Уул уурхайн үйлдвэрлэлийн аюулгүй байдал, аврах ажиллагааны нийгэмлэг

  • Home
  • Mongolia
  • Ulaanbaatar
  • Уул уурхайн үйлдвэрлэлийн аюулгүй байдал, аврах ажиллагааны нийгэмлэг

Уул уурхайн үйлдвэрлэлийн аюулгүй байдал, аврах ажиллагааны нийгэмлэг Contact information, map and directions, contact form, opening hours, services, ratings, photos, videos and announcements from Уул уурхайн үйлдвэрлэлийн аюулгүй байдал, аврах ажиллагааны нийгэмлэг, Community Center, Ulaanbaatar.

Ойрын үед гадуур ч ширүүн байна шүү, уурхайчдын аюулгүй байдалд анхаараарай. ISLAMABAD -- Пакистаны баруун өмнөд...
03/08/2026

Ойрын үед гадуур ч ширүүн байна шүү, уурхайчдын аюулгүй байдалд анхаараарай.
ISLAMABAD -- Пакистаны баруун өмнөд хэсгийн Balochistan мужийн төв Quetta хотын захад орших нүүрсний уурхайд тэсрэлт болж 34 уурхайчин амь насаа алдсан гэж тус улсын албаныхан 07 дугаар сарын 31-ний өдөр буюу баасан гарагт мэдэгдсэн талаар Хятадын мэдээллийн Xinhua агентлаг 08 дугаар сарын 01-ний өдөр мэдээлсэн байна.
Тэсрэлт 07 дугаар сарын 30-ний өдөр орон нутгийн цагаар 16:00 цагийн орчимд нүүрсний далд уурхайн гадаргаас 120 орчим метрийн гүнд болсон бөгөөд үүнээс шалтгаалан малталтад нуралт үүссэн, албаны хүмүүсийн мэдээлснээр, уурхайгаас 32 хүний цогцос олдсон бол 2 хүн уурхайн маш нарийн төвөгтэй, хүрэхэд хэцүү хэсэгт гацсан хэвээр байна. Эрх баригчид 34 уурхайчин бүгд амиа алдсан гэж үзэж байна. Аврагчид уурхайд эрэн хайх ажиллагаа явуулж байгаа бөгөөд уурхайд хэдэн уурхайчин байсан, тэдний биеийн байдал тодорхойгүй байна.
Мужийн уул уурхайн ахлах албан тушаалтан тэсрэлтийн шалтгааныг мөрдөн шалгах ажиллагаа явуулж байгаа мөн амиа алдсан уурхайчин бүрийн гэр бүлд 1800 орчим доллар, бэртэж гэмтсэн уурхайчин бүрт 1100 орчим долларын нөхөн төлбөр олгох талаар мэдэгдсэн байна.

Энэтхэгт усан цахилгаан станцийн төслийн баригдаж буй хонгилд тэсрэлт болж олон ажилтан амь насаа алдсан байна. ...
24/07/2026

