22/09/2025
【🌀超級颱風殺到！大家要做好防風措施啊！】有無覺得今年打風打得特別頻密？無錯！今年頭9個月，計埋「樺加沙」打咗11次風，係香港有紀錄以嚟發出最多熱帶氣旋警告信號嘅年份之一，同1974年打成平手！咁頻繁嘅極端天氣現象，絕對唔係「偶然」！
呢次「樺加沙」咁具威脅，除咗佢「坐巴士」咁直衝華南沿岸，無高山海島阻擋，削一削佢嘅威力之外，背後仲有個更深層次嘅原因：就係氣候危機！
回顧返今年大部分時間，西太平洋嘅海面溫度都高過平均水平，尤其係西太平洋嘅暖水區面積特別大！💡 呢啲暖水為熱帶氣旋嘅形成同發展，提供咗充足嘅「燃料」同不穩定嘅大氣環境，令強颱風更容易生成同變得更強！更得人驚嘅係，呢個超級颱風有機會同「天文大潮」撞到應一應！🌊 住喺沿岸、低窪地區嘅巿民，記得要儘早做好防範，唔好掉以輕心啊！
面對咁嚴峻嘅氣候威脅，單靠做好個人預防唔夠㗎！我哋需要政府同埋社會各界正視問題，採取更積極、更果斷嘅氣候行動！
綠色和平製作簡易防風手冊，歡迎下載：https://act.gp/4o2vzb5
📣想了解多啲氣候危機同極端天氣嘅關係？即刻把握最後機會，報名今晚（22日）8點嘅《極端天氣打到嚟 專家教你點部署》網上教室啦 👉🏼https://act.gp/3VpFTgW
* 提提你，錯過咗唔緊要㗎，請先完成登記，我哋將會喺日內為你送上活動重溫！
#綠色和平 #氣候變化 #全球暖化 #極端天氣 #超級颱風 #天文大潮 #氣候危機
