Qungiyar Gamayyar Makarantun Islamiyya na Daura

15/10/2026

🌹 SAƘON FATAN ALHERI GA IMAM ABDULHADI SA'AD 🌹

Assalamu Alaikum Warahmatullahi Wabarakatuh.

Muna taya babban malaminmu, Imam Abdulhadi Sa'ad, ɗaya daga cikin limaman Juma'a na Daura, kuma Special Adviser na Qungiyar Gamayyar Makarantun Islamiyya na Daura, murnar shirin ɗaura aure da za a gudanar ranar Asabar, in sha Allah.

Muna roƙon Allah Maɗaukakin Sarki Ya sanya wannan aure ya zama mafari na alheri, albarka, kwanciyar hankali da farin ciki a rayuwarku. Allah Ya haɗa zukatanku cikin soyayya da rahama, Ya azurta ku da zuri'a ta gari, Ya kuma sanya gidanku ya zama gidan imani, zaman lafiya da biyayya gare Shi.

بَارَكَ اللَّهُ لَكَ، وَبَارَكَ عَلَيْكَ، وَجَمَعَ بَيْنَكُمَا فِي خَيْرٍ

Bārakallāhu laka, wa bāraka alaika, wa jama'a bainakumā fī khair.

Ma'ana: Allah Ya sanya maka albarka, Ya saukar maka da albarka, kuma Ya haɗa ku biyu cikin alheri.

Malam, muna taya ka murna daga zukatanmu. Allah Ya ba ku zaman lafiya da jin daɗin rayuwar aure, Ya kuma sanya ku zama alheri ga juna a duniya da lahira. Āmīn Yā Rabbal Ālamīn! 🤲💐

05/10/2026

🌍 SAƘON RANAR MALAMAI TA DUNIYA — WORLD TEACHERS’ DAY 2026 👨‍🏫📚

A yau, 5 ga Oktoba, muna haɗuwa da sauran ƙasashen duniya wajen bikin Ranar Malamai ta Duniya, domin girmama tare da yaba wa dukkan malamai bisa gagarumar gudummawar da suke bayarwa wajen gina al’umma.

Malam ba mai koyar da karatu kawai ba ne; mai tarbiyya ne, jagora ne, mai gyara al’umma ne, kuma mai haskaka makomar yara ne. Abin da malami yake shukawa a zukatan ɗalibai a yau, shi ne abin da al’umma za ta girba gobe.

Musamman malamai na Makarantun Islamiyyu, muna godiya da irin ƙoƙarinku wajen haɗa ilimin addini, tarbiyya, ɗabi'a da ilimin zamani, domin samar da ɗalibai masu amfani ga kansu, iyalansu da al’ummarsu.

> “مَنْ عَلَّمَ عِلْمًا فَلَهُ أَجْرُ مَنْ عَمِلَ بِهِ، لَا يَنْقُصُ مِنْ أَجْرِ الْعَامِلِ شَيْئًا.”
Ma’ana: Duk wanda ya koyar da wani ilimi, yana da ladan wanda ya yi aiki da wannan ilimin, ba tare da an rage ladan mai aikin da komai ba.

Muna roƙon Allah Ya saka wa dukkan malamai da mafificin alheri, Ya ƙara musu ilimi, hikima, haƙuri da ikhlasi, Ya sanya dukkan abin da suke koyarwa ya zama sadakar ilimi mai gudana a gare su.

Barka da Ranar Malamai ta Duniya! 🎓📖
Allah Ya albarkaci malamai, ɗalibai da duk masu ruwa da tsaki wajen inganta ilimi.

Daga:
Ofishin Sakataren
Lajnatut-Ta’alufi Baina Madarisil Islamiyyah – Daura
Usman Rabiu Abu Khalid

13/09/2026

RAHOTO:

A safiyar Lahadi 13/9/2026. Shugaban Qungiyar Gamayyar Makarantun Islamiyya na Daura Ustaz Tukur Bello tare da secretary general Usman Rabiu Abu-Khalid Daura sun ziyarci taron bita tare da gwaji wanda Bayajidda Reformation Media Crew ta tsara kuma ta gabatar a haramar hukumar makarantar Ibadurrahman dake bayan Kanti primary school dake garin Daura.

A nasa jawabin shugaban yayi jinjina ga wannan kungiyar bisa kokarin da take wurin bunkasa ilimi da tarbiyya cikin salon da kuma nuna kwarewa wajen gudanar da aiki.

Sakamakon bitar ta kasance akan ilimin kimiyyar Hadissan Annabi Sallallahu alaihi Wasallama, ya yi tsokaci kan mahimmancin ilimin ga dalibai musamman a wannan lokaci da ake kokari jefawa al'umma rudu da kokwanto game da hadissan ingantattu.

Karshe ya rufe tsokacin da fatan alheri ga shugabannin kungiyar har zuwa masu masaukin baki da mahalarta baki daya.

06/09/2026

Manyan baki daga sassa daban daban ne s**a samu damar halartar taron gasar LAJNA ARABIC LANGUAGE OLYMPIADS COMPETITION SEPTEMBER 6, 2026.

06/09/2026

Gasar LAJNA ARABIC LANGUAGE OLYMPIADS COMPETITION SEPTEMBER 2026 ke gudana yanzu haka a babban dakin taro na makarantar Danbukar sashin secondary school dake wannan gari namu na Daura mai albarka

06/09/2026

05/09/2026

Tunatarwa game da gayyata📌📌

04/09/2026

LAJNA SEPTEMBER 2026

Bayyanar fuskokin kwamitin tsare-tsare da zasu jagoranci LAJNA ARABIC LANGUAGE OLYMPIADS COMPETITION SEPTEMBER 6, 2026.

Kwanaki biyu ya rage ga babban program din mu mai albarka.