27/08/2026
ޢައްޑޫ ވިމެންސް އެސޯސިއޭޝަން އާއި ބައިކު މޯލްޑިވުސް ގުޅިގެން ބޭއްވި ޚާއްސަ އައްޑޫ ބައިކު ޓުއާގެ ބައިވެރިން ހުޅުދޫ މީދޫގައި ކުރިއަށް ގެންދިޔަ ހަރަކާތުގައި "ހުޅުދޫ އަންހެނުންގެ ގުޅުން" (ހުއަނގު) ޖަމްޢިއްޔާ ބައިވެރިވުމަށް ފުރުސަތު ހޯއްދަވައި ދެއްވި ފަރާތަކީ "ޗޭނު" ޖަމްޢިއްޔާގެ ފައުންޑަރ މެމްބަރ މަރިޔަމް ޝަޒްލީން (ޝަޒޫ) އެވެ. އެހެންކަމުން އަޅުގަނޑުމެން ހުއަނގު ޖަމްޢިއްޔާ އަށް މިފުރުސަތު ދެއްވި ކަމަށްޓަކައި ޝަޒޫ އަށް ހުއަނގު ޖަމްޢިއްޔާގެ ނަމުގައި ޚާއްސަ ޝުކުރެއް ދަންނަވަމެވެ. މިއިވެންޓަކީ ވަރަށް ފުރިހަމަ އިވެންޓެއް ކަން ޝަޒޫ ވަނީ ވަރަށް ގިނަ ފަހަރު މަތިން ފާހަގަ ކުރައްވާފައެވެ. ޝަޒޫ އަކީ އަޅުގަނޑުމެން ޖަމްޢިއްޔާ އާއި ވަރަށް ގާތް ގުޅުމެއް އޮންނަ، އަދި ވަރަށް ގިނަ މިފަދަ ފުރުސަތުތައް ކުރިންވެސް ހޯއްދަވައި ދެއްވާފައިވާ ފަރާތެއްކަންވެސް އުފަލާއިއެކު ފާހަގަކުރަމެވެ. މިހާ ފުރިހަމަކޮށް މިއިވެންޓް ކުރިއަށް ގެންދެވުނީ ޖަމްޢިއްޔާގެ އެންމެހާ މެންބަރުންގެ ވަރަށް ބުރަ މަސައްކަތުން ކަން ޔަގީން، އެހެންކަމުން ހުރިހާ މެންބަރުންނަށް ވަރަށް ޚާއްސަ ޝުކުރެއް ދަންނަވަން. ގުޅިގެން މަސައްކަތް ކޮށްފިނަމަ ކޮންމެ ކަމެއްވެސް ކާމިޔާބު ވާނެކަން ޔަގީން. އަދިވެސް އެއް ފަހަރު ހުރިހާ މެންބަރުންނަށް ޝުކުރިއްޔާ👏👏👏
