Хүнс, Хөдөө Аж Ахуйн төсөл, судалгааны байгууллага

12/08/2026

💡FAPRIM Agribusiness Insight #20

Дэлхий бэлчээрийн мал аж ахуйн талаар Монголд хэлэлцэж байна.
Манай махны экспорт эхний 7 сарын байдлаар өмнөх оны мөн үеэс 18%-иар буурлаа.

👇 https://agbuisness-insight-asia-newsletter.beehiiv.com/p/faprim-agri-business-insight-20

Агрибизнесийн мэргэжилтэн, удирдагчдад зориулсан долоо хоногийн тойм

10/08/2026

Уур амьсгалын зорилтыг хэрэгжүүлэхэд санхүүжилт хэрэгтэй. 💰🌱
Монгол Улс уур амьсгалын өөрчлөлтийн эсрэг арга хэмжээг зөвхөн улсын төсвөөр санхүүжүүлэх боломжгүй.
Тиймээс шинэ хууль нь олон улсын болон дотоодын санхүүжилтийг татах, зөв чиглүүлэх тогтолцоог бүрдүүлэхийг зорьж байна.
Үүнд:
🔹 Карбон зах зээл - бодитоор бууруулсан ялгарлыг хэмжиж, баталгаажуулсны дараа карбон кредит болгон арилжаалах боломж.
🔹 Ногоон санхүүжилт - хөрөнгө оруулалтыг байгаль орчинд эерэг нөлөөтэй үйл ажиллагаанд чиглүүлэх механизм.
Гэхдээ карбон кредит бол амархан мөнгө биш. Үр дүн нь бодит, нэмэлт, хэмжигдэхүйц, баталгаатай байх ёстой.

📌 “Уур амьсгалын өөрчлөлтийн тухай хуулийг энгийнээр тайлбарлая” – 2 дахь пост

Хэрэв та энэ сэдвийг илүү ойлгомжтой, дэлгэрэнгүй мэдэхийг хүсвэл бидэнтэй 8-р сарын 23-нд уулзаарай.
📍 COP17 Green Zone, Pavilion C2 - GIZ & IPL хамтарсан хэлэлцүүлэг

💬 Карбон зах зээл & ногоон санхүүжилтын талаар ярилцья.
☕ Кофе| 🎁 Giveaway | 🤝 Networking

🎟️ Суудлын тоо хязгаартай тул яараарай!!! Бүртгэл: https://forms.gle/SxbWXsbiEZU2JgCv6

28/07/2026

📣 H1 тайлангаа дүгнэж буй удирдлагуудад

Бизнесүүд хагас жилийн үзүүлэлтээ харж байгаа энэ үед шийдвэртээ ашиглах макро орчны товч дүгнэлтийг эх сурвалжаас нь авч дүгнэснээ хуваалцъя. 👇

🏦 Мөнгөний бодлого: Монголбанк 6-р сард бодлогын хүүг 12%-д хэвээр хадгаллаа. Оны эхнээс хэрэглээний зээлийн өр/орлогын харьцааг 45%-иар хязгаарлаж, банкуудын заавал байлгах нөөцийг нэмэгдүүлсэн, эндээс харахад зээлийн өсөлтийг барих чиглэл тодорхой байна.

📈 Инфляци: 5-р сард 11.2% — зорилтот түвшнээс (5%±2) хоёр дахин өндөр. Гол хөдөлгөгч нь шатахуун ба хүнс. Хүнсний инфляци дангаараа ~24%.

💰 Мөнгө, зээл: М2 мөнгөний нийлүүлэлт 6-р сарын эцэст 53.4 их наяд ₮ болж, жилийн 26.6%-ийн өсөлттэй. Нийт зээлийн үлдэгдэл жилд 6.8 их наяд ₮-өөр нэмэгдэв. Төгрөгийн ханш долларын эсрэг бага зэрэг чангарсан.

🔮 Төсөөлөл: Дэлхийн Банк 2026 онд 5.0%, 2027–2028 онд дунджаар 5.5% орчмын өсөлтийг таамаглаж байна. АХБ төсөөллөө хэвээр үлдээж, шатахууны үнийг оны эцэс хүртэл тогтвортой гэж үзэв.

⚠️ Дүгнэлт: Экспорт, мөнгөний нийлүүлэлт эдийн засгийг дэмжиж байгаа ч инфляци өндөр байгаа нь бодлогын хүүг ойрын хугацаанд бууруулах орон зайг хязгаарлаж байна. Бизнесүүд өндөр хүүтэй орчин үргэлжилнэ гэж төлөвлөх нь зүйтэй.

