Монголын Ноос Ноолуурын Холбоо

Call Website Contact the organization

Монголын Ноос Ноолуурын Холбоо Монголын ноос ноолуурын холбоо

МЭДЭГДЭЛ“Ханбогд Кашимер” ХХК нь 1998 онд үүсгэн байгуулагдсан 700 гаруй ажилтантай Монгол Улсын тэргүүлэх үндэсний үйлд...
02/10/2026

МЭДЭГДЭЛ

“Ханбогд Кашимер” ХХК нь 1998 онд үүсгэн байгуулагдсан 700 гаруй ажилтантай Монгол Улсын тэргүүлэх үндэсний үйлдвэрлэгчдийн нэг бөгөөд 50 гаруй хоршоод, 2,000 гаруй малчидтай хамтран ажилладаг шилдэг татвар төлөгч, шилдэг экспортлогч, топ-100 аж ахуйн нэгжүүдийн нэг юм.
Сүүлийн үед хэвлэл мэдээллийн хэрэгслээр Монгол Улсын тэргүүлэх үндэсний үйлдвэрлэгч компаниудыг санхүүгийн баримтыг нь нягтлалгүйгээр цахим орчинд иргэдэд буруу ташаа мэдээлэл түгээж байгаатай холбогдуулан энэхүү мэдэгдлийг гаргаж байна.

“Ханбогд Кашимер” ХХК болон үүсгэн байгуулагч Ч.Ганцэцэг нь Хөгжлийн банкнаас арилжааны болон хөнгөлөлттэй зээл огт авч байгаагүй.
Үйл ажиллагаа явуулснаас хойш өдийг хүртэлх хугацаанд ноолуур бэлтгэлийн зориулалтаар зээлийн шалгуур үзүүлэлтийг хангаж, барьцаа хөрөнгө тавьж, арилжааны банкуудаас авсан зээлүүдийг тухай бүр хариуцлагатайгаар төлж барагдуулсан бөгөөд муу зээлдэгчийн ангилалд ороогүй болно.

“Цагаан алт” үндэсний хөтөлбөрийн хүрээнд ноос ноолуурын үйлдвэрлэлийг дэмжих түүхий эд бэлтгэлд 1-2 жилийн хугацаатай хөнгөлөлттэй зээл олгосноор 2020 онд ноолуурын үнэ 50,000 төгрөг байсан бол 2026 онд 216,000 төгрөгт хүрч малчдынхаа орлогыг нэмэгдэхэд хувь нэмэр оруулсан. 2026 онд арилжааны банкны тавигдсан шаардлагуудыг ханган 2 жилийн хугацаатай зээл авсан ба эргэн төлөлт хэвийн төлөгдөж байна.

Дахин олон нийтийн цахим сүлжээнд илт худал мэдээллийг тараасан тохиолдолд хуулийн байгууллагад хандаж шийдвэрлүүлэхийг албан ёсоор мэдэгдэж байна.

Иймд хэвлэл мэдээллийн хэрэгслээр компанийн болон үүсгэн байгуулагчийн нэр хүндэд халдсан буруу ташаа мэдээлэл тарааж буй нөхцөл байдлыг залруулахыг хүсье.

“Ханбогд Кашимер” ХХК-ийн зүгээс хамтран ажилладаг нийт харилцагч байгууллага, малчид, хоршоод, үйлчлүүлэгч та бүхнийхээ итгэлийг алдахгүй үйл ажиллагаагаа улам өргөжүүлэн ажиллах болно.

