Venerabbli Konfraternità tas-Santissimu Sagrament, Qrendi - Malta

Venerabbli Konfraternità tas-Santissimu Sagrament, Qrendi - Malta Welcome to our Official page. Rettur - Nicholas Abdilla
Segretarju - Mario Sciberras
Kaxxier- Emanuel Muscat

Il-Venerabbli Konfraternità tas-Santissimu Sagrament giet imwaqqfa fl-1630 fil-Knisja parrokjali ta' Santa Marija Assunta tal-Qrendi. The Venerable Confraternity of the Holy Sacrament was founded in 1630 in the parish church of the Assumption of our lady, in the village of Qrendi - Malta.

L-ERBGĦAT TA' SANTA MARIJA IT-TMIEN ERBGĦAMarija Immakulata. Marija li sa mill-konċepiment tagħha kienet bla dnub oriġin...
24/06/2026

L-ERBGĦAT TA' SANTA MARIJA
IT-TMIEN ERBGĦA

Marija Immakulata. Marija li sa mill-konċepiment tagħha kienet bla dnub oriġinali. Din il-verità kienet imsaħħa bid-domma Ineffabilis Deus tal-Immakulata Kunċizzjoni fl-1854 mill-Papa Piju IX.

Għalkemm is-suġġett tal-Immakulata Kunċizzjoni kien wieħed popolari sa mill-bidu tal-Knisja, in-natura astratta tiegħu bdiet tidher f'xogħolijiet tal-arti ħafna aktar t**d matul is-sekli.

Ħafna drabi naraw lil Marija wieqfa b'idejha miftuħa jew inkella magħluqa f'mument ta' talb. Barra minn hekk, narawha fuq l-isfera tad-dinja, bil-qamar taħt riġlejha u b'sieq minnhom fuq ras is-serp (ix-xitan).

Minħabba li Marija ma missetx mad-dnub, ma kienx ikun jixraq li ġisimha jara t-taħsir tal-qabar, għalhekk Alla ta l-glorja singulari li tittellgħa fis-sema bir-ruħ u bil-ġisem.

O Marija Immakulata, nitolbuk tidħol għalina u tkun magħna matul ħajjitna.


Parroċċa Santa Marija Qrendi

23/06/2026

‼️ Infakkrukhom li għandkom ċans sa bħal-lum ġimgħa sabiex tagħmlu l-ordni tagħkom tal-bnadar, pavaljuni u palji għall-festa Titulari ta' Santa Marija tal-Qrendi. ‼️

Insebbħu djarna, għall-Festa Ewlenija Qrendija! 🔴

Il-Konfraternità tas-Santissimu Sagrament tawgura l-isbaħ xewqat lill-Kappillan, il-Kanonku Mario Said f'għeluq sninu.Il...
23/06/2026

Il-Konfraternità tas-Santissimu Sagrament tawgura l-isbaħ xewqat lill-Kappillan, il-Kanonku Mario Said f'għeluq sninu.

Il-Konfraternità tirringrazzja lill-Kappillan ta' ħidmietu fil-Parroċċa bħala r-Ragħaj tal-komunità tagħna.

Ad multos annos :)

Parroċċa Santa Marija Qrendi

"Ulied l-ulied huma l-ġieħ tax-xjuħ, u l-kburija tal-ulied missirijiethom." (Proverbji 17, 6)Awguri lill-missirjiet kol...
21/06/2026

"Ulied l-ulied huma l-ġieħ tax-xjuħ,
u l-kburija tal-ulied missirijiethom." (Proverbji 17, 6)

Awguri lill-missirjiet kollha f'dan il-jum speċjali għalihom.

Fi ħsiebna nżommu wkoll lil dawk il-missirijiet li m'għadhomx magħna għax ħallew din id-dinja qabilna.

L-ERBGĦAT TA' SANTA MARIJA IS-SEBA' ERBGĦAMarija hija l-"Eva l-Ġdida"It-titlu "Eva l-Ġdida" huwa t-titlu antik li ngħata...
17/06/2026

L-ERBGĦAT TA' SANTA MARIJA
IS-SEBA' ERBGĦA

Marija hija l-"Eva l-Ġdida"

It-titlu "Eva l-Ġdida" huwa t-titlu antik li ngħata lil Marija Santissima, fejn joħloq parallel dirett bejn il-Madonna u Eva fil-ktieb tal-Ġenesi. Il-kunċett teoloġiku jwassal lil Marija bla ebda tebgħa, "omm l-imwielda" li permezz tal-ubbidjenza tagħha dawret id-diżubbidjenza ta' Eva fil-Ġnien tal-Eden.

