Shwe Inn Arr Organization of Persons with Disabilities

Shwe Inn Arr Organization of Persons with Disabilities တောင်ဒဂုံမြို့နယ်၊ ဒဂုံဆိပ်ကမ်းမြို့နယ် မသန်စွမ်းသူများအရေးကူညီဆောင်ရွက်ပေးနေသောအသင်းအဖွဲ့ဖြစ်ပါသည်။

📢 ရွှေအင်အားတောင်ဒဂုံမြို့နယ် မသန်စွမ်းသူများအသင်းမှ မသန်စွမ်းသူများအတွက် အထောက်အကူပြုကိရိယာများ ပံ့ပိုးပေးခြင်းလူတိုင်း...
31/05/2026

📢 ရွှေအင်အားတောင်ဒဂုံမြို့နယ် မသန်စွမ်းသူများအသင်းမှ မသန်စွမ်းသူများအတွက် အထောက်အကူပြုကိရိယာများ ပံ့ပိုးပေးခြင်း

လူတိုင်းသည် လွတ်လပ်စွာ သွားလာလှုပ်ရှားနိုင်ရန်နှင့် နေ့စဉ်ဘဝကို အဆင်ပြေစွာ ဖြတ်သန်းနိုင်ရန် အခွင့်အရေးရှိပါသည်။ ယနေ့တွင် မသန်စွမ်းသူများအတွက် လိုအပ်သော အထောက်အကူပြုကိရိယာ (ချိုင်းထောက်)၊ ဝှီးချဲလ် ကို ပံ့ပိုးပေးနိုင်ခဲ့သဖြင့် များစွာဝမ်းမြောက်ဂုဏ်ယူမိပါသည်။
ဤကဲ့သို့သော အထောက်အကူပြုကိရိယာများသည် သွားလာလှုပ်ရှားမှု ပိုမိုလွယ်ကူစေရုံသာမက မိမိကိုယ်ကို ယုံကြည်မှုရှိစွာဖြင့် လူမှုဘဝတွင် ပါဝင်နိုင်စေရန်လည်း အထောက်အကူပြုပါသည်။
မသန်စွမ်းသူများ၏ ဘဝအရည်အသွေး မြှင့်တင်ရေးအတွက် ဆက်လက်ပူးပေါင်းပါဝင်ပြီး “မည်သူတစ်ဦးတစ်ယောက်မျှ နောက်ကျန်မနေစေရ” ဟူသော ရည်မှန်းချက်ကို အတူတကွ အကောင်အထည်ဖော်ကြပါစို့။
💙♿️

31/05/2026

မသန်စွမ်းမှုဟာ အကန့်အသတ်မဟုတ်ပါ။ 💪

အခွင့်အလမ်း၊ ပံ့ပိုးမှုနဲ့ ယုံကြည်မှုရှိရင် မသန်စွမ်းသူများလည်း ပညာရေး၊ အလုပ်အကိုင်၊ အနုပညာ၊ အားကစားနှင့် လူမှုဘဝကဏ္ဍအသီးသီးမှာ အောင်မြင်စွာ ပါဝင်နိုင်ပါတယ်။

ယခုဗီဒီယိုဟာ "မသန်စွမ်းသူများ မလုပ်နိုင်တာ" ကိုမဟုတ်ဘဲ "မသန်စွမ်းသူများ လုပ်နိုင်တာ" တွေကို ပြသထားတာ ဖြစ်ပါတယ်။

မတူညီမှုကို လေးစားကြပါစို့။
အခွင့်အရေးတန်းတူညီမျှမှုကို ဖန်တီးကြပါစို့။




ရွှေအင်အားတောင်ဒဂုံမြို့နယ် မသန်စွမ်းသူများအသင်းအတွက် အမာခံအလှူရှင် ဦးမိုးမြင့်ဝင်းမိသားစုမှအလှူငွေ ကျပ် ၃၀၀,၀၀၀ (သုံးသ...
05/03/2026