ХАНБОГД КАШИМЕР ХХК
2026.10.02

01/10/2026

ТӨРӨӨС НООЛУУРЫН САЛБАРТ ОЛГОСОН
САНХҮҮГИЙН ДЭМЖЛЭГИЙН ТАЛААРХ МЭДЭЭЛЭЛ

✅Өнөөдөр ноолуурын салбар дэлхийн 40 шахам оронд самнасан болон өртөг шингэсэн эцсийн бэлэн бүтээгдэхүүнээ экспортолж малчдын орлого, эмэгтэйчүүд, залуучуудын хөдөлмөр эрхлэлт, валютын орлого, үндэсний брэнд, хөдөө орон нутгийн эдийн засаг, цаашлаад ногоон, тогтвортой хөгжлийн бодлогыг нэг дор холбож байгаа стратегийн салбар юм.
✅Төрийн бодлого, малчид, үйлдвэрлэгчдийн олон жилийн хамтын ажиллагаа, нөр их хөдөлмөр, хичээл зүтгэл, хүчин чармайлтын үр дүнд ноолууран бүтээгдэхүүн нь “Дэлхийн брэнд” бүтээгдэхүүн болж чадлаа.
✅Энэ жилийн байдлаар малчдын гар дээрээс нийт ноолууран түүхий эдийг худалдан авахад 1,6 их наяд төгрөгийн санхүүжилт шаардлагатайгаас төрөөс эргэлтийн хөрөнгийн зээлд томоохон болон жижиг дунд үйлдвэрлэл нийлсэн нийт 47 компани 440,0 тэрбум төгрөгийн эргэлтийн хөрөнгийн зээл авсан нь нийт шаардлагатай санхүүжилтийн 4/1 юм.
✅Үндэсний үйлдвэрүүд бэлтгэсэн ноолуурынхаа 20-30 хувийг бэлдэж авдаг байсан бол "Цагаан Алт" хөдөлгөөний хөнгөлөлттэй зээлийн үр дүнд үйлдвэрүүд нийт бэлтгэх түүхий эдийн 60-70 хувь бэлдэж авч чадсан нь салбарт гарсан том амжилт юм.
✅Ингэснээр 1кг ноолууран түүхий эд 50,0 мян.төг байсан бол 200,0 мян.төг болж түүхий эдийн үнийг 4 дахин өсгөж малчдын гар дээрх мөнгөн орлогыг нэмэгдүүлж, үндэсний үйлдвэрүүд чадавхижсанаар зах зээлийн бодит өрсөлдөөнийг бий болгож байна.
✅Салбарын үйлдвэрүүд суурилагдсан хүчин чадал, хөрөнгө оруулалтаа бүрэн ашиглаж үйлдвэрлэл, ажлын байраа мянга мянгаар нэмэгдүүлж экспорт 80,0 сая.доллар байсан бол 371,0 сая.долларт хүрлээ.
✅Төрөөс үндэсний үйлдвэрүүдэд олгож байгаа эргэлтийн хөрөнгийн зээлийг Арилжааны банкаар дамжиж банкны шаардлага үзүүлэлтийг бүрэн хангаж, хөрөнгөө барьцаалан авч байгаа нь эрсдэлийг бууруулдаг зуун хувийн эргэн төлөлттэй зээл юм.
✅Энэ нь Монгол Улсын ноолууран түүхий эдийг зуун хувь дотооддоо боловсруулж, нэмүү өртөг шингээж, дэлхийн зах зээлд өндөр үнэ цэнэтэй, өрсөлдөх чадвартай бүтээгдэхүүн болгох үйлдвэржилтийн цогц бодлого юм.

МОНГОЛЫН НООС НООЛУУРЫН ХОЛБОО

БЭЛЧЭЭРИЙН МАЛ АЖ АХУЙН ТОГТОЛЦООН ДАХЬ МАЛЧДЫН ЗАЛГАМЖ ХАЛАА, ШИЙДЛИЙГ ХЭЛЭЛЦЭВ.✅Бэлчээр ба нүүдлийн мал аж ахуй эрхлэг...
01/10/2026

БЭЛЧЭЭРИЙН МАЛ АЖ АХУЙН ТОГТОЛЦООН ДАХЬ МАЛЧДЫН ЗАЛГАМЖ ХАЛАА, ШИЙДЛИЙГ ХЭЛЭЛЦЭВ.