Энэтхэгт усан цахилгаан станцийн төслийн баригдаж буй хонгилд тэсрэлт болж олон ажилтан амь насаа алдсан байна.
Энэтхэгийн Sikkim мужийн Namchi дүүргийн Samardung тосгонд Үндэсний усан цахилгаан эрчим хүчний корпорац (National Hydroelectric Power Corporation NHPC)-ийн хэрэгжүүлж буй “Teesta Stage-VI” усан цахилгаан станцийн төслийн баригдаж буй толгойн хонгил (Head Race Tunnel (HRT))-ийн (Толгойн хонгил гэдэг нь эх үүсвэрээс цахилгаан станцын турбин руу ус нийлүүлдэг бүрэлдэхүүн хэсэг юм) нэг хэсэг 07 дугаар сарын 20-ний өдөр хийн тэсрэлтээс шалтгаалан нурсны улмаас 25 ажилтан хонгил дотор гацаж, одоогоор 12 ажилтан амь насаа алдсан талаар www.washingtonpost.com төслийн талбайн албан тушаалтнуудаас авсан мэдээллээс иш татан 07 дугаар сарын 21-ний өдөр мэдээлсэн байна. NHPC ослын шалтгааныг тогтоохын тулд нарийвчилсан мөрдөн байцаалт явуулна гэж мэдэгдэв.
Хонгилд хортой хийн түвшин нэмэгдсэн тул аврагчид хүчилтөрөгчийн багтай ажиллаж байна. Даваа гараг буюу 07 дугаар сарын 20-ний өдрийн 13:04 цагт 500 мегаваттын хүчин чадалтай “Teesta Stage-VI” усан цахилгаан станцийн төсөл дээр хонгилд 21 ажилтан ажиллаж байсан. Тэсрэлт болох үед тэдний 2 нь зугтаж чадсан байна. Эрчим хүчний 6 ажилтан осолд өртөгсдөд туслахаар хонгил руу ороод өөрсдөө гацсан талаар албаныхан мэдэгдэв. Тус мужийн ерөнхий сайд Prem Singh Tamang тэсрэлтийг хонгилд метан хий хуримтлагдсанаас болсон гэж үзэж байна гэжээ.
NHPC-ийн төслийн баг дүүрэг, орон нутгийн засаг захиргаа, Үндэсний гамшгийн хариу үйл үзүүлэх хүч (NDRF) болон бусад онцгой байдлын байгууллагуудтай нягт уялдаа холбоотой ажиллаж байна, "Бид хонгилоос метан, нүүрстөрөгчийн дутуу исэл, устөрөгчийн сульфид зэрэг хортой хий илрүүлсэн" гэж NDRF-ийн албан тушаалтан мэдэгдэв. Мягмар гарагийн орой ослын нөхцөл байдал маш аюултай байсан тул аврагчид хүчилтөрөгчийн хэрэгсэлтэй байсан ч хонгилд нэг удаад 15 орчим минутын ээлжээр л ажилласан гэж албаныхан мэдэгдэв. Хонгил дотор өтгөн утаа, хортой хий байгаа нь үзэгдэх орчинг муутгаж, аврах ажиллагааг хүндрүүлж байна.
Аврах багийнхан 07 дугаар сарын 23-ны өдөр буюу пүрэв гарагт NHPC-ийн усан цахилгаан станцын төслийн нурсан хонгилд гацсан 25 ажилтны цогцсыг бүгдийг нь гаргаж авсан байна. Энэхүү нуралт нь усан цахилгаан станцын төслийг сүүдэрлэж, өндөр эрсдэлтэй барилгын бүсэд аюулгүй байдлын арга хэмжээний талаар олон нийтийн санаа зовнилыг нэмэгдүүлсэн байна.

Энэтхэгийн Gangtok хотоос 40 орчим километр (25 миль) зайд орших Samardung тосгоны усан цахилгаан станцын төслийн баригдаж буй хонгилын дэргэд аврагчид 2026 оны 7 дугаар сарын 21-ний мягмар гараг (AP)

Мьянмарын хаш чулууны уурхайн хөрсний овоолгод гулсалт үүсчээ. YANGON - Мьянмар улсын хаш чулуу олборлодог Kachi...
01/07/2026

Мьянмарын хаш чулууны уурхайн хөрсний овоолгод гулсалт үүсчээ.
YANGON - Мьянмар улсын хаш чулуу олборлодог Kachin мужийн уурхайд хаш чулууны хаягдалын овоолго нурж 5 иргэн амь насаа алдаж, 15 иргэн сураггүй болсон талаар олон улсын мэдээллийн AFP агентлаг 2026 оны 06 дугаар сарын 30-ний өдөр дамжуулсан байна. Тус улс нь зохицуулалтгүй асар том уул уурхайн салбартай бөгөөд хойд Kachin муж нь дэлхийн хамгийн том jadeite-ийн эх үүсвэр юм. Нутгийн иргэд хууль бус гүний уурхайд ажиллаж эсвэл хөрсний овоолгод чулууны хаягдал хайж амьжиргаагаа залгуулдаг.
Хаш нь бат бөх метаморфик үнэт чулуулгийг илэрхийлдэг ерөнхий нэр томъёо юм: jadeite and nephrite гэсэн 2 төрөлтэй: jadeite - илүү ховор, хатуу, ерөнхийдөө илүү үнэтэй нягт пироксен эрдэс (NaAlSi₂O₆), nephrite - кальци ба магнийн силикат. Хэдэн мянган жилийн турш, дэлхий даяар ялангуяа зүүн Азид үнэлэгдэж ирсэн, уламжлал ёсоор үнэт эдлэл, гоёл чимэглэл, зан үйлийн эд зүйлс болгон ашигладаг.
"Хэдэн өдрийн турш үргэлжилсэн хүчтэй борооны дараа хуучин уурхайн хаягдлын овоолго тогтворгүй болж нуралт болсон" гэж Мьянмарын Global New Light сонин мэдэгдсэн. Сүүлийн саруудад Мьянмарын цэргийнхэн болон сөрөг хүчний хооронд хаш чулуу олборлох үйл ажиллагааг хянахын төлөө ширүүн тулаан өрнүүлж байна.

