26/04/2026
Assalamu Alaikum jama'ar Bura na reshen Gombi. Ga bayanin taron da aka gudanar a yau Lahadi da misalin karfe hudu na yamma.
An tattauna muhimman batutuwa da dama. Na farko, an tattauna ranar gudanar da taro. Wasu sun ba da shawarar a koma ranar Asabar. Amma bayan tattaunawa, an yanke shawarar cewa za a ci gaba da yin taro a kowace ranar Lahadi kamar yadda aka saba, domin da yawa daga cikin mambobi manoma ne, sannan ana shirin shiga lokacin damina.
Haka kuma, an amince cewa daga yanzu za a rika yin taro sau daya kacal a wata, maimakon sau biyu a wata, domin bai wa kowa damar shiryawa da samun damar halartar taro.
Sannan kuma, saboda lokacin siyasa da ake ciki yanzu, idan akwai wani dan takara daga kowace jam’iyya ko mai neman wani mukami da yake son zuwa ya gaisa da al’ummar Bura ko neman goyon baya, za a ba da lambobin jami’an kungiyar domin a tuntube su. Za a shirya haduwa da jami’an kungiyar domin a tattauna tare da gaisawa.
Haka kuma, duk wani dan Bura da yake neman wani mukami, ana kira ga jama'a da su ba shi cikakken hadin kai da goyon baya.
Wannan shi ne bayanin taron gaba daya. Nagode sosai. Allah ya bada zaman lafiya.
