Yawnghwe Tai Youth Organization

09/12/2025

ဝၼ်းထိ 09/12/2025 မိူဝ်ႈၼႆႉ မုၵ်ႉၸုမ်းၵူၼ်းၼုမ်ႇတႆးယွင်ႁူၺ်ႈ လႆႈဢဝ်သိူဝ်ႈၼႃ သိူဝ်ႈသွၼ်ႉဢုၼ်ႇ (200) ၽိုၼ် ၵႂႃႇၵမ်ႉၸွႆႈထႅမ်ပၼ် ပီႈၼွင်ႉဝၢၼ်ႈၸၢင်ႈၸွႆႉ လႄႈပီႈၼွင်ႉဝၢၼ်ႈၸၢင်ႈလဵၵ်း ထုင်ႉၼွင်ႁႆးယႃႈ၊ ၸေႈဝဵင်းယွင်ႁူၺ်ႈ ၸိူဝ်းလႆႈထူပ်းၽေးပၢင်တိုၵ်း ၸိူဝ်းၼႆႉယူႇၶႃႈယဝ်ႉ။ လိူဝ်‌သေၼၼ်ႉ ႁဝ်းၶႃႈ လႆႈဢုပ်ႇဢူဝ်းၵၼ်‌သေ ပၼ်ႁႅင်းၸႂ်ၵၼ်ၵႂႃႇ ၸိူင်ႉၼႆထႅင်ႈယူႇၶႃႈယဝ်ႉ။

#မုၵ်ႉၸုမ်းၵူၼ်းၼုမ်ႇတႆးယွင်ႁူၺ်ႈ
#ၸွႆႈပီႈၼွင်ႉထူပ်းၽေးပၢင်တိုၵ်း
#ဝၢၼ်ႈၸၢင်ႈၸွႆႉ #ဝၢၼ်ႈၸၢင်ႈလဵၵ်း

05/12/2025

🎉🎊 ႁူမ်ၸူမ်းယုၵ်ႉယွင်ႈဢဝ်ၵုင်မုၼ်ၸွမ်း
ၼၢင်းၼွင်ႉၼွႆး ယွင်ႁူၺ်ႈ ႁပ်ႉလႆႈၸုမ်ႈၶူး B.Sc (Chemistry ) တီႈ ၸၼ်ႉၸွမ်တူၼ်ႈတီး မိူင်းတႆးပွတ်းၸၢၼ်း ၼႂ်းပီ 2025 ။

🎉🎊 Congratulations to Nang Noung Noi who graduated with bachelor's degrees (B.sc) from Taunggyi University, Shan state in 2025.

မိူဝ်ႈဝၼ်းထိ 26/11/ 2025 ၼႆႉ ၼၢင်းၼွင်ႉၼွႆး ဝၢၼ်ႈပေႃႈမျႃး၊ ထုင်ႉၼွင်ႁႆၢးယႃႈ၊ ၸႄႈ‌ဝဵင်းယွင်ႁူၺ်ႈ၊ ႁပ်ႉလႆႈၸုမ်းၶူး B.Sc (Bachelor of Science in Chemistry) တီႈၸၼ်ႉၸွမ်တူၼ်ႈတီး ၼႆၶႃႈလႄႈ ယူႇတီႈမုၵ်ႉၸုမ်းၵူၼ်းၼုမ်ႇတႆးယွင်ႁူၺ်ႈ ပဵၼ်ၸႂ်ႁူမ်ၸူမ်းယုၵ်ႉယွင်ႈဢဝ်ၵုင်ႇမုၼ်ၸွမ်းတႄႉတႄႉယူႇၶႃႈဢေႃႈ။

ယုမ်ႇယမ်ဝႃႈ တေပဵၼ်ယိင်းတႆး ဢၼ်မေႃၵမ်ႉၸွႆႈ တီႈၼႂ်း တူင်ႇဝူင်းၸိူဝ်ႉၶိူဝ်း ၽႃႇသႃႇ သႃႇသၼႃႇတႆးႁဝ်း ၵႂႃႇၼႃႈ ၶၢဝ်းႁိုင်ယူႇၼႆၶႃႈဢေႃႈ။

