မိုးဆွေငှက်များ - Project Swallow

06/04/2026

မြန်မာနိုင်ငံတွင် စားနပ်ရိက္ခာ ဖူလုံရေးအတွက် လယ်ယာစိုက်ပျိုးရေး မှာ အဓိကကျ အရေးပါလှပါသည်။ လက်ရှိ နိုင်ငံရေး မတည်ငြိမ်မှုများနှင့် စီးပွားရေး ကျဆင်းမှုများက မြန်မာ့ လယ်ယာစိုက်ပျိုးရေး ကဏ္ဍ၏ ထုတ်လုပ်မှုကို ထိခိုက်စေပါသည်။ ထို့အပြင် လူငယ်လူရွယ်များသည် မိရိုးဖလာ လယ်ယာလုပ်ငန်းများကို စွန့်ခွာလျက်ရှိရာ လယ်ယာလုပ်ငန်းခွင်အတွင်း သက်ကြီးပိုင်းများနှင့် ကလေးသူငယ်များ၏ လုပ်အားကိုပိုမို၍ မှီခိုလာကြရသည်ဖြစ်သောကြောင့် ထုတ်လုပ်မှုစွမ်းအား ပိုမိုကျဆင်းပြီး နိုင်ငံတွင်း အစားအစာမလုံလောက်မှုပြဿနာကို ကြီးထွားစေပါသည်။

ထို့ကြောင့် မြန်မာ့လယ်ယာစိုက်ပျိုးရေးကဏ္ဍတွင် လူငယ်များပါဝင်မှုဆိုင်ရာ စစ်တမ်းတစ်ခုကို ပြုလုပ်နေပါသည်။ ထိုစစ်တမ်းသည် မြန်မာ့စိုက်ပျိုးရေး အောင်မြင်တိုးတက်ရန်နှင့် လူငယ်များပါဝင်မှုများလာရန် အဓိကကျသည့် အရာများကို အလေးထား စီစစ်ထုတ်ဖော်သွားမည်ဖြစ်ပြီး၊ ကောင်းမွန်သော ပြောင်းလဲမှုများ ပြုလုပ်ရန် တွန်းအားပေးနိုင်မည်ဖြစ်သည်။

သို့ဖြစ်၍ "လယ်ယာစိုက်ပျိုးရေးတွင် လူငယ်များပါဝင်မှုဆိုင်ရာ စစ်တမ်း"ကို ပါဝင်ဖြေဆိုကြပါရန် အနူးအညွတ် တောင်းဆိုလိုက်ရပါသည်။ စစ်တမ်းကို ဖြေဆိုရန် ကြာမြင့်ချိန်မှာ ၁၀မိနစ်မျှ ရှိပါမည်။ မိမိကိုယ်တိုင် ပါဝင်ဖြေဆိုသည့် အပြင်၊ နီးစပ်ရာ ကို လည်း လင့်ခ် ကို မျှဝေပြီး ကူညီပေးပါရန် မေတ္တာရပ်ခံ အပ်ပါသည်။

လယ်ယာစိုက်ပျိုးရေးတွင် လူငယ်များပါဝင်မှုဆိုင်ရာ စစ်တမ်း ကို ဖြေဆိုရန် လင့်ခ်-

အသေးစိတ် ဖြေရမည့် မေးခွန်းများကို အကန့်အသတ်မရှိဘဲ မိမိတို့ စိတ်တိုင်းကျ လွတ်လွတ်လပ်လပ် ဖြေဆိုနိုင်သည်။

26/03/2026

TBC ၏ ၂၀၂၆–၂၀၂၈ မဟာဗျူဟာအစီအစဉ်ကို မြန်မာဘာသာဖြင့် ယခုဖတ်ရှုနိုင်ပါပြီ။

ရန်ပုံငွေကျဆင်းလာမှု၊ ပြန်လည်နေရာချထားရေးအခွင့်အလမ်းများကန့်သတ်ထားမှု၊ မြန်မာနိုင်ငံအတွင်း ဆက်လက်ဖြစ်ပွားနေသော ပဋိပက္ခများနှင့် ထိုင်းနိုင်ငံ၏ မူဝါဒပြောင်းလဲလာမှုများအောက်တွင် ဤမဟာဗျူဟာကို ဖော်ဆောင်ထားခြင်းဖြစ်ပါသည်။

