Sorkhun Society

06/08/2026

Бүгд л өөрийгөө өөрчил, өөрийгөө хайрла, өөрийгөө сонго гэдэг. Гэвч энэ тийм амархан биш.
Өөрийгөө өөрчлөх гэж бүү яар. Эхлээд өөрийгөө хамгаалахын тулд бий болгосон хуучин хэв маягаа ойлго. Учир нь хүн өөрийгөө үзэн ядаж биш, өөрийгөө ойлгож байж жинхэнээсээ өөрчлөгддөг.
Нэгэн цагт чамайг хамгаалж байсан хэв маяг өнөөдөр чамайг хорьж, урагшлах замын саад болж байж болно. Өөрчлөгдөнө гэдэг өөр хүн болох биш, харин өөртөө хэрэггүй болсон бүхнийг талархалтайгаар тайлах зориг юм.
Дараах асуултуудыг өөрөөсөө асуугаад үзээрэй 🌱
🌱 Надад ямар айдас байгаа вэ?
🌱Миний ямар зан үйл намайг хамгаалж байгаа мэт боловч үнэндээ хязгаарлаж байна вэ?
🌱Би өөрийгөө хамгаалах гэж ямар дүр эсгэдэг вэ?
🌱Хэрэв айдасгүй байсан бол би юуг өөрөөр хийх байсан бэ?
Өөрөөсөө өсуулт асуух нь хамгийн шударга бөгөөд өөрчлөлт өсөлтийг хүсч буй хүмүүст тус дэм болдог. Тухтай орчин бүрдүүлээд бичиж тэмдэглээд, өөртөө цаг гаргаарай.
Амжилт хүсье. М.Алтанцэцэг See less

05/08/2026

ХОНИН НҮДЭН ЦЭЦЭГ ШИГ АМЬДАР...

Хонин нүдэн цэцэг сарнай шиг тансаг биш.
Орхидэй шиг үнэтэй ч биш.

Гэхдээ тэр хаана ч ургаж чаддаг.
Салхи, бороо, наранд ч өөрийнхөөрөө дэлгэрдэг.

Бид ч бас амьдралдаа үргэлж төгс нөхцөл хүлээх шаардлагагүй.

Заримдаа хамгийн сайхан амьдрал гэдэг:
🤍 Өөрөөрөө байх.
🤍 Жижиг зүйлээс баяр баясгалан мэдрэх.
🤍 Өдөр бүр бага багаар урагшлах.
🤍 Байгаа газартаа гэрэл түгээх.

Хонин нүдэн цэцэг бусадтай өрсөлддөггүй.
Зүгээр л өөрийн цагтаа дэлгэрдэг.

Чиний амьдрал ч мөн адил.
Өөрийгөө бусадтай бүү харьцуул.
Өөрийн хурдаар, өөрийн өнгөөрөө цэцэглэ.

03/08/2026

МЭРГЭН УХААН ГЭЖ ЮУ ВЭ?
Хэлэхээсээ илүү сонсохыг хэлнэ гэж хэрсүү ухаан өгүүлэв...
Бүхнийг мэдэхгүй гэдгээ хүлээн зөвшөөрөхийг хэлнэ гэж даруу зан өгүүлэв...
Дургүй хүнээсээ ч суралцахыг хэлнэ гэж төлөвшил өгүүлэв...
Зөв байхаас илүү амар амгаланг сонгохыг хэлнэ гэж тайван байдал өгүүлэв...
Мөн амьдралд үргэлж шинээр сурах зүйл байдгийг ойлгохыг хэлнэ гэж цаг хугацаа өгүүлэв...🙏
Sukhbaatar See less

МЭРГЭН УХААН ГЭЖ ЮУ ВЭ?

Хэлэхээсээ илүү сонсохыг хэлнэ гэж хэрсүү ухаан өгүүлэв...

Бүхнийг мэдэхгүй гэдгээ хүлээн зөвшөөрөхийг хэлнэ гэж даруу зан өгүүлэв...

