22/08/2026
👉 Tu káajbal agostoe’ k láak’ Grabriela de los Angeles Reyes Xixe’ táakpaj ti’ u Encuentroil Jóvenes Indígenas te’e tu lu’umil Ecuadoro’. Le múuch’táambalo’ jo’olinta’ab tumen Cultural Survival, jump’éel mola’ay ku kaxtik u chíimpolta’al u páajtalil máasewáal kaajo’ob wey yóok’ol kaabe’. Ichil u nu’ukbesajil Becas para Jóvenes Indígenase’ le mola’aya’ ku ts’áaik áantaj ti’ máasewáal xi’ipalal yéetel xch’úupalal uti’al ka páajchak u táakmuk’tiko’ob u miatsilo’ob yéetel u t’aano’ob. Le ja’abak máano’ Gabye’ tu k’amaj le áantajo’, tu beetaj jump’éel meyaj máan uts yéetel mejen paalal Tixcacaltuyub.
🙌 Le múuch’táambal tu’ux táakpajo’ úuch tu kaajil Puerto Napo, ti’ Iyarina Andes and Amazon Field School, ichil 10 yéetel 13 ti’ agosto 2026. Gabye’ tu k’aj óoltaj ya’ab meyajo’ob táan u bin u ts’aatáanta’al tumen u yéet becarios, máasewáal xi’ipalal yéetel xch’úupalal Colombia, Bolivia, Perú, Guatemala, Argentina, Chile, Guyana, Namibia, Sudáfrica yéetel Estados Unidos u taalo’ob.
🌱 Gabye’ táakpaj ti’ jejeláas talleres tu’ux chíikbesa’ab u k’abéetil u yúuchul múul meyaj ichil máasewáal xi’ipalal yéetel xch’úupalal tu lu’umo’ob, u k’a’ana’anil u t’a’anal yéetel u ka’ansa’al na’tsil t’aano’ob, u chu’uyul úuchben chuuyo’ob, bey xan u kaláanta’al u lu’umilo’ob tu’ux kaja’an máasewáal kaajo’ob, tumen ti’ u taal u ch’i’ibalo’obi’, ti’ u taal u miatsilo’ob yéetel u t’aano’obi’.
❕Le o’olale’ tuláakal le xi’ipalal yéetel le xch’úupalo’ táan u ts’áaik u yóolo’ob ti’al ma’ u tu’ubsa’al máaxo’ob, ti’al ma’ u to’okol u lu’umo’ob, ti’al u xu’ulul u lóobilta’al u kaajalo’ob, ti’al ma’ u yúuchul loob ti’ le máaxo’ob ku taal tu paacho'obo’. Ts’o’ok u yajal u na’ato’ob: leti’ob kun kaláantik u miatsilo’ob yéetel u t’aano’ob, tumen u muuk’ kaaje’ leti’ le xi’ipalal yéetel le xch’úupalal táan u líik’lo’ob ti’ le k’iino’oba’.
💚 Gabye’ ku taasik jump’éel tuukul máan k’a’ana’an bejla’e’: k’abéet k p’ilik k ich, k’abéet k múul meyaj ti’al ma’ u kúulpachkunta’al máasewáal kaajo’ob. Ichil le múul meyaja’ k’abéet k beetik u yu’uba’al k t’aan, u chíimplota’al k tuukul, bey xan u chíimpolta’al máaxo’oni’.
👉 A inicios de agosto nuestra compañera Grabriela de los Angeles Reyes Xix participó en el Encuentro de Jóvenes Indígenas en Ecuador. La reunión estuvo a cargo de Cultural Survival, una organización que busca el respeto de los derechos de los pueblos indígenas en todo el mucho. Dentro del programa de Becas para Jóvenes Indígenas esta organización da apoyo a muchachos y muchachas indígenas para que puedan fortalecer sus culturas y lenguas. El año pasado Gaby recibió la beca e hizo un trabajo muy bueno con las infancias en Tixcacaltuyub.
🙌 La reunión en la que participó se realizó en Puerto Napo, en Iyarina Andes and Amazon Field School, entre 10 y 13 de agosto 2026. Gaby conoció muchos trabajos que están siendo impulsados por sus compañerxs becarixs, muchachos y muchachas indígenas que vienen de Colombia, Bolivia, Perú, Guatemala, Argentina, Chile, Guyana, Namibia, Sudáfrica y Estados Unidos.
🌱 Gaby participó en diferentes talleres donde se mostró la la importancia del trabajo colaborativo entre jóvenes indígenas en sus territorios, la importancia de hablar y enseñar las lenguas maternas, los bordados ancestrales y cuidar los territorios donde habitan los pueblos originarios, porque de ahí son sus ancestros, de allí vienen sus culturas y sus lenguas.
❕Por eso lxs jóvenes se esfuerzan para que no se olvide quienes son, para que no se les arrebate su territorio, para que se acabe el daño en sus comunidades y evitar que les ocurra a quienes vengan después. Les ha quedado muy claro que son ellxs quienes cuidarán culturas y lenguas, porque la fuerza de los pueblos está en las personas jóvenes que van creciendo en estos días.
💚 Gaby nos trae un pensamiento que es muy importante hoy: debemos abrir los ojos, necesitamos trabajar en conjunto para que no se discriminen pueblos indígenas. Dentro de este trabajo conjunto, necesitamos hacer que se escuche nuestra voz, que se respete nuestro pensamiento y quiénes somos.
Gabriela Reyes