Тэгвэл H1 тайлангаа дүгнэж H2-т бэлдэхдээ юу анхаарах вэ?

1️⃣ Ашгаа задалж хар: Сайн үзүүлэлт чинь "үнийн" үү, "тоо хэмжээний" үү? Тоо хэмжээнээс ирсэн бол тогтвортой. Үнээс ирсэн бол II хагаст давтагдахгүй байх магадлалтай.

2️⃣ Гэрээгээ хамгаал: ~12% инфляци цалин, түүхий эдийн өртгөөр дамжиж ирнэ. Урт хугацаат гэрээнүүддээ үнэ индексжүүлэх заалт оруул.

3️⃣ Сценариор шалга: Өөдрөг / дундаж / муу гэсэн 3 хувилбараар мэдрэмжийн шинжилгээ хийж, шатахуун, эрчим хүчний тасалдлаас үүсэх эрсдэлээ тооц.

💬 Танай H1 үзүүлэлт үнийн нөлөөгөөр үү, тоо хэмжээний нөлөөгөөр сайжирсан бэ, задалж үзсэн үү?

#МакроЭдийнЗасаг #БизнесТөлөвлөгөө #Инфляци

22/07/2026

📢 ГААЛИЙН ТАРИФЫН ХӨНГӨЛӨЛТ ЭДЛЭХ 367 ТӨРЛИЙН БАРАА

Монгол Улс болон Евро-Азийн Эдийн Засгийн Холбоо-ны гишүүн орнуудтай байгуулсан “Худалдааны түр хэлэлцээр” 2026.07.22-оос хэрэгжиж эхэллээ.
Тус хэлэлцээрийн хүрээнд дараах 367 төрлийн бараа бүтээгдэхүүнд гаалийн тарифын хөнгөлөлт үзүүлэхээр тохиролцсон байна.

#ЕАЭХ #Гааль

21/07/2026

🥛 Монгол жилд 800 сая литр сүү үйлдвэрлэдэг. Гэвч ердөө 10% нь боловсруулагддаг.

Үлдсэн 720 сая литр хаана "алга болдог" вэ?

FAPRIM Agri-Food Insight #18 дугаарт:

🔹 Хүйтэн хэлхээ & логистик — хүнсний нийлүүлэлтийн "далд хүчин зүйлс"-ийн талаар
🔹 5 км-ийн цаана орхигдож буй баялаг — 35 үнээтэй ч саах хүнгүй малчны кейс, үүнийг орлого болгох 4 шийдэл
🔹 🇲🇳🇹🇯 Монгол–Тажикстан: 17 жилийн дараах төрийн айлчлал ХАА-д юу авчрах бол
🔹 Франчайз радар: Genesis BBQ, CU, Wendy's — Төв Ази яагаад F&B франчайзын шинэ талбар болж буй талаар
🔹 Дунд коридор: Төв Ази хүнсний транзитын зангилаа болж байна

Хүнс, ХАА-н салбарын шийдвэр гаргагчдад зориулсан 7 хоног тутмын тойм 👇

📩 [Newsletter линк]-г комментоос авна уу.

#ХАА #Хүнс #ХүйтэнХэлхээ #Агрибизнес #Франчайз #ТөвАзи

21/07/2026

📢 Сайхан мэдээ!

баг хүнс, хөдөө аж ахуйн салбарын байгууллага, мэргэжилтнүүдэд зориулж "FAPRIM Agri-Food Insight" долоо хоног тутмын тоймыг бэлтгэдэг билээ. Ази болон Монголын агрибизнесийн мэдээ, өртгийн сүлжээний шинжилгээ, хөрөнгө оруулалт, франчайзын чиг хандлагыг нэг дороос хүргэдэг энэхүү тойм өдийг хүртэл зөвхөн бүртгүүлсэн захиалагчдын имэйлээр очдог байсан.

