11/07/2026
ТӨР, ТҮМНИЙХЭЭ ИТГЭЛИЙГ НЭР ТӨРТЭЙ БИЕЛҮҮЛЛЭЭ
ССАЖЗЯ, Үндэсний их баяр наадмыг зохион байгуулах хорооны шийдвэрээр Тулгар төрийн 2235, Их монгол улс байгуулагдсаны 820 жил, Үндэсний эрх чөлөө,тусгаар тогтнолын115 жил, Ардын хувьсгалын 105 жил, Ардчилсан хувьсгалын 35 жилийн түүхт ойнууд, үндэсний их баяр наадмын нээлтийн ёслол, урлаг, спортын үзүүлбэр арга хэмжээнд манай холбооны тамирчдаас 70 хос буюу 140 бүжигчдийг оролцуулах, бэлтгэл зохион байгуулалтыг хангаж ажиллах хариуцлагатай үүрэг хүлээн авсан билээ.
Энэ нь нийтийн бүжгийн спортыг хөгжүүлж бүх нийтийн хүртээл болгох, иргэдийн эрүүл мэнд, бие бялдрын соёл,боловсролыг дээшлүүлэх талаар манай хамт олны бид 20 шахам жилийн хөдөлмөр, спортын ажилтыг төр засаг үнэлж, цаашдаа олон талаар хамтран ажиллах боломж, итгэл хүлээлгэж буй таатай нөхцөл, нэр төрийн хэрэг гэж ойлгон холбооны ерөнхийлддөгчийн албан даалгавраар нийслэлийн Чингэлтэй, Баянзүрх ,Баянгол, Сонгино хайрхан дүүргүүдийн салбар зөвлөл ,харьяа клубүүдийн дарга, багш, дасгалжуулагч нарт үүрэг болгосон юм.
Нэр хүндтэй түүхэн арга хэмжээнд оролцох тамирчдыг сонгон шалгаруулж бэлтгэл зохион байгуулалт, малгай, дээл хувцсыг жигдлэх ажлыг МНБСХ-ны сургалт заах аргын зөвлөлийн нарийн бичгийн дарга, зөвлөх багш, СМ.Д.Сувдаа, тамирчдын ур чадварын бэлтгэлийг хангаж сургуулилалтын чанар,идэвх оролцоог дээшлүүлж дасгалжуулах ажлыг ЧД-ийн салбар зөвлөл, “Фокстрот “клубийн зөвлөх багш, дасгалжуулагч СМ.С.Одхүү, БЗД-ийн зөвлөх багш, СМ.С.Оюунцэцэг нар тус тус хариуцан хүлээсэн үүргээ үлгэр жишээчээр гүйцэтгэж, манай тамирчид, урлаг, соёл, спортын алдартнууд, олон зуун шилдэг тамирчдын эгнээнд багтаж баяр наадмын нээлтийн үзүүлбэр тоглолтод оролцож монголын төрт ёс, тусгаар тогтнол, улс хувьсгал, спортын салбарын түүхэнд мөнхлөгдөн үлдэх эрхэм үүргээ нэр төртэй биелүүллээ
Ёслолын арга хэмжээнд оролцох олон тамирчдын өмсөх дээл хувцсыг өгөгдсөн загварын дагуу богино хугацаанд чанартай урлаж бэлэн болгосон Баянгол дүүргийн тамирчин Л.Сарнайцэцэгийн хувь нэмэр онцгой байлаа.
Хүн бүхний амьдралд тэр болгон тохиогоод байхгүй түүхэн баяр ёслолын арга хэмжээнд сэтгэл зүрхээрээ хандаж олон өдрийн бэлтгэл сургуулилтыг шантралгүй давж өөрийн амьдралдаа гэгээн дурсгал үлдээж, , үр ачийнхаа бахархал болж төр түмнийхээ итгэлийг нэр төртэй биелүүлсэн ахмад бүжигчид, нийт тамирчид даа халуун талархал дэвшүүлж эрүүл өөдрөг амьдралын эх сурвалж болсон нийтийн бүжгийн спортын замналд нь амжилт ололтын дээдийг ерөөе. Бид чаддаа. Нийтийн бүжгийн спортын алдар бадартугай.
ХОЛБООНЫ ЕРӨНХИЙЛӨГЧ МУСГД Б.ЖИЯАНДОРЖ
ГҮЙЦЭТГЭХ ЗАХИРАЛ СМ. С.УНДРАХ
