27/07/2026
3 жилийн өмнө охин үртэй минь хамт хөөж гаргасан тэр нөхрөө, хадмуудыг, чемодан ч байхгүй орны даавуунд боосон хувцасыг минь орцны шатруу өшиглөсөн тэр хадам эгчийг хэн ч хараагүй байж хүмүүс надад дургүй байдаг. 7 жилийн турш хоолыг нь хийж, хувцсыг нь угааж, цаг харж хаалга чагнаж, шөнө орой залгах эмэгтэйчүүдийнх нь тухай асууснаасаа болж хөх няц болтлоо зодуулж байсныг минь огтхон ч мэдэхгүй байж миний талаар муу ярьж, шивнэлдэж нудардаг...
Хүмүүс намайг маягтай, завтай, мөнгөө үрж ядсан эцэггүй хүүхэдтэй байж хүүхэддээ цаг зав гаргадаггүй өөрийгөө гоёж тордсон тэнэг хүүхэн гэж шүүмжилдэг бас ярьдаг, зарим нь ил цагаан хэлдэг. Надад дургүй байх шалтгаан тань юу вэ гэхээр тэд юу ч хэлдэггүй.
Тийм ээ, би өөртөө их цаг гаргаж өөрийгөө гоёдог. Өөрийгөө гангалдаг. Үс, хумсаа үргэлж янзлуулдаг. Эмэгтэй хүн өөртөө анхаарч, өөрийгөө хайрлаж байж л бусдад хайрлагдаж, охиндоо ч супер ээж нь байж чадна гэдгийг би маш их өвдөлт авсныхаа дараа ойлгосон юм.
Гэхдээ яаж? Би өглөө 06 цагт сэрүүлэг тавин сэрдэг. Заримдаа өөрөө сэрчихдэг. Учир нь охин маань 8 гээд л сэрчихдэг учраас би наанадаж 2 цагийн өмнө сэрж ганцаараа сэрүүн байхдаа өөрийгөө бэлддэг.
Охиндоо өглөөнийх нь хоолыг бэлдэж өгөөд идэж байх завсар нь гэрээ цэвэрлээд бид хамтдаа гардаг юм. Ингээд охиныг маань хардаг хөөрхөн нэгэн бүсгүй дээр хүргэж өгдөг. Би ээжээрээ харуулж болно л доо. Гэхдээ ээж минь амрах эрхтэй, хашааныхаа гадаа нарлаад хавь ойрынхоо хөгшчүүлтэй буу халан гангар гунгар гэж ганцаардахгүй байх эрхтэй учраас хүнд харуулдаг. Ядаж өөр нэг эмэгтэй надаас цалин аваад гэрээ тэжээж, орлоготой ээж байгаад нь сэтгэлээ хуурч тайвшруулдаг юм.
Охиноо үнсэж үлдээчихээд ажил дээрээ очдог. Би барилгын материал оруулж ирж зардаг. Ажил дээрээ очоод л өсгийтөө тайлан саравчтай малгай өмсөн, каск зүүгээд поло подволк өмсдөг. Заримдаа өөрөө ч зөөнө. Нүүр гар орой гэхэд ямар байх нь ойлгомжтой. Орой тараад шууд л үргэлж очдог үсчиндээ орж нэг юм амь орж авдаг даа. Охиныгоо авахад 3 цаг орчим дутуу байхад тардаг учир тэр цагаа өөртөө бэлэглэдэг.
Би гоё кофе шопд ороод зүгээр л ганц кофе уучихаад цонхоор нь ширтэх дуртай. Зарим өдөр найз охид болон хэн нэг найзтайгаа түрхэн зуур уулзаад сонин хачнаа гялсхан хамж шимж ярьчихаад охин руугаа жирийнэ. Учир нь найз нөхөдтэйгээ уулзалгүй гэртээ суух ямар байдгийг, орлогогүй хэн ч биш байхдаа зурагтны удирдлаганаас өөр найзгүй байх ямар байдгийг, ганцаардах ямар байдгийг, өөртөө цаг гаргалгүй удах тусам хичнээн өнгө алддагийг би маш сайн мэднэ.
