https://www.facebook.com/105125418286657/

Northeast Online News 24, Maiduguri (2026)

17/10/2026

BIDIYO:🎥
Mataimakin Shugaban Ƙasa, Kashim Shettima, kenan a yayinda yake ƙaddamar da babban ofishin yaƙin neman zaɓe na Arewa 4 Asiwaju (A4A), a Abuja, a wani mataki na ƙarfafa shirye-shiryen tattara goyon baya gabanin babban zaɓen shekarar 2027.

Ƙungiyar A4A na da manufar haɗa kai da tsara yadda za a tattara goyon baya a faɗin yankin Arewa domin sake zaɓen Shugaba Bola Ahmed Tinubu da Kashim Shettima a shekarar 2027.

Mataimakin Shugaban Majalisar Dattawa, Sanata Barau Jibrin; Mai Girma Ministan Yaɗa Labarai da Wayar da Kan Ƙasa, Mohammed Idris; gwamnonin jihohin Arewa; ministoci; tsoffin gwamnoni; da sauran manyan baƙi daga Arewa na daga cikin wadanda s**a halarci taron.

17/10/2026

Kashim Shettima ya ƙaddamar da ofishin yaƙin neman zaɓe na Arewa for Asiwaju (A4A)

Mataimakin Shugaban Ƙasa, Sanata Kashim Shettima, ya ƙaddamar da babban ofishin yaƙin neman zaɓen Arewa for Asiwaju (A4A) a Abuja, inda ya buƙaci masu goyon bayan Shugaba Bola Ahmed Tinubu su riƙa kare manufofin gwamnatinsa da hujjoji, gaskiya da bayanan da za a iya tabbatarwa.

Shettima ya bayyana haka ne ranar Asabar yayin bikin buɗe ofishin ƙungiyar da kuma ƙaddamar da tsarinta na yaƙin neman zaɓen shugaban ƙasa na 2027, wanda aka gudanar a Garki, Area 8, Abuja.

Ya ce goyon bayan da ake samu daga Arewa ga Shugaba Tinubu ba izini ba ne na yin komai ba tare da bayar da lissafi ba, yana mai jaddada cewa gwamnati da magoya bayanta suna da alhakin bayyana wa ’yan Najeriya matakan da ake ɗauka da sak**akon da ake samu.

A cewarsa, Arewa ta riga ta bayyana matsayinta kan siyasar ƙasar, amma hakan yana ƙara wa shugabanni nauyin yin gaskiya da kuma sauraron buƙatun al’umma.

Mataimakin Shugaban Ƙasar ya ce masu yaƙin neman zaɓe su guji yin watsi da koke-koken jama’a ko dogaro da taken siyasa kawai wajen kare manufofin gwamnati.

Ya jaddada cewa ya k**ata a saurari matsalolin da ’yan kasuwa da ke fuskantar tsadar kaya, matasa masu neman aikin yi da iyalan da ke fama da nauyin kashe kuɗin yau da kullum.

Ya kuma bayyana cewa s**a mai ma’ana na da muhimmanci wajen inganta shugabanci, yana mai cewa dimokuraɗiyya ba za ta bunƙasa ba idan gwamnati ta ƙi sauraron masu sabanin ra’ayi.

A cewarsa, ya k**ata Arewa for Asiwaju ta kasance wata hanya da jama’a za su bi wajen isar da koke-kokensu ga masu ruwa da tsaki a gwamnati, maimakon ta tsaya kawai kan harkokin yaƙin neman zaɓe.

Ya lissafa tsaro, samar da guraben aikin yi, rage talauci, inganta ilimi da ƙarfafa hukumomin gwamnati a matsayin muhimman abubuwan da ya k**ata a ba fifiko.

Tun da farko, Mataimakin Shugaban Majalisar Dattawa, Sanata Barau I. Jibrin, ya ce ƙaddamar da tsarin Arewa for Asiwaju ya zo a lokacin da ake buƙatar ingantattun tsare-tsare da za su isar da bayanai kan ayyukan gwamnatin Tinubu zuwa ga jama’a a faɗin Arewa.

Barau ya bayyana cewa babban ƙalubalen da ake fuskanta shi ne rashin isassun tsare-tsaren da za su kai saƙon gwamnati zuwa ga al’umma, yana mai cewa A4A za ta taimaka wajen bayyana manufofi da ayyukan gwamnatin da kuma yaƙi da yaɗa bayanan da ba su dace ba ta hanyar amfani da sahihan bayanai.

Shi ma shugaban jam’iyyar APC na ƙasa, Farfesa Nentawe Yilwatda, ya gabatar da ƙudirin kira ga Arewa da ta goyi bayan sake zaɓen tikitin Tinubu da Shettima a 2027.

Ya danganta goyon bayan da ake samu da salon shugabancin Shettima mai bai wa kowa dama, tare da ayyukan raya ƙasa da gwamnatin ta aiwatar da kuma naɗa ’yan Arewa a muƙaman gwamnati.

