Мэдээлэл холбооны операторуудын ассоциаци - MICOA

13/05/2026

МХОА-ийн захирлуудын дэд зөвлөлийн ээлжит уулзалт амжилтай зохион байгуулагдлаа.

Уулзалтаар Мэргэжлийн нэгдсэн холбоог байгуулах асуудлыг хэлэлцэж, дүрмийн зарим зохицуулалтын талаар санал солилцлоо.

Одоогоор:
• Мэдээлэл холбооны операторуудын ассоциаци
• Олон суваг дамжуулах үйлчилгээ эрхлэгчдийн холбоо
• Дэд бүтэц угсралтын үйл ажиллагаа эрхлэгчдийн холбоо
• Монголын оюуны өмчийн холбоо
• Харилцаа холбооны үндэсний ассоциаци зэрэг холбоод Мэргэжлийн нэгдсэн холбоонд элсэх боломжтойгоо илэрхийлээд байна.

07/05/2026

МХОА-ийн төлөөлөл Монгол Улсын Их Хурлын гишүүн, Монгол Улсын Их Хурлын Инновац, цахим бодлогын хөгжлийн дэд хорооны дарга Ч.Анартай уулзалт зохион байгууллаа.

Уулзалтаар харилцаа холбооны салбарт тулгамдаж буй асуудал, салбарын хамтын ажиллагааны талаар санал солилцов.

30/04/2026

Харилцаа холбооны салбарын нэр томьёоны тайлбарыг нам орбитын хиймэл дагуултай холбоотой дугаараар үргэлжлүүлж байна

Энэ удаагийн мэдээллээр LEO-ийн талаар танилцуулж байна.

📡LEO (Low Earth Orbit) нь дэлхийд хамгийн ойр тойрог замд ажилладаг тул мэдээлэл дамжуулах хугацааг богиносгож, бага сааталтай, тогтвортой холболтыг бүрдүүлэх боломжийг бий болгодог.

LEO буюу харилцаа холбооны нам орбит технологи нь сүүлийн жилүүдэд эрчимтэй хөгжиж, өрсөлдөөн нь АНУ, БНХАУ, Европын компаниудын дунд идэвхтэй өрнөж байна. Түүнчлэн стартап компаниуд дэвшилтэт технологийн судалгаа, хөгжүүлэлтэд түлхүү анхаарч байна.

Нам орбитод 2020 онд ойролцоогоор 2,600-3,000 орчим идэвхтэй хиймэл дагуул байршиж байсан бол 2026 оны 1-р улиралд 10,000 гаруйд хүрсэн нь уг хиймэл дагуулын ашиглалт сүүлийн жилүүдэд эрчимтэй нэмэгдсэнийг харуулж байгаа юм.

📌Харилцаа холбоо, мэдээллийн технологийн салбарын цаг үеийн мэдээ, мэдээллийг авахыг хүсвэл манай пейж хуудсыг дагаарай.

Stay tuned, come back soon….

29/04/2026

ГҮН ЭМГЭНЭЛ ИЛЭРХИЙЛЬЕ

ЭМГЭНЭЛ
АЛТАЙН ЛУВСАН-ОЧИР
(1977-2026)

Бидний эрхэм нөхөр, хамтран зүтгэгч Алтай овогтой Лувсан-Очир 2026 оны 04 дүгээр сарын 28-ны өдөр зуурдаар таалал төгсөж, бид бүхэнд төдийгүй харилцаа холбооны салбарт нөхөж баршгүй хүнд гарз тохиолоо.

Тэрээр харилцаа холбооны салбарт тасралтгүй 26 жил үр бүтээлтэй ажиллаж, мэдлэг чадвар, сэтгэл зүрхээ салбарынхаа хөгжилд зориулсан, хүлээн зөвшөөрөгдсөн, мэргэшсэн боловсон хүчин, удирдан манлайлагч байлаа.

А.Лувсан-Очир нь 1977 онд Улаанбаатар хотноо төрж, 1995 онд Сэлэнгэ аймгийн Орхонтуул сумын дунд сургууль, 2000 онд Монгол Улсын Техникийн их сургуулийн Холбоо, Мэдээллийн технологийн сургууль, 2024 онд Монгол Улсын Их сургуулийн Хууль зүйн сургуулийг төгссөн, харилцаа холбооны инженер, эрх зүйч, техникийн ухааны магистр, Монгол Улсын зөвлөх инженер, салбарын өндөр боловсролтой боловсон хүчин байлаа.

