10/06/2026
Багахангай дүүрэгт үйл ажиллагаа явуулж байгаа гадаадын болон дотоодын ААН байгууллагын эрх мэдэл нь нарт мэдэгдэх:
Та бүхэн бидний орон нутагт ирж ашиг орлого олж байгаа бол манай ард иргэдийг ажлын байраар хангаж ажиллах ёстой.
Та бүхэн орон нутгийн ард иргэдийг ажилд авахад маш цааргалж байгаа нь тааламжгүй байна. Архи ууж ажил тасалдаг, эсвэл хэрүүлж гэсэн шалтгаанаар асуудалд хойрго хандаж байгаа нь ард иргэдийг дургүйцлийг их хүргэж байна. Та бүхэн ажилтандаа хийсэн ажилд нь тохирсон цалин, урамшуулал хангалттай өгөөд явбал иргэд маань архи ууж ажил таслах шалтгаан болохгүй гэж итгэж байна.
Монголын газар шороо, хөрс, агаар хүний чадавхыг ашиглаж орлого олж байгаа бол хойноос ирээд хот манайх хотонд ороод хонь манайх гэдэг шиг ааш гаргахгүй шүү гэж сануулж байна.
Ажил олгогч та ажилтныхаа эрх ашгийг хөндөж байвал тэр нь Хөдөлмөрийн харилцааг ноцтойгоор зөрчиж байна гэсэн үг.
Ажилтан та хөдөлмөрийн харилцаанд оролцогч болсноос хойш хуулийн дагуу эрхээ хамгаалуулах эрхтэй
Хөдөлмөрийн харилцаа гэдэг нь ажил олгогч болон ажилтан хоёрын хооронд хөдөлмөрийн гэрээгээр тогтоогдож, хөдөлмөрийн хуулиар зохицуулагддаг эрх, үүрэг, хариуцлагын нийлбэрийг хэлнэ.
Хөдөлмөрийн харилцаанд дараах үндсэн зүйлс орно:
Хөдөлмөрийн гэрээ байгуулах
– Ажил олгогч ажилтныг тодорхой ажил гүйцэтгүүлэхээр авна, ажилтан хөлсөөр ажил гүйцэтгэхээр тохирно.
Ажилтан ба ажил олгогчийн эрх, үүрэг
– Ажилтан: ажлаа гүйцэтгэх, дотоод журам мөрдөх
– Ажил олгогч: ажлын байр, цалин, аюулгүй ажиллагааг хангах
Цалин хөлсний харилцаа
– Цалин тогтоох, олгох, нэмэгдэл болон урамшуулал.
Ажлын цаг, амралтын цаг
– Ажлын өдрийн дээд хязгаар, амралт, баярын өдрүүд, ээлжийн амралт.
Хөдөлмөрийн аюулгүй байдал, эрүүл ахуй
– Аюулгүй орчин, хамгаалах хэрэгсэл, эрсдэлийн үнэлгээ.
Хөдөлмөрийн сахилга, хариуцлага
– Сахилгын шийтгэл, ажилтны буруутай үйлдэл, ажлаас чөлөөлөх үндэслэл.
Хөдөлмөрийн гэрээг дуусгах
– Халагдах, чөлөөлөгдөх, хугацаа дуусах, харилцан тохиролцох гэх мэт.
Send a message to learn more
