08/05/2026
🔥 БИЗНЕСИЙН ОРЧНЫГ САЙЖРУУЛАХ, АЯЛАЛ ЖУУЛЧЛАЛЫГ ДЭМЖИХ ХАМТЫН АЖИЛЛАГААНЫ САНАМЖ БИЧИГ БАЙГУУЛЛАА
🔹МҮХАҮТ-ын Хөвсгөл, Булган, Орхон аймаг дахь салбар танхим болон Аялал Жуулчлалын Мэргэжлийн Холбоо (АЖМХ) хооронд төр, хувийн хэвшлийн түншлэлийг бэхжүүлэх, бизнесийн таатай орчныг бүрдүүлэх зорилго бүхий хамтын ажиллагааны Санамж бичигт талууд гарын үсэг зурлаа. (2026.04.01-05.07)
🔹Санамж бичигт МҮХАҮТ-ын
👍 Хөвсгөл аймаг дахь салбар танхимын дарга Д.Гэрэлтуяа,
👍 Булган аймаг дахь салбар танхимын дарга Оюунгэрэл,
👍 Орхон аймаг дахь салбар танхимын дарга М.Ганбат Аялал жуулчлалын мэргэжлийн холбооны Гүйцэтгэх захирал М.Нарангэрэл нар гарын үсэг зурж, хоёр байгууллагын хамтын ажиллагааг албан ёсоор баталгаажуулав.
🔹Тус баримт бичгийн хүрээнд талууд Хойд бүс болон аймгийн хэмжээнд аялал жуулчлал, жижиг, дунд үйлдвэрлэлийг (ЖДҮ) дэмжих, бүтээмжийг дээшлүүлэх замаар ажлын байрыг нэмэгдүүлэх чиглэлээр нягт хамтран ажиллахаар боллоо.
📌Хамтын ажиллагааны гол чиглэлүүд:
• Чадавхыг бэхжүүлэх: Бизнес эрхлэгчдэд аялал жуулчлалын салбарын мэдлэг олгох сургалт, төсөл хөтөлбөрүүдийг хамтран хэрэгжүүлж, сургагч багш, гарын авлагаар хангах;
• Бизнесийг дэмжих: ЖДҮ, үйлчилгээний салбарын өрсөлдөх чадварыг нэмэгдүүлэх зорилгоор уулзалт, зөвлөгөөн, үзэсгэлэн худалдаа болон бизнес аяллыг тогтмол зохион байгуулах;
• Бодлогын нөлөөлөл: Эдийн засаг, бизнесийн хууль эрх зүйн орчны судалгаанд хамтран оролцож, салбарын мэдээ мэдээлэл, статистик үзүүлэлтийг харилцан солилцох;
• Стандарт нэвтрүүлэх: Олон улсын стандарт, арга зүйг орон нутгийн бизнесүүдэд нэвтрүүлэх, үндэсний томоохон бүтээн байгуулалтад ЖДҮ эрхлэгчдийн оролцоог хангахад анхаарна.
🔹Энэхүү хамтын ажиллагаа нь нээлттэй, ил тод, харилцан хүндэтгэх зарчимд тулгуурлан хэрэгжих бөгөөд орон нутгийн эдийн засгийн өсөлтийг хангах, бизнесийн таатай орчныг бүрдүүлэхэд чухал түлхэц болно гэдгийг талууд онцлов.
#НэгСалбар
#ХамтынАжиллагаа