09/06/2026

Далд уурхайн агааржуулалтын хэмжилт, хяналтын тоног төхөөрөмж

07/06/2026

BOGOTA, 06 дугаар сарын 06-ны өдөр (Xinhua) - Колумбын “Cundinamarca” мужийн нүүрсний далд уурхайд тэсрэлт болсны улмаас 7 уурхайчин амь насаа алдсан талаар тухайн орон нутгийн удирдлагууд 06 дугаар сарын 05-ны өдөр буюу баасан гарагт мэдэгдэв. Тэсрэлт пүрэв гарагийн үдээс хойш болсон байна. Урьдчилсан байдлаар уурхайд тэсрэмтгий хий хуралдсанаас үүдэлтэй гэж үзэж байгаа ба осол болсон газарт аврах багууд ажилласан байна.
“Cundinamarca” мужийн захирагч олон нийтийн мэдээллийн хэрэгслээр дамжуулан осолдогсдын гэр бүлд эмгэнэл илэрхийлж, ослын шалтгааныг тогтоохын тулд албан ёсны мөрдөн байцаалт эхлүүлэх болно гэж мэдэгдэв.

29/05/2026

Хэдэн үг хэлье гэж бодлоо. Ойрын хэдэн өдөр Төв аймгийн Заамар сумын нутагт уурхайн өрмийн орхигдсон цооногт 3 настай хүүхэд 05 дугаар сарын 27-ны өдөр унасан тухай бүгд л ам уралдан ярьж байна. Бүр аврах ажиллагааны техникийн зураглал ч гаргасан байх шиг. Хүмүүсийн эмзэглэлийг бол хүлээн авч байна, гэхдээ газар дээр үүссэн нөхцөл байдлыг мэдэхгүй байж, зарим нь арай дэндүү, бүр гомдмоор мэдэмхийрч байгаа юм болов уу гэж ахмад аврагчийн зүгээс үзэж байна. Аврах ажиллагаа бүрийн хувьд газар дээр нь үүссэн нөхцөл байдал өөр өөр байдаг. Энэхүү нөхцөл байдалдаа тохируулан аврах ажиллагааны зураглал, цаашид авах арга хэмжээ, ажиллагааг төлөвлөдөг.
Эртний Грекийн гүн ухаантан Апеллес гэгч эрхэм “Гуталчин хүн гутлаас бусад асуудлаар бусдын хэргийг бүү шүү” гэсэн байдаг. Хүн бүр өөрийн зэмшсэн мэргэжилдээ эзэн болох гэсэн асуудал бас байдаг. Иймээс болж өгвөл өөрийн эзэмшсэн, судалсан асуудлаар л өөрийн байр сууриа илэрхийлж байх нь маш чухал. Тухайн болсон осол, аюулын хувьд ажиллаж байгаа аврагчид бүгд л болж өгвөл аврах ажиллагааг амжилттай дуусгах, хүний амь насыг аврах чин сэтгэлтэй байдаг гэж би боддог.
Амжилт хүсье, бас уучлаарай, уул уурхайн аврах ажиллагааны 30+ жилийн туршлагатай аврагч.

Уурхайн зураг төсөл маш чухал гэдгийг энэ осол анхааруулж байна. BEIJING (AP) - Хятадын Shanxi мужид нүүрсний ...
24/05/2026