A nasa ɓangaren, Sakataren Gwamnatin Tarayya, Sanata George Akume, ya ce ya k**ata Arewa ta yi amfani da hujjoji da hikima wajen yanke matsayinta kan zaɓen 2027, ba wai ta dogara da ra’ayin zuciya kawai ba.

Gwamnan Kano, Abba Kabir Yusuf, wanda ya yi magana a madadin gwamnonin Arewa, ya bayyana cewa yankin zai goyi bayan sake zaɓen Tinubu da Shettima bisa la’akari da ayyukan da gwamnatin ta gudanar.

A nasa jawabin, Darakta-Janar na A4A kuma tsohon gwamnan Jihar Jigawa, Abubakar Mohammed Badaru, ya ce kafa ƙungiyar ya samo asali ne daga imanin cewa Shugaba Tinubu da mataimakinsa sun cancanci a sake ba su dama.

Ya tabbatar da cewa ƙungiyar za ta faɗaɗa ayyukanta zuwa sassa daban-daban na Arewa domin isar da saƙon ci gaba da kuma ci gaba da ayyukan da gwamnatin ta fara.

Taron ya samu halartar ’yan Majalisar Tarayya, ministoci, masu taimaka wa shugaban ƙasa, shugabannin hukumomin gwamnati, tsofaffin gwamnoni da sauran manyan jiga-jigan siyasa daga Arewa.

17/10/2026

Yan takarar gwamna da shugabannin jam'iyya a matakin jihohi na jam'iyyar Democratic League Alliance (DLA) sun bayyana goyon bayansu ga Shugaban ƙasa Bola Ahmed Tinubu a zaɓe mai zuwa.

Yan takara da ciyamomin ƙarƙashin jagorancin ɗan takarar gwamnan jihar Taraba Hon Aboki Bayanga sun bayyana gamsuwa da salon mulkin Shugaban ƙasa Tinubu wanda s**a ce ɗan kishin Najeriya ne.

Jagororin jam'iyyar ta DLA sun bayyana aniyarsu ta aiki da ƙungiyar Arewa for Asiwaju domin yaɗa manufofin shugaban ƙasa Tinubu da shiga yaƙin neman zaben sa a karo na biyu.

17/10/2026

Ministan Yaɗa Labarai da Wayar da Kai, Mohammed Idris, wanda ya taɓa zama Shugaban Hukumar Gudanarwa na Kamfanin Bunƙasa Samar da Gidaje na Abuja (Abuja Property Development Company - APDC), ya halarci bikin cika shekaru 20 na kamfanin da aka gudanar a Abuja ranar Juma’a, 16 ga Oktoba, 2026, inda aka karrama shi da lambar yabo,

Ministan ya yaba wa kamfanin bisa gagarumin ci gaba da nasarorin da ya samu cikin shekaru 20 da s**a gabata.

16/10/2026

“Ku Ceto Dukkan Wadanda Aka Sace Tare Da Tarwatsa Dukkan Sansanonin ’Yan Ta’adda” – Tinubu ga Hafsoshin Tsaro

Shugaban Ƙasa Bola Ahmed Tinubu ya umarci hafsoshin tsaron Najeriya da su ƙara ƙaimi wajen ceto dukkan ’yan ƙasar da ke hannun ’yan ta’adda, ’yan bindiga da masu garkuwa da mutane, tare da tarwatsa dukkan sansanoni da masu aikata laifuka ke amfani da su a faɗin ƙasar.

Ministan Tsaro, Janar Christopher Musa mai ritaya, ne ya bayyana hakan ga manema labarai a ranar Alhamis, bayan kammala taron tsaro da Shugaba Tinubu ya jagoranta a Fadar Shugaban Ƙasa da ke Abuja. Ya ce taron, wanda ya ɗauki sama da sa’o’i uku, ya tattauna halin tsaro a ƙasar da kuma shirye-shiryen babban zaɓen 2027.

A cewar Musa, Shugaban Ƙasar ya jaddada cewa ba za a amince da kasancewar wani sansanin ’yan ta’adda ko ’yan bindiga a ko’ina cikin Najeriya ba. Ya ce an umarci hukumomin tsaro da su haɗa ƙarfi wajen fatattakar masu aikata laifuka da ceto waɗanda aka yi garkuwa da su, musamman a jihohin da ke fama da matsalolin tsaro.

Haka kuma, Tinubu ya umarci jami’an tsaro da su tabbatar da gudanar da zaɓen 2027 cikin lumana, adalci da gaskiya, ba tare da nuna goyon baya ga wata jam’iyyar siyasa ba. Ministan ya ce Shugaban Ƙasar ya yi gargaɗi kan tsoratar da masu kaɗa ƙuri’a ko amfani da jami’an tsaro wajen yi wa wata jam’iyya alfarma, yana mai tabbatar wa ’yan Najeriya cewa za su samu cikakken tsaro domin zaɓar duk wanda suke so.