05 December 2025

#မုၵ်ႉၸုမ်းၵူၼ်းၼုမ်ႇတႆးယွင်ႁူၺ်ႈ

25/11/2025

20/11/2025

🌸🎉ႁူမ်ၸူမ်းႁပ်ႇတွၼ်ႈပီမႂ်ႇတႆး 2120 ၼီႈ 🎊

🎆🎉🌸Happy Shan New Year 2120🌸🎆🎉

ပီႈၼွင်ႉၸၢဝ်းၶိူဝ်းတႆးတၢင်းသဵင်ႈ
ႁႂ်ႈလွတ်ႈၵၢင်းၶဵၼ်
ႁႂ်ႈလႆႈၵတ်းယဵၼ်
ႁႂ်ႈၽွမ်ႉႁူမ်ႈသဵင် တိုတ်ႉတႆၢးၸုင်ၸၼ်ၵၼ်ၵႂႃႇ ႁႂ်ႈၶိုၼ်ႈယႂ်ႇႁိူဝ်ႈႁိူင်း သေၵမ်း။

ယွၼ့်ၽေးၼမ်ႉၽေးသိုၵ်း
ၽေး‌ဢိင်ႇသၼ် ၽႅၼ်ႇလိၼ်ဝႆၢ
လႆႈတႆၢလႆႈသုၵ်ႉ
‌လႆႈတုၵ်ႉလႆႈၶီ
လႆႈၼီလႆႈပႆၢႈ
လႆႈႁွင်ႉလႆႈႁႆႈ
ၽေးမႆႈတၢင်းလႆၢ ႁႂ်ႈလႆႈႁႆၢၵႂႃႇၸွမ်းပီၵဝ်ႇသေ၊ ‌တႄႇဢဝ်ဝၼ်းပီမႂ်ႇၼႆႉၵႂႃႇ ႁႂ်ႈတူဝ်ၸႂ်ၵတ်းယဵၼ်သိူဝ်းသႃႇ ​​ၼင်ႇတၢင်းယိူင်းဢၢၼ်းၽႂ်မၼ်းမီးၼၼ်ႉ ႁႂ်ႈတဵမ်ထူၼ်ႈၵူႈ​​ၵေႃႉၽႂ်မၼ်း​​သေၵမ်းၶႃႈ။🌸🙏🌸🙏🌸🙏

20 November 2025

#မုၵ်ႉၸုမ်းၵူၼ်းၼုမ်ႇတႆးယွင်ႁူၺ်ႈ
#ႁူမ်ၸူမ်းပီမႂ်ႇတႆး
#ၸေႈဝဵင်းယွင်ႁူၺ်ႈ
#ထုင်ႉၼွင်ႁႆၢးယႃႈ
#ဝၢၼ်ႈမွၵ်ႇပီ

20/11/2025

🎉🌸မႂ်ႇသုင်လိူၼ်ၸဵင်ပီမႂ်ႇတႆး 2120 ၼီႈ 🌸🎆
🎊မႃးလဵၼ်ႈၸဵင်ၸွမ်းၵၼ်ၶႃႈ🎉🎊

#ပီမႂ်ႇတႆး
#ယွင်ႁူၺ်ႈ
#ထုင်ႉၼွင်ႁႆၢးယႃႈ
#ဝၢၼ်ႈမွၵ်ႇပီ

19/11/2025

🌸🌸ဢဝ်တၢင်းၵႃႈတူဝ်း ႁပ်ႉတွၼ်ႈပီမႂ်ႇတႆး 🎆
ပီႈၼွင်ႉထုင်ႉၼွင်ႁႆၢးယႃႈ ၸေႈဝဵင်းယွင်ႁူၺ်ႈ မႃးၽၢၵ်ၶႃႈ။