ဤမဟာဗျူဟာတွင် အခြေအနေများပြောင်းလဲနေသည့်ကာလအတွင်း လျင်မြန်စွာတုံ့ပြန်နိုင်မှု၊ တာဝန်ယူမှုရှိမှုနှင့် အပြောင်းအလဲများနှင့်လိုက်လျောညီထွေဖြစ်နိုင်မှုတို့ကို ထိန်းသိမ်းထားမည့် TBC ၏ လမ်းကြောင်းကို ဖော်ပြထားပါသည်။

တစ်ပြိုင်နက်တည်းတွင်လည်း အသိုင်းအဝိုင်းဦးဆောင်မှုကို အားကောင်းစေခြင်းနှင့် ဒေသအခြေပြု ဆုံးဖြတ်ချက်ချမှုများကို မြှင့်တင်သွားခြင်းဖြင့် ရေရှည်တည်တံ့သော ထောက်ပံ့မှုကို ဆက်လက်တည်ဆောက်သွားမည်ဖြစ်ပါသည်။

အသေးစိတ်ဖတ်ရှုရန် အောက်ပါလင့်ခ်ကို နှိပ်ပါ။
https://www.theborderconsortium.org/wp-content/uploads/2026/02/TBC-Stratergy-2026-28-Burmese-Edited-260326-2.pdf

19/02/2026

The Border Consortium-​TBC ၏ နောက်ဆုံး ထွက်ရှိ သော စာတမ်းတွင် ထိုင်း-မြန်မာ နယ်စပ်တစ်လျှောက် စစ်ဘေးရှောင်စခန်းများတွင် စစ်ဘေးရှောင်များကိုယ်တိုင် ဦးစီးအုပ်ချုပ်သည့် စနစ်ကို လေ့လာသုတေသနပြုလုပ်ထားပါသည်။ သုတေသနတွေ့ရှိချက်မှာ စိတ်ဝင်စားဖွယ်ကောင်းပြီး အကျိုးရှိသောကြောင့် ဝေမျှလိုက်ရပါသည်။

စာတမ်းတွေ့ရှိချက်အရ စစ်ဘေးရှောင်များကို အလှူခံ ဒုက္ခသည်များအဖြစ်သာ မဆက်ဆံဘဲ ကိုယ်ပိုင်အုပ်ချုပ်နိုင်စွမ်းရှိသူများ အဖြစ် ၄င်းတို့၏ စစ်ဘေးရှောင်စခန်းများကို ကိုယ်တိုင်အုပ်ချုပ် လည်ပတ်စေရာ နှစ်ပေါင်း၄၀ ကျော်သည်အထိ ကောင်းမွန်စွာလည်ပတ်နိုင်စွမ်းရှိသည့်အပြင် အခြေတကျဖြစ်စေမှုနှင့် ထိရောက်စွာ အကာအကွယ်ပေးနိုင်မှုတို့ ရှိသည်ကိုလည်း တွေ့ရသည်။ ဤသည်မှာ အလွန်အဖိုးတန်သော တွေ့ရှိချက် ဖြစ်ပါသည်။ စစ်ဘေးရှောင်များအတွက် တစ်ခုတည်းရှင်သန်မှုမှာ ပြည်တွင်းနှင့် နိုင်ငံတကာမှု ထောက်ပံ့မှုများသာ မဖြစ်သင့်ပါ။ စစ်ဘေးရှောင်သည့် ကာလတစ်လျှောက်လုံး ဘဝနေထိုင်မှု ရပ်တန့်ရန်မလိုအပ်ဘဲ ကိုယ့်ကိုယ်ကို ပြန်လည်ထူထောင်နိုင်မည့် အခွင့်အလမ်းများ ဖန်တီးပေးရန်မှာ ထောက်ပံ့ကြေးများပေးရန်ထက် ပိုမို အရေးကြီး လိုအပ်ကြောင်း ထောက်ပြလိုက်ရပါသည်။

ဤစာတမ်း၏ အရေးပါသော တွေ့ရှိချက်များကို အကျဥ်းချုံး၍ ဖော်ပြပေးသွားပါမည်။

#စစ်ဘေးရှောင် #နယ်စပ် #မြန်မာ #ထိုင်း

A new report from The Border Consortium reveals how refugee-led camp management on the Thai–Myanmar border has sustained protection, stability, and effective governance for more than four decades, challenging conventional humanitarian models that treat refugees only as beneficiaries. The findings make a strong case for refugee-led governance as a proven, durable localisation model with critical implications for the future of humanitarian policy and protracted displacement responses worldwide.

https://www.theborderconsortium.org/wp-content/uploads/2026/03/Article2026.pdf