01/06/2026
🎉 ОЛОН УЛСЫН ХҮҮХДИЙН ЭРХИЙГ ХАМГААЛАХ ӨДРИЙН БАЯРЫН МЭНДИЙГ ХҮРГЭЕ.
🌍 Жил бүрийн 6 дугаар сарын 1-ний өдөр дэлхий нийтээрээ хүүхдийн эрх, хамгаалал, сайн сайхан ирээдүйн төлөө нэгэн зорилго дор нэгддэг.
Түүх сөхвөл, 1924 онд Женев хотноо “Хүүхдийн эрхийн тухай тунхаглал” анх батлагдаж, улмаар 1925 онд болсон хүүхдийн сайн сайхны төлөөх дэлхийн чуулга уулзалтаас 6 дугаар сарын 1-ний өдрийг хүүхдийн эрхийг хамгаалах, хүүхэд багачуудын баярын өдөр болгон тэмдэглэн өнгөрүүлэх уриалга гаргасан байдаг. Улмаар 1951 онд Олон улсын ардчилсан эмэгтэйчүүдийн холбооноос улс орон бүр энэ өдрийг тэмдэглэн өнгөрүүлэхийг уриалснаар дэлхий даяар өргөн дэлгэр тэмдэглэн өнгөрүүлж байна.
👧🧒 Монгол Улс энэхүү өдрийг 1952 оноос хойш тэмдэглэж ирсэн бөгөөд өнөөдөр 74 дэх жилдээ хүүхдийн инээд хөөр, гэр бүлийн баяр баясал бялхсан өдөр болгон тэмдэглэн өнгөрүүлж байна.
Гэвч энэ өдрийг зөвхөн баяр хөөрөөр тэмдэглэхээс гадна хүүхдийн эрхийн бодит нөхцөл байдалд анхаарах өдөр гэдгийг онцлон тэмдэглэхийг хүсч байна. Олон улсын хүүхдийн эрх, хамгааллын зарим индексээр Монгол Улс хүүхэд хамгаалал, эрхийн баталгааны үзүүлэлт хангалтгүй түвшинд байгаа нь бидэнд бодлогын түвшний илүү шийдэмгий, цогц арга хэмжээ шаардлагатайг нийгмийн нөхцөл байдал үргэлж анхааруулж байна.
Ялангуяа бид хүүхэд бүрт чанартай боловсрол эзэмших, тэгш боломжийг бүрдүүлэх, хүүхдийн эрүүл мэндийн үйлчилгээний хүртээмж, чанарыг сайжруулах, хүүхэд хамгааллын тогтолцооны сул талыг арилгаж хүчирхийлэл, үл хайхралын аливаа хэлбэрийг устгах, хүүхдийн аюулгүй, эрүүл орчныг бүрдүүлэх, мөн нийгмийн үйлчилгээний хүртээмжийн ялгааг бууруулж орон нутгийн болон хот хөдөөгийн тэгш бус байдлыг арилгах асуудалд онцгой анхаарал хандуулж, бодлогын түвшинд үр дүнтэй хэрэгжилтийг хангаж ажиллахыг шаардаж ажиллах шаардлагатай байна.
Миний бие УИХ-ын эмэгтэй гишүүн, 5 хүүхэдтэй ээжийн хувьд хүүхэд, гэр бүл, эмэгтэйчүүдийн хөгжил, нийгмийн баталгааг дэмжих бодлогыг тууштай дэмжин ажиллаж ирсэн бөгөөд энэ хүрээнд “Олон хүүхэд төрүүлж өсгөсөн эхийг урамшуулах тухай хуульд өөрчлөлт оруулах тухай хууль”-ийг УИХ-ын гишүүдийн хамтаар санаачлан боловсруулж, УИХ-аар батлуулсан. Уг хууль нь 2027 оноос хэрэгжиж эхлэх бөгөөд өмнө нь 1 нас хүргэлгүй хүүхдээ алдсан шалтгаанаар одонгоо авч чадаагүй эхчүүд одонгоо авах боломжийг бүрдүүлсэн юм. Энэхүү хууль нь олон хүүхэдтэй эхчүүдийн нийгэмд гүйцэтгэж буй үүргийг өсгөж чадаагүй гэх үндэслэлээр ялгаварлахгүй байх, хүүхдийн эрхийн зөрчлийг арилгах, гэр бүлийн үнэ цэнийг дэмжих, хүүхэд өсгөн хүмүүжүүлэх хөдөлмөрийг бодлогын түвшинд үнэлэх, хүн бүр хуулийн өмнө тэгш эрхтэй байх зарчмыг хангах чухал ач холбогдолтой шийдвэр болсон гэж үзэж байна.
