjaniyya na ƙasashen duniya, wanda ya ƙara wa taron armashi da muhimmanci.

An gudanar da zikiri da addu’o’i cikin yanayi na ibada, zaman lafiya da haɗin kai, inda malamai s**a yi kira da a ƙara ƙarfafa zumunci, fahimtar juna da kuma tsayawa kan koyarwar addini wajen inganta zaman lafiya a al’umma.

An kammala taron cikin addu’o’i na musamman, inda aka roƙi Allah Ya karɓi ibadun mahalarta, Ya kuma tabbatar da zaman lafiya a ƙasa da duniya baki ɗaya.

✍️ Daga Shafin Sheikh Suraju Shehu Muhammad Kaoura Asha

08/05/2026

ALLAHU AKBAR: Yau Shekaru 8 Da Rasuwar Shiekh Isayaka Rabi'u. (Rahimahullah)

A ranar 7 ga watan Mayu 2018 Allah Ya Karbi Rayuwar Shiekh Isyaka Rabi'u.

Shahararren attajirin kuma malamin addinin Musulunci a Najeriya, Sheikh Isyaku Rabiu, ya rasu a ranar 8 ga Mayu 2018, a wani asibiti a Landan bayan ya yi fama da rashin lafiya na dogon lokaci. Yana tsakanin shekaru 90 zuwa 93 a lokacin rasuwarsa.

An dawo da jikinsa Najeriya, kuma an yi sallar jana'iza a ranar Juma'a, 11 ga Mayu, 2018, a Masallacin Juma'a na Sheikh Muhammad Rabi'u da ke Goron Dutse, Kano.

Manyan mutane sun halarci jana'izar, ciki har da Sarkin Musulmi, Sarkin Kano, gwamnonin jihohi, da kuma fitattun 'yan kasuwa kamar Aliko Dangote.

Ya bar manyan iyali, ciki har da 'ya'ya 42. Shahararru daga cikinsu sun haɗa da Abdulsamad Rabiu, wanda ya kafa BUA Group, da Rabiu Isyaku Rabiu, shugaban kamfanin jiragen sama na IRS.

Taimakon Jama'a:

Isayaka Rabi'u wanda aka fi sani da "Khadimul Qur'an" (mai yiwa Alƙur'ani hidima), an girmama shi sosai saboda gudunmawar da ya bayar ga ilimin addinin Musulunci da kuma ayyukansa na taimakon jama'a a faɗin Najeriya.

Yadda rayuwar marigayi Khalifa Isyaka Rabi'u ta kasance.

An haifi marigayi Isyaku Rabi'u a 1925 ga iyalan Muhammadu Rabi'u Dan Tinki, wanda mai wa'azin addinin musulunci ne daga Bichi cikin jihar Kano a Najeriya.

Daga 1936 zuwa 1942, marigayin ya halarci makarantar allo ta mahaifinsa, inda aka horar da shi kan Alkur'ani da Larabci.

Daga nan ya tafi Maiduguri domin karo ilimi, kuma bayan ya gama karatunsa a can ne ya dawo gida da niyyar yin aure. Bayan ya yi auren kuma ya tafi Zariya gidan wani shahararran Malami, mai suna Malam Na'iya, inda ya samu shekaru biyu yana dalibta.

A shekarar 1949 ya kasance malamin addini mai zaman kansa, inda yake koyar da Larabci da Alkur'ani ga dalibansa. Kuma a cikin daliban akwai Ibrahim Musa Gashash. A farko shekarun 1950 Mallam Isyaku Rabi'u ya fara kasuwanci, duk da cewa bai bar koyarwa ba.

07/05/2026

DA DUMI DUMI: Dubban mabiya Ɗariƙar Tijjaniyya daga jahohi daban-daban na Najeriya sun bayyana cewa ba za su zaɓi jam’iyyar APC ba, matuƙar gwamnatin ƙasa ba ta saki Sheikh Sani Khalifa Zaria ba.

Rahotanni sun nuna cewa mabiya ɗariƙar sun ɗauki wannan matsaya ne bayan wata kotu ta wanke malamin daga dukkan zarge-zargen da ake masa tare da bayar da umarnin a ba shi beli.

Sai dai, bayan wannan hukunci, an ruwaito cewa gwamnati ta shigar da ƙara ta ɗaukaka (appeal), lamarin da ya janyo ci gaba da tsare malamin.

Wannan mataki ne ya sa magoya bayan ɗariƙar s**a bayyana rashin jin daɗinsu, inda s**a ce matsayar da s**a ɗauka ta samo asali ne daga abin da s**a bayyana a matsayin neman adalci da bin doka.

Ana ci gaba da jiran yadda al’amuran shari’ar za su kaya a kwanaki masu zuwa

06/05/2026

DA DUMI DUMI: Daya daga cikin malaman addini, Dr. Saminu Dalhat, ya bayyana ra’ayinsa dangane da yadda yake kallon abin da ke faruwa ga Sheikh Sani Khalifa Zaria.

A cikin sakon da ya wallafa, malamin ya yi addu’a yana mai cewa Allah Ya san halin da ake ciki, tare da roƙon Ubangiji da Ya hukunta duk wanda yake da hannu a cikin lamarin idan har akwai zalunci, sannan Ya ƙasƙantar da su ta hanyar sakamakon ayyukansu.

Sakon ya jawo hankalin mabiyansa da dama, inda wasu s**a mayar da hankali kan muhimmancin addu’a, neman adalci, da kuma barin hukunci ga Allah Maɗaukakin Sarki.

Allah Ya tabbatar da gaskiya, Ya kawo mafita mai alheri. 🤲