Дургүй хүнээсээ ч суралцахыг хэлнэ гэж төлөвшил өгүүлэв...

Зөв байхаас илүү амар амгаланг сонгохыг хэлнэ гэж тайван байдал өгүүлэв...

Мөн амьдралд үргэлж шинээр сурах зүйл байдгийг ойлгохыг хэлнэ гэж цаг хугацаа өгүүлэв...🙏
Sukhbaatar

31/07/2026

“Attachment style” буюу “дотно харилцааны хэв маяг” нь таны хайрын амьдралд хэрхэн нөлөөлдөг вэ?
🦋
Энэ нь бид хүүхэд байхаасаа ээж, аав, эмээ өвөө гээд таны хамгийн ойр дотны асран хамгаалагчтайгаа хэрхэн холбоо тогтоож, ээнэгшин дассанаам үүдэн төлөвшиж, насанд хүрсэн хойно хайр дурлалын харилцаанд хэрхэн нөлөөлдөг сэтгэлзүйн ойлголт юм. Харилцааны явцад зөрчилийг даван туулах, ойртон дотносох эсвэл холдох хөндийрөх явцад илэрдэг харилцааны хэв маяг гэсэн үг.
Энэ нь таныг “тодорхойлдог шошго” биш, харин таны хандлагыг тодорхойлох, тайлбарлах загвар юм.

Ерөнхийдөө 4 үндсэн “attachment style” байдаг. Үүнд;

1. Secure attachment (Аюулгүй хэв маяг)

* Дотно харилцаанаас айдаггүй
* Хамтрагчдаа итгэж чаддаг
* Хэрэгцээгээ шууд илэрхийлдэг
* Маргааны дараа эвлэрч чаддаг

Хайрын харилцаанд:

* Илүү тогтвортой, эрүүл харилцаа үүсгэх магадлал өндөр
* Асуудлыг ярилцаж шийдэх хандлагатай

2. Anxious attachment (Түгшүүртэй хэв маяг)

* Хаягдах, гологдохоос их айдаг
* Хариу бичихгүй удвал хэт их санаа зовдог
* Байнга баталгаа, халамж хүсдэг
* Хэт их бодож, нөхцөл байдлыг сөргөөр тайлбарлах нь элбэг

Хайрын харилцаанд:

* “Надад үнэхээр хайртай юу?” гэсэн эргэлзээ их гардаг
* Хамтрагчаасаа ойр дотно байхыг их хүсдэг

3. Avoidant attachment (Зайлсхийдэг хэв маяг)

* Хэт ойр дотно болохоос зайлсхийдэг
* Бие даасан байдлаа маш их эрхэмлэдэг
* Сэтгэлээ нээхэд хүндрэлтэй байдаг
* Зөрчил гарвал холдох эсвэл дуугүй болох хандлагатай

Хайрын харилцаанд:

* Хамтрагч нь тэднийг “хүйтэн” эсвэл “хол” мэт мэдэрч болно
* Дотно байдал нэмэгдэх үед зай барих магадлалтай

4. Fearful-avoidant (Disorganized) attachment (Айдастай-зайлсхийдэг хэв маяг)

* Хайрыг хүсдэг мөртлөө ойртохоос айдаг
* “Намайг битгий орхи” болон “Надаас хол бай” гэсэн хоёр эсрэг мэдрэмж зэрэг төрж болдог
* Харилцаа нь тогтворгүй байх нь түгээмэл

Хайрын харилцаанд:

* Дотно болох, дараа нь гэнэт холдох мөчлөг давтагдаж болно
* Итгэлцэл тогтооход илүү их хугацаа шаарддаг

💐
“Attachment style” өөрчлөгдөж болдог уу?
Тиймээ, энэ нь насан туршдаа өөрчлөгдөхгүй зүйл биш.

