Арвайхээр сумын Насан туршийн боловсролын нэгж

16/04/2026

2026 оны 04 сарын 22-25-ний өдрүүдэд "Sri Sri Yoga - Padmasadana" 4 хоногийн үнэ төлбөргүй сургалтанд та бүхнийг урьж байна. Хөтөлбөр 14-өөс дээш насныханд нээлттэй.
Хөтөлбөрт: Иогын байрлалууд, амьсгалын дасгал, бясалгал
Зорилго: Иогоор дамжуулан эрүүл мэнд, аз жаргал, сайн сайхан байдлын талаар хүмүүст ерөнхий мэдлэг олгоно.
Үргэлжлэх хугацаа : 1 цаг
Сургалт 07 цагт
Байршил: Багийн нэгдсэн төвийн заал
Нөхцөл: Иога хийхэд биед эвтэйхэн хөнгөн чөлөөтэй хувцас, дасгалын дэвсгэр /матрас/
Бүртгүүлэх холбоос: https://docs.google.com/forms/d/e/1FAIpQLSdBmFe7G0kIEoi-SE_ZKNaWostgM6aDZtVuPMRxoX28_t85Sg/viewform?usp=header

Дамжуулах багш Д.Цэцэгмаа

Өвөрхангай иога, бясалгалын нэгдсэн төв.
Холбогдох утас: 91036018,
99936977

14/04/2026

14/04/2026

СУРАЛЦАХУЙН ДАВАЛГАА 2026 аянд идэвхитэй хамрагдаарай...

31/03/2026

Мөнгөө ухаалгаар удирдъя
Мөнгөө зөв зарцуулах 5 арга

27/03/2026

🎯“ Дэлхийн мөнгөний 7 хоног-2026” аяны хүрээнд “Мөнгөө ухаалгаар удирдъя” илтгэлийн уралдаан зарлагдлаа.

Ерөнхий зохион байгуулагчид:
-Өвөрхангай аймгийн Насан туршийн боловсролын төв
-Өвөрхангай аймгийн Монгол банкны салбар
-Өвөрхангай аймгийн Санхүү төрийн сангийн хэлтэс
-Иргэний засаглал ТББ-ын дэргэдэх GENIUS сургалтын төв
-Өвөрхангай аймаг дахь арилжааны банкууд
Хамрах хүрээ: Бүх сумдын Ерөнхий боловсролын сургуулийн 8-12-р ангийн сурагчид оролцох боломжтой.
1. Эхний шат нь нийт бичмэл илтгэлүүдээс шалгуурын дагуу нягтлан шүүнэ.
2. Хоёр дахь шатанд бичмэл илтгэл нь тэнцсэн сурагчид өөрийн биеэр илтгэлээ 5 минутад багтаан толилуулна. Нийт илтгэлүүд албан ёсны сошиал хаягуудаар байршигдах ба 2-р шатны уралдаан Хүүхдийн ордны В 1 давхарт байрлалтай Genius сургалтын төв дээр зохион байгуулагдана.
3. Гурав дахь шатанд нийт илтгэгчдийн илтгэлээс хамгийн өндөр оноо авсан 10 илтгэгчдэд урьдчилан бэлдсэн сэдвүүдээс санамсаргүй байдлаар сонгуулж, 1 минут бэлдэж, 2 минут илтгэл толилуулах замаар шалгаруулалт явагдана.
Бүртгүүлэх сурагчид дараах линкээр орж бүртгүүлнэ үү.

https://forms.gle/2AydNQMa4SUX3fGY8

Илтгэлээ [email protected] хаягаар 03 сарын 31-ны дотор илгээнэ.
Илтгэлийн уралдаанд оролцох бүх сурагчиддаа амжилт хүсье👍

17/03/2026

17/03/2026

Гамшгийн бэлэн байдлын сургагч багш нар бэлтгэгдлээ

Аймгийн Онцгой байдлын газар болон Аймгийн Насан туршийн суралцахуйн төв хамтран сумдын насан туршийн суралцахуйн төвийн багш, арга зүйч нарыг хамруулсан гамшгийн бэлэн байдлын сургалтыг амжилттай зохион байгууллаа.

Тус сургалтад нийт 20 албан хаагч хамрагдаж, гамшгийн үеийн эрсдэлийг бууруулах, урьдчилан сэргийлэх, хариу арга хэмжээ авах мэдлэг, чадвараа дээшлүүлэн “гамшгийн бэлэн байдлын сургагч багш”-аар бэлтгэгдэв.

Сургалтын хүрээнд оролцогчид гамшгийн үеийн удирдлага зохион байгуулалт, анхан шатны тусламж, иргэдэд мэдээлэл хүргэх арга зүй, дадлага сургуулилтад идэвхтэй оролцож, орон нутагтаа мэдлэгээ түгээн дэлгэрүүлэх боломж бүрдлээ.

Цаашид бэлтгэгдсэн сургагч багш нар сум, багийн түвшинд иргэдэд чиглэсэн сургалт, нөлөөллийн ажлыг зохион байгуулж, гамшгийн эрсдэлийг бууруулахад чухал үүрэг гүйцэтгэх юм.