#ပီမႂ်ႇတႆး
#ၸေႈဝဵင်းယွင်ႁူၺ်ႈ
#ထုင်ႉၼွင်ႁႆၢးယႃႈ
#ဝၢၼ်ႈမွၵ်ႇပီ
#တၢင်းၵႃႈတူဝ်း

19/11/2025

🌸ၽၢင်ႈႁၢင်ႈ ပၢင်ပွႆး ပီမႂ်ႇတႆး ထုင်ႉၼွင်ႁႆၢးယႃႈ ဝၼ်းထိ 18 .11.2025 ၶမ်ႈဝႃး၊ ၽူၼ်ၵေႃႈတူၵ်း၊ ၵူၼ်းၵေႃႈၵိုၼ်း၊ လႆႈႁၼ် ၸဝ်ႈၶူးသီရိထမ်မ ဝတ်ႉဝေလုဝၼ်ႇ ဝဵင်းတူၼ်ႈတီး မႃးပၼ်ႁႅင်းၸႂ် ၵႂၢမ်းလီမင်ႇၵလႃႇ ၶေႃႈဢေႃးဝႃတ ၼႂ်းၵႄႈၵၢင်သႆၢၽူၼ်ၸိူင်ႉၼႆသေ ႁဝ်းၶႃႈငိၼ်းပဵၼ်ၸႂ်ပီႇတိ ယုၵ်ႉယွင်ႈၼမ်ႉၼႂ် ၶွပ်ႈၸႂ်ထိုင်ၼိူဝ်ၸဝ်ႈၶူးႁဝ်းတေႉတေႉၶႃႈယဝ်ႉ။

ၼႂ်းပၢင်ပွႆးၼႆႉ မီးပီႈၼွင်ႉတႆး ထုင်ႉၼွင်ႁႆၢးယႃႈႁဝ်း ‌ၸေႈဝဵင်းယွင်ႁူၺ်ႈၵူၺ်းသေဢမ်ႇၵႃး မီးပႃးပီႈၼွင်ႉ ၸေႈဝဵင်းၽႆၢၶုၼ်ႇ လႄႈၸေႈဝဵင်းပၢင်လွင်း ၸိူဝ်းၼႆႉ မႃးၶဝ်ႈႁူမ်ႈမူၼ်ႈၸႂ်ၸွမ်းထႅင်ႈတၢင်းၼမ်ၶႃႈလႄႈ တေလႆႈဝႃႈပဵၼ်ဢၼ်ၵိုၼ်းတႄႉတႄႉယူႇၶႃႈယဝ်ႉ။🎆🎇

#ပီမႂ်ႇတႆး
#ထုင်ႉၼွင်ႁႆၢးယႃႈ
#ယွင်ႁူၺ်ႈ
#မိူင်းတႆးပွတ်းၸၢၼ်း

19/11/2025

ၽၢင်ႁၢင်ႈ ပီႈၼွင်ႉတႆး ထုင်ႉၼွင်ႁႆၢးယႃႈ
ၼႃႈယုမ်ႉဝၢၼ်ဢွၼ်ႇ ၸဵမ်ဢွၼ်ႇၼုမ်ႇထဝ်ႈ
ဢွၼ်မႃးၶဝ်ႈႁူမ်ႈ ပၢင်ပွႆးပီမႂ်တႆး🎆

#ပီမႂ်ႇတႆး
#ထုင်ႉၼွင်ႁႆၢးယႃႈ
#ယွင်ႈႁူၺ်ႈ

18/11/2025

🎆 ႁူမ်ၸူမ်းႁပ်ႉတွၼ်ႈပီမႂ်ႇတႆး 2120 ၼီႈ 🎇
ထုင်ႉၼွင်ႁႆၢးယႃႈ၊ ၸေႈဝဵင်းယွင်ႁူၺ်ႈ။
ၶမ်ႈၶိုၼ်း ဝၼ်းထိ 18/11/2025 ၶႃႈ။

#ပီမႂ်ႇတႆး
#ထုင်ႉၼွင်ႁႆၢးယႃႈ
#ၸႄႈဝဵင်းယွင်ႁူၺ်ႈ

18/11/2025

ပီႈၼွင်ႉတႆးယွင်ႁူၺ်ႈ လႆၢမူႇလႆၢဝၢၼ်ႈ ဢွမ်လွမ်ႈၽွမ်ႉပဵင်း ပဵၼ်ယိုတ်ႈပဵၼ်သႆၢ ၶပ်ႉယႆၵၼ်မႃး ၶဝ်ႈႁူမ်ႈပၢင်ပွႆး ႁူမ်ၸူမ်းႁပ်ႉတွၼ်ႈ ပီမႂ်တႆး 2120 ၼီႈ၊ ဢၼ်လႆႈၸတ်းႁဵတ်းဝႆႉ ဢွင်ႈတီႈလိၼ်ၵေႃလိၵ်ႈလႆၢး၊ ဝၢၼ်ႈမွၵ်ႇပီ၊ ထုင်ႉၼွင်ႁႆၢးယႃႈ၊ ၸေႈဝဵင်းယွင်ႁူၺ်ႈ။

