Их Орд ЭТТ ХК ажилчдын эрхийг хамгаалах үйлдвэрчний эвлэлийн холбоо

06/07/2025

УУРХАЙД НӨХӨР
УЛААНБААТАРТ ЭХНЭР

Монголд төдийгүй дэлхийн олон орны уул уурхай, оффшор, хээрийн ажилтай гэр бүлүүдэд түгээмэл тулгардаг харилцааны сэтгэлзүйн хүнд нөхцөл юм. Дараах зөвлөмжүүд нь сэтгэл судлалын онол болон практикт суурилсан бөгөөд урт хугацааны харилцааг хамгаалах, хосын холбоог тэтгэхэд чиглэнэ.

Урт хугацаагаар хол байх нь хосуудын харилцаанд эдгээр гурван мэдрэмжийг тасалдуулдаг.

1. Бие махбодийн ойр дотно байдал
2. Сэтгэл хөдлөлийн ойр дотно байдал
3. Харилцан хариуцлага хүлээх гэсэн гурван тулгуур хүчин зүйлийг алдагдуулдаг.

Энэ нь эхнэр хүнд ганцаардал, сэтгэл гутрал бий болгож, хүүхдэд эцгийн орон зай дутмаг байдаг.
Харин нөхөрт гэм буруугүй ч гэр бүлтэйгээ хамт байх цаг хугацааг алдсан мэдрэмж үүсгэдэг.

💡 Шийдэл гарц нь нэгдүгээрт:

Тогтмол, чанартай харилцаа холбоо
Өдөр бүр 10–15 минут утсаар ярьж, зөвхөн “юу хийсэн”-д бус хол ганцаараа байхдаа “ЮУ МЭДЭРЧ БАЙГАА ”-гаа хуваалцах нь маш чухал. Ихэнх тохиолдолд хүмүүс өдөржин юу хийсэнээ яриад байдаг. Энэ нь залхуутай, сонирхолгүй, хол хөндий мэдрэмж өгдөг. Харин чамгүйгээр би ийм мэдрэмж мэдэрч байна гэж хэлэх нь холын зайн сэтгэлзүйг бат бөх хатуу байлгахад дэмжлэг, сэтгэлзүйн холбоосыг нэмэгдүүлдэг.
(Хүүхэдтэй ч гэсэн видео дуудлагаар харилцах нь эцгийн орон зайг хадгална.)

Хоёрдугаарт: “Төсөөллийн ойр дотно байдал” бий болгох

⚠️Тухайлбал, нэг ижил ном уншаад түүнийгээ ярилцах, нэг кино үзэж сэтгэгдлээ солилцох гэх мэт нь биеэр хамт байхгүй ч оюун санаагаар хамт байхад тусална.

Гуравдугаарт: Эхнэрийн дотоод нөөцийг дэмжих

→ Дэмжих сэтгэлзүйн орчныг бий болгох
Ээжүүдийн бүлэг, нөхцөл байдал ижил гэр бүлийн хүрээлэлд орох.

Ямар нэгэн бие даасан орон зай, сонирхол (унших, иога, сургалт гэх мэт) байх нь “зөвхөн эхнэр, ээж” биш, өөрийнхөө хувь хүн байх мэдрэмжийг хадгалдаг.

→ Сэтгэлзүйн тусламж авахыг ичмээр гэж бодох хэрэггүй
Хосын зөвлөгөө, эсвэл ганцаарчилсан сэтгэлзүйчтэй уулзалт тогтмол хийснээр асуудал хурцдахаас сэргийлнэ.

Дөрөвдүгээрт: Хамтрагчийн оролцоог нэмэгдүүлэх

→ Ажил дээрээ байх үедээ ч оролцоо үзүүлэх
Эхнэрт хүүхдийн хичээл, эрүүл мэнд гэх мэт гол шийдвэрүүдэд оролцож буйгаа илэрхийлэх.
❗“Чи гэртээ байж чадахгүй ч, шийдвэрт минь хамт байна” гэх мэдрэмж эхнэрт маш чухал.
→ Амралтын үеийг “амралт” биш, “хосын холбоо дахин сэргээх хугацаа” болгох

✅Сарын 1–2 хоногийг зөвхөн хоёр биендээ зориулж, үнэн сэтгэлээсээ ярилцаж, нээлттэй байх.

⚠️Хол зайтай амьдрал салалтын шалтгаан болдог нь сэтгэл хөдлөлийн холбоо тасарсантай холбоотой. Үүнийг нөхөх арга зүйтэй, ухамсартай, тууштай үйлдэл л асуудлыг шийдэж чадна.
-Хөдлөшгүй Бясалгагч

Көүч Хөдлөшгүй Бясалгагч Aum Ayanga

14/01/2025

Их Орд ҮЭБ хөх үйлдвэрчний эвлэл.

14/01/2025

Үйлдвэрчний эвлэлүүдийг тодорхой өнгөөр ангилах нь шууд албан ёсны ангилал биш боловч түүхэн, улс төр, нийгмийн нөхцөл байдлаас шалтгаалж янз бүрийн өнгөөр бэлгэдэн нэрлэж ирсэн байдаг. Ерөнхийдөө нийтлэг байдлаар 6 өнгөөр ангилан нэршиж иржээ.

