Gamayyar kungiyoyin kauragoje

18/09/2026

GAGARUMIN AIKIN DA KE GABAN MASU KISHIN KAURA-GOJE NA HAƘIƘA

Babu shakka, akwai gagarumin aiki da ke gaban dukkan masu kishin Kaura-Goje na haƙiƙa. Wannan aiki ba na mutum ɗaya ba ne, ba na wata ƙungiya ɗaya ba ne, kuma ba na wata jam’iyya ba ne; aiki ne na dukkan masu son ganin mazabar Kaura-Goje ta samu ci gaba.

Muna kira ga ƙungiyoyin ci gaban al’umma da masu kishin Kaura-Goje daga Gidan Ruwa, Rafin Sale, Damba, Kuka Uku, Danfili, Mangwaran Shata, Shinge, Kwana Hudu, Kwanar Jaba, Kuka Ɗaya, PRP, Gadar Sale, Kaura-Goje Central, Ashana, Magwabza, Yankwalla, Isra da sauran yankuna da unguwannin Kaura-Goje da kewaye da su ƙara haɗa kai wajen wayar da kan al’ummarmu kan muhimmancin kishin mazaba da neman hakkokinmu na ci gaba.

Abin takaici ne yadda wasu muhimman abubuwan more rayuwa kamar hanyoyi, magudanan ruwa, ilimi, lafiya, ruwan sha, hasken wuta da sauran abubuwan ci gaban al’umma suke ci gaba da fuskantar ƙalubale a wasu sassan mazabar.
Wani abin takaici kuma shi ne yadda ake mantawa da mazabar sai lokacin neman ƙuri’a, inda ake kawo alkawura ko wasu ayyuka a ƙarshen wa’adin mulki, sannan a nemi ƙarin dama a karo na gaba.

Ya ku ’yan gwagwarmayar kwato haƙƙin mazabar Kaura-Goje, wajibinmu ne mu ci gaba da tsayawa tsayin daka wajen neman ci gaban mazabarmu ta hanyar lumana, wayar da kai da kuma shiga harkokin zaɓe yadda ya kamata.
Lokacin zaɓe, mu yi amfani da ƙuri’armu cikin hikima da sanin ya kamata, ba tare da nuna wariya saboda jam’iyya, ƙabila, yanki ko wani bambanci ba. Mu duba cancanta, tarihin aiki, amana da abin da ɗan takara ko wakili ya tsaya kai da fata wajen yi wa al’umma.

Mu daina barin mata, matasa da 'yan jagaliya kaɗai a runfunan zaɓe. Ya dace malamai, masana , iyaye, dattawa da sauran masu ruwa da tsaki su shiga cikin harkokin zaɓe cikin lumana domin a samu shugabanci da wakilci da zai mayar da hankali kan ci gaban Kaura-Goje.

Kaura-Goje tamu ce baki ɗaya. Ci gabanta nauyinmu ne baki ɗaya. Haɗin kanmu shi ne ƙarfinmu.
Allah Ya haɗa kan al’ummar Kaura-Goje, Ya ba mu shugabanni nagari masu kishin al’umma, Ya kuma ba mu ikon ganin ci gaban mazabarmu. Amin.

M. Alkanawy

16/09/2026

Cikin abubuwan da ke ci wa masu rajin cigaban mazabarmu ta Kaura-Goje tuwo a ƙwarya, akwai yadda wasu zababbun wakilanmu da ke wakiltarmu tun daga Majalisar Jiha da ta Tarayya, zuwa Gwamnatin Jiha da ta Tarayya, har ma da ƙaramar hukuma, suke yin sakaci da wasu muhimman abubuwan da s**a shafi rayuwar al’ummarmu.

Abubuwan more rayuwa kamar hanyoyi, samar da fitilu, ruwan sha, inganta ilimi, lafiya, samar da ayyukan yi da kuma kyautata makomar al’umma—musamman matasa—sun cancanci kulawa ta musamman.

Abin takaici ne yadda wasu daga cikin matasanmu suke fadawa cikin tsananin kishin layin siyasa, har su manta da muhimman abubuwan da s**a shafi rayuwarsu da makomarsu. A wasu lokutan ma, wasu matasa kan bar sana’o’insu ko ayyukan da suke dogaro da su, saboda kawai bin harkokin siyasa ba tare da kyakkyawan tsarin makoma ba.

Ya kamata mu fahimci cewa siyasa hanya ce ta hidimar al’umma, ba sana’ar da za ta maye gurbin ilimi, sana’a da dogaro da kai ba. Ya kamata matasa su shiga siyasa cikin fahimta da sanin ya kamata, tare da ci gaba da neman ilimi, koyon sana’o’i da gina makomar kansu.

Muna kira ga dukkan zababbun wakilanmu da su kara mayar da hankali kan bukatun al’ummar Kaura-Goje, su saurari koke-koken jama’a, su kuma yi amfani da damar da Allah Ya ba su wajen samar da ayyukan da za su amfani al’umma baki ɗaya.

Haka kuma, muna kira ga matasanmu da su kasance masu hangen nesa. Kada bambancin siyasa ya raba mu da juna ko ya hana mu neman abin da zai amfani mazabarmu. Mu rika tafiya kafada da kafada, mu mutunta juna, mu nemi cigaban Kaura-Goje, domin cigaban al’umma ya fi kowace ƙungiya ko jam’iyya muhimmanci.

Kaura-Goje tamu ce baki ɗaya, kuma makomarta alhakinmu ne baki ɗaya.