ရွှေအင်အားတောင်ဒဂုံမြို့နယ် မသန်စွမ်းသူများအသင်းအတွက် အမာခံအလှူရှင် ဦးမိုးမြင့်ဝင်းမိသားစုမှအလှူငွေ ကျပ် ၃၀၀,၀၀၀ (သုံးသိန်းကျပ်) ကို စေတနာထက်သန်စွာ လှူဒါန်းပေးခဲ့သော အလှူရှင်အား အထူးပင်ကျေးဇူးတင်ရှိပါသည်။ 🙏
ယခုလို မသန်စွမ်းသူများ၏ လူမှုဘဝဖွံ့ဖြိုးတိုးတက်ရေးနှင့် လိုအပ်နေသော ကူညီထောက်ပံ့မှုများအတွက် အားပေးကူညီပေးမှုသည် ွဲ့အစည်းအတွတွက်သာမက မသန်စွမ်းညီအစ်ကို မောင်နှမများအတွက်လည်း အလွန်တန်ဖိုးရှိသော ကူညီမှုတစ်ရပ် ဖြစ်ပါသည်။
အလှူရှင်၏စေတနာကြောင့် ကုသိုလ်ကောင်းမှုများ ပိုမိုတိုးပွားပါစေကြောင်း ဆုမွန်ကောင်းတောင်းအပ်ပါသည်။
ရွှေအင်အားတောင်ဒဂုံမြို့နယ် မသန်စွမ်းသူများအသင်း မှ
လှူဒါန်းမှုအတွက် လေးစားစွာဖြင့် အထူးကျေးဇူးတင်ရှိပါသည်။ 🌸

02/03/2026

𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗪𝗵𝗲𝗲𝗹𝗰𝗵𝗮𝗶𝗿 𝗗𝗮𝘆 - 𝟏𝐬𝐭 𝐌𝐚𝐫𝐜𝐡 𝟐𝟎𝟐𝟔

သင့်ပတ်ဝန်းကျင်မှာ Wheelchair နဲ့ သွားလို့ရတဲ့နေရာ ဘယ်နှနေရာရှိပါသလဲ?

❗သင်နေ့တိုင်းသွားနေတဲ့ လက်ဖက်ရည်ဆိုင် (သို့) Supermarket မှာ ဝှီးချဲအလွယ်တကူ ဆင်းဖို့/တက်ဖို့ လမ်းလျှောတစ်ခု ရှိပါသလား?

❗လမ်းဘေးလူသွားလမ်းတွေက ဝှီးချဲအတွက် အဆင်ပြေရဲ့လား?

❗အစိုးရရုံးတွေ၊ ဘဏ်တွေမှာ ဝှီးချဲနဲ့ တက်လို့/ဆင်းလို့ ရရဲ့လား?

"မရှိဘူး" ဆိုတဲ့ အဖြေတွေ များနေရင်တော့ ကျွန်တော်တို့ လူ့အဖွဲ့အစည်း၊ လူမှုပတ်ဝန်းကျင်ဟာ တန်းတူညီမျှမှု (Inclusion) ဖြစ်ဖို့ အများကြီး လိုပါသေးတယ်။