Мөн Улсын Их Хуралд “Хүүхэд, гэр бүлийн хөгжлийг дэмжих бодлогын лобби бүлэг”-ийг байгуулж, олон гишүүний дэмжлэгтэйгээр үйл ажиллагааг эхлүүлээд байна. Цаашид хүүхэд хамгаалал, хүүхэд бүрийг аюулгүй орчинд өсөх нөхцөлөөр хангах, боловсрол, эрүүл мэндийн үйлчилгээнд тэгш хүртээмжийг бодитоор бүрдүүлэх, гэр бүлийн хөгжил, гэр бүл бүрийг төрийн цогц бодлогоор дэмжих асуудлыг хөндөж, энэ чиглэлийн эрх зүйн орчныг боловсронгуй болгох чиглэлээр идэвхийлэн ажиллах болно.
👶 Хүүхэд бол Монголын маргаашийн ирээдүй билээ.
💐 Хүүхэд бүр инээж, эх хүн бүр аз жаргалтай байх болтугай.
Эрсдэлийг илрүүлж, ээлтэй орчин бүрдүүлцгээе.
Хүүхэд бүр аюулгүй орчинд өсөж, хөгжих эрхтэй.
🎉 ОЛОН УЛСЫН ХҮҮХДИЙН ЭРХИЙГ ХАМГААЛАХ ӨДӨР, ЭХ ҮРСИЙН БАЯРЫН МЭНДИЙГ ХҮРГЭЕ.
🌍 Жил бүрийн 6 дугаар сарын 1-ний өдөр дэлхий нийтээрээ хүүхдийн эрх, хамгаалал, сайн сайхан ирээдүйн төлөө нэгэн зорилго дор нэгддэг.
Түүх сөхвөл, 1924 онд Женев хотноо “Хүүхдийн эрхийн тухай тунхаглал” анх батлагдаж, улмаар 1925 онд болсон хүүхдийн сайн сайхны төлөөх дэлхийн чуулга уулзалтаас 6 дугаар сарын 1-ний өдрийг хүүхдийн эрхийг хамгаалах, хүүхэд багачуудын баярын өдөр болгон тэмдэглэн өнгөрүүлэх уриалга гаргасан байдаг. Улмаар 1951 онд Олон улсын ардчилсан эмэгтэйчүүдийн холбооноос улс орон бүр энэ өдрийг тэмдэглэн өнгөрүүлэхийг уриалснаар дэлхий даяар өргөн дэлгэр тэмдэглэн өнгөрүүлж байна.
👧🧒 Монгол Улс энэхүү өдрийг 1952 оноос хойш тэмдэглэж ирсэн бөгөөд өнөөдөр 74 дэх жилдээ хүүхдийн инээд хөөр, гэр бүлийн баяр баясал бялхсан өдөр болгон тэмдэглэн өнгөрүүлж байна.