Kien San Irinew ta' Lyon u l-Martri Ġustinu li ressqu 'l quddiem dan il-ħsieb fil-bidu tal-Knisja, fejn ikkuntrastaw lil Marija u lil Eva f'numri t'okkażjonijiet. Eva kienet dik li permezz tagħha daħal id-dnub, Marija min-naħa l-oħra kienet dik li permezz tal-iva tagħha waslet is-salvazzjoni.

Hekk kif l-ewwel waqgħa tal-bniedem seħħet qrib siġra fil-Ġnien tal-Eden, hekk ukoll is-salvazzjoni tal-bniedem seħħet mal-għuda tas-salib. Il-preżenza ta' Marija taħt is-salib ta' Binha waħħditha miegħu fir-redenzjoni tal-umanità.


Parroċċa Santa Marija Qrendi

O Qalb bla tebgħa ta’ Marija, mixħutin f’riġlejk nikkonsagraw lilna nfusna lilek. Nifhmu li nikkonsagrawlek dak kollu li...
13/06/2026

O Qalb bla tebgħa ta’ Marija, mixħutin f’riġlejk nikkonsagraw lilna nfusna lilek. Nifhmu li nikkonsagrawlek dak kollu li aħna u dak kollu li għandna mingħajr ebda riserva.

Nikkonsagrawlek speċjalment il-missjoni li Ġesu’ Ibnek għoġbu jagħżilna għaliha, il-missjoni li nitolbu, ngħinu u nsofru għall-erwieħ saċerdotali, li huma l-erwieħ prediletti ta’ Ġesu’ u tiegħek.

Inti taf biżżejjed, O Marija, liema delikatezza u liema ġenerożita’ titlob minna missjoni bħal din. Imma aħna żguri mill-għajnuna tal-patroċinju tiegħek u għalhekk aħna nirrikorru lejk u f’idejk nerħu l-qadi tal-missjoni tagħna.

O Marija, din il-missjoni ma nistgħux naqduha sewwa mingħajr ma jkollna intimita’ kbira ma’ Ġesu’ Saċerdot Etern u l-ewwel saċerdot. Ressaqna għalhekk dejjem izjed lejn il-Qalb adorabbli tiegħu biex jagħmilna erwieħ tal-Ġetsemani, erwieħ li nkunu nafu nitolbu u nsofru.

Żvojta l-qalb tagħna minn kull imħabba li mhix ta’ Ġesu’, biex nimlewha bih. Rażżan l-amor proprju tagħna, ippurifika l-intenzjonijiet tagħna u agħmel fuq kollox li r-relazzjonijiet tagħna mas-saċerdoti ta’ Ġesu’ Ibnek ikunu kollha kemm huma spiritwali u sopranaturali.

Santa Marija Qrendi

Aċċetta, O Marija, din il-konsagrazzjoni tagħna lilek u nitolbuk biex waqt it-tqarbin tressaqna inti stess quddiem it-tron tal-lben tiegħek Ġesu’. F’ġieħ l-istess Kristu Sidna. Ammen.

O Ġesù ta' Qalb Imqaddsamagħmul bniedem għall-bnedmin,għax mixgħul bi kbira mħabbatnaddaf ridt lill-midinbin.Nagħtuk qal...
12/06/2026

O Ġesù ta' Qalb Imqaddsa
magħmul bniedem għall-bnedmin,
għax mixgħul bi kbira mħabba
tnaddaf ridt lill-midinbin.

Nagħtuk qalbna, naddafhielna
żejjinhielna bil-virtù,
int ħeġġiġna b'kull imħabba,
nitolbuk maħbub Ġesù.

O Ġesù ta' Qalb wisq ħelwa
illi ridt tmantnina bik,
tajtna ġismek, tajtna demmek,
tajtna kulma jinsab fik.

Kun hawn fl-art mela ħobż tagħna,
kun l-għajnuna f'din it-triq
sabiex naslu ġewwa l-ġenna,
kif il-Qalb tiegħek tixtieq.

O Ġesù ta' Qalb ħanina
li għalina wisq batejt,
xewk, flaġelli u salib aħrax
biex int b'demmek lilna fdejt.

Minn dil-fidwa sehem agħtina,
aħfer int tagħna l-ħtijiet,
ruħna qaddes, żommha miegħek
sakemm naslu fis-smewwiet.

O Ġesù ta' Qalb divina
ta' Missierek fil-lemin
qiegħed inti tistennina
biex tagħmilna bik henjin.