A wani ɓangare kuma, Musa ya bayyana cewa nan ba da jimawa ba Shugaba Tinubu zai ƙaddamar da sabbin jiragen yaƙi da masu saukar ungulu kimanin guda 10 da gwamnatin ta saya domin ƙarfafa ayyukan rundunar soji. Ya ƙara da cewa gwamnati na ɗaukar ƙarin jami’ai, inganta horo da kayan aiki, tare da duba walwalar jami’an tsaro da waɗanda s**a yi ritaya. Ministan ya kuma buƙaci ’yan Najeriya su riƙa bai wa hukumomin tsaro sahihan bayanai domin taimakawa wajen yaƙi da ta’addanci.

15/10/2026

Yola ta Dauki Dumi Yayin Da Dubban Magoya Bayan Tinubu S**a Gudanar Gangamin ‘Tinubu Must Go Again 2027’ a Jihar Atiku

Gangamin Tinubu Must Go Again 2027 (TMGA 2027) ya gudanar da gangami a birnin Yola, jihar Adamawa, ranar Alhamis, domin neman goyon bayan sake zaɓen Shugaba Bola Ahmed Tinubu a 2027, inda masu shirya taron s**a bayyana yawan jama'ar da s**a halarta a matsayin alamar goyon bayan da shugaban ke da shi a Arewa maso Gabas.

Taron, wanda aka gudanar a Lamido Cinema da ke Yola, ya samu halartar magoya baya da wakilai daga jihohi shida na Arewa maso Gabas. Masu shirya gangamin sun ce taron na daga cikin ƙoƙarin mayar da martani ga ra'ayoyin da ke cewa Shugaba Tinubu ba shi da isasshen goyon baya a Arewacin Najeriya gabanin zaɓen shugaban ƙasa na 2027.

Da yake jawabi a wajen taron, Kodinetan Ƙasa na TMGA 2027, Farfesa Sheriff Almuhajir, ya ce an shirya gangamin ne bisa zabin ƙashin kai domin nuna goyon baya ga shugaban ƙasa da kuma wayar da kan 'yan Najeriya game da manufofin gyaran tattalin arzikin gwamnatinsa.

“Mun zo ne domin sanar da 'yan Najeriya cewa Arewa ta fahimci tarihin ƙasar nan da kuma hanyar da ci gabanta ya bi. Najeriya ta samu ci gabanta ne sak**akon gudummawar shugabanni daga yankuna daban-daban, kuma muna ganin ya k**ata ƙasar ta ci gaba da kasancewa ɗaya,” in ji Almuhajir.

Farfesan, wanda ya ƙware a fannin gudanar da tattalin arziki da harkokin kuɗi, ya buƙaci 'yan Najeriya su yi la'akari da ƙalubalen tattalin arzikin ƙasar a cikin tsarin gyare-gyaren da gwamnatin ke aiwatarwa. Ya ce, a ra'ayin gangamin, ɗaukar matakai masu wahala na iya zama wajibi domin samar da sauyi mai ma'ana da kuma aza harsashin ci gaba mai ɗorewa.

Almuhajir ya kuma yi nuni da gudummawar da Tinubu ya bayar wajen tallafa wa 'yan siyasar Arewa, yana mai cewa shugaban ya taɓa goyon bayan 'yan takara uku daga yankin, biyu daga cikinsu kuma 'yan asalin jihar Adamawa ne. Ya ce hakan na nuna irin goyon bayan da Tinubu ya bai wa burin siyasar shugabanni daga Arewa.

Kodinetan ya bayyana yawan jama'ar da s**a halarci gangamin a matsayin martani ga masu cewa ba za a iya samun gagarumin goyon bayan Tinubu a Arewacin Najeriya ba.

“Dubban matasa maza da mata sun yi tattaki sama da kilomita ɗaya domin nuna goyon bayansu ga gangamin, yayin da jama'a s**a riƙa nuna goyon baya a kan hanya. Mun san shugaban yana da magoya baya a Yola, amma ba mu yi tsammanin irin wannan ɗimbin jama'a ba,” in ji shi.

A nasa jawabin, Sakataren jam'iyyar APC na jihar Adamawa, Mustapha Atiku Ribadu, ya ce dadaddiyar dangantakar siyasa tsakanin Tinubu da jihar, tare da ayyukan ababen more rayuwa na gwamnatin tarayya, na daga cikin dalilan ci gaba da neman goyon bayan al'umma.

“Mun kuduri aniyar tattara kan al'ummarmu domin goyon bayan wa'adinsa na biyu. Za mu zaɓi APC daga sama har ƙasa,” in ji shi.

Shi ma Mataimakin Shugaban APC na jihar Adamawa, Dr Raymond Chidama, wanda ya wakilci shugaban jam'iyyar na jihar, ya gode wa shugabannin gangamin bisa zaɓar Adamawa a matsayin wurin fara wannan shirin wayar da kai da neman goyon baya.

