03/08/2024
"Дараагийн чөтгөр"
Чөтгөрүүдийн хурал😈 болжээ. Тэд итгэгчдийг хэрхэн итгэлээс төөрөгдүүлэх талаар зөвлөлдөж байв
Нэг чөтгөр: Би тэдэнд Бурхан байдаггүй гэж хэлнэ гэхэд. Тэд итгэхгүй, энэ бол хэтэрхий илт заль байна гэв.
Өөр нэг нь: Тэдэнд Бурханыг биш мөнгийг сонго💸 гэж хэлнэ гэхэд. Ингэж шулуухан хэлж болохгүй. Тэднийг өөр аргаар унагах хэрэгтэй гэв. Гэтэл нэг жижигхэн чөтгөр гараа өргөөд "Би тэдэнд дараа гэж хэлнэ. Бурхан байдаг, энэ үнэн гэхдээ чи эхлээд мөнгө ол, өөрийгөө бод. Тэгээд дараа нь л Бурханд итгэчих. Дараа нь л цуглаандаа оччих" ингэж хэлье гэжээ. Тэд бүгд санал нийлж хүмүүсийн чихэнд👂 "дараа" гэдэг шидэт үгээ хэлэхээр явав.
Энэ үг одоо ч бидний чихэнд сонсогдсоор байна. Библиэ унших үед, залбирах гээд суух үед, цуглаандаа очих гэж байхад олон зүйл дээр биднийг дараагийн чөтгөр😈 хорьдог. Илүү чухал мэт зүйлийг бидэнд санал болгодог.
Тиймээс хэрвээ танд библиэ уншмааргүй санагдаж байна гэвэл яг тэр үед үргэлжлүүлэн унших цаг📖, үг сурмааргүй байгаа бол яг тэр үе үг сурах цаг байна гэдгийг ойлгоод "дараагийн" чөтгөрийг өөрөөсөө хөөгөөсэй гэж хүсэж байна. 💞
✝️Дараа биш одоо Бурханыг сонгоцгооё