Гэвч энэ өдрийг зөвхөн баяр хөөрөөр тэмдэглэхээс гадна хүүхдийн эрхийн бодит нөхцөл байдалд анхаарах өдөр гэдгийг онцлон тэмдэглэхийг хүсч байна. Олон улсын хүүхдийн эрх, хамгааллын зарим индексээр Монгол Улс хүүхэд хамгаалал, эрхийн баталгааны үзүүлэлт хангалтгүй түвшинд байгаа нь бидэнд бодлогын түвшний илүү шийдэмгий, цогц арга хэмжээ шаардлагатайг нийгмийн нөхцөл байдал үргэлж анхааруулж байна.
Ялангуяа бид хүүхэд бүрт чанартай боловсрол эзэмших, тэгш боломжийг бүрдүүлэх, хүүхдийн эрүүл мэндийн үйлчилгээний хүртээмж, чанарыг сайжруулах, хүүхэд хамгааллын тогтолцооны сул талыг арилгаж хүчирхийлэл, үл хайхралын аливаа хэлбэрийг устгах, хүүхдийн аюулгүй, эрүүл орчныг бүрдүүлэх, мөн нийгмийн үйлчилгээний хүртээмжийн ялгааг бууруулж орон нутгийн болон хот хөдөөгийн тэгш бус байдлыг арилгах асуудалд онцгой анхаарал хандуулж, бодлогын түвшинд үр дүнтэй хэрэгжилтийг хангаж ажиллахыг шаардаж ажиллах шаардлагатай байна.
Миний бие УИХ-ын эмэгтэй гишүүн, 5 хүүхэдтэй ээжийн хувьд хүүхэд, гэр бүл, эмэгтэйчүүдийн хөгжил, нийгмийн баталгааг дэмжих бодлогыг тууштай дэмжин ажиллаж ирсэн бөгөөд энэ хүрээнд “Олон хүүхэд төрүүлж өсгөсөн эхийг урамшуулах тухай хуульд өөрчлөлт оруулах тухай хууль”-ийг УИХ-ын гишүүдийн хамтаар санаачлан боловсруулж, УИХ-аар батлуулсан. Уг хууль нь 2027 оноос хэрэгжиж эхлэх бөгөөд өмнө нь 1 нас хүргэлгүй хүүхдээ алдсан шалтгаанаар одонгоо авч чадаагүй эхчүүд одонгоо авах боломжийг бүрдүүлсэн юм. Энэхүү хууль нь олон хүүхэдтэй эхчүүдийн нийгэмд гүйцэтгэж буй үүргийг өсгөж чадаагүй гэх үндэслэлээр ялгаварлахгүй байх, хүүхдийн эрхийн зөрчлийг арилгах, гэр бүлийн үнэ цэнийг дэмжих, хүүхэд өсгөн хүмүүжүүлэх хөдөлмөрийг бодлогын түвшинд үнэлэх, хүн бүр хуулийн өмнө тэгш эрхтэй байх зарчмыг хангах чухал ач холбогдолтой шийдвэр болсон гэж үзэж байна.
Мөн Улсын Их Хуралд “Хүүхэд, гэр бүлийн хөгжлийг дэмжих бодлогын лобби бүлэг”-ийг байгуулж, олон гишүүний дэмжлэгтэйгээр үйл ажиллагааг эхлүүлээд байна. Цаашид хүүхэд хамгаалал, хүүхэд бүрийг аюулгүй орчинд өсөх нөхцөлөөр хангах, боловсрол, эрүүл мэндийн үйлчилгээнд тэгш хүртээмжийг бодитоор бүрдүүлэх, гэр бүлийн хөгжил, гэр бүл бүрийг төрийн цогц бодлогоор дэмжих асуудлыг хөндөж, энэ чиглэлийн эрх зүйн орчныг боловсронгуй болгох чиглэлээр идэвхийлэн ажиллах болно.
👶 Хүүхэд бол Монголын маргаашийн ирээдүй билээ.
💐 Хүүхэд бүр инээж, эх хүн бүр аз жаргалтай байх болтугай.
Эрсдэлийг илрүүлж, ээлтэй орчин бүрдүүлцгээе.
Хүүхэд бүр аюулгүй орчинд өсөж, хөгжих эрхтэй.