✅Бэлчээр ба нүүдлийн мал аж ахуй эрхлэгчдийн олон улсын жилийн хүрээнд “Бэлчээрийн мал аж ахуйн тогтолцоон дахь малчдын залгамж халаа: Асуудал, шийдэл” олон улсын эрдэм шинжилгээ, үйлдвэрлэлийн хурал амжилттай зохион байгуулагдав. Арга хэмжээнд Монгол Улсын Их Хурлын Байгаль орчин, хүнс, хөдөө аж ахуйн Байнгын хороо, ХХААХҮЯам, олон улсын донор байгууллага, мэргэжлийн холбоо, гадаад, дотоодын эрдэмтэн судлаачид, малчид оролцов.
✅“Бэлчээрийн мал аж ахуйн тогтолцоон дахь малчдын залгамж халаа: Асуудал, шийдэл” олон улсын эрдэм шинжилгээ, үйлдвэрлэлийн бага хурлын үндсэн хуралдаанаар малчдын залгамж халааг хангах төрийн бодлого, эрх зүйн орчин, хэрэгжилт, Монголын малчдын залгамж халаа, өнөөгийн байдал, чиг хандлага, чадамжид суурилсан тогтолцоо, БНХАУ, БНКУ зэрэг улсуудын туршлага, малын генетик нөөц зэрэг сэдвээр үндсэн илтгэлүүдийг хэлэлцүүлэв.
✅Мөн салбар хуралдаанууд Байгаль орчин, технологийн асуудал, Нийгмийн асуудал, Эдийн засгийн асуудал гэсэн сэдвийн хүрээнд үргэлжилж “Бэлчээрийн мал аж ахуй эрхлэх уламжлал, шинэчлэл” сэдвээр эрдэмтэн судлаачид, малчид оролцсон нээлттэй хэлэлцүүлэг зохион байгуулж бэлчээрийн мал аж ахуйн тогтвортой хөгжил, малчдын залгамж халаа, тулгамдсан асуудлыг шинжлэх ухаан, бодлого, үйлдвэрлэлтэй холбон хэлэлцэж, шийдлийг тодорхойлох, улс орон, бүс нутгийн сайн туршлагыг хуваалцах, бодлогын зөвлөмжийг боловсруулан холбогдох төрийн байгууллагуудад хүргүүлэхээр болов.
✅Монголын ноос ноолуурын холбооноос олон улсын эрдэм шинжилгээ, үйлдвэрлэлийн хурлын зарим арга хэмжээнд санхүүжилтийн дэмжлэгийг өгсөнөөс гадна Монголын ноос ноолуурын холбооны баталгаажуулалтын албаны зөвлөх М.Мөнгөнбаяр талархал илэрхийлэн үг хэлж, хуралд оролцогч малчдад Эвсэг брэндийн гарын бэлэг гардуулж Кашмир Холдинг ХХК-ийн үйлдвэрлэлийн үйл ажиллагаатай танилцуулах аялалыг зохион байгуулж дэмжин ажиллаа.✅

“НАМРЫН НОГООН ӨДРҮҮД - ҮНДЭСНИЙ ҮЙЛДВЭРЛЭЛ 2026” ҮЗЭСГЭЛЭН ХУДАЛДАА ЗОХИОН БАЙГУУЛАГДАЖ БАЙНА.🌱”Намрын ногоон өдрүүд-20...
01/10/2026

“НАМРЫН НОГООН ӨДРҮҮД - ҮНДЭСНИЙ ҮЙЛДВЭРЛЭЛ 2026” ҮЗЭСГЭЛЭН ХУДАЛДАА ЗОХИОН БАЙГУУЛАГДАЖ БАЙНА.

🌱”Намрын ногоон өдрүүд-2026 үзэсгэлэн”2026.09.22-2026.10.02-ны өдрүүдэд төв цэнгэлдэх хүрээлэнд 21 дэх жилдээ зохион байгуулагдаж байна.🍎🥔 🍆
✅Монгол орны хөрсөнд ургасан шинэ ургацын ногоо, жимстэй зэрэгцээд Монголын үндэсний үйлдвэрлэгчдийн бүтээгдэхүүний үзэсгэлэн худалдаа гарч үндэсний худалдан авагч, хэрэглэгчиддээ нэг дороос худалдан авалт хийх боломжийг олгож байна.

✅Хүнс, хөдөө аж ахуй, хөнгөн үйлдвэрийн сайд Ц.Идэрбат 21 дэх жилдээ зохион байгуулагдаж буй “Намрын ногоон өдрүүд - Үндэсний үйлдвэрлэл 2026” нэгдсэн арга хэмжээг нээж хэлсэн үгэндээ үндэсний үйлдвэрлэгчдийн бүтээгдэхүүнийг олон нийтэд сурталчлан таниулах зорилгоор анх эхэлсэн энэхүү арга хэмжээ өнөөдөр үйлдвэрлэгч, хэрэглэгч, төр, хувийн хэвшил, хөгжлийн түншүүдийн хамтын ажиллагааг өргөжүүлэх чухал талбар болон төлөвшсөнийг дурдав.

✅Энэ жилийн “Намрын ногоон өдрүүд - Үндэсний үйлдвэрлэл” арга хэмжээний үеэр Монголын ноос ноолуурын холбооноос 9.26-ны өдөр оролцож мэргэжлийн холбооноос хэрэгжүүлж буй ажлууд, цаашид хийх ажлын талаар иргэдэд мэдээлэл хүргэж салбараа сурталчиллаа. Түүнчлэн ноос ноолуурын салбарын Кашмир Холдинг ХХК, Тод оймс ХХК, Пашмина ХХК, Янмаль ХХК болон ЖДҮ-д үзэсгэлэн худалдаанд оролцож хэрэглэгчдэд үйлдвэрийн болон хөнгөлттэй үнээр бүтээгдэхүүнээ борлуулав.