Тэрээр ажил хөдөлмөрийн гараагаа 2000 оноос Монголын Цахилгаан холбоо ХК-д ээлжийн инженер, ачаалал судалгаа, өгөгдөл зохицуулалтын инженерээр эхлүүлж, Монгол Улсад Харилцаа холбооны зохицуулах хороо анх байгуулагдсан 2002 оноос эхлэн өнөөг хүртэл мэргэжилтнээс Ажлын албаны дарга, Хорооны гишүүн хүртэл тасралтгүй 24 жил ажилласан мэргэшсэн зохицуулагч байлаа.

Харилцаа холбооны зохицуулах хороонд ажиллах хугацаандаа сүлжээ хоорондын харилцан холболт, дугаарлалтын зохицуулалт, өрсөлдөөний зохицуулалтын мэргэжилтэн, Харилцаа холбоо, мэдээллийн технологийн хөгжил, зохицуулалтын хэлтсийн дарга, Радио давтамжийн зохицуулалт, хяналтын албаны дарга, Зах зээл, үнэ тарифын албаны дарга, Өргөн нэвтрүүлгийн зохицуулалтын газрын дарга, Ажлын албаны даргаар тус тус ажиллаж байв.

А. Лувсан-Очир нь харилцаа холбоо, радио долгион, мэдээллийн технологи, шуудангийн зохицуулалтын орчинг боловсронгуй болгох, хууль эрх зүйн шинэчлэлтийг хэрэгжүүлэх, Өргөн нэвтрүүлгийн хуулийг шинээр боловсруулж батлуулах, салбарыг хөгжүүлэх үйлсэд өөрийн мэдлэг чадвар, оюун ухаан, хүч авьяасаа бүрэн зориулан гар бие оролцон, манлайлан ажиллаж байсан юм. Тэрээр найз нөхөд, хамт олон, салбарт хамтран зүтгэгчдийнхээ хайр хүндэтгэлийг хүлээсэн, нэр хүндтэй, мэргэшсэн, туршлагатай мэргэжилтэн, удирдан манлайлагч байлаа.

Түүний хөдөлмөр, зүтгэл, харилцаа холбооны салбарын хөгжилд оруулсан хувь нэмрийг төр засгаас өндрөөр үнэлж, Онц холбоочин цол, төрийн дээд шагнал “Хөдөлмөрийн хүндэт медаль”, “Алтан гадас одон”, “Хөдөлмөрийн гавьяаны улаан тугийн одон”-оор тус тус шагнасан юм.

Эрхэм нөхрийн минь чигч шударга, хүнлэг нинжин, өгөөмөр тусч сэтгэл, эрч хүчтэй, бүтээлч, нөхөрсөг зан чанар нь найз нөхөд, хамт олон бидний сэтгэл зүрхэнд үүрд үгүйлэгдэн дурсагдах болно.

Талийгаачийн гэр бүл, үр хүүхэд, ах дүү, найз нөхөд, төрөл төрөгсдөд нь гүн эмгэнэл илэрхийлье.

УМ МА НИ БАД МЭ ХУМ

ЦАХИМ ХӨГЖИЛ, ИННОВАЦ, ХАРИЛЦАА ХОЛБООНЫ ЯАМ
ХАРИЛЦАА ХОЛБООНЫ ЗОХИЦУУЛАХ ХОРОО
МОНГОЛЫН ЦАХИЛГААН ХОЛБОО ХК
МЭДЭЭЛЭЛ ХОЛБООНЫ СҮЛЖЭЭ ХХК
ШУТИС-ИЙН МЭДЭЭЛЭЛ, ХОЛБООНЫ ТЕХНОЛОГИЙН СУРГУУЛЬ
МЭДЭЭЛЭЛ ХОЛБООНЫ ОПЕРАТОРУУДЫН АССОЦИАЦИ
МОНГОЛЫН ТЕЛЕВИЗҮҮДИЙН ХОЛБОО
МОНГОЛЫН АРИЛЖААНЫ ТЕЛЕВИЗҮҮДИЙН “ДУУН” ХОЛБОО
ОРОН НУТГИЙН ТЕЛЕВИЗҮҮДИЙН “ГАЛ ХӨГЖИЛ” ХОЛБОО
МОНГОЛЫН ОЛОН СУВАГ ДАМЖУУЛАГЧДЫН ХОЛБОО
МОНГОЛЫН ФМ РАДИОНУУДЫН НЭГДСЭН ХОЛБОО
"МОНГОЛЫН ОЮУНЫ ӨМЧ ХАМГААЛАХ ХОЛБОО" ГҮТББ
ХЭВЛЭЛ МЭДЭЭЛЛИЙН ЗӨВЛӨЛ

22/04/2026

ЦХИХХ-ны сайд Ч.Номин Мэдээлэл холбооны операторуудын ассоциацийн УЗ-ийн гишүүдийг хүлээн авч уулзан, харилцаа холбооны салбарын тулгамдаж буй зарим асуудлын талаар санал солилцож, нээлттэй хэлэлцүүлэг өрнүүллээ.