Намайг тэр айлаас хөөгдөж гарахад би ямарч өнгө зүсгүй болж, юу ч өмссөн овортой, ядарсан харагддаг байсан. Харин би өөрийгөө дахин босгохдоо хамгийн эхэнд хувийн өнгөө олж, өөрийгөө шинээр нээхийг хүссэн юм. Тэгээд Color.mn-ээр хувийн өнгөө тодорхойлуулж, өөрт маань тохирох, царайг маань сэргээж, залуужуулдаг тэр л супер өнгөнүүдээ олж авсан. Насаараа өмсөж өөрийгөө нуудаг байсан бараан, саарал хувцаснуудаа бүгдийг нь хаяж, царайнд маань гэрэл авчирдаг, арьсыг минь залуужуулдаг өнгөнүүдээ сонгон өмсдөг болсноор би 10 насаар залуужиж, өөртөө итгэх итгэлээ бүрэн буцааж авсан юм.
Одоо би өдөр бүр толинд харахдаа "Би ямар өнгөлөг, залуухан, хүчирхэг харагдаж байна аа" гэж өөртөө урам өгдөг.
Охинтойгоо гэртээ орсон цагаас хормогч зүүсэн, үсээ боосон ээж болно. Охинтойгоо хамт англи хэл сурна, хамтдаа давтна. Учир нь би хэлний тал дээр 0 л дөө. Охиндоо үлгэр уншиж өгч хувцсаа өөрөө эвхэж, биеэ даахыг зааж сургаж заримдаа хэтрүүлэн үглэнэ ккк. Харин охиноо унтуулсны дараа ном уншина. Ном уншиж хэвтээд нойр хүрвэл тэгээд л нам. Хүмүүс намайг зугаалаад л явна уу гэдэг. Би ганц бие ээж. Охинтойгоо ихэнх цагаа өнгөрөөж байгаа надад хэдхэн цагийн зав гарахад өөртөө зориулах, өөрийнхөө хувийн өнгийг олоод гоёж явах нь тийм буруу гэж үү?
Зарим нэг эмэгтэй шиг нөхөртөө хоол хийж, түүнийхээ цамцыг угааж, орой нь үнсүүлж эрхлэх, цалингаа буухаар цэцэг бариад ирэх нөхөр байхгүй учир би олон хоббитой. Би гүйдэг, хоолны сургалтад явдаг, кофе уудаг, үсчин орж, хувийн өнгөөрөө хувцаслаж өөрийн гоо сайхныг тодотгох дуртай . Учир нь энэ бүхнийг хийх ч боломжгүй, үсээ боосон, 2 жил өмссөн өмдөө гэртээ углаад хэзээ ирэх нь мэдэгдэхгүй нөхрөө цаг тоолон хүлээж, халаасан хоолоо дээрээс нь шүүрдэж амссаар нойрмоглон, "Мөнгөтэй болвол ганц гоё гутал авах юмсан" гэж мөрөөдөж сууж үзсэн болохоор.
Би өнгөрсөн шигээ амьдрахыг хүсэхгүй байгаа учир өдөр бүр толинд хараад "Чи чадна аа, чи хөөрхөн байна, чи залуу байна, чиний өнгө гэрэлтэж байна" гэж хэлдэг.
Би охиноо өөр шигээ болгохгүйн тулд, ирээдүйд хэн нэгний гарын шүүс, үнэ цэнэгүй, арчаагүй бүү амьдраасай гэсэндээ багаас нь биеэ даахыг сургаж, "Эмэгтэй хүн ч гэсэн ажилладаг, эмэгтэй хүн ч бас мөнгө олдог, эмэгтэй хүн өөрийгөө хайрлаж өнгөлөг явах ёстой, эмэгтэй хүн ухаантай бас чанга байх ёстой" гэж үлгэрлэх гэж хичээдэг жирийн нэгэн ганц бие ээж.
Бүсгүйчүүд минь, бусдаас дутахгүй гэж өөртөө тохирохгүй үнэтэй хувцас будаганд мөнгөө үрэх биш зөвхөн өөртөө тохирсон хувийн өнгөнийхөө дагуу л худалдан авалт хийж байгаарай
👉 Дарааах хобоосоор орж хувийн өнгө тодорхойлох тестийг бөглөөд ганцхан минутанд хувийн өнгөө олоорой: https://www.color.mn/onboarding/1 -Монголын анхны хувийн өнгө тодорхойлох сайт