#ပီမႂ်ႇတႆး
#တႆးယွင်ႁူၺ်ႈ
#ထုင်ႉၼွင်ႁႆၢးယႃႈ
#မွၵ်ႇပီ

17/11/2025

ၽၢင်ႁၢင်ႈ ပီႈၼွင့်တႆးယွင်ႁူၺ်ႈ ပိုတ်ႇၽုၺ်ပၢင်ပွႆး ႁူမ်ၸူမ်းႁပ်ႉတွၼ်ႈ ပီမႂ်ႇတႆး 2120 ၼီႈ၊ ဝၼ်းထိ 16 November 2025 မိူဝ်ႈဝႃး။

ဢွင်ႈတီႈ - ဝၢၼ်ႈမွၵ်ႇပီ၊ ထုင်ႉၼွင်ႁႆၢးယႃႈ၊ ၸေႈဝဵင်းယွင်ႁူၺ်ႈ။

#ပီမႂ်ႇတႆး
#‌ယွင်ႁူၺ်ႈ
#ထုင့်ၼွင်ႁႆၢးယႃႈ
#ဝၢၼ်ႈမွၵ်ႇပီ

16/11/2025

📝 ပိုၼ်းၵႅပ်ႈၸဝ်ႈၶူးမေႃတႆး ‌
ၸဝ်ႈဝေႃးရၶႄႉ ယွင်ႁူၺ်ႈ

ၸဝ်ႈဝေႃးရၶႄႉၼႆႉ ၸိုဝ်ႈမိူဝ်ႈလဵၵ်ႉ ႁွင်ႉဝႃႈ ၸႆၢးလႃႉၶိၼ်ႇ၊ ပဵၼ်လုၵ်ႈၸႆၢးလုင်းၽိတ်ႈ၊ ပႃႈၼၢင်းယဵၼ်ႇ ၶဝ်ပူႇဢွၵ်ႇ ဢၼ်ယူႇ မိူင်းယွင်ႁူၺ်ႈ ၼၼ်ႉသေ ၵိူတ်ႇႁၼ်ၼႃႈမိူဝ်ႈပီ (1890)၊ လိူၼ်သိပ်းသွင်မႂ်ႇ (8) ၶမ်ႈ၊ ဝၼ်းပုတ်ႉ၊ တီႈၼႂ်းဝဵင်းယွင်ႁူၺ်ႈ၊ ပွၵ်ႉၼၼ်ႇတဝူၼ်ႇ၊ ၽၢႆႇၸၢၼ်း ႁေႃၸဝ်ႈၾႃႉ ၼႆယဝ်ႉ။

မိူဝ်ႈဢယုၸဝ်ႈလႆႈ (7) ၶူပ်ႇ မိူဝ်းယူႇဝတ်ႉသူၺ်ႇၵူႇ၊ တမ်ႈတီႈသြႃႇၸဝ်ႈလူင် ၵွၼ်းတၺ်ၺ၊ ပဵၼ်ၵပ်ႉပီႇယဝႃႇၼိုင်ႈယဝ်ႉသေ ၸင်ႇၶၢမ်ႇပဵၼ်ၸဝ်ႈသၢင်ႇ၊ လႆႈၸိုဝ်ႈဝႃႈ "ၸဝ်ႈဝႃႇရိင်ႇတ" ၼႆယဝ်ႉ။

ၸဝ်ႈဝႃႇရိင်ႇတၵေႃႈ လႆႈႁဵၼ်းပၺ်ႇၺႃႇတၢင်းႁူႉတၢင်းမေႃ ၽႆၢႇထမ်းတြႃးပႃႇလိ လူင်ႉလႅၼ်ႇယဝ်ႉ ၸင်ႇထႂၢၵ်ႈလူင်းၵျွင်းမုၼ်ၸဝ်ႈသေ လႆႈၶိုၼ်းမႄးသိုပ်ႇၶိုၼ်ႈႁူင်းႁဵၼ်း ၵူၼ်းႁိူၼ်းတီႈတူၼ်ႈတီး ဢၼ်လုၵ်ႈၸဝ်ႈၾႃႉၶဝ်ယူႇၼၼ်ႉ ထႅင်ႈၵမ်းၼိုင်ႈ ၼႆၶႃႈယဝ်ႉ။