Gangamin ya ce taron Yola wani ɓangare ne na dabarunsa na ƙasa baki ɗaya domin hulɗa da matasa, mata, ƙwararru da shugabannin al'umma gabanin zaɓen 2027, tare da yaɗa saƙon ci gaba, zaman lafiya da wadata a ƙarƙashin gwamnatin Tinubu.

15/10/2026

Tinubu Ya Kaddamar Da Kwamitin Kamfen Na 2027, Ya Bukaci Hadin Kan APC

Shugaban Najeriya, Bola Ahmed Tinubu, ya kaddamar da kwamitin yakin neman zabensa na jam’iyyar APC gabanin babban zaben 2027, inda ya bukaci shugabannin jam’iyyar da mambobin kwamitin su hada kai, su kasance masu jajircewa da kuma mayar da hankali wajen ganin an sake zaben sa karo na biyu. Tinubu ya bayyana hakan ne yayin bikin kaddamar da kwamitin a Cibiyar Taro ta Fadar Shugaban Kasa da ke Abuja, inda ya ce APC a shirye take ta sabunta alkawarinta da ‘yan Najeriya.

Shugaban ya ce nasarar zaben da ya gabata ba za ta wadatar ba har sai jam’iyyar ta sake samun nasara a zaben 2027, yana mai cewa dole ne shugabanni da masu ruwa da tsaki su tabbatar da samun kuri’u a mazabu, kananan hukumomi da jihohinsu. Ya kuma jaddada cewa, duk da yadda kwamitin zai kara kaimi wajen wayar da kan jama’a da neman goyon baya, gwamnatinsa za ta ci gaba da gudanar da ayyukan mulki da kuma aiwatar da manufofin ajandar Renewed Hope.

Mataimakin shugaban kasa, Kashim Shettima, ya yaba da jajircewar Tinubu wajen zurfafa dimokuradiyya, yayin da ya soki tsohon mataimakin shugaban kasa Atiku Abubakar kan kalaman da ya ce suna rage martabar ofishin shugaban kasa. Shettima ya kuma soki dan takarar shugaban kasa na NDC, Peter Obi, bisa zargin amfani da alkaluma marasa inganci da kuma kwatanta Najeriya da wasu kasashe ba tare da la’akari da bambancin yanayinsu ba. A nasa bangaren, shugaban APC na kasa, Farfesa Nentawe Yilwatda, ya ce kwamitin zai gudanar da yakin neman zabe daga mazabu zuwa jihohi, tare da bayyana nasarorin gwamnati da manufofinta ga jama’a.

Gwamnan Imo kuma shugaban kungiyar gwamnonin APC, Hope Uzodimma, ya ce manufofin gwamnatin Tinubu za su taimaka wajen saukaka aikin yakin neman zaben, yana mai yabawa shugaban kan cire tallafin man fetur da sauye-sauyen tsarin musayar kudaden waje da haraji. Ya ce wadannan matakai sun taimaka wajen bunkasar tattalin arzikin Najeriya zuwa kashi 4.43 cikin 100, daga kashi 4.23 cikin 100 a shekarar da ta gabata, duk da cewa sun jawo wasu matsaloli ga jama’a. Uzodimma ya ce yakin neman zaben zai mayar da hankali kan manufofi da nasarorin da aka samu.

Gwamnan Osun, Ademola Adeleke, Gwamnan Anambra, Charles Soludo, da Ministan Babban Birnin Tarayya Abuja, Nyesom Wike, sun bayyana goyon bayansu ga sake zaben Tinubu a 2027. Wike, wanda ya fito daga PDP, ya ce yana goyon bayan shugaban ne saboda jajircewarsa wajen fuskantar matsalolin da gwamnatocin baya s**a kasa magancewa. Shugaban Majalisar Dattawa, Godswill Akpabio, Kakakin Majalisar Wakilai, Tajudeen Abbas, da wasu manyan jiga-jigan kasa su ma sun bukaci ‘yan Najeriya su marawa Tinubu baya domin ya kammala ayyukan da ya fara.

13/10/2026

Ministan Yaɗa Labarai ya kare rangwamen farashin mai na NNPC, ya ce sauye-sauyen tattalin arziki za su samar da wadata

Ministan Yaɗa Labarai da Wayar da Kan Al'umma, Alhaji Mohammed Idris, ya kare sauye-sauyen tattalin arziki da Gwamnatin Tarayya take aiwatarwa, da kuma shirin kamfanin man fetur na ƙasa, NNPC Ltd., na bayar da rangwamen farashin fetur na tsawon kwanaki 30, yana mai jaddada cewa manufar matakin ita ce rage wa ’yan Nijeriya raɗaɗin hauhawar farashin mai ne, ba wai komawa tsarin tallafin man fetur ba.

