18/10/2024
🫶
Би 3 дахь удаагийн оролдлогоор 2023 онд Байгаль орчны манлайлал хөтөлбөртөө тэнцсэн юм. Хэдхэн хоногийн өмнө ямар азаар хөтөлбөртөө тэнцсэн юм бэ? гэж бодож байлаа. Учир нь Байгаль орчны манлайлал хөтөлбөр надад амьдралд нэн чухал туршлагуудыг хуримтлуулахаас гадна, олон төрлийн мэргэжилтэй үе тэнгийн мундаг залуучуудаас суралцах, амьдралын сайхан найзуудтай болох боломжийг олгосон юм.
2024 онд гадаадын олон орны хүмүүстэй багаар ажиллах шаардлага ихээр тулгарсан жил байсан бөгөөд энэ үед EFP хөтөлбөртөө хамрагдах хугацаанд ямар их зүйл сурч, ойлгосноо анзаарсан юм. 8 сарын турш 7 хоног бүр сургалтад хамрагдаж, багаар ажиллах явцдаа хэрхэнтөслийн менежмент хийх, хүмүүстэй харилцах, төслийн санхүүжилт хайх зэрэг олон зүйлсийг суралцсан минь одоогийн миний амьдралд маш их дэмжлэг болж байна. Залуус бид ажлын байран дээр төдийлөн төсөл ахалж, баг удирдаж ажиллах туршлагыг авч чаддаггүй. Харин Байгаль орчны манлайлал хөтөлбөрт оролцсоноор энэхүү туршлагыг хуримтлуулах боломжтой.
Манай Refill UB төслийн баг төслөө амжилттай хэрэгжүүлж, одоо ч үргэлжлүүлж байгаа ба залуучууд бид багахан хичээвэл өөрчлөлтийг авчрах боломжтойг мэдэрч, цаашид илүү утга учиртай зүйлсийг хийх сэдлийг олж авсан.
Мөн хамгийн чухал зүйл нь яг л Friends дээр гардаг шиг хөгжилтэй, амьдралын найзуудтай болсон төдийгүй тэдний ур чадвар, хичээнгүй байдал, урам зоригоос суралцаж,цаашид илүү ихийг хийх хүсэл эрмэлзэлтэй болсон. Байгаль орчны манлайлал хөтөлбөр маань миний 20-иод насны хамгийн сайхан дурсамж, хамт олны нэг юм.
Б.Оюундарь (Байгаль Орчны Манлайлал Хөтөлбөрийн 14 дэх жилийн төгсөгч)
Хөтөлбөрт хамрагдахыг хүссэн залуус өргөдлийн маягтыг 10 сарын 27-ны дотор онлайнаар https://form.jotform.com/zorigfoundation/efp15 бөглөөрэй.
