15/10/2025
Зүүнбаянгийн ЕБ-ын сургуулийн номын сангаас “Илүү ихийг уншицгаая” уриан доор “Номын баяр-2025” арга хэмжээг энэ оны 9 дүгээр сард амжилттай зохион байгууллаа.
Тухайн арга хэмжээнд дараах ажлуудыг хийлээ.
Манай боловсролын хөтөлбөрөөс олгосон 599 номтой тухайн сургуулийн нийт 410 сурагч танилцсан.
Бага ангийн сурагчид Монгол ардын үлгэрийн ном уншиж мөн уншсан номынхоо дүрээр цаасан урлал хийлээ.
“Үсэглэлийн аварга” уралдаанд нийт 20 хүүхэд амжилттай оролцлоо.
FXB Швейцарийн төрийн бус байгууллага нь 2006 оноос хойш Монголд идэвхтэй үйл ажиллагаа явуулж, орон нутгийн төрийн байгууллагуудтай орон нутгийн төсөл дээр хамтран ажилласаар ирсэн. Манай байгууллага нь Дорноговь аймагт ядуурлыг бууруулах чиглэлээр үйл ажиллагаа явуулдаг төдийгүй төсөлд хамрагдаж байгаа өрхийн хүүхдүүдэд, тэдний ирээдүйг үнэ цэнэтэйгээр цогцлоохын тулд ном унших дадалд сургаж тэдэнд боловсролын хүртээмжийг нэмэгдүүлэхийг зорин ажилладаг.
Тиймээс манай байгууллага нь хүүхдүүдийг ном уншиж түүнээсээ баяр баяслыг олж харах боломжийг олгохын тулд Швейцарийн “Magic Library” сантай хамтран номын сангийн төслийг хэрэгжүүлж эхэлсэн.
Энэхүү төсөл нь Зүүнбаян болон Сайншандын сургуулиудын номын санд нийтдээ 1200 гаруй номоор ханган хамтран ажиллахын зэрэгцээ малчин айлын хүүхдүүдэд явуулын номын сангийн үйл ажиллагаагаар ном уншихыг сурталчлан таниулах ажлыг зохион байгуулна.
Дэлхий даяарх манай хөтөлбөр бүрийн нэгэн адил бидний эрхэм зорилго бол Хүүхдийг хамгаалж, хамгийн эмзэг бүлгийн хүүхдүүдийг гэр бүл, хамт олныхоо хамт нэр төр, бие даах чадварт нь бэлдэж дэмжлэг үзүүлэх явдал юм.