✨ Өнөөдрөөс эхлэн дугаар бүрээ энэ пэйжээрээ мөн хүргэдэг боллоо 👏

Салбарын шийдвэр гаргагчдад хэрэгтэй мэдээллийг долоо хоног бүр алдалгүй авахыг хүсвэл:

👍 Энэ пэйжийг дагаарай
📩 Имэйлээр авах бол: https://agbuisness-insight-asia-newsletter.beehiiv.com/subscribe?utm_source=facebook&utm_medium=social

Хамтдаа Монголын Хүнс, ХАА-н бизнесийн салбарын мэдээллийн хүртээмжийг нэмэгдүүлье 🌾

20/07/2026

[English below]

Соёл, спорт, аялал жуулчлал, залуучуудын яам болон НҮБ-ын Цөлжилттэй тэмцэх тухай конвенцын G20 Даян дэлхийн газрын санаачилгын хамтарсан санхүүжилттэй, НҮБ-ын Хөгжлийн хөтөлбөрөөс хэрэгжүүлж буй “Залуучуудын Ко:Лаб Монгол: Монголын залуучуудын ур чадвар, оролцоо, нийгмийн энтрепренершипийг дэмжих нь” төслөөс Хөдөө аж ахуйн их сургуультай хамтран оюутан, залуу судлаач нарын дунд Талуудын бага хурлын (COP) загвар хуралдааныг зохион байгуулах гэж байна.

Загвар хуралдаан нь залуучуудын уур амьсгалын өөрчлөлт, цөлжилт болон бэлчээрийн доройтол, байгалийн нөхөн сэргээлт, ногоон эдийн засаг, тогтвортой хөгжлийн талаар мэдлэгийг бэхжүүлэх, НҮБ-ын Цөлжилттэй тэмцэх тухай конвенц (UNCCD), олон улсын хэлэлцээр хийх, шийдвэр гаргах ур чадварыг хөгжүүлэх зорилготой симуляцийн арга хэмжээ юм.

Мөн загвар хуралдааны үйл ажиллагааны хүрээнд Тэрбум мод санаачилгыг дэмжиж мод тарих, залуучуудын тунхаглал боловсруулахыг зорьж байна. Загвар хуралдаан Монгол болон Англи хэлээр зохион байгуулагдана.
Оролцогчдод зориулсан Загвар хуралдаанд бэлтгэх сургалт зохион байгуулагдах ба шалгарсан 100 оролцогчдод дэлгэрэнгүй мэдээлэл хүргүүлнэ.

📅 Загвар хуралдаан 2026 оны 8 дугаар сарын 12-ны өдөр зохион байгуулагдна.
📝 Бүртгэл 2026 оны 7 дугаар сарын 27-ны өдрийг дуустал үргэлжилнэ.
Бүртгэлийн холбоос: https://forms.gle/8s52Xt9VYD1Na3Et8

🌱 ЭХ БАЙГАЛИА СЭРГЭЭЕ
✨ ИТГЭЛ НАЙДВАРАА БАДРААЯ

***

The Ministry of Culture, Sports, Tourism and Youth and the UNCCD G20 Global Land Initiative's co-funded project, “Youth Co:Lab Mongolia: Skills, Participation, and Social Entrepreneurship of Mongolia's Youth”, implemented by UNDP, is organizing a Model COP among university students and young scholars in collaboration with the Mongolian University of Life Sciences.

This Model COP is an academic simulation designed to provide young people with knowledge and skills related to the United Nations Convention to Combat Desertification (UNCCD), international negotiation processes, decision-making, and issues concerning climate change, desertification and land degradation, drought, ecosystem restoration, green economy, and sustainable development.

In addition, the Model COP will promote concrete youth action through tree-planting activities supporting Mongolia's "One Billion Trees" National Movement and the development of a Youth Declaration outlining key messages and recommendations from participating youth. The Model COP will be held in Mongolian and English simultaneously.
Ahead of the Model COP, preparatory capacity-building sessions will be organized for participants. Detailed information will be communicated to the 100 selected participants via their registered email addresses.

📅 Model COP will take place on 12 August 2026.
📝 Registration will be open until 27 July 2026.
Registration link: https://forms.gle/8s52Xt9VYD1Na3Et8

🌱 RESTORING LAND
✨ RESTORING HOPE

Хөдөө аж ахуйн их сургууль Mongolian University of Life Sciences

10/07/2026

Үндэсний Их Баяр Наадмын Мэнд Дэвшүүлье 🏇🤼‍♀️🏹
Энх тунх, амар амгалантай сайхан наадаарай 🫶🙌

30/06/2026

📌ДЭЛХИЙН МАЛЧДЫН ЧУУЛГАНЫ БҮРТГЭЛ ҮРГЭЛЖИЛЖ БАЙНА. #ТА ДАРААХ QR КОДЫГ УНШУУЛЖ БҮРТГЭЛДЭЭ ХАМРАГДАНА УУ!