Уурхайн зураг төсөл маш чухал гэдгийг энэ осол анхааруулж байна.
BEIJING (AP) - Хятадын Shanxi мужид нүүрсний уурхайд хийн тэсрэлт болж 82 уурхайчин амь насаа алдаж, 2 уурхайчин сураггүй болж, 120 гаруй уурхайчин эмнэлэгт хүргэгдсэн талаар 05 дугаар сарын 23-ны өдөр болсон хэвлэлийн бага хурлын үеэр орон нутгийн удирдлагууд мэдэгдсэн байна. Орон нутгийн албан тушаалтнууд тэсрэлтийн шалтгааныг нарийвчлан шалгаж байгаа бөгөөд уурхайн оператор хууль тогтоомжийг "ноцтой зөрчсөн" гэж тэмдэглэсэн боловч тодорхой зөрчлийн талаар дэлгэрэнгүй мэдээлэл өгөөгүй байна. Амь насаа алдсан хүмүүсийн тоо нь Хятадын мэдээллийн Xinhua агентлаг өмнө нь мэдээлж байснаас өөрчлөгдөж, шинэчлэгдсэн тоо юм байна. Ослын дараахан нүүрсний уурхайн үйл ажиллагаа "эмх замбараагүй" байсан бөгөөд тухайн үед өгсөн тоо баримт нь анхных бөгөөд тодорхой биш гэж тэд мэдэгдэв. Энэ нь сүүлийн жилүүдэд тус улсад тохиолдсон, хамгийн их хохирол учруулсан уурхайн осол болсон.
Хятадын удирдагч Ши Жиньпин Changzhi хотын Liushenyu нүүрсний уурхайд эрэн хайх аврах ажиллагаанд бүх л хүчин чармайлтаа дайчлах, гэмтэж бэртсэн хүмүүсийг яаралтай эмчлэх, ослын шалтгааныг нарийвчлан шалгаж, буруутай этгээдэд хуулийн дагуу хатуу хариуцлага хүлээлгэхийг тушаажээ. Тэрээр "бүх бүс нутгийн уурхай энэ ослоос сургамж авч, ажлын байрны аюулгүй байдлын талаар байнга сонор сэрэмжтэй байж, томоохон, гамшигт ослын тохиолдлоос урьдчилан сэргийлэх, хязгаарлах ёстой" гэж онцолсон.
Тус нүүрсний уурхайд 345 хүний бүрэлдэхүүнтэй Хятадын үндэсний 6 аврах баг ажиллаж байна. CCTV-ийн мэдээлснээр, гэмтсэн хүмүүсийн дунд олон хүн хорт хийнд хордсон байна. Төрийн телевиз мөн нүүрсний уурхайн өгсөн зураг төсөл нь бодит байршилтай таарахгүй байгаа нь аврах ажиллагаанд саад учруулж байгааг мэдээлэв.

Хятадын Shanxi мужид нүүрсний уурхайд осол гарч 8 уурхайчин амь насаа алдаж, 38 уурхайчин уурхайн гүнд тусгаарлагдсан та...
23/05/2026

Хятадын Shanxi мужид нүүрсний уурхайд осол гарч 8 уурхайчин амь насаа алдаж, 38 уурхайчин уурхайн гүнд тусгаарлагдсан талаар Хятадын мэдээллийн Xinhua агентлаг өнөөдөр өглөө (05 дугаар сарын 23-ны өдөр) мэдээлсэн байна.
“Liushenyu” нүүрсний уурхайд 05 дугаар сарын 22-ны өдрийн орой хийн тэсрэлт болох үед уурхайн гүнд 247 уурхайчин ажиллаж байсан талаар тус мэдээллийн агентлаг Хятадын Онцгой байдлын албаны эх сурвалжаас эш татсан байна. Өнөөдөр өглөөний байдлаар 201 уурхайчин газрын дээр гарсан ба тэдний 8 нь амь насаа алдсан талаар мөн мэдээлжээ.
Нүүрсний уурхайд нүүрстөрөгчийн дутуу ислийн хэмжээ зөвшөөрөгдөх хэмжээнээс хэтэрсэн, уурхайд тусгаарлагдсан зарим уурхайчдын биеийн байдал хүнд байгаа гэсэн мэдээлэл байна. Эрэн хайх, аврах ажиллагаа үргэлжилж байна.

Дэлхийн хамгийн том 10 зэсийн уурхай (2026 оны зэрэглэл)-г MINING.COM сайт 2026 оны 05 дугаар сарын 12-ны өдөр онцолсон ...
13/05/2026

