27/05/2026
“Дээд боловсролын багшийн сэтгэл зүйн сайн сайхан байдал” сургалт зохион байгуулагдлаа.
TDLA, Монголын сэтгэл зүйчдийн нийгэмлэг, Отгонтэнгэр их сургуулийн Сэтгэл зүйн төв хамтран TDLA-ын Дэмжигч гишүүн байгууллагуудын багш, мэргэжилтнүүдэд зориулсан сэтгэл зүйн сайн сайхан байдлыг дэмжих сургалтыг зохион байгууллаа.
Сургалтын хүрээнд:
▪️ Ажил амьдралын тэнцвэр
▪️ Сэтгэл хөдлөлийн зохицуулалт ба сэтгэлийн хат
▪️ Эерэг сэтгэл зүй
▪️ Мэргэжлээс шалтгаалах стресс ба интервенцүүд
зэрэг сэдвүүдээр лекц, практик дасгал, интерактив трейнингүүд явагдлаа.
Сургалтын үеэр оролцогчид эерэг сэтгэл зүйг өдөр тутмын ажил, амьдралдаа төлөвшүүлэх арга зам, сэтгэл хөдлөлөө зохицуулах болон сэтгэлийн хатыг хөгжүүлэх дадлууд, мэргэжлээс шалтгаалах стрессийн онцлог ба түүнийг бууруулах интервенцийн аргууд, мөн ажил амьдралын тэнцвэрийг хадгалах практик зөвлөмжүүдтэй танилцлаа. Сургалт нь лекц, харилцан ярилцлага, туршлага солилцсон практик дасгалууд хосолсон хэлбэрээр явагдсан үр өгөөжтэй арга хэмжээ боллоо.
Арга хэмжээнд мэдлэг, туршлагаа харамгүй хуваалцсан сургагч багш нар болон идэвхтэй оролцсон дэмжигч гишүүн байгууллагууддаа талархал илэрхийлье. 🤝
