20/06/2026
SAKON TA'AZIYYA
"Duk mai rai mai ɗanɗanar mutuwa ne."
Cikin alhini da jimami, Malam Zaki Foundation ta karɓi labarin rasuwar Mai Martaba Wazirin Katagum. Wannan rashi ba na iyalansa kaɗai ba ne, rashi ne da ya shafi Masarautar Katagum, Jihar Bauchi da ma al'umma baki ɗaya.
Marigayin ya kasance dattijo mai daraja, mai hikima da hangen nesa, wanda rayuwarsa ta kasance cike da hidima, nagarta da kishin al'umma. Ya bar tarihi mai kyau da za a dade ana tunawa da shi a zukatan jama'a.
A irin wannan lokaci na ƙunci da jimami, muna miƙa saƙon ta'aziyyarmu ga iyalansa, Masarautar Katagum, abokai da duk masu alaka da shi. Muna roƙon Allah Maɗaukakin Sarki Ya gafarta masa kura-kuransa, Ya karɓi kyawawan ayyukansa, Ya haskaka masa kabarinsa, Ya sanya Aljannatul Firdausi ta zama makomarsa.
Allah Ya ba waɗanda ya bari haƙurin jure wannan babban rashi, Ya kuma maye gurbin wannan gibi da alherinsa.
Inna Lillahi Wa Inna Ilaihi Raji'un.
®Malam Zaki Foundation