Idris ya bayyana hakan ne a ranar Litinin, yayin wata tattaunawa da manyan editocin jaridu da masu gabatar da shirye-shiryen gidajen talbijin da rediyo a Abuja, inda ya amsa tambayoyi kan tsadar rayuwa, alaƙar gwamnati da ƙungiyoyin ƙwadago, wadatar abinci, ababen more rayuwa, tsaro, cin gashin kan ƙananan hukumomi da ’yancin aikin jarida.

Da yake bayanin shirin rangwamen farashin fetur, ministan ya ce kamfanin NNPC ya yanke shawarar yin watsi da wani ɓangare na ribar da yake samu ne domin rage wa ’yan Nijeriya nauyin tsadar mai sak**akon hauhawar farashin mak**ashi a kasuwannin duniya.

Ya ce: “NNPC ya duba lamarin, sai ya ce, ‘To, muna samun wannan adadin riba. Me ya sa ba za mu rage wani ɓangare na ribar da muke samu ba domin ’yan Nijeriya su samu wani irin sauƙi?’”

Ministan ya jaddada cewa shirin ba ya nufin dawo da tallafin man fetur, illa dai wani mataki ne na wucin-gadi da aka ɗauka domin rage wa jama'a nauyin tsadar rayuwa.

Ministan ya amince da cewa ’yan Nijeriya suna fuskantar matsalolin tattalin arziki, yana mai cewa dole ne sauye-sauyen da gwamnati ke aiwatarwa su haifar da ingantuwar rayuwar al’umma a zahiri.

Ya bayyana raguwar hauhawar farashi, ƙaruwa da ajiyar kuɗaɗen waje da kuma bunƙasar kuɗaɗen da ake samu daga fitar da kayayyakin da ba na mai ba zuwa ƙasashen waje a matsayin wasu alamomin samun cigaba.

Sai dai ya ce akwai buƙatar tabbatar da cewa talakawa da sauran jama'ar ƙasa sun amfana da wannan farfaɗowar tattalin arzikin.

Ya ce: “Babban aikin mu a yanzu shi ne tabbatar da cewa wannan farfaɗowar tattalin arzikin da ake gani a manyan ma’aunai ta ƙara bayyana a rayuwar yau da kullum da kuma gidajen ’yan Nijeriya.”

Game da alaƙar gwamnati da ƙungiyoyin ƙwadago da kuma tsadar rayuwa, ministan ya nuna tabbacin cewa Gwamnatin Tarayya da ƙungiyoyin ƙwadago za su warware matsalolin da s**a rage ta hanyar tattaunawa.

Ya tuna da matsayar Shugaba Bola Ahmed Tinubu cewa ana iya yin bitar tsarin mafi ƙarancin albashi duk bayan shekaru uku maimakon shekaru biyar.

Dangane da cin gashin kan ƙananan hukumomi ta fuskar kuɗi, Idris ya sake tabbatar da aniyar gwamnatin wajen aiwatar da tsarin, yana mai cewa ana ci gaba da tattaunawa da masu ruwa da tsaki domin shawo kan matsalolin aiwatar da shi da kuma tabbatar da ingantacciyar tafiyar da tsarin.

Kan batun wadatar abinci, ministan ya ce gwamnati tana tallafa wa noman cikin gida tare da ƙoƙarin ƙarfafa ma’ajiyar abinci ta ƙasa domin inganta samuwar abinci da sauƙaƙa farashin sa.

Ya buƙaci ’yan kasuwa da su guji tara kayan abinci domin riƙe su da kuma yin duk wani abu da zai haifar da ƙarancin abinci na ƙarya, yana mai cewa wajibi ne kowa ya taka rawa wajen tabbatar da samun abinci cikin sauƙi.

“Gwamnati za ta iya samar da abubuwan da za su ba ’yan Nijeriya sauƙi, amma a ƙarshe, ya rage ga ’yan Nijeriya su ma su goyi bayan abin da gwamnati ke yi,” inji shi.

Idris ya kare ayyukan gina hanyoyin da Gwamnatin Tarayya take gudanarwa, yana mai cewa an tsara su ne domin inganta zirga-zirga, sauƙaƙa kasuwanci, tallafa wa harkokin noma da buɗe sababbin hanyoyin bunƙasa tattalin arziki.

Ya ce: “Ba a gyara hanyoyi saboda za a yi zaɓe ba. Muna gyara hanyoyi ne domin ’yan Nijeriya su samu damar yin amfani da su, su haɗa birane da juna, tare da samar da hanyoyin bunƙasa tattalin arziki da za su bai wa kasuwanci damar bunƙasa.”

A kan batun tsaro, ministan ya bayyana cewa an ƙara yawan rundunonin sojojin da ke gudanar da ayyukan soja daga takwas zuwa 12, tare da inganta tallafin da ake bai wa jami’an tsaro.

