Аялал Жуулчлалын Мэргэжлийн Холбоо НЭЗХЭ / MTO

31/07/2026

“ХӨВСГӨЛ НУУРАА ХАЙРЛАЯ, ХАМГААЛЪЯ” ЭРДЭМ ШИНЖИЛГЭЭНИЙ ХУРАЛ БОЛЖ БАЙНА

🔹Монгол Улсын Ерөнхийлөгчийн Тамгын газрын санаачилгаар зохион байгуулж буй “Хөвсгөл нуураа хайрлая, хамгаалъя” эрдэм шинжилгээний хурал өнөөдөр Хөвсгөл аймгийн Хатгал тосгоны Соёлын төвд болж байна.

🔹Хурлаар Хөвсгөл нуурын экосистемийн хамгаалал, уур амьсгалын өөрчлөлт, тогтвортой аялал жуулчлал, хог хаягдлын менежмент, орон нутгийн оролцоо зэрэг асуудлыг хэлэлцэж, эрдэмтэн, судлаачид болон төр, хувийн хэвшлийн төлөөлөл санал, шийдлээ хуваалцаж байна.

🔹Аялал Жуулчлалын Мэргэжлийн Холбоо Хөвсгөл нуурын орчныг хамгаалах үйл ажиллагаанд идэвхтэй оролцож, эрэг орчмын аялал жуулчлалын аж ахуйн нэгжүүдийг хамруулан цэвэрлэгээ, орчны үйлчилгээний ажлыг тогтмол зохион байгуулж ирсэн. Мөн байгальд ээлтэй, хариуцлагатай аялал жуулчлалыг хөгжүүлэх, Хөвсгөл нуурын эко орчныг хадгалан хамгаалахад салбарын аж ахуйн нэгжүүдтэй хамтран ажиллаж байна.

Монгол Улсын Ерөнхийлөгчийн Тамгын газар
Байгаль орчин, уур амьсгалын өөрчлөлтийн яам
Соёл, спорт, аялал жуулчлал, залуучуудын яам
Хөвсгөл аймгийн Засаг даргын Тамгын газар
Хөвсгөлийн Улсын Тусгай Хамгаалалттай Газрын Хамгаалалтын Захиргаа
Хөвсгөл нуур Эгийн голын сав газрын захиргаа

#НэгСалбар
#ХамтынАжиллагаа

31/07/2026

📩МАСС МЭЙЛ ИРЭХГҮЙ БАЙНА УУ?

Аялал Жуулчлалын Мэргэжлийн Холбооноос хүргэж буй мэдээ, мэдээлэл болон масс мэйл танд ирэхгүй байгаа бол дараах тохиргоог шалгана уу.

✅Spam, Junk, Promotions хавтсаа шалгах
✅ Манай мэйлийг `Not spam / Not junk` гэж тэмдэглэх
✅ Мэйлийг Primary эсвэл Inbox хэсэгт шилжүүлэх
✅Blocked senders жагсаалтаас манай хаягийг хасах
✅[email protected] хаягийг Safe senders болон Contacts жагсаалтад нэмэх

Хэрэв өмнө нь `Unsubscribe` хийсэн бол доорх холбоосоор дахин бүртгүүлж, ирсэн мэйлийн **Confirm subscription** товчийг дарна уу.

🔗 Дахин бүртгүүлэх холбоос:
[http://eepurl.com/iM5VM-](http://eepurl.com/iM5VM-)

Дээрх тохиргоог хийсэн ч мэйл ирэхгүй байвал бидэнтэй холбогдоно уу.

📞 7712-8822
📧 [[email protected]](mailto:[email protected])

31/07/2026

ТАМГАТ ШҮТЭЭН ТАХИЛГА, ЁСЛОЛ 2026 ОНЫ 8 ДУГААР САРЫН 5–6-НД БОЛНО

🔹Их Монгол Улс байгуулагдсаны түүхт 820 жилийн ойг тохиолдуулан төрт ёсны түүхэн уламжлалыг сэргээх, үндэсний түүх, соёлын үнэт өвийг хадгалан хамгаалах зорилготой “Тамгат шүтээн” тахилга, ёслол 2026 оны наймдугаар сарын 5–6-ны өдрүүдэд зохион байгуулагдана.

🔹Энэхүү арга хэмжээ нь түүхэн сурвалжид “Хорхунаг жибүрийн хөндий, Хулдгар хүний өвөр” хэмээн тэмдэглэгдсэн, Хамаг Монголын гал голомт нутаг болох Хэнтий аймгийн Батширээт сумын Хурх багийн нутаг дахь Биндэр уулын Рашаан хадны дурсгалт газар-т болох юм.

🔹Арга хэмжээний хүрээнд Монголын төрт ёсны өв уламжлал, тамгат шүтээний зан үйл, түүхэн үнэ цэнийг олон нийтэд таниулж, өв соёлоо дээдлэн хадгалан хамгаалах үзэл санааг түгээн дэлгэрүүлэх зорилготой олон үйл ажиллагаа зохион байгуулагдана.

📆 Хэзээ: 2026 оны 8 дугаар сарын 5–6
📍 Хаана: Хэнтий аймаг, Батширээт сум, Хурх баг, Биндэр уулын Рашаан хадны дурсгалт газар

📌Арга хэмжээний дэлгэрэнгүй хөтөлбөр болон байршлын мэдээллийг постер дээрх QR кодыг уншуулан авах боломжтой.