ЧЕХИЙН ХУДАЛДАА, БИЗНЕСИЙН БАЙГУУЛЛАГУУДЫН ТӨЛӨӨЛӨГЧИД ТЕКСТИЛИЙН ТЕХНОЛОГИЙН ТӨВТЭЙ ТАНИЛЦЛАА✅2026 оны 9 дүгээр сарын 2...
01/10/2026

ЧЕХИЙН ХУДАЛДАА, БИЗНЕСИЙН БАЙГУУЛЛАГУУДЫН ТӨЛӨӨЛӨГЧИД ТЕКСТИЛИЙН ТЕХНОЛОГИЙН ТӨВТЭЙ ТАНИЛЦЛАА

✅2026 оны 9 дүгээр сарын 25-ны өдөр Бүгд Найрамдах Чех Улсын Монгол дахь Элчин сайдын яам, Чех улсын худалдааны танхим болон бизнесийн байгууллагуудын төлөөлөгчид Монголын Ноос Ноолуурын Холбооны дэргэдэх Текстилийн Технологийн Төвөөр зочилж, төвийн үйл ажиллагаатай танилцлаа.
✅Төлөөлөгчдөд текстилийн технологийн төвийн үйл ажиллагаа, тойрог эдийн засгийн хэрэгжүүлэлт, ач холбогдлын талаар болон текстилийн салбарын баталгаажуулалтын талаарх танилцуулгыг хийхийн зэрэгцээ Кашмер Холдинг ХХК-ийн үйлдвэрлэлийн үйл ажиллагаа, ноолуурын салбарын өртгийн сүлжээний шат дамжлага, үйлдвэрийн нэрийн барааны дэлгүүрээр зочлов.
✅Чехийн худалдаа аж үйлдвэрийн танхимын дэд ерөнхийлөгч Radek Jakubsky, MBA, LL.M Монголын Ноос Ноолуурын Холбоотой хамтран Монгол ноолуурыг Чехийн зах зээлд сурталчлан таниулахад хамтран ажиллахаа илэрхийлэв.

/English below/МОНГОЛ-СОЛОНГОСЫН ПОЛИТЕХНИК КОЛЛЕЖИЙН 60 ЖИЛИЙН ОЙ БОЛОВ✅Монгол-Солонгосын Политехник Коллежийн 60 жилий...
01/10/2026

/English below/
МОНГОЛ-СОЛОНГОСЫН ПОЛИТЕХНИК КОЛЛЕЖИЙН 60 ЖИЛИЙН ОЙ БОЛОВ

✅Монгол-Солонгосын Политехник Коллежийн 60 жилийн ойн хүндэтгэлийн арга хэмжээ есдүгээр сарын 26-нд “ХАМТДАА ХӨГЖСӨН 60 ЖИЛ” уриан дор болж, энэ үеэр Монгол Улсын Ерөнхийлөгчийн зарлигаар тус коллежийг мэргэжлийн боловсролын салбарт оруулсан хувь нэмрийг нь үнэлэн төрийн дээд шагнал "Алтан гадас” одонгоор шагнав.
Тус коллеж нь 60 жилийн хугацаанд хөнгөн үйлдвэрийн 40 мянга орчим мэргэжилтэй ажилтан бэлтгэж төгсөгчдийн хөдөлмөр эрхлэлтийн түвшин 88 хувь, эзэмшсэн мэргэжлээрээ ажиллаж буй нь 68 хувьд хүрсэн байна.
✅Монголын Ноос Ноолуурын Холбооноос Монгол-Солонгосын Политехникийн Коллежийн түүхт 60 жилийн ойн баярын үеэр мэндчилгээ дэвшүүлж хамтын ажиллагааны хүрээнд үйлдвэрлэлийн дадлага, сургалт, мэргэжилтэн бэлтгэх, шинэ технологи нэвтрүүлэх, багш болон үйлдвэрлэлийн мэргэжилтнүүдийн чадавхыг дээшлүүлэх, салбарын хүний нөөцийг бүрдүүлэхэд сургалтын байгууллага, мэргэжлийн холбооны хамтын ажиллагаа чухлыг онцоллоо.
✅Тус холбооноос 2025-2026 оны хичээлийн жилд Кашмир Холдинг ХХК, Ханбогд Кашмир ХХК, Хаан кашмир ХХК, Шинэ Шижир ХХК-ийн ноос, ноолуурын технологийн 34 ажилтныг ажлаас чөлөөлөхгүйгээр ажлын байран дээр нь мэргэжил эзэмшүүлэх онол, практикийн хосмог сургалтын шинэ ангийг бий болгосон.
✅Түүнчлэн салбарын хүний нөөцийг чадавхижуулахад мэргэжлийн холбоотой хамтран мэргэжил сургалт, үйлдвэрлэлийн төвийн төгсөгчид болон үйлдвэрийн ажилтнуудын ур чадварын түвшинг тогтоох үнэлгээний ажилтан, малчин, малчдын хоршоодод түүхий эд бэлтгэлийн чанарын сургалт, салбарын мэргэжилтэй ажилтныг бэлтгэх, хүний нөөцийг идэвхижүүлэх сургалтын сургагч багш, баталгаажуулалтын албаны шинжээч тус коллежийн сүлжмэлийн мэргэжлийн багш Ч.Цолмонгийн хамтын ажиллагаанд талархаж ноолууран бүтээгдэхүүн, мөнгөн шагналаар шагнаж урамшуулав.....................................................................................................................................................
MONGOLIA–KOREA POLYTECHNIC COLLEGE CELEBRATES ITS 60TH ANNIVERSARY

