Fratellanza tas-Santissimu Sagrament - Knisja Kolleġġjata Qormi San Ġorġ

14/06/2026

14/06/2026

🔥Festa Qalb ta' Ġesù.🔥

O Qalb ħanina li mill-jasar fdejt
Lill-bnedmin kollha li bla tarf ħabbejt,
Kebbes lil qlubna, miġburin f’riġlejk,
Bin-nar ta’ mħabbtek sabiex nersqu lejk!

Ġesù, ħallina niġu ħdejk fis-skiet
Biex aħna nieklu
Mill-Ħobż tas-smewwiet,
Fik biss il-ħajja, fik id-dawl u l-ġid,
Inti ta’ qlubna l-egħżeż Qalb u s-Sid!’

Xi ġmiel, xi ħlewwa meta fuq l-Artal
Int tistenniena minn ġo dik id-Dar,
O Qalb ħanina, għid xi tridna ntuk;
Din qalbna ċkejkna sabiex inħobbuk.

W. J. Maher SJ

13/06/2026

Il-Ħdax-il Ħadd taż-Żmien ta’ Matul is-Sena.

F’dak iż-żmien, Ġesù ra n-nies u tħassarhom, għax kienu mdejqa u mitluqa bħal nagħaġ bla ragħaj.

Imbagħad qal lid-dixxipli tiegħu:

“Il-ħsad huwa kbir, iżda l-ħaddiema ftit. Itolbu mela lil Sid il-ħsad biex jibgħat ħaddiema għall-ħsad tiegħu”.

13/06/2026

Alla, o Missier, noffrilek il-qalb divina ta’ Ibnek Ġesu Kristu bil-merti kollha tagħha sabiex inti ġġagħlni nagħraf l-imħabba tiegħek lejna kreaturi tiegħek.

Ammen.

(Mill-kitba ta' San Ġorġ Preca)
(Ritratt ta' Silvio Pace )
__________________________________________________

FESTA TAL-QALB TA' ĠESÙ

-Il-Ħadd 14 ta' Ġunju-

16:00 Adorazzjoni
16:30 Għasar
17:00 Quddiesa Kantata

Wara purċissjoni bis-sehem tat-tfal tal-Ewwel Tqarbina li tgħaddi minn Triq il-Kardinal Xiberras, Pjazza Federico Maempel, Triq l-Isqof Scicluna, Triq Anici, Triq il-Kbira sal-Knisja.
Parroċċa San Ġorġ, Ħal Qormi

12/06/2026

Ħadd ma jista’ jidħol fir-renju tal-vera paċi tant f’din id-dinja kemm fl-oħra ħlief min hu tassew devot lejn il-Qalb l-Iżjed Imqaddsa ta’ Ġesu’ Kristu.

"Itgħallmu minni għax jiena għandi qalbi mansweta u umli u intom issibu l- mistrieħ għal ruħkom”.
(Matt 11, 29)

Alla, o Missier, noffrilek il-qalb divina ta’ Ibnek Ġesu’ Kristu bil-merti kollha tagħha sabiex inti toħloq fija qalb pura u safja.

Ammen.

__________________________________________________

FESTA TAL-QALB TA' ĠESÙ
Il-Ħadd 14 ta' Ġunju

16:00 Adorazzjoni
16:30 Għasar
17:00 Quddiesa Kantata

Wara purċissjoni bis-sehem tat-tfal tal-Ewwel Tqarbina li tgħaddi minn Triq il-Kardinal Xiberras, Pjazza Federico Maempel, Triq l-Isqof Scicluna, Triq Anici, Triq il-Kbira sal-Knisja.

08/06/2026

“Ma Nafx Nitlob…” — Qatt għidtha din?

Ħafna drabi, meta nkunu ħa nużaw oġġett, kultant qisu neħlu u jekk inkunu għadna ma armejniehx, nirrikorru għall-manwal.

Kultant meta niġu biex nitolbu jiġrilna l-istess u l-eħfef ħaġa tkun li tgħid, "jien ma nafx ngħid kelma mal-Mulej, ghalhekk ma nitlobx". B'hekk inkunu qed nitilfu l-esperjenza personali tagħna ma' Alla.

Għalhekk il-Fratellanza tas-Santissimu Sagrament ħejjiet ktejjeb ta’ riflessjonijiet biex jgħinek tibda dan id-djalogu mal-Mulej. Mhux ktieb tat-talb, imma gwida biex jgħinek tiftaħ qalbek u toħloq ħsibijiet personali mal-Mulej.