Kun int mela l-ħlas minn tagħna
ġewwa s-saltna ta' kull ġid,
wara ħajja u mewta tajba
skont kif Qalbek minna trid.

O Ġesù ta' Qalb imħeġġa
taħseb fina kull mument,
għalhekk Qalbek int urejtna
mill-Imqaddes Sagrament.

Ma' Marija Margerita
niżżuk ħajr u nitolbuk
iddaħħalna lkoll ġo Qalbek
fejn għal dejjem inħobbuk.

Qalb ta' Ġesù ħanina, agħmel li mħabbtek tikber fina.

L-ERBGĦAT TA' SANTA MARIJA IS-SITT ERBGĦADormizju jew Assunzjoni?Din hija l-mistoqsija li għadha tiġi ppreżentata quddie...
10/06/2026

L-ERBGĦAT TA' SANTA MARIJA
IS-SITT ERBGĦA

Dormizju jew Assunzjoni?

Din hija l-mistoqsija li għadha tiġi ppreżentata quddiem l-istudjużi tal-Marjoloġija. Żewġ skejjel ta' ħsieb tal-insara tal-Lvant u l-Punent, li għalkemm bi ħsibijiet differenti, it-tnejn jemmnu li Marija kienet imtellgħa s-sema.

Il-Knejjes tal-Lvant jemmnu li Marija 'raqdet', daħlet f'nagħsa ħelwa, fil-mument tal-mewt tagħha f'din l-art. Imbagħad, il-Knejjes tal-Lvant jemmnu li Marija kienet meħuda fis-sema.

Il-Knejjes tal-Punent fil-Marjoloġija tagħhom iżommu żewġ perspettivi:

1. Marija mietet u kienet imtellgħa s-sema bir-ruħ u bil-ġisem
2. Marija kienet imtellgħa s-sema mingħajr ma mietet.

Il-fatt jibqa' li l-Knisja Kattolika, kemm jekk fil-Lvant jew fil-Punent timxi mad-Domma tal-Assunzjoni tal-1 ta' Novembru 1950. F'dik l-ittra Appostolika, il-Papa Piju XII jikteb:

"Meta temmet il-mixja tagħha fuq din l-art, Marija kienet meħuda fis-sema bir-ruħ u bil-ġisem."


fans
Parroċċa Santa Marija Qrendi

Ikun imbierek Alla.Imbierek l-Isem Imqaddes tiegħu.Imbierek Ġesú Kristu, veru Alla u veru bniedem.Imbierek l-Isem ta’ Ġe...
07/06/2026

Ikun imbierek Alla.
Imbierek l-Isem Imqaddes tiegħu.
Imbierek Ġesú Kristu, veru Alla u veru bniedem.
Imbierek l-Isem ta’ Ġesú .
Imbierka l-Qalb Imqaddsa tiegħu.
Imbierek id-Demm għażiż tiegħu.
Imbierek Ġesú fis-Santissmu Sagrament ta’ l-artal.
Imbierek l-Ispirtu s-Santu Paraklitu.
Imbierka l-kbira Omm Alla, MarijaSantissma.
Imbierka l-Imqaddsa u Immakulta Kunċizzjoni tagħha.
Imbierek it-Tlugħ glorjuż tagħha fis-sema.
Imbierek l-Isem ta’ Marija, Verġni u Omm.
Imbierek San Ġużepp, għarus kastissmu tagħha.
Imbierek Alla fl-anġli u l-qaddisin kollha tiegħu.


fans
Parroċċa Santa Marija Qrendi

"Tirrealizza li Ġesù jinsab fl-Ostja Mqaddsa għalik, għalik biss?Il-Ġenna tinsab moħbija fl-Ostja Mqaddsa." (Santa Tereż...
07/06/2026

"Tirrealizza li Ġesù jinsab fl-Ostja Mqaddsa għalik, għalik biss?

Il-Ġenna tinsab moħbija fl-Ostja Mqaddsa." (Santa Tereża ta' Lisieux)


Parroċċa Santa Marija Qrendi

Address

Il-Qrendi

Telephone

+35679053217

Website

Alerts

Be the first to know and let us send you an email when Venerabbli Konfraternità tas-Santissimu Sagrament, Qrendi - Malta posts news and promotions. Your email address will not be used for any other purpose, and you can unsubscribe at any time.

Contact The Organisation

Send a message to Venerabbli Konfraternità tas-Santissimu Sagrament, Qrendi - Malta:

Shortcuts

Share

Category