Дэлхийн хамгийн том 10 зэсийн уурхай (2026 оны зэрэглэл)-г MINING.COM сайт 2026 оны 05 дугаар сарын 12-ны өдөр онцолсон байна.
Дэлхийн зэсийн зах зээл 2025 онд хамгийн сайн жилүүдийнхээ нэгийг туулсан. АНУ-ын аж үйлдвэрийн металлд ногдуулсан тарифын аюул занал, чухал ашигт малтмалын статусын өсөлт, дэлхий даяар тулгарсан нийлүүлэлтийн томоохон тасалдал зэрэг нь өнгөрсөн жил үнийг 40%-иар өсгөхөд нөлөөлсөн байна. Энэхүү өсөлт нь 2026 онд үргэлжилсэн бөгөөд металлын эрэлт хэрэгцээ нэмэгдэж, нийлүүлэлтийн хязгаарлалт үргэлжилсээр байгаа нь 1 дүгээр сард үнийг тонн тутамд 14,500 ам.долларт хүргэж, дээд амжилт тогтоосон.
Зэсийн үйлдвэрлэлд ашиглагддаг хүхрийн хүчлийн хомсдол болон эрчим хүчний үнийн өсөлтөөс шалтгаалан 2026 онд уул уурхайн зардал нэмэгдэх төлөвтэй байгаа нь зэсийн үнийн дараагийн томоохон хүчин зүйл гэж үзэж байна хэмээн дэлхийн хөрөнгийн менежер гэгддэг “Sprott”-ын шинжээч саяхан мэдэгдэв. Мөн нийлүүлэлтийн тасалдалаас шалтгаалж зэсийн үнэ дахин өснө гэж “Goldman Sachs” үзэж байна. Олон улсын зэсийн судалгааны групп (The International Copper Study Group) саяхан өмнө нь гаргаж байсан илүүдлийн төсөөллөө бүрмөсөн орхиж, 2026 онд 150,000 тонн зэсийн алдагдалтай байх төлөвтэй байна гэжээ.
Урьд нь нэрлэгдэж байсан том 10 уурхай, тэдгээрийн олонх нь хэдэн арван жилийн турш үйлдвэрлэл явуулж (зарим нь 1800-аад оны сүүл үеэс эхлэлтэй) дэлхийн нийт олборлолтын тавны нэгээс илүү хувийг эзэлж, 2025 онд 4.9 сая.тонн зэс үйлдвэрлэсэн байна. Гайхалтай нь, саяхан BHP дэлхийн 1 дүгээр зэс үйлдвэрлэгчээр нэрлэгдэж, Чилийн төрийн өмчит Codelco компани шилдэг 10-т багтах боломжгүй болсон байна. Өнгөрсөн жил аварга том зэсийн уурхайнуудад гарсан осол (Grasberg, Kamoa-Kakula) зэсийн үнэд ихээхэн нөлөөтэй болохыг харуулсан гэжээ.
Бидний хувьд сонирхолтой нь манай Монголын Засгийн газар, Рио Тинто компанийн хамтарсан “Оюу Толгой” компани 345.1 мянган.тонн зэс олборлолтоор 10-д жагссан байна. Төрийн өмчит “Эрдэнэс Монгол” компаниар дамжуулан 34%-ийн хувьцаа эзэмшдэг Засгийн газар энэ жил ашгийн төлбөрийг эрт төлөх, орлогын илүү их хувийг шаардаж, 18 тэрбум.долларын төслийн арилжааны нөхцөлийн талаарх хэлэлцээрийг дахин эхлүүлсэн байна гэжээ.

06/05/2026

BOGOTA, 05 дугаар сарын 04-ний өдөр (Reuters) -
Колумбын Cundinamarca мужид нүүрсний уурхайд тэсрэлт болж 9 уурхайчин амь насаа алдаж, 6 уурхайчин гэмтсэн талаар тус улсын Үндэсний уул уурхайн агентлаг 05 дугаар сарын 04-ний өдөр буюу даваа гарагт мэдэгдсэн байна. Тэсрэлт “Carbonera ⁠Los Pinos” компанийн “La Ciscuda” нүүрсний уурхайд даваа гарагийн 16:00 цагт (21:00 GMT) болсон. Тус улсын Онцгой байдлын албанаас уурхайгаас 6 уурхайчныг аварсан, үлдсэн уурхайчдын цогцсыг гаргаж авахаар ажиллаж байгаа юм байна.
Уг осол нь уурхайн малталтад метан хий хуримтлагдсанаас үүдэлтэй бөгөөд Үндэсний уул уурхайн агентлагаас 04 дүгээр сарын 09-ний өдөр тус уурхайд ажиллаж, метан болон нүүрсний тоос тэсрэх аюултай байж болзошгүй талаар сэрэмжлүүлэг өгч, аюулгүй байдлын арга хэмжээгээ чангатгахыг зөвлөж байжээ. Түүнчлэн сар хүрэхгүй хугацааны өмнө хийсэн шалгалтын үеэр уурхайн операторуудад өгсөн зөвлөмжийг нийтэлсэн байна.

Address

Ulaanbaatar

Website

Alerts

Be the first to know and let us send you an email when Уул уурхайн үйлдвэрлэлийн аюулгүй байдал, аврах ажиллагааны нийгэмлэг posts news and promotions. Your email address will not be used for any other purpose, and you can unsubscribe at any time.

Shortcuts

Share

Category