အားလုံး တန်းတူညီမျှ ပါဝင်ခွင့်ရဖို့ အတူတူ ဝိုင်းဝန်းကြိုးပမ်းကြရအောင်…

02/03/2026

🌟 မသန်စွမ်းသူတွေဟာ အမြဲတမ်း အကူညီလိုအပ်နေသူတွေ မဟုတ်ပါဘူး
မသန်စွမ်းဖြစ်တာဆိုတာ
အင်အားမရှိတာမဟုတ်ပါဘူး။
မလုပ်နိုင်တာမဟုတ်ပါဘူး။
ဘဝကိုမဆက်လျှောက်နိုင်တာလဲ မဟုတ်ပါဘူး။
မသန်စွမ်းသူများဟာ
✅ ကိုယ်ပိုင်အလုပ်အကိုင်လုပ်နိုင်သူများပါ
✅ ကိုယ်ပိုင်ဆုံးဖြတ်ချက်ချနိုင်သူများပါ
✅ လူမှုအသိုင်းအဝိုင်းအတွက် အကျိုးပြုနိုင်သူများပါ
အကူညီလိုအပ်တဲ့အချိန်တွေရှိနိုင်ပါတယ်။
ဒါပေမယ့် အမြဲတမ်း အားနည်းပြီး
အမြဲတမ်း လက်ခံရမယ့်သူတွေမဟုတ်ပါဘူး။
သူတို့လိုအပ်တာက
❌ သနားခြင်းမဟုတ်ပါ
❌ လှောင်ပြောင်ခြင်းမဟုတ်ပါ
❌ အနိမ့်ဆုံးအမြင်နဲ့ကြည့်ခြင်းမဟုတ်ပါ
✔️ လေးစားမှု
✔️ အခွင့်အရေးတန်းတူမှု
✔️ ပါဝင်ခွင့်
မသန်စွမ်းသူတွေကို “အကူညီလိုသူ” လို့ပဲ မမြင်ပါနဲ့။
သူတို့ကို “စွမ်းဆောင်နိုင်သူ” အဖြစ်မြင်ပေးပါ။
💬 Inclusion is Respect. Equality is Power.


မသန်စွမ်းသူများလူမှု့ဘဝတွင်ရင်ဆိုင်နေရသောစိန်ခေါ်ချက်များ1.ပညာရေးရယူခွင့်မရရှိခြင်းမသန်စွမ်းသူများအတွက် ကျောင်းများတွင် ...
25/02/2026

မသန်စွမ်းသူများလူမှု့ဘဝတွင်ရင်ဆိုင်နေရသောစိန်ခေါ်ချက်များ

1.ပညာရေးရယူခွင့်မရရှိခြင်း

မသန်စွမ်းသူများအတွက် ကျောင်းများတွင် လိုအပ်သော အားလုံးအကျုံးဝင်သင်ကြားနိုင်သောစာသင်ခန်းများမရရှိခြင်း၊ သင်ကြားရေးဆိုင်ရာ သင်ထောက်ကူပစ္စည်းများနည်းပါးခြင်း)။

2.မသန်စွမ်းမှုနှင်ပတ်သက်သောအသိပညာများမရှိခြင်း

လူမှု့အသိုင်းအဝိုင်းတွင် မသန်စွမ်းမှုနှင့်ပတ်သက်သောအသိပညာများမရှိခြင်း။

3. ကျန်းမာရေး

ကျန်းမာရေးဝန်ဆောင်မှုများရရှိမှုမလုံလောက်ခြင်း၊ မသန်စွမ်းသူများအတွက် သီးသန့်ကျန်းမာရေးဝန်ဆောင်မှုများနှင့် ကုသရေးပစ္စည်းများရရှိရန်ခက်ခဲခြင်း။

4. အလုပ်အကိုင်နှင့် ဘဝအဆင့်အတန်း

အလုပ်အကိုင်ရှာရန်အခက်အခဲကြောင့်မသန်စွမ်းသူများအတွက် အလုပ်အကိုင်များ ရှားပါးခြင်းနှင့် ရောထွေးမှုများကြောင့် အခွင့်အလမ်းမရှိခြင်း။လစာနည်းပါးခြင်းလစာနှင့် အခွင့်အရေးများ အလျော့ပျော့ခြင်း။

5. အဆောက်အအုံနှင့် သယ်ယူပို့ဆောင်ရေး

လှုပ်ရှားမှုအခက်အခဲလမ်းမကြီးများ၊ သယ်ယူပို့ဆောင်ရေးစနစ်များ၊ အဆောက်အဦးများသည် မသန်စွမ်းသူများကို အဆင်ပြေစေရန် ဒီဇိုင်းမလုပ်ထားခြင်း၊ လမ်းလျှောက်ရခက်ခြင်း၊ လှေကားများနှင့် လက်ကိုင်များတပ်ဆင်မထားခြင်း၊ အမြင်အာရုံမသန်စွမ်းသူများအတွက်လက်ကိုင်များမထားပေးခြင်း။