ထိုင်မႃးပွႆးမင်းၸုင်ႇ ၸဝ်ႈၾႃႉၶဝ်ႁဵတ်းပၢင်ၵုမ် တၢင်းၶုၼ်ဢိင်းၵလဵတ်ႈၶဝ် ၶူပ်ႇပီၼိုင်ႈပွၵ်ႈၼၼ်ႉသေ ၸဝ်ႈၾႃႉမိူင်းလွၵ်ႉၸွၵ်ႇ ၶႂ်ႈလႆႈၸရေးဢၼ်မေႃလိၵ်ႈမၢၼ်ႈ၊ လိၵ်ႈတႆး၊ ပႃႇလိၸိူဝ်းၼႆႉၼႆလႄႈ ၸဝ်ႈၵေႃႈ လႆႈၸွမ်းမိူဝ်းၵႂႃႇႁဵတ်းၽူႈမႆၢၸရေးလူင် တီႈလုမ်းၸဝ်ႈၾႃႉလွၵ်ႉၸွၵ်ႇ ၼႆယူႇယဝ်ႉ။

ၽွင်းဢႃႇယုမၼ်းၸဝ်ႈလႆႈ (25) ၼၼ်ႉ ၸင်ႇလႆႈတႄႇၼႃႈႁိူၼ်းၵိုၵ်းၵၼ်တၢင်း ၼၢင်းၶမ်းၺုၼ်ႉ ဢၼ်ပဵၼ် ယိင်းသၢဝ်ၵူၼ်းမိူင်းယွင်ႁူၺ်ႈမိူၼ်ၵၼ် ၼႆယူႇယဝ်ႉ။

မိူဝ်ႈၽွင်းၼင်ႇၼၼ် လူင်ပွင်ၸိုင်ႈ ဢဵင်းၵလဵတ်ႈၶဝ် လူဝ်ႇၵူၼ်းၸွႆႈၼႂ်းလုမ်း တီႈဝဵင်းတူၼ်ႈတီးၼႆလႄႈ ၸဝ်ႈၵေႃႈယွၼ်းဢွၵ်ႇၵၢၼ်တီႈလွၵ်ႉၸွၵ်ႇသေ လႆႈ ၵႂႃႇႁၢပ်ႇပုၼ်ႈၽွၼ်းယူႇတီႈ ဝဵင်းတူၼ်ႈတီး ၼႆၶႃႈယဝ်ႉ။

ဝႆၢးသေၼၼ်ႉ လုၵ်ႉတီႈဝဵင်းတူၼ်ႈတီးသေ ၶၢႆႉၵႂႃႇႁဵတ်းၸရေးၽူႈမႆၢလူင် တီႈဝဵင်းၽႃသွင်း၊ မိူင်းယၢင်းလႅင်၊ ႁဵတ်းၽူႈမႆၢယဝ်ႉ ဢမ်ႇပေႃးႁိုင် ယွၼ်ႉပိူဝ်ႈ ၸိုဝ်ႈသဵင်တၢင်းႁဵတ်းၵတ်ႉၶႅၼ်ႇလီတွၼ်းၼၼ်ႉလႄႈ ၸဝ်ႈၾႃႉလူင် ၵၼ်ႇတႃႇရဝတီႇ ဝဵင်းလွႆၵေႃႇ ၸင်ႇလႆႈယုၵ်ႉယွင်ႈၶိုၼ်ႈပဵၼ်ၸဝ်ႈၸေႈဝဵင်း မိူင်းဝေႃးရၶႄႉ လႄႈၽႃသွင်း၊ ႁွင်ႉဝႃႈ ဝဵင်းသွင်ဢိူင်ႇၼႆယူႇယဝ်ႉ။

ယွၼ်ႉလူၺ်ႈၸဝ်ႈလႆႈတႅမ်ႈဢွၵ်ႇမႃး လိၵ်ႈၵျၢမ်းၼေတၢင်းၼိပ်ႉပၢၼ်ႇၼၼ်ႉ ၶႅပ်ႉလႅပ်ႈလီၼႃႇလႄႈ ဢဝ်ၸိုဝ်ႈသဵင်လိုဝ်းႁူင်လင်ၸွတ်ႇတူဝ်ႈမိူင်းတႆးၵႂႃႇယူႇယဝ်ႉ။ ဢိင်လူၺ်ႈဢၼ်ၸဝ်ႈပဵၼ် ၸဝ်ႈၸေႈဝဵင်း မိူင်းဝေႃးရၶႄႉသေ သိုပ်ႇၼၼ်ႉမႃး ၸပ်းၸိုဝ်ႈဝႃႈ "ၸဝ်ႈဝေႃးရၶႄႉ" ၼႆယဝ်ႉ။