Masud alkanawy

10/08/2026

GAMMAYAR ƘUNGIYOYIN ƘAURA GOJE

SANARWAR TARON WATA-WATA

A madadin Shugaban Gammayar Ƙungiyoyin Ƙaura Goje, ana sanar da ’yan Gwagwarmaya cewa za a gudanar da taron wata-wata da Gamayya ta saba shiryawa a tsakiyar kowane wata.

Saboda haka, ana sanar da ku cewa akwai taron watan Agusta na shekarar 2026, kamar haka:

📅 Rana: Laraba, 12 ga Agusta, 2026
🕰️ Lokaci: 8:30 na dare, bayan Sallar Isha’i
📍 Wuri: Masallacin Ammani, titin zuwa Kwana Huɗu, garin Ƙaura Goje, Nassarawa, Kano State, Nigeria.

MUHIMMIYAR SANARWA

Lallai ana kira ga dukkan ’yan Gammayar Ƙungiyoyin Ƙaura Goje da su halarci wannan muhimmin taro, domin muhimmancinsa ga ci gaban Gamayya.

SANARWA DAGA:

Hassan Bashir Adam (Boda)
PRO, Gammayar Ƙungiyoyin Ƙaura Goje

26/07/2026

MU FIFITA HAƊIN KAI DA CI GABAN KAURA GOJE

Haɗin kai, ƙaunar juna, tafiya kafaɗa da kafaɗa, yafiya, uzuri, tunatarwa da bayar da shawara cikin hikima su ne ginshiƙan zaman lafiya da ci gaban kowace al'umma. A ganina, wannan shi ne tafarki Sirāɗal Mustaqīm da zai kai mazabarmu ta Kaura Goje ga ci gaba mai ɗorewa.

Dangane da batun ɗan'uwanmu Barista Abba Gidan Wanki, Da maigirma zababban chairman na nassarawa na Neman SAUYAWA GA MANUFARMU TA CIGABAN KAURA GOJE. ina kira ga kowa da ya nutsu tare da kauce wa furucin da zai iya haddasa rabuwar kai. A wannan lokaci, akwai masu son amfani da wannan batu domin rura wutar fitina da cimma wasu muradu na kansu.

Saboda haka, ina kira ga iyayenmu, malamai, shugabannin al'umma da duk masu ruwa da tsaki da su shiga tsakani cikin hikima da adalci, domin a magance duk wata matsala cikin lumana.
Mu tuna cewa dukkan bangarorin 'ya'yan Kaura Goje ne, kuma abin da ya kamata mu fi mayar da hankali a kai shi ne zaman lafiya, haɗin kai da ci gaban mazabarmu.

Kada mu bari sabani ya raba mu. Mu haɗa kai, mu gina juna, mu tallafa wa duk wani abu da zai kawo ci gaba ga Kaura Goje.

Allah Ya haɗa zukatanmu, Ya kare mazabarmu daga fitina, Ya ba mu zaman lafiya da ci gaba mai albarka. Āmīn.

Masud Yau haruna

06/07/2026

A KOKARIN DA WANNAN KUNGIYA TA GAMAYYAR KUNGIYOYIN KAURA GOJE 53 KEYI NA TALLAFAWA HARKAR ILIMI KARKASHIN KULAWAR MALAM BALA ISA (HEAD MASTER CIKIN IKON ALLAH A KARSHEN WANNAN ZANGON KARATUN TA SAMAR DA LITTATAFAI MASU TARIN YAWA WANDA ZATA RABA SU GA MAKARANTU DOMIN CIGABAN HARKAR ILIMI A WANNAN MAZABA TAMU MAI ALBARKA MUNA FATAN ALLAH YA KARA DAUKA KA WANNAN KUNGIYA. A KARSHE SHUGABAN WANNAN KUNGIYA MALAM BALA ISA YAYI KIRA GA DUK WANI WANDA YAKE SHA AWAR BADA TASA GUDUNMAWA A WANNAN AIKI KOFA A BUDE TAKE KAI TSAYE KUNGIYA BATA BUKATAR KUDIN SA ZATA IYA BASHI SOFTIMAGE NA WANNAN LITTAFI YA BAYAR A BUGA MASA YA KAWO WA KUNGIYA KO TA HADA SHI DA WANDA YAYI WANNAN AIKI KAI TSAYE
MUNA GODIYA DA GOYON BAYAN KU

Sing by
P.R.O Hassan Bashir Adam Boda
MEDIA DIRECTOR Badaru Bashir Ahmad
SPEAKER Abdurrahman Sabo Usman

04/07/2026

Ƙaura goje
ina 'yan gwagwarmaya?

ina son a amsamin wannan kirari

03/07/2026

02/07/2026

Saƙon taya murna

16/06/2026

13/06/2026

🕌 SANARWAR TARON WATA-WATA 🕌

GAMAYYAR ƘUNGIYOYIN ƘAURA GOJE

A madadin Gamayyar Ƙungiyoyin Ƙaura Goje, muna sanar da kafatanin membobin gamayya da kuma masu ruwa da tsaki cewa za a gudanar da taron wata-wata da aka saba yi domin tattauna hanyoyin cigaba da bunƙasa al'ummar mazaɓar Ƙaura Goje.

Za a gudanar da taron kamar haka:

📅 Rana: Laraba, 17 ga Yuni, 2026

🕣 Lokaci: Karfe 8:30 na dare, bayan Sallar Isha'i

📍 Wuri: Masallacin Alhaji Ammani, Titin Kwana Huɗu Isra, Gama "C", Jihar Kano

Muna roƙon Allah Maɗaukakin Sarki Ya ba kowa ikon halarta tare da sanya albarka a cikin taron.

"Hadin kai shi ne ginshiƙin cigaban al'umma."

Sanarwa daga:

Abdurrahman Sabo Usman
Speaker
Gamayyar Ƙungiyoyin Ƙaura Goje