Ya amince da cewa har yanzu ƙasar nan tana fuskantar manyan ƙalubalen tsaro, amma ya sake jaddada aniyar gwamnati ta ƙarfafa tsarin tsaro da kare rayuka da dukiyoyin al’umma.

Da yake mayar da martani kan damuwar da aka nuna game da ’yancin aikin jarida da rahotannin k**a mutanen da ke bayyana ra’ayoyin su na siyasa, Idris ya ce bai san da wani umurni da Shugaba Tinubu ya bayar na danne kafafen yaɗa labarai ba.

Sai dai ya yi alƙawarin neman ƙarin bayani kan tak**aiman abubuwan da ’yan jaridar s**a gabatar yayin tattaunawar.

Ministan ya buƙaci kafafen yaɗa labarai da su kiyaye ƙa’idojin aikin jarida, su tabbatar da sahihancin bayanai kafin yaɗa su, sannan su guji kanun labarai masu ruɗarwa ko ƙara gishiri a cikin labari.

Ya jaddada cewa ’yancin aikin jarida dole ne ya kasance tare da ɗaukar nauyin da ke tattare da shi.

“’Yancin aikin jarida ba wani abu ba ne da yake rataye shi kaɗai a sararin samaniya. Akwai wani abu da yake tare da shi, wato nauyin da ke kan waɗanda suke amfani da wannan ’yanci,” inji shi.

Idris ya yaba wa kafafen yaɗa labaran da s**a halarci taron bisa yadda s**a shiga tattaunawar, yana mai bayyana shirin sa na ci gaba da irin wannan zaman, mai yiwuwa a kowane mako biyu.

Ya ce gudanar da tattaunawar a kai a kai zai ƙarfafa sadarwa tsakanin Gwamnatin Tarayya da kafafen yaɗa labarai, tare da samar da damar fayyace manufofin gwamnati da tattauna batutuwan ƙasa da ke tasowa.

13/10/2026

Shettima ga Arewa: Kada ku damu, babu abin tsoro a wa’adin Shugaba Tinubu na biyu

• Mataimakin Shugaban Ƙasa ya buƙaci ‘yan Arewa su haɗa kai domin sake zaɓen Tinubu a 2027, yayin da A4A ta tabbatar da goyon bayanta ga takarar

Mataimakin Shugaban Ƙasa, Sanata Kashim Shettima, ya bayyana cewa babu wani dalilin da zai sa Arewa ta ji tsoron sake zaɓen Shugaba Bola Ahmed Tinubu a karo na biyu, yana mai cewa yankin ya amfana sosai da gwamnatinsa, kuma akwai sauran alherin da zai samu idan aka sake zaɓenta a zaɓen 2027.

Shettima ya bayyana hakan ne ranar Litinin, 12 ga Oktoba, 2026, lokacin da ya karɓi tawagar ƙungiyar Arewa for Asiwaju (A4A), wata cibiya da ke aiki domin ganin an sake zaɓen Shugaba Tinubu a wa’adi na biyu, a ziyarar ban-girma da ta kai masa fadar shugaban ƙasa da ke Abuja.

Ya yi kira ga shugabanni da al’ummar Arewa da su haɗa kai su zama tsintsiya madaurinki ɗaya wajen neman ci gaban yankin da inganta rayuwar al’ummarsa, yana mai cewa waɗannan na daga cikin manyan abubuwan da gwamnatin Tinubu ta sa a gaba.

A cewarsa, Arewa ta samu wakilci da dama a muƙaman gwamnati, tare da ayyukan raya ƙasa da shirye-shiryen da s**a shafi tattalin arziƙi da jin daɗin jama’a.

Mataimakin Shugaban Ƙasar ya ce: “Mu haɗa kai a matsayin al’umma, mu yi aiki domin ci gaban yankinmu da ci gaban jama’armu ta hanyar sake zaɓen wannan gwamnati. Muna amfana, kuma muna da damar ci gaba da amfana da wannan gwamnati ta hanyoyi da dama.

“Bankin Noma ya bayar da lamunin Naira biliyan 450 ga manoma ƙanana 700,000 a Najeriya, kuma kusan kashi 70 cikin 100 na waɗanda s**a amfana ‘yan Arewa ne.

“Gwamnatin yanzu tana ƙoƙarin kammala manyan ayyukan raya ƙasa a sassa daban-daban na ƙasar nan. Ina tabbatar muku cewa Shugaban Ƙasa yana ƙaunar Arewa, kuma zai yi aiki domin Arewa.”

Shettima ya gode wa shugabannin A4A bisa goyon bayan da suke bai wa Shugaba Tinubu, sannan ya buƙace su da su ƙara himma wajen wayar da kan jama’a da tattara goyon baya a matakin ƙananan hukumomi, mazabu da al’ummomi daban-daban a faɗin Arewa.