Соёл, спорт, аялал жуулчлал, залуучуудын яам
Хэнтий аймгийн Соёл, урлаг, аялал жуулчлал, залуучуудын газар

31/07/2026

KOPIST СУРГАЛТААР ОЛЖ АВСАН МЭДЛЭГ, ТУРШЛАГЫГ АЖМХ-НЫ УДИРДЛАГА, АЖЛЫН АЛБАНЫХАНД ТАНИЛЦУУЛЛАА

🔹БНСУ-ын KOPIST сургалтын хөтөлбөрт ССАЖЗЯ-ны Аялал жуулчлалын бодлогын хэрэгжилтийг зохицуулах газрын мэргэжилтэн М.Гантулга, Аялал Жуулчлалын Мэргэжлийн Холбооны Салбар холбоод хариуцсан менежер Б.Бямбажаргал нар хамрагдсан юм.

🔹Сургалтын хүрээнд аялал жуулчлалын бодлого төлөвлөлт, өв соёлд суурилсан аялал жуулчлал, орон нутгийн оролцоо, өгөгдөлд суурилсан шийдвэр гаргалт, тогтвортой аялал жуулчлал, дижитал маркетинг, storytelling, жуулчны туршлагыг сайжруулах аргачлал зэрэг сэдвээр олон улсын туршлага, бодит кейсүүдийг судалсан юм.

🔹Сургалтын дараа оролцогчид сургалтын агуулга, гол зөвлөмж, Монгол Улсад хэрэгжүүлэх боломжтой санал, туршлагыг нэгтгэн боловсруулж, Аялал Жуулчлалын Мэргэжлийн Холбооны Дэд ерөнхийлөгч нар болон Ажлын албанд танилцууллаа.

🔹Танилцуулгын үеэр Монголын аялал жуулчлалыг зөвхөн байгалийн үзэсгэлэнт газрыг сурталчлах бус, өв соёл, орон нутгийн иргэдийн оролцоо, өгөгдөлд суурилсан төлөвлөлт, бүтээлч өгүүлэмж (storytelling), тогтвортой хөгжлийн зарчимтай уялдуулан туршлага төвтэй аялал жуулчлалын бүтээгдэхүүн хөгжүүлэх чиглэлд анхаарах шаардлагатайг онцолсон байна.

🔹Мөн KOPIST сургалтын хүрээнд боловсруулсан Action Plan-ийн санал, бүсчилсэн аялал жуулчлалын туршилтын төсөл, орон нутгийн хөтөчийн чадавхыг бэхжүүлэх, QR кодод суурилсан мэдээллийн үйлчилгээ, богино хэмжээний дижитал контент, жуулчны сэтгэл ханамжийн үнэлгээ зэрэг бага зардлаар хэрэгжүүлэх боломжтой санаачилгуудыг цаашид үйл ажиллагаандаа үе шаттайгаар тусган хэрэгжүүлэх талаар санал солилцов.

Соёл, спорт, аялал жуулчлал, залуучуудын яам

31/07/2026

ОХУ-ААС ШАТАХУУН ИРЖЭЭ

📌Эх сурвалж: Зөв.мн

31/07/2026

ХӨВСГӨЛ НУУРЫН ТӨРИЙН ИХ ТАХИЛГА 8 ДУГААР САРЫН 2-НЫ ӨДӨР БОЛНО

Төгс төгөлдрийн шинж бүхэн бүрдсэн
Төрийн тахилгат Далай ээж минь
Давлагаа нь хүртэл хээтэй уран байгалийн уянга
Даянд цуутай тунгалаг Хөвсгөл нуур минь...

МУ-ын Ерөнхийлөгчийн зарлигаар соёрхсон Хөвсгөл нуурын Төрийн их тахилга арван долоодугаар жарны гал морин жилийн зуны адаг сарын шинийн 19 буюу 2026 оны 08 дугаар сарын 02-ний өдөр Далай ээжийн хөвөөнд болно.

Морин дэл дээр хийморио бадрааж дэрвэдэг
Монгол түмэн минь тавтай морилно уу!

Монгол Улсын Ерөнхийлөгчийн Тамгын газар
Байгаль орчин, уур амьсгалын өөрчлөлтийн яам
Соёл, спорт, аялал жуулчлал, залуучуудын яам
Хөвсгөл аймгийн Засаг даргын Тамгын газар
Хөвсгөлийн Улсын Тусгай Хамгаалалттай Газрын Хамгаалалтын Захиргаа
Хөвсгөл нуур Эгийн голын сав газрын захиргаа
Хөвсгөл аймгийн Соёл, урлаг, аялал жуулчлал, залуучуудын газар

30/07/2026

30/07/2026

Сэрэмжлүүлэг!!!

МТО бүртгэл дээр албан ёсны сайт, пэйж хаяг, бизнесийн нэрийг шүүж харах боломжийг хэрэглэгчид олгосон байдаг.

30/07/2026

АҮЭБЯ:- ОХУ дотооддоо түлшний хомсдол үүссэн байна, гэсэн хэдий ч бага хэмжээгээр нийлүүлэлт хийгдэж байна. Харин БНХАУ-аас АИ95, АИ92, Евро5 төрлийн түлш авахаар хэлцэл хийсэн. Тээвэрлэлтийг маргааш хийнэ.

30/07/2026

ШИЛИЙН БОГД МОТО ФЕСТИВАЛЬ 2026 БОЛНО

📍 Сүхбаатар аймаг, Төв цэнгэлдэх хүрээлэн
📅 2026 оны 8-р сарын 8–9нд Шилийн Богд мото фестиваль

Шилийн Богд мото фестиваль