Уулзалтад гишүүн байгууллагуудын төлөөлөл болох:
- Мобиком корпораци ХХК-ийн Гүйцэтгэх захирал Ясүхиро Очи
- Скайтел ХХК-ийн Гүйцэтгэх захирал Г.Амарчингүн
- Жи Мобайл ХХК-ийн Гүйцэтгэх захирал Г.Магнай
- МХОА-ийн Гүйцэтгэх захирал Ч.Даваажамц нар оролцов.

01/04/2026

https://micoa.mn/post/173830

01/04/2026

https://micoa.mn/post/173830

Улаанбаатар хотын гэр хорооллыг хөгжүүлэх, хөрөнгө оруулалтыг дэмжих хөтөлбөр төслийн Ерөнхий инженер Г.Жанлавцогзолийн санаачилгаар нийслэлд 2026 онд хэрэгжүүлэ....

01/04/2026

Мобикомын дараагийн өсөлтийг удирдах гүйцэтгэх захирлаар Ясүхиро Очи томилогдлоо.

Ясүхиро Очи нь харилцаа холбоо, технологийн салбарт 20 гаруй жилийн туршлагатай бөгөөд өмнө нь KDDI корпорацад удирдах албан тушаал хашиж, олон улсын зах зээлд ажилласан туршлагатай. Тэрээр Мобикомд гүйцэтгэх захирлын орлогчоор ажиллах хугацаандаа компанийн стратеги, үйл ажиллагаанд чухал үүрэг гүйцэтгэж байсан.

Үүсгэн байгуулагдсаны 30 жилийн ой тохиож буй энэ үед Мобиком нь уламжлалт харилцаа холбооны оператораас технологид суурилсан компани болох зорилтоо эрчимжүүлж байна. Ясүхиро Очигийн стратегийн удирдлага, олон улсын туршлага нь энэхүү шилжилтийг хурдасгаж, Мобикомын өсөлтийг дараагийн шатанд гаргахаас гадна Монголын харилцаа холбооны салбарын хөгжилд хувь нэмэр оруулах болно.

18/03/2026

"Мобиком" корпорацийн Гүйцэтгэх захирал Koji Kurushima Танд “Алтан гадас” одонгоор шагнагдсанд халуун баяр хүргэе 👏👏👏

Таны манлайлагч ур чадвар, хичээл зүтгэл, Монгол Улсын харилцаа холбооны салбарын хөгжилд оруулсан үнэтэй хувь нэмэр ийнхүү өндрөөр үнэлэгдэж буйд бид бүхэн бахархаж байна. Цаашдын ажил үйлсэд тань улам их амжилт, эрүүл энх, сайн сайхан бүхнийг хүсэн ерөөе!

18/03/2026

"Мэдээлэл холбооны операторуудын ассоциаци"-ийн үүсгэн байгуулагч, хүндтэй гишүүн "Мобиком" компанийн нийт хамт олондоо түүхт 30 жилийн ойн баярын мэнд дэвшүүлье.

"Мобиком" компанийн үе үеийн нийт ажилтан, албан хаагчид та бүхний Монгол Улсын харилцаа холбооны салбарын хөгжилд оруулсан хувь нэмэр үнэ цэнэтэй, үнэлж баршгүй билээ. Цаашдын ажил хөдөлмөрт нь өндөр амжилт хүсье!

mobicom fans Koji Kurushima

25/02/2026

fans

🗣️💬Банк, банкнаас бусад санхүүгийн үйлчилгээ; санхүү эдийн засаг, гааль, хөрөнгө оруулалт; харилцаа холбоо, мэдээллийн технологи; соёл, боловсролын салбарынхан хоёр дахь өдрөө үргэлжилж буй "Зөвшөөрлийн тухай хуулийн хэрэгжилт, цаашид анхаарах асуудал, шийдэл” сэдэвт хэлэлцүүлэгт оролцож байна

#Чөлөөлье