✅ The60th Anniversary Ceremony of the Mongolia–Korea Polytechnic College was held on September 26 under the theme “60 Years of Growing Together.” During the ceremony, by decree of the President of Mongolia, the College was awarded the Order of the Polar Star (Altan Gadas), one of Mongolia’s highest state honors, in recognition of its contribution to the development of vocational education.

Over the past 60 years, the College has trained approximately 40,000 skilled professionals for the light industry sector. The employment rate among its graduates has reached 88 percent, with 68 percent working in their respective fields of specialization.

✅ On the occasion of the College’s historic 60th anniversary, the Mongolian Wool and Cashmere Association (MWCA) extended its congratulations and highlighted the importance of cooperation between educational institutions and professional associations in providing industrial internships and training, developing skilled professionals, introducing new technologies, enhancing the capacities of teachers and industry specialists, and strengthening the sector’s human resources.

✅ During the 2025–2026 academic year, the Mongolian Wool and Cashmere Association, in cooperation with the College, established a new dual training program for 34 wool and cashmere technology employees from Cashmere Holding LLC, Khanbogd Cashmere LLC, Khaan Cashmere LLC, and Shine Shijir LLC. The program combines theoretical and practical training at the workplace, allowing employees to obtain professional qualifications without leaving their jobs.

✅ The Association also expressed its appreciation to Ch. Tsolmon, a knitting instructor at the College, trainer and certification expert, for her valuable cooperation in strengthening the sector’s human resources. Her contributions include skills assessment for vocational training center graduates and factory employees, quality training on raw material preparation for herders and herder cooperatives, professional workforce development, and training of industry trainers.

In recognition of her contribution and continued cooperation, the MWCA presented Ch. Tsolmon with cashmere products and a monetary award.

/English below/МОНГОЛ–ХЯТАДЫН НООЛУУРЫН САЛБАРЫН ХОЁР ТАЛЫН УУЛЗАЛТ БОЛЛОО✅2026 оны 9 дүгээр сарын 21–23-ны өдрүүдэд БНХ...
01/10/2026