Il-polz ivarja skont l-emozzjoni li qed tħoss, għalhekk meta tmur fil-kappella tas-Sagrament f' San Pietru, ieqaf ftit, aħseb x'qed tħoss u iftaħ dan il-ktejjeb u sib x'jgħodd għalik.

Tista’ tniżżel il-ktejjeb minn dan il-link: https://bit.ly/43Tyiez

Minn hemm ’il quddiem… f’idejk u f’idejH.
Parroċċa San Ġorġ, Ħal Qormi
Kan Dun Mario Mangion

07/06/2026

✨"L-isbaħ ġurnata ta' ħajti, meta għamilt l-Ewwel Tqarbina."✨-San Domenico Savio

🙏Awguri lit-tfal li se jirċievu l-Ewwel Tqarbina ilum fil-Parroċċa San Ġorġ, Ħal Qormi 🙏🏻.

Dawn huma xi affarijiet li San Domenico Savio xtaq iwiegħed lil Ġesu’ f'dan il-jum speċjali:

1️⃣Jmur iqerr u jitqarben spiss. ⛪

2️⃣Jħares l-Ħdud u l-Festi Kmandati 📆.

3️⃣Jżomm lil Ġesu’ u lil Marija bħala🫂 l-ħbieb tiegħu.

4️⃣Jippreferi li jmut milli jagħmel id-dnub.😇

06/06/2026

🌾🍇Is- solennità tal-Ġisem u d-Demm Imqaddes ta’ Kristu.🍇🌾

“Jiena hu l-ħobż il-ħaj, li niżel mis-sema. Jekk xi ħadd jiekol minn dan il-ħobż jgħix għal dejjem. U l-ħobż li jiena nagħti huwa ġismi għall-ħajja tad-dinja”

05/06/2026

lbieraħ, 4 ta’ Ġunju 2026, ġiet iċċelebrata l-festa ta’ Corpus Christi fil-parroċċa tagħna.

Waqt il-funzjoni, ġie ipprofessat is-Sur Joseph Scicluna fi ħdan il-Fratellanza.

B'turija ta’ apprezzament, irringrazzjajna lil xi membri fil-paroċċa li dejjem taw l-appoġġ tagħhom lejn il-Fratellanza tagħna.

Iżżanżnu sett ta’ xemgħat ġodda li ġew iregalati minn Joseph Pace fratell fi ħdan il-fratellanza, kif ukoll ġie ppubblikat fuljett żgħir li wieħed jista’ jsib fil-Kappella ta’ San Pietru, bħala gwida għall-meditazzjoni u riflessjoni meta jkun quddiem l-Ewkaristija għall-adorazzjoni, bl-isem il-Polz.

Wara l-quddies saret il-purċissjoni bis-Sagrament Imqades u bis-sehem tal-fratellanzi, il-kleru tal-Parroċċa u l-Banda Anici, li akkumpanjat il-purċissjoni.

Fejn eżżatament wara l-purċissjoni sar festin ghal dawk preżenti sabiex niċċelebraw din il-festa flimkien.

05/06/2026

Ilbieraħ, 4 ta’ Ġunju 2026, ġiet iċċelebrata l-festa ta’ Corpus Christi fil-parroċċa tagħna.

Waqt il-funzjoni, ġie ipprofessat is-Sur Joseph Scicluna fi ħdan il-Fratellanza.

B'turija ta’ apprezzament, irringrazzjajna lil xi membri fil-paroċċa li dejjem taw l-appoġġ tagħhom lejn il-Fratellanza tagħna.

Iżżanżnu sett ta’ xemgħat ġodda li ġew iregalati minn Joseph Pace fratell fi ħdan il-fratellanza, kif ukoll ġie ppubblikat fuljett żgħir li wieħed jista’ jsib fil-Kappella ta’ San Pietru, bħala gwida għall-meditazzjoni u riflessjoni meta jkun quddiem l-Ewkaristija għall-adorazzjoni, bl-isem il-Polz.

Wara l-quddies saret il-purċissjoni bis-Sagrament Imqades u bis-sehem tal-fratellanzi, il-kleru tal-Parroċċa u l-Banda Anici, li akkumpanjat il-purċissjoni.

Fejn eżżatament wara l-purċissjoni sar festin ghal dawk preżenti sabiex niċċelebraw din il-festa flimkien.

Parroċċa San Ġorġ, Ħal Qormi
Kan Dun Mario Mangion