13/01/2026
“ҮР ХОЙЧДОО ҮЛДЭЭЕ” өвлийн тайгын аялалдаа амжилттай яваад ирлээ. Манай аялагчид үлгэрийн мэт байгаль эхийн үзэмжийг биширч, мэдрэхийн зэрэгцээ,
-Хэрхэн үүнийг үр хойчдоо энэ хэвээр үлдээх вэ?
-Яаж орон нутгийн эмэгтэйчүүд, иргэдийн амьжиргаанд байгальд ээлтэй аргаар хувь нэмэр болох вэ гэдэг асуултын хариуг хамтдаа эрэлхийлдэг онцлогтой.
Бөмбөрцөг дэлхийн цэвэр усны нөөц болсон Дархадын цэнхэр хотгор нь 300 орчим нууртай, хөрсөн доороо цэвдэгтэй, уулс бүрээс нь рашаан ундарч байдаг, Тэнгис, Шишгэд, Эг, Бэлтэс зэрэг томоохон гол мөрөнтэй газар бөгөөд Монгол саяны нуруу, Хорьдол сарьдагын уулс, Бүрэнхаан хайрханаар хүрээлүүлсэн үлгэрийн орон юм.
Бид энэхүү аяллаа Улаан Тайгын Улсын Тусгай Хамгаалалттай Газруудын Хамгаалалтын Захиргааны дэмжлэгтэйгээр зохион байгуулдаг бөгөөд аян замын туршид Байгаль хамгаалагч нарын үнэмшмээргүй гайхалтай түүхүүдийг хуучлан үлгэрийн орныг зүрх, сэтгэл, тархи, оюун бодлоороо мэдэрдэг онцлогтой.
Энэ удаагийн аяллын хамгийн сайхан хэсгийн нэг нь 2 жилийн өмнө МЭХДХ-ны дэргэдэх “Тайгын бэрүүд” эмэгтэйчүүдийн бүлгийн гишүүдийн санаачилж хийсэн Жаргант голын эрэг дээрх автмашины зогсоол, мэдээллийн самбар, отоглох цэгийг орон нутгийн захиргаа өргөжүүлж, харуул хамгаалалттай болгосон явдал байлаа. Хамгийн гол нь өмнөх шигээ голын эх рүү нэг ч машин ороогүй байсан нь үнэхээр урамтай байв.
"Тайгын бэрүүд" бүлгийн гишүүн, Байгаль хамгаалагч бүсгүй н.Энхзаяа маань нутагтаа ирээд, Жаргант голынхоо эхийг хамгаалж ажиллаж байгаа нь бүр гайхалтай байлаа.
Нутгийн эмэгтэйчүүдийн санаачилгыг дэмжсэн #рэнчинлхүмбэ сумын удирдлага, албан хаагчид, нутгийн зонгуут баярлалаа.
Аяллын тэмдэглэлийг эргэн өгүүлэх болно.