Монгол Улсын санаачилгаар Нэгдсэн Үндэстний Байгууллагын Ерөнхий Ассамблейн 76 дахь чуулганаар 2026 оныг Бэлчээрийн ба нүүдлийн мал аж ахуй эрхлэгчдийн олон улсын жил (IYRP 2026) болгон зарласан A/RES/76/253 тогтоолыг баталсан бөгөөд үүнийг НҮБ-ын Хүнс, хөдөө аж ахуйн байгууллага албан ёсоор хэрэгжүүлэхээр болсон.

2026 он нь бүтэн жилийн турш монголын соёл, нүүдлийн ахуй, байгальтайгаа зохицон оршиж ирсэн өв уламжлалыг дэлхий дахинд хүндэтгэн таниулж буй онцгой жил юм.

Энэхүү жил нь бэлчээрт суурилсан мал аж ахуйн үйлдвэрлэл, уламжлалт мал аж ахуйн мэргэжилтнүүдийн хүнсний аюулгүй байдал, экосистемийн тэнцвэр, уур амьсгалын өөрчлөлтөд дасан зохицох, бууруулах, байгаль орчны тогтвортой байдал, хөдөөгийн тогтвортой хөгжилд оруулсан хувь нэмрийн талаар дэлхий нийтийн мэдлэгийг дээшлүүлэх зорилготой юм.

Дэлхийн бүс нутгуудад энэ 2026 онд малчдын уулзалт, бага хурал зохион байгуулагдаж байна. Эдгээр хурал, уулзалт зэрэг арга хэмжээний үр дүн, зөвлөмжийг нэгтгэн дүгнэж, Дэлхийн байр суурийг илэрхийлсэн баримт бичиг гаргах шаардлагатай байна. Тиймээс Монгол Улс бүс нутгийн үр дүнг нэгтгэн баталгаажуулж, Дэлхийн бодлогын түвшинд хүргэх зорилгоор Дэлхийн малчдын чуулган зохион байгуулна.

🟢2026 оны 8-р сарын 9-15-ны хооронд Монгол Улсад болох Дэлхийн малчдын чуулганы зорилго нь:

🟢 Дэлхийн бүс нутгуудад болсон малчдын уулзалт, яриа хэлэлцээрийн үр дүнг нэгтгэх;
🟢 Эмэгтэй малчид болон залуу малчдын тэргүүлэх чиглэлийг тусгасан хамтарсан тунхаглал, зөвлөмж боловсруулах;
🟢Бэлчээр, мал аж ахуйн тогтвортой байдлыг дэмжих бодлогын чиглэл, хамтын ажиллагааны механизмыг тодорхойлох;
🟢Нэгтгэсэн баримт бичгийг СОР17-д танилцуулан, шийдвэрлүүлэх,
🟢Гарсан шийдвэрийг дэлхий даяар танилцуулах, хэрэгжүүлэх юм.

https://mofa.gov.mn/news/TIME/6a41c0a6958db4681638b97b

24/06/2026

📢 Хоршоо хөгжүүлэх сангийн журам шинэчлэгджээ!
✨ Одоо ЖДҮҮЭ компаниуд ч мөн хөнгөлөлттэй зээл авах боломжтой.

💰 Зээлийн нөхцөл:
- Жилийн хүү: 5%
- Хугацаа: 60 сар хүртэл
- Эхний 12 сар үндсэн төлбөрөөс чөлөөлөгдөх боломжтой
- Төлбөрийг сар эсвэл улирал бүр тэнцүү төлнө

📊 Доод хязгаар:
- Аймгийн төвийн сум: Хоршоо – 50 сая, ЖДҮҮЭ – 20 сая
- Бусад сум: Хоршоо – 30 сая, ЖДҮҮЭ – 15 сая

🎯 Нэг төсөлд 50 сая төгрөг тутамд дор хаяж 1 ажлын байр шинээр бий болгох шаардлагатай.

📑 Төсөлд тавигдах шаардлага:
- Үйлдвэрлэл, үйлчилгээ, худалдааны мэдээлэл
- Зах зээлийн судалгаа, эдийн засгийн тооцоо
- Удирдлага, хүний нөөцийн мэдээлэл
- Санхүүгийн тайлан, татвар, НД-ын тодорхойлолт
- Барьцаа хөрөнгийн баримт бичиг

👉 Дэлгэрэнгүй мэдээлэл: https://legalinfo.mn/mn/detail?lawId=17437103530542&showType=1