16/02/2026

Сүрээр дарагч гал Морин жилдээ НЭГ ӨРХ-НЭГ УГИЙН БИЧИГ хөтлөн, залуус ахмадуудаас дээд үеийнхээ талаар мэдэж, ахмадууд нь төрөл садангийнхаа талаар мэдээлэл дамжуулахыг УРИАЛЖ байна. 🥰
Цагаан сар бол Монголчуудын хувьд хамгийн чухал уламжлалт баяр бөгөөд ахмад үеийнхэнтэйгээ уулзаж, амар мэндийг нь айлтгах, ахмадаа хүндэтгэх, гэр бүлээрээ цугларч, ургийнхаа түүхийг мэдэх нь энэ баярын нэгэн онцлог билээ.
Тус баярын үеэр гэр бүлийнхэн, хамаатнууд уулзаж, ахмад үеийнхнээсээ ургийнхаа түүхийг мэдэх нь залуусын хувьд үнэ цэнтэй бөгөөд ирээдүйдээ уламжлалаа тээн дэлгэрүүлэхэд нөлөө үзүүлнэ.
Тиймээс Морь жилдээ нэг өрх нэг угийн бичиг хөтлөн, үе дамжсан мэдлэг мэдээллийг өвлөн авахаас гадна ирээдүйдээ өвлүүлэн үлдээхэд өөрсдийн хувь нэмрээ оруулаарай.😍
САР ШИНЭДЭЭ САЙХАН ШИНЭЛЭЭРЭЙ 🥰

03/02/2026

ЭНТЕРПРЕНЕРШИПЭД СУУРИЛСАН ХУВЬ ХҮНИЙ УР ЧАДВАР ХӨГЖҮҮЛЭХ СУРГАЛТАД ХАМРАГДСАН ИРГЭДИЙН САНААЧИЛГА ДЭМЖИГДЛЭЭ
2025 онд насан туршийн суралцахуйн нэгжээс энтрепренершипэд суурилсан хувь хүний ур чадвар хөгжүүлэх (ESEL) сургалтад хөгжлийн бэрхшээлтэй нийт 44 иргэнийг хамруулж, орлогоо нэмэгдүүлэх, бизнесийн санаа боловсруулах, шинэ санаачилга хэрэгжүүлэх мэдлэг, чадварыг олгосон. Сургалтын үр дүнд бизнес эрхлэх сонирхолтой таван иргэний төслийг хүлээн авч, дэмжлэг үзүүлэх зорилгоор сонгон шалгаруулалт зохион байгуулсан бөгөөд үүнээс хоёр иргэн Сумын засаг даргын тамгын газраас санхүүгийн дэмжлэг хүртлээ.
Тодруулбал,
• Иргэн Түмэнжаргалын хашааны зэрлэг өвс хадах үйлчилгээ “Амжилт” төсөл,
• Иргэн Чанцалын малын өөх тосыг ашиглан байгалийн гаралтай саван үйлдвэрлэх “Цэвэрхэн” төсөлд тус тус дэмжлэг үзүүлэв.
Эдгээр төслүүд нь орон нутгийн нөөц боломжийг ашигласан, бодит хэрэгцээнд тулгуурласан, иргэдийн орлогыг нэмэгдүүлэх ач холбогдолтой санаачилга болж байна. Цаашид шалгарсан төслүүдийг хэрэгжүүлэхэд мэргэжлийн зөвлөгөө, арга зүйн дэмжлэг үзүүлж, үр нөлөөг нэмэгдүүлэхээр төлөвлөж байна.

03/02/2026

“Суралцагч хот Арвайхээр” хөтөлбөрийн хүрээнд ахмадуудаас санал авч, сургагч багшийн бүлэг байгуулахаар боллоо

Арвайхээр хотод ЮНЕСКО-гийн Суралцагч хот хөтөлбөрийн хүрээнд “Суралцагч хот Арвайхээр” санаачилгын танилцуулга амжилттай зохион байгуулагдлаа. Тус арга хэмжээнд ахмад настнууд идэвхтэй оролцож, хотын насан туршийн суралцахуйн стратеги төлөвлөгөөнд тусгах саналуудыг хэлэлцэн, үнэтэй зөвлөмжүүдийг дэвшүүллээ.

Уулзалтын үеэр ахмад оролцогчид өөрсдийн суралцах хэрэгцээг тодорхойлон, мэдлэг туршлагаа хуваалцах хүсэл эрмэлзлээ илэрхийлсэн нь онцлох үйл явдал байв. Үүний хүрээнд ахмадуудын дунд “сургагч багш”-ийн бүлэг байгуулах санаачилга гарч, цаашид харилцан суралцах, туршлага солилцох, залуу үеийг дэмжих чиглэлээр идэвхтэй ажиллахаар боллоо.

Энэхүү үйл ажиллагаа нь Арвайхээр хотыг суралцагч хот болгон хөгжүүлэх, иргэдийн оролцоонд тулгуурласан тогтвортой хөгжлийн бодлогыг хэрэгжүүлэхэд чухал алхам болж байна. Ахмад үеийн мэдлэг, ур чадварыг нийгэмд түгээх, тэдний оролцоог нэмэгдүүлэх замаар насан туршийн боловсролыг дэмжихэд бодит хувь нэмэр оруулах юм.

17/12/2025

Тэмүүлэл эрдэм сургууль
Хувь хүний ур чадвар, энтерпренершип боловсрол олгох хөтөлбөр сурагчдын Пичийн арга хэмжээ болж байна. 👏👏👏