Дараах зүйлс тусалж болно:

* Эрүүл, найдвартай харилцааны туршлага хуримтлуулах
* Өөрийн сэтгэл хөдлөл, хэрэгцээг таньж сурах
* Илэн далангүй харилцах чадвараа хөгжүүлэх
* Шаардлагатай бол сэтгэлзүйн зөвлөгөө, тусламж авах
♥️
Олон хүн цаг хугацааны явцад илүү secure attachment руу шилждэг.

30/07/2026

ХОСЫН СОНЖОО номноос ....
Хүний бага насны дурсамж бол зан чанарын нууц зураглал юм. Насанд хүрсэн хойноо бусадтай хэрхэн холбогддог, юунаас айдаг, юунд итгэдэг зэргийн нийлбэр нь ихэвчлэн тэр хүний хаана, хэрхэн өсч хүмүүжсэнээс үүдэлтэй. Хамтрагчийнхаа хүүхэд насыг ойлгох нь өнөөгийн түүнийг гүнзгий ойлгох түлхүүр юм.

29/07/2026

Эхнэр, нөхөр, амьдралын ханийнхаа талаар бүгдийг мэднэ гэж та боддог уу? Тэгвэл энэ жижигхэн номоор хамтдаа сонжиж үзье.

Хичнээн урт хугацааг хамтдаа туулсан байлаа гээд амьдралын хамтрагч түүнийхээ талаар олон зүйлийг мэдэхгүй байж болно. Энэ нь дутуу хайрласны шинж биш, харин хүн хоорондын харилцаа хэзээ ч бүрэн нээгдэж дуусдаггүй, байнга өөрчлөгдөн гүнзгийрч байдгийн шинж юм.

Хамтрагчийнхаа өнгөрсөн амьдрал, дуртай болон дургүй зүйлс, нууц айдас, далд мөрөөдлийн талаар нарийн зүйлсийг мэдэж байх нь харилцааны чухал түлхүүр гэж үздэг. Ялангуяа өчүүхэн бага гэмээр санагдах зүйлийг ч анзаарч мэдэж байх нь халамжийн хамгийн чимээгүй, гэвч хамгийн гүн илрэл байдаг.

Хосын сонжоо багц ном:
Бүх номын дэлгүүрүүдээр худалдаалагдаж байгаа

28/07/2026

Амьдралынхаа аль нэг хэсэгт өөрчлөлт хийхийг хүсээд, тэрхүү өөрчлөлт хийх цаг болсон мэт мэдрэмж төрж байна уу? Үнэхээр бэлэн болсон мэт, гэвч нэг л алхам хийж чадахгүй байгаа бол дараах зөвлөмжийг уншаад үзээрэй.

1. Амьд үлдэх горимд бүү үлд. Хэрэв та "амьд үлдэх горим" (survival mode)-д удаан хугацаанд байгаа мэт санагдаж байвал энэ нь бие, сэтгэл тань байнгын стрессэд дасан зохицож, зөвхөн өнөөдрийг даван туулахад төвлөрсөн байж болохыг илтгэнэ. Тиймээс төгс зүйл бүү бод, олон чухал зүйлс, том өөрчлөлт гэнэт ирэхгүйг санаж жижиг зүйлсээс эхлээрэй. Амьдралын үндсээ өөрчил, өргөсгө, томоор хар.

2. Хуучин хүнээ тайлж хая. Тэр хуучин хүн хийх юмаа хийсэн, дууссан. Одоо шинэ хүнийг сонго. Сонгох шийдвэр гарга. Хуучин хүнийг хөөж явуул, амбаардаад хөө. Орхих хаях зүйлсийн жагсаалт гарга.

3. Шинэ дүр төрх, шинэ хүнийг өөртөө тунхагла. Шинэ дүр төрхөө бүтээ. Ямар хүн болохыг хүсч байгаагаа тодорхойлон бич.

4. Ирээдүйгээ төсөөлж үз, ирээдүйд очсон байгаагаар төсөөл, мэдэр. Цаг хугацааг эвд. Өнгөрсөнд хэн нэгэнд гомдсон үедээ эсвэл баяр хөөрөөр дүүрсэн үедээ ямар мэдрэмж авч байсан бэ, яг тэр мэдрэмжийг идээдүйд мэдэр.

