09/08/2026
Монгол улс веган хоолны газрын тоогоороо дэлхийд 7-р байрт орлоо!
Монгол улс ургамал суурьт хоолны газрын тоогоороо дэлхийн эрэмбэд тогтвортой өсөж байна. 2026 оны байдлаар улс даяар нийт 29 бүрэн веган хоолны газар/ресторан ажиллаж байна. Хүн ам нь ойролцоогоор 3.56 сая байгаа тул энэ нь нэг сая хүнд 8.1 веган ресторан ногдож байгаа бөгөөд энэ үзүүлэлтээрээ Монгол улс Пуэрто-Рикотой хамт дэлхийд 7-р байрыг хуваалцаж байна.
Зөвхөн жилийн өмнө, Vegan Society-ийн 2025 оны тайланд (HappyCow-ийн мэдээлэлд үндэслэсэн) Монгол улс 7.3-ын үзүүлэлттэйгээр 11-р байрт байсан. Энэ ялгааг сүүлийн үед нээгдсэн ойролцоогоор 10 шинэ хоолны газар бүрдүүлсэн бөгөөд тэдгээрийн ихэнх нь Улаанбаатарт байрладаг. Энэхүү тогтвортой өсөлт нь хэд хэдэн улсыг гүйцэж түрүүлэн Монголыг дэлхийн топ 10-д оруулсан юм.
Одоогийн байдлаар нэг сая хүнд ногдох бүрэн веган хоолны газрын эрэмбэ дараах байдалтай байна: Тайвань 14.8-аар тэргүүлж, дараа нь Португал (13.7), Сингапур (11.8), Ямайка (11.3), Эстони (8.8), Австри (8.3) орж байна. Монгол болон Пуэрто-Рико хоёулаа 8.1-ээр 7-р байрыг эзэлж, Вьетнам, Нидерланд зэрэг бусад улсуудаас түрүүлж байна.
Нүүдлийн аж ахуй голлосон Монгол улсын хувьд бүрэн веган ресторануудын өсөлт онцгой анхаарал татаж байна. Тэдгээрийн бараг ихэнх нь нийслэлд төвлөрч байгаа нь залуу хотын иргэдийн сонголт сонирхол өөрчлөгдөж, мөн гадаадын жуулчдын эрэлт нэмэгдэж буйг харуулж байна. Эдгээр тоо баримт нь дэлхийн хамгийн уламжлалт амьтны гаралтай бүтээгдэхүүний суурьтай хэрэглээний зэрэгцээ ургамлын гаралтай хооллолт тогтвортой бат суурьтай хөгжиж буйг илтгэж байна.
Улаанбаатарт 19, орон нутагт 10 хоолны газар тоологджээ. Үүнээс Улаанбаатар хотод 9 Ловин Хат, орон нутагт 7 Ловин Хат үйл ажиллагаагаа явуулж байна.