1. Шар үйлдвэрчний эвлэл “бууны нохой”

Тодорхойлолт: Ажил олгогчийн дэмжлэгтэйгээр байгуулж, компанийн эрх ашгийг дэмждэг, хараат үйлдвэрчний эвлэл.
Онцлог: Ажилчдын эрх ашгийг хамгаалахгүй, ажил олгогчийн бодлогыг сурталчилдаг. Тэднээс хараат, санхүүгийн дэмжлэг нууцаар авдаг. Жинхэнэ үйлдвэрчний эвлэлийн тэмцэл үйл ажиллагааг сулруулах, ажилчдын шаардлагыг намжаах үндсэн зорилготой.
Жишээ: Францад XIX зууны үед үүссэн “шар үйлдвэрчний эвлэл” нь ажил олгогч том үйлдвэрийн эздийнх нь санаачлагаар байгуулагдаж тэдний дуу хоолой болж зөвхөн эздийн өмнөөс дуугардаг, хагалан бутаргах, тэмцлийг саармагжуулах үндсэн зорилготой байв.
Сөрөг нөлөө: Ажиллагсадын ҮЭ-д итгэх итгэлийг сулруулж ажил олгогч үйлдвэрийн эздийн давамгай байдлыг бататгаж өгдөг.

2. Улаан үйлдвэрчний эвлэл “Коммунист “
Тодорхойлолт: Социалист, коммунист үзэл баримтлалтай, ажилчдын эрхийн төлөө тэмцдэг, зүүний чиглэлийн үйлдвэрчний эвлэл. Уриа нь “хөдөлмөрчин анги бүхнээс илүү, бүгдээс хүчтэй, мөнгө орлогоос илүү тэмцэл чухал” “Орон бүхний пролетари нар нэгдэгтүн” . Билэгдэл нь улаан туг.
Онцлог: Ангийн тэмцэл, нийгмийн өөрчлөлт, капитализмын эсрэг тэмцэлд оролцдог.
Жишээ: ЗХУ болон социалист орнуудын улаан тугт үйлдвэрчний эвлэл

3. Хөх үйлдвэрчний эвлэл
Тодорхойлолт: Улс төрийн туйлшралаас ангид, ажилчдын эрх ашгийг бодитоор хамгаалж, ажил олгогчтой зөв зүйл дээр хамтран ажилладаг ажиллагсадын нэгдсэн эвлэл.
Онцлог: Төвийг сахисан, прагматик арга барилтай. Хөх өнгө нь найдвартай байдал, эв нэгдэл, эрх чөлөөг илэрхийлдэг.
Жишээ: Тодорхой нэг жишээ гэхээс илүү төвийг сахисан үйлдвэрчний эвлэлүүдэд энэ нэр томьёо хамааралтай.

4. Хар үйлдвэрчний эвлэл
Тодорхойлолт: Анархист, радикал хөдөлгөөнөөс үүссэн, ажилчдын өөрөө удирдах ёсыг дэмждэг үйлдвэрчний эвлэл. ISIS маягын
Онцлог: Улс төрийн систем болон капитализмын эсрэг хурц тэмцэл явуулдаг.
Жишээ: Анархо-синдикалист хөдөлгөөнүүд (жишээ нь, Испанийн CNT).

5. Ногоон үйлдвэрчний эвлэл

Тодорхойлолт: Байгаль орчныг хамгаалах, тогтвортой хөгжилд чиглэсэн үйлдвэрчний эвлэл.
Онцлог: Ажилчдын хөдөлмөрийн эрхийг байгаль орчны асуудалтай уялдуулан хамгаалахыг зорьдог.
Жишээ: Зарим барууны орнуудад ногоон хөдөлгөөнтэй уялдсан үйлдвэрчний эвлэлүүд.

6. Цагаан үйлдвэрчний эвлэл

Тодорхойлолт: Оюуны хөдөлмөр эрхлэгчид, албан тасалгааны ажилчдын эрх ашгийг хамгаалах эвлэл.
Онцлог: Үйлдвэрийн ажилчдаас ялгаатай бүлгийн хэрэгцээг хангасан үйл ажиллагаа явуулдаг.

Дүгнэлт:

Өнгөний ялгарал нь үйлдвэрчний эвлэлүүдийн үзэл баримтлал, чиглэл, үйл ажиллагааны арга барилыг илэрхийлдэг. Улс орон бүрийн нийгэм, улс төрийн онцлогоос шалтгаалан эдгээр нэршлүүд өөрчлөгдөх эсвэл хослох тохиолдол байдаг. Одоогийн байдлаар улаан, шар, хөх гэх мэт өнгө нь хамгийн өргөн хэрэглэгддэг ангиллууд юм.

09/01/2025

https://www.facebook.com/share/1HEFLPFTQp/?mibextid=wwXIfr

26/12/2024

Highlights

25/12/2024

"Эрдэнэс Тавантолгой" ХК-ийн "Их Орд" Үйлдвэрчний эвлэлээс ажилчидтай эдгээр өдрүүдэд уулзана аа. Нийт ажилчид идэвхтэй оролцоорой.

25/12/2024