/English below/
МОНГОЛ–ХЯТАДЫН НООЛУУРЫН САЛБАРЫН ХОЁР ТАЛЫН УУЛЗАЛТ БОЛЛОО

✅2026 оны 9 дүгээр сарын 21–23-ны өдрүүдэд БНХАУ-ын Ниншя мужийн Иньчуань хотноо Хятадын Хүнс, Хөдөө Аж Ахуйн Импорт, Экспортын Худалдааны Танхим (CFNA) болон Монголын Ноос Ноолуурын Холбоо хамтран Монгол–Хятадын ноолуурын салбарын “Cashmere forum” -ыг зохион байгууллаа.
✅Арга хэмжээг зохион байгуулахад Xinao Group хамтран ажиллаж, Монгол, Хятадын ноолуурын салбарын төлөөллөөс гадна Оросын Холбооны Улс, Бүгд Найрамдах Солонгос Улс, Япон, Холбооны Бүгд Найрамдах Герман Улс, Бүгд Найрамдах Франц Улс зэрэг улсын салбарын төлөөлөгчид оролцож, олон улсын ноолуурын зах зээлийн өнөөгийн нөхцөл байдал, цаашдын хамтын ажиллагааны боломжийн талаар санал солилцов.
✅Монголын талаас төр, мэргэжлийн байгууллага болон аж ахуйн нэгжүүдийн нийт 18 байгууллагын 29 төлөөлөгчид оролцов.
Уулзалтын үндсэн арга хэмжээний үеэр ХХААХҮЯ-ны Хөнгөн Үйлдвэрийн Бодлогын Хэрэгжилтийг Зохицуулах Газрын ахлах шинжээч Б.Эрхэмбаяр нээлтийн үг хэлж, “Сор Кашмер” ХХК-ийн ТУЗ-ийн дарга Б.Бархасбадь “Цагаан алт” хөтөлбөрийн хэрэгжилт болон Монголын ноолуурын салбарын өнөөгийн байдал, цаашид хэрэгжүүлэх ажлын талаар илтгэл тавилаа.
✅Хөтөлбөрийн хүрээнд Монголын төлөөлөгчид Ниншя муж дахь ноолуурын үйлдвэрүүд, тэр дундаа Xinao Group-ийн үйлдвэртэй танилцаж, улмаар Пүюань хотын ноолуурын үйлдвэрлэл, худалдааны төвүүдээр зочилсоны дараагаар Монгол, Хятад, Орос, БНСУ-ын бизнесийн төлөөлөгчдийн хэлэлцүүлэг зохион байгуулагдаж, салбарын хамтын ажиллагааны цаашдын чиглэлийн талаар хэлэлцэв.
✅Хэлэлцүүлгийн үр дүнд Монгол, Хятадын ноолуурын салбарын стандарт, баталгаажуулалтын тогтолцоог уялдуулах, хоёр улсын лабораторийн шинжилгээний аргачлалын ялгааг бууруулах, цаашлаад үйлдвэрлэгч, нийлүүлэгч, худалдан авагчдыг холбосон нээлттэй олон улсын худалдааны платформ хөгжүүлэх, 2027 онд 2 улсын хоорондох ноолуурын хамтын ажиллагааг хөгжүүлж “Cashmere forum” -ыг Монголд зохион байгуулж хамтран ажиллах нь зүйтэй гэдэгт талууд санал нэгдлээ.
✅Энэхүү уулзалт нь Монгол, Хятадын ноолуурын салбарын байгууллага, аж ахуйн нэгжүүдийн харилцаа холбоог өргөжүүлэх, үйлдвэрлэл, стандарт, баталгаажуулалт болон худалдааны чиглэлээр хамтран ажиллах боломжуудыг тодорхойлсон ач холбогдолтой арга хэмжээ болж өндөрлөлөө...................................................................................................................................
MONGOLIA–CHINA BUSINESS FORUM TO BE HELD

From September 21–23, 2026, Mongolian delegations will participate in the annual “CASHMERE Forum”, jointly organized by the Mongolian Wool and Cashmere Association (MWCA) and the China Chamber of Commerce of Import and Export of Foodstuffs, Native Produce and Animal By-Products (CFNA) in Puyuan, China.

The Mongolian delegation consists of 30 representatives from the Ministry of Food, Agriculture and Light Industry, the Mongolian Wool and Cashmere Association, and leading Mongolian cashmere companies, including Gobi JSC, Cashmere Holding LLC, Khanbogd Cashmere LLC, Sor Cashmere LLC, Bayalag Ulzii LLC, Uguuj Shim, Negun Cashmere LLC, Gobi-Erdene LLC, Munkhbumuud LLC, Gobi Gazar LLC, Tumen Suljee LLC, Noyon Cashmere LLC, Nomgon Cashmere LLC, and Kholchinchin LLC.

As part of the program, the delegation will explore opportunities for cooperation with the Puyuan International Cashmere Shopping Mall and relevant local organizations, visit the newly established trading center, and participate in the festival. A business forum will also be held to strengthen cooperation between the wool and cashmere industries of Mongolia and China, facilitate the exchange of experience and expertise, and explore new opportunities for business collaboration.

Address

Khan-Uul District, 14 Khoroo, Cashmere Holding Company Building
Ulaanbaatar
976

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 18:00
Friday 09:00 - 17:00

Telephone

+97611342950

Website

Alerts

Be the first to know and let us send you an email when Монголын Ноос Ноолуурын Холбоо posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Монголын Ноос Ноолуурын Холбоо:

Shortcuts

Share

Category