ထိုင်မႃးပီ (1946) ၼၼ်ႉ ၸဝ်ႈဝေႃးရၶႄႉ ၶိုၼ်းၶၢႆႉမႃးတီႈယွင်ႁူၺ်ႈ မႃးၺႃးၸွမ်ၸိုင်ႈလူင်ၸဝ်ႈၶမ်းသိူၵ်ႈသေ လႆႈတႅမ်ႈလိၵ်ႈတႆး၊ ပိၼ်ႇလိၵ်ႈမၢၼ်ႈပဵၼ်လိၵ်ႈတႆး လႄႈမႃးသွၼ်လိၵ်ႈတႆးပၼ် လုၵ်ႈဢွၼ်ႇတႆးယွင်ႁူၺ်ႈၶဝ် ၸိူဝ်းၼႆႉယူႇယဝ်ႉ၊ ၵွပ်ႈမၼ်းၸဝ်ႈၶတ်းၸႂ်လႄႈ တႆးယွင်ႁူၺ်ႈၶဝ်ၵေႃႈ လႆႈမေႃလိၵ်ႈတႆးၵႂႃႇၼႆယူႇယဝ်ႉ။

ဝႆၢးၼၼ်ႉ ၶိုၼ်းမႃးယူႇၶိုၼ်းဝဵင်းတူၼ်ႈတီး၊ ၼႂ်းပွၵ်ႉႁေႃၵုင်း၊ ယၢမ်းၼၼ်ႉပိူၼ်ႈႁွင်ႉၸဝ်ႈဝႃႈ “လုင်းၽူဝ်းၶိၼ်ႇ’’ ၼႆယဝ်ႉ။ ထိုင်မႃးပီ (1948) မိူဝ်ႈဢႃႇယုၸဝ်ႈလႆႈ (53) ပီၼၼ်ႉ ‌လႆႈသဵင်ႈၵၢမ်ႇသုတ်းမုၼ်ၵႂႃႇ တီႈႁိူၼ်းမၼ်းၸဝ်ႈ ၼႂ်းပွၵ်ႉႁေႃၵုင်း၊ ဝဵင်းတူၼ်ႈတီး၊ ႁူမ်ႈပႃႇႁဵဝ်ႈၵူၼ်းမိူင်း တီႈၽႆၢႇတူၵ်းဝဵင်း၊ ၶုမ်ၸဝ်ႈၼႆႉလႆႈၵေႃႇဢုတ်ႇလီငၢမ်းလႄႈတႅမ်ႈဝႆႉၸိုဝ်ႈ‌သဵင်၊ ဢႃႇယု၊ ပီ၊ လိူၼ်၊ ဝၼ်း၊ဝၼ်းၶွႆႈၸဝ်ႈ တဵမ်ထူၼ်ႈ မီးဝႆႉလီငၢမ်းယူႇၼႆယဝ်ႉ။

ၽိုၼ်လိၵ်ႈဢၼ်ၸဝ်ႈတႅမ်ႈဢွၵ်ႇၼၼ်ႉ
1. ၸႃႇတိတုၵ်ႉၶ သင်ႇဝူၺ်ႇၵၶၢၼ်း။
2. မင်ႇၵႃႇလႃႇသုတ်ႈလူင်။
3. လိၵ်ႈၸဝ်ႈမၢၼ်ႇထၢတ်ႈ။
4. ၵျၢမ်းၼေတၢင်းၼိပ်ႉပၢၼ်ႇ။
ၸိူဝ်းၼႆႉ‌သေ ‌လိူဝ်ၼၼ်ႉ ၸိူဝ်းဢၼ်ဢမ်ႇပႆႇၶူၼ်ႉႁၼ်ၵေႃႈ တေမီႈထႅင်ႈယူႇၼႆယဝ်ႉ။

#ၽိုၼ်ဢိင်
ပပ်ႉၸဝ်ႈၶူးမေႃတႆး (လုင်းၶုၼ်မႃႇႁႃႇ-တႅမ်ႈ)
ပပ်ႉၽႂ်ပဵၼ်ၽႂ်ၼႂ်းမိူင်းတႆး၊ ၼႃႈလိၵ်ႈ 55 - 59

#မုၵ်ႉၸုမ်းၵူၼ်းၼုမ်ႇတႆးယွင်ႁူၺ်ႈ
#ပိုၼ်းၵႅပ်ႈၸဝ်ႈၶူးမေႃတႆး
#ၸဝ်ႈဝေႃးလၶႄႉယွင်ႁူၺ်ႈ