Darakta-Janar na A4A, tsohon Gwamnan Jihar Jigawa, Malam Abubakar Badaru, ya bayyana cewa ƙungiyar ba za ta yi ƙasa a gwiwa ba har sai ta cimma burinta na ganin Arewa ta taka rawar gani wajen sake zaɓen Shugaba Tinubu a 2027.

Badaru ya ce ƙungiyar na shirin tattaunawa da shugabannin addinai, ciki har da malaman Musulunci da na Kiristanci, da sauran fitattun ‘yan Najeriya domin bayyana musu dalilan da s**a sa take ganin ya dace a sake zaɓen tikitin Tinubu da Shettima.

Ya ce: “Dangane da tattaunawa da manyan mutane, mun yi nisa sosai. Mun sha ganawa da su, kuma kwamitin amintattu zai sake ganawa da su domin ƙarfafa nasarorin da muka samu da kuma bayyana dalilin da ya sa ya k**ata a goyi bayan wannan tikiti.

“Muna kuma tallafa wa Kwamitin Yaƙin Neman Zaɓen Shugaban Ƙasa (PCC) a dukkan ƙananan ayyukan da suke buƙatar mu yi, domin su babban tsari ne. Mu kuma muna son mayar da hankali sosai kan hulɗa da jama’a a matakin tushe, wato ƙananan hukumomi da mazabu.”

Shi ma Shugaban Kwamitin Amintattu na A4A, tsohon Gwamnan Jihar Kano, Sanata Ibrahim Shekarau, ya ce ƙungiyar, wadda ta taka rawa wajen neman zaɓen Tinubu a 2023, tana da niyyar sake yin irin wannan ƙoƙari a zaɓen 2027.

Shekarau ya bayyana cewa ƙungiyar ta gudanar da tarurruka da gwamnonin Arewa da sauran masu ruwa da tsaki domin musayar ra’ayi da tsara hanyoyin haɗin gwiwa da za su taimaka wajen cimma manufar sake zaɓen Shugaban Ƙasa.

Ya kuma ce A4A ta kammala shirye-shiryen samar da cikakken sakatariya domin inganta ayyukanta da daidaita harkokin ƙungiyar.

A cewarsa, sakatariyar za ta ƙunshi ofisoshin daraktoci, yayin da masu kula da jihohi za su riƙa gabatar da rahotanni, nazarinsu da karɓar umarnin gudanar da ayyuka.

Shekarau ya kuma gayyaci Mataimakin Shugaban Ƙasa, Sanata Kashim Shettima, domin ya ƙaddamar da sabon ginin ofishin A4A a hukumance ranar Asabar, 17 ga Oktoba, 2027.

Daga cikin waɗanda s**a halarci taron akwai tsoffin gwamnonin Jihar Filato, Cif Joshua Dariye da Sanata Simon Lalong; tsohon Gwamnan Taraba, Rev. Jolly Nyame; tsohon Gwamnan Kogi, Alhaji Yahaya Bello; tsohon Gwamnan Katsina, Barista Ibrahim Shehu Shema; tsohon Gwamnan Bauchi, Malam Isa Yuguda; Mai Bai wa Shugaban Ƙasa Shawara kan Manufofi da Tsare-tsare, Hajiya Hadiza Bala Usman; da Shugaban Hukumar Yaƙi da Sha da Fataucin Miyagun Ƙwayoyi ta Ƙasa (NDLEA), Birgediya Janar Buba Marwa mai ritaya.

Haka kuma, taron ya samu halartar wasu manyan jami’an gwamnati, da mambobin Kwamitin Amintattu da sakatariyar ƙungiyar A4A.

12/10/2026

Idris na so 'yan jaridar intanet su riƙa tabbatar da sahihancin labari kafin su yaɗa shi

* Masu rubutun intanet na Jihar Neja sun yi alƙawarin gudanar da aikin jarida mai nagarta da kare muradun ƙasa

Ministan Yaɗa Labarai da Wayar da Kan Al'umma, Alhaji Mohammed Idris, ya yi kira ga masu rubutun intanet da sauran ma'aikatan kafafen yaɗa labarai na zamani a Nijeriya da su tabbatar da sahihancin labari kafin su wallafa ko yaɗa shi, musamman ganin yadda shafukan sada zumunta s**a sa kusan kowane mai wayar salula ta zamani zai iya zama ɗan jarida, edita kuma mawallafin labarai.

Idris ya yi wannan kiran ne a wani taron kwana ɗaya da aka gudanar a Abuja, wanda Ƙungiyar Masu Rubutun Intanet, Masu Wallafa Labarai a Intanet da Masu Samar da Abubuwan Yaɗa Labarai ta Jihar Neja (Niger Bloggers, Online Publishers and Content Developers Group) ta shirya, a ƙarƙashin taken: "Nijeriya Farko, Kafin Komai."

Ministan Yaɗa Labarai da Wayar da Kan Al'umma, Mohammed Idris, ɗin ne ya karɓi baƙuncin taron, wanda Yahaya Mohammed Usman da Nurudeen Isiyaku Daza s**a kira.

