06/08/2026
Il-proġett tat-tindif u restawr tal-arloġġ tal-aħwa Suban wasal fi tmiemu.
F’dan il-proġett saru ħafna xogħolijiet professjonali u mill-aqwa mingħand C.Schembri Watchmakers. Ix-xogħolijiet li saru juru lilhom infusom. Nirrigrazzjaw ukoll lill-Arċipriet u lill-kleru, u kif ukoll lil dawk il-persuni li taw kull għajnuna f’dan il-proġett.
Xogħolijiet illi ġew imweqta:
- Tnaddaf il-makkinarju kollu,
- Tneħħa sadid superfiċjali, u ngħatat żebgħa ġdida fejn kien hemm ħadid mikxuf,
- Ġew frisksti l-kaminijiet, u l-imrietel ġew bilanċjati kif suppost,
- Inqalgħu l-minutiri tal-arloġġ tal-faċċata tal-Knisja u ngħataw trattament,
- Iżżarmat il-magna li ddawwar l-idejn, u x-xaftijiet ġew milbusa b’lastku apposta sabiex jipproteġiehom mit-tfarfir tal-ġebla,
- Ġiet maħduma virga ġdida għad daqq tas-siegħat, u l-virga tad-daqq tal-minuti ġiet modifikata sabiex titnaqqas il-frizzjoni,
- Kull tip ta’ mekkaniżmu ingħata żejt apposta,
- Id-daqq u l-ħin li jidher fil-faċċata tal-Knisja ġew sinkronkzzati ma xulxin,
- Ingħatat żebgħa ġdida lill-imrietel tad-daqq, kif ukoll ġew installati żewġ mollol ġodda għal taħt l-imrietel magħmulin minn materjal apposta.
B’hekk, aħna u aktar ġenerazzjonijiet li ġejjin ikunu jistgħu jkomplu jgawdu l-wirt storiku li r-raħal tagħna joffri.