5. Мэдрэлийн системээ удирд. Айж байгаа зүйлээ хүн удирдаж, хянаж чаддаггүй. Тиймээс айж байгаа зүйлээ олж мэд, түүнийг тань, түүнтэй нөхөрлө, түүнээс ангижир.

6. Ямар нэгэн юмны хойноос бүү хөөцөлд. Өөрийгөө хөгжүүл. Тэгвэл чамд үнэхээр тохирох зүйлс чамайг өөрөө олж ирнэ. Хөөцөлдөх тусам дутуу мэт санагддаг. Харин өөрийгөө бүтээх тусам хэрэгтэй бүх зүйл аяндаа ойртдог. Араас нь хөөцөлдөх бус түүнийг өөртөө татах хангалттай хүчтэй бол.

7. Өвдөлтийг эрх мэдэл болгож хувирга. Хуучин муу зүйлсээсээ салах үед өвдөлттэй байдаг. Дассан сурсан муу зүйлс амархан явчихгүй. Энэхүү өвдөлтийн галын дөл чамайг цэвэршүүлнэ.

8. Ертөнцтэй, байгальтай харилцаж сур. Олж хар, мэдэр.

9. Учир утгагүй үйлдэл хийж үз. Өөрийгөө цоо шинээр сорь.

10. Шинэ хүнийхээ дүрээр алх. Хүсэн хүлээж байсан шинэ хүн аль хэдийн алхаж эхэлсэн. Та яг л тэр дүрээр алхаж, тэр дүрээр бодож, тэр дүрээр амьдраарай.

Амжилт хүсье. М.Алтанцэцэг

27/07/2026

Инээмсэглэл – хамгийн энгийн атлаа хамгийн хүчтэй бэлэг.

Заримдаа бидний хэлсэн үгнээс илүү, чин сэтгэлийн нэг инээмсэглэл хүний өдрийг гэрэлтүүлдэг.

Инээмсэглэл бол:
- Өөртөө өгөх тайвшрал,
- Бусдад өгөх итгэл,
- Амьдралд түгээх гэрэл юм.

Та өнөөдөр хэдэн хүнд инээмсэглэл бэлэглэсэн бэ?

Өнөөдөр өөрөөсөө эхлээрэй.
Толинд хараад өөртөө инээмсэглэ. Дараа нь тэр дулаанаа бусдад түгээ.

Инээмсэглэл үнэгүй ч, үнэ цэн нь хэмжээлшгүй. 😊

22/07/2026

50% ХЯМДРАЛ ЗАРЛАГДЛАА!

Өөрийгөө хөгжүүлэх хамгийн зөв цаг бол өнөөдөр.

- Өөрийгөө таньж мэдэх
- Шинэ дадал бүтээх
- Амьдралдаа эерэг өөрчлөлт хийхэд тань туслах дэвтэр маань
50%-ийн хямдралтай худалдаалагдаж байна.

Интер номын дэлгүүрийн бүх салбарууд
УИД, 6 давхар Мажестик номын дэлгүүр
3, 4-р хороолол Номин их дэлгүүр
Сансарт Алтантүлхүүр номын дэлгүүр

22/07/2026

БУСДЫГ УУЧЛАХ 8 ҮЕ ШАТ
1. Уучилж чадахгүй байгаа хүмүүсийнхээ нэрсийг жагсаан бичих
2. Сэтгэлийн хөдөлгөөнөө гаргах
3. Учир шалтгааныг нь олох
4. Түүнд талархсан сэтгэгдлээ бичих
5. Үгийн хүчийг ашиглах
6. Уучлалт гуйхыг хүссэн сэтгэгдлээ бичих
7. Шинээр сурч ойлгож мэдсэн зүйлсээ бичих
8. Би түүнийг уучилж байна гэж тунхаглах

Толины хууль .....