A jawabin sa, ministan ya jaddada buƙatar tsare gaskiya, ƙwarewa da la'akari da muradun ƙasa wajen yanke shawarwari na edita, yana mai cewa tsarin kafafen yaɗa labarai na gargajiya yana da hanyoyin tantance labarai da ke tabbatar da sahihancin bayanan da ake wallafawa.

Ya yi kira ga 'yan Nijeriya da su goyi bayan sauye-sauyen da gwamnatin Shugaba Bola Ahmed Tinubu take aiwatarwa, yana mai jaddada muhimmancin haɗin kai wajen cigaban ƙasa.

Idris ya yi alƙawarin ci gaba da yin tarurruka a kowace kwata ta shekara tare da masu rubutun intanet, mawallafa labarai a intanet da masu samar da abubuwan yaɗa labarai na Jihar Neja, tare da alƙawarin mayar da tarurrukan na gaba na kwana biyu domin samar da ƙarin damar bunƙasa ƙwarewa, musayar ilimi da halartar mutane da yawa.

Tun da farko, babban baƙo mai gabatar da jawabi a taron, Dakta Yunusa Umar, wanda ƙwararre ne a harkokin ƙasashen waje da nazarin yankuna daga Jami'ar Nazarin Harsunan Waje ta Beijing da ke ƙasar Chaina, ya yi kira ga 'yan Nijeriya da su guji yaɗa munanan labarai game da ƙasar su saboda fushi ko takaici.

Umar ya jaddada muhimmancin kishin ƙasa da sadarwa mai nagarta, yana mai gargaɗin cewa labaran ƙarya ko na kushe Nijeriya suna iya ɓata mata suna a idon duniya.

Yayin da yake bayar da labarin abin da ya same shi shi kan sa, ya bayyana cewa an taɓa hana shi biza ta zuwa wata ƙasa, wanda ya danganta da munanan labarai game da Nijeriya da ke yawo a soshiyal midiya a lokacin.

Ya kuma kwatanta 'yancin faɗin albarkacin baki da ake da shi a Nijeriya da takunkumin da aka ƙaƙaba wa wasu ƙasashe, ciki har da Chaina, yana mai cewa ya k**ata 'yan Nijeriya su yi amfani da haƙƙin su cikin nagarta tare da yin la'akari da illolin kalaman da suke yi a bainar jama'a.

A saƙon fatan alheri da ya gabatar, Babban Mataimaki na Musamman ga Shugaban Ƙasa kan Kafafen Yaɗa Labarai da Wayar da Kan Jama'a, Malam Abdulaziz Abdulaziz, ya yi kira ga ma'aikatan yaɗa labarai da su kiyaye gaskiya, adalci, ƙwarewa da ɗa'ar aikin jarida.

Abdulaziz ya amince da haƙƙin 'yan ƙasa na kundin tsarin mulki na s**ar manufofin gwamnati da jami'an ta, to amma ya jaddada cewa ya k**ata irin wannan s**a ta kasance mai ma'ana, mai tushe da tsare gaskiya, kuma ta dace da muradun ƙasa.

A ƙarshen taron, masu rubutun intanet, mawallafa labarai a intanet da masu samar da abubuwan yaɗa labarai daga Jihar Neja ɗin sun sha alwashin za su inganta aikin jarida mai nagarta, bayar da rahoto bisa gaskiya da kare muradun Nijeriya, tare da amfani da haƙƙin su na kundin tsarin mulki na tuhumar jami'an gwamnati.

Bugu da ƙari, mahalartan sun amince da ƙudirori da s**a ɗaura ɗamarar kiyaye mafi girman matsayin aikin jarida, ɗa'a da mu'amala mai nagarta da jama'a.

Sun kuma sake jaddada alƙawarin su na nuna Nijeriya ta hanya mai kyau tare da tuhumar jami'an gwamnati ta hanyar bayar da rahoto bisa gaskiya da s**a mai ma'ana.

Mahalarta taron sun gode wa Idris saboda ɗaukar nauyin taron da kuma ci gaba da tarurruka da ma'aikatan kafafen yaɗa labarai na zamani na Jihar Neja.

Sun kuma yaba wa Abdulaziz saboda gudunmawar da ya bayar a tattaunawar kan aikin jarida mai nagarta da cigaban ƙasa.

Kungiyar ta kuma yi alƙawarin amfani da ilimin da ta samu a wajen taron domin inganta kishin ƙasa, bunƙasa ƙwarewar aiki da amfani da kafafen yaɗa labarai na zamani cikin nagarta.

Northeast Online News 24

17/10/2026

17/10/2026

17/10/2026

17/10/2026

16/10/2026

15/10/2026

15/10/2026

13/10/2026

13/10/2026

12/10/2026

Address

Website

Alerts

Shortcuts

Share

Listing takedown request