Сансар-Өргөө СӨХ

04/08/2026

03/08/2026

ШАТАХУУН ОЛГОХ ТҮР ХУВААРЬ

🚗 0, 2, 4, 6, 8 буюу Улсын дугаар нь тэгш тоогоор төгссөн автомашин эзэмшигчид 8 дугаар сарын 4, 6, 8, 10, 12, 14-ний өдрүүдэд шатахуун авна.

🚙 1, 3, 5, 7, 9 буюу Улсын дугаар нь сондгой тоогоор төгссөн автомашин эзэмшигчид 8 дугаар сарын 5, 7, 9, 11, 13, 15-ны өдрүүдэд шатахуун авна.

📢 Иргэд, жолооч та бүхэн хуваарийн дагуу шатахуун түгээх станцуудаар үйлчлүүлнэ үү.

24/07/2026

СӨХ-ны дундын өмчийг зориулалтын бусаар ашиглахыг хориглоно.

07/07/2026

"Сансар Өргөө" СӨХ-ны харьяа 26 дугаар байрны нийт оршин суугчдын анхааралд:
Үндэсний их баяр наадмын амралтын өдрүүдийг тохиолдуулан тус СӨХ-ноос оршин суугчдын ая тухтай, цэвэр цэмцгэр амьдрах орчныг бүрдүүлэх зорилгоор 26 дугаар байрны нийт 6 орцонд будагийн ажлыг 2026 оны 07 дугаар сарын 08-ний өдрөөс эхлэн 19-ний өдрийг дуустал үргэлжлэх тул оршин суугч та бүхнийг дараах зүйлсийг анхаарч, СӨХ-ны ажилтнуудтай хамтран ажиллахыг хүсэж байна. Үүнд:
1. Сонор сэрэмжтэй байх: Орцны хана, шатны хашлага будагдах тул хувцас хунар, эд зүйлсээ будаг болгохоос сэргийлж, сонор сэрэмжтэй зорчих;
2. Хүүхдэд тавих хяналт: Бага насны хүүхдийг орцонд хараа хяналтгүй тоглуулахгүй байх, хатаагүй будагт хүрэхээс сэргийлэх;
3. Гэрийн тэжээвэр амьтан: Нохой, муур зэрэг гэрийн тэжээвэр амьтныг орцонд авч гарахдаа будсан хананд шүргүүлэхгүй байхад анхаарах;
4. Агааржуулалт: Будгийн үнэр зайлуулах зорилгоор орцны хаалга, орцны цонхнуудыг нээх тул хаахгүй байх.
Байрны маань өнгө үзэмжийг сайжруулах ажлыг хүндэтгэн үзэж, хүлээцтэй хандах оршин суугч та бүхэндээ баярлалаа.
"САНСАР ӨРГӨӨ" СӨХ

04/07/2026

58-р байранд дээврийн их засварын төлөвлөгөөт ажил хийгдэж байгаа тул оршин суугч, иргэд та бүхэн автомашинаа аль болох байрнаас хол байрлуулна уу.