6. လူမှုရေးနှင့် စိတ်ပိုင်းဆိုင်ရာ

လူမှုရေးပိတ်ပင်မှုတို့ကြောင့်မသန်စွမ်းသူများကို လူမှုအဖွဲ့အစည်းမှ ခွဲခြားဆက်ဆံခြင်း။စိတ်ပိုင်းဆိုင်ရဖိစီး
မှုအခြားသူများမှ ခွဲခြားထားခံရမှုကြောင့် စိတ်ကျရောဂါများဖြစ်ခြင်း။

7. နည်းပညာနှင့် အခြေခံအဆောက်အအုံ

နည်းပညာအသုံးပြုခွင့်မရရှိခြင်း၊ မသန်စွမ်းသူများအတွက် သင့်တော်သော နည်းပညာများ မရရှိခြင်း။အခက်အခဲများနှင့် အားနည်းမှုများ။

မသန်စွမ်းသူများ၏ ပြဿနာများကို ဖြေရှင်းရန်အတွက် လူမှု့အသိုင်းဝိုင်းကြီးတစ်ခုလုံးတွင်တာဝန်ရှိပါသည်။

ရွှေအင်အားတောင်ဒဂုံမြို့နယ်မသန်စွမ်းသူများအသင်းလေးထောင့်ကန်ရပ်ကွက်၊ ရှမ်းတဲကြီးရပ်ကွက်အတွင်းရှိမသန်စွမ်းသူများ/မသန်စွမ်း...
18/01/2026

ရွှေအင်အားတောင်ဒဂုံမြို့နယ်မသန်စွမ်းသူများအသင်း
လေးထောင့်ကန်ရပ်ကွက်၊ ရှမ်းတဲကြီးရပ်ကွက်အတွင်းရှိမသန်စွမ်းသူများ/မသန်စွမ်းစေတနာ့ဝန်ထမ်းများနေအိမ်များသို့သွားရောက်ကွင်းဆင်းလည်ပတ်ခြင်းနှင့်စားနပ်ရိက္ခါများသွားရောက်ထောက်ပံ့ခဲ့ပါသည်။

ရွှေအင်အားတောင်ဒဂုံမြို့နယ် မသန်စွမ်းသူများအသင်းအပတ်စဥ် စနေ့၊ တနင်္ဂနွေ၊ တနင်္လာ၊ (၃)ရက်တာအားမသန်စွမ်းသူများအတွက် ကွန်ပျ...
15/01/2026

ရွှေအင်အားတောင်ဒဂုံမြို့နယ် မသန်စွမ်းသူများအသင်း
အပတ်စဥ် စနေ့၊ တနင်္ဂနွေ၊ တနင်္လာ၊ (၃)ရက်တာအား
မသန်စွမ်းသူများအတွက် ကွန်ပျူတာသင်တန်းများကိုသင်ကြားပေးလျှက်ရှိပါသည်။

ရွှေအင်အားတောင်ဒဂုံမြို့နယ်မသန်စွမ်းသူများအသင်းအလုပ်အမှုဆောင်များ၊ ပြည်ကြီးခင်အဖွဲ့အစည်းမှဆရာ/မ များနှင့်ရှေ့လုပ်ရမည့်လု...
09/01/2026

ရွှေအင်အားတောင်ဒဂုံမြို့နယ်မသန်စွမ်းသူများအသင်း
အလုပ်အမှုဆောင်များ၊ ပြည်ကြီးခင်အဖွဲ့အစည်းမှဆရာ/မ များနှင့်ရှေ့လုပ်ရမည့်လုပ်ငန်းစဥ်များနှင့်ပတ်သက်ပြီးဆွေးနွေးခဲ့ကြပါသည်။

၉-၁-၂၀၂၆ နေ့ သောကြာနေ့အကြိတ်အနယ်ဆွေးနွေးကြတယ်။အကြေအလည် ညှိနှိုင်းကြတယ်။ရွှေမင်းသားဖောင်ဒေးရှင်း (မြန်မာ)ရန်ကုန်တိုင်းဒေသ...
09/01/2026

၉-၁-၂၀၂၆ နေ့ သောကြာနေ့
အကြိတ်အနယ်ဆွေးနွေးကြတယ်။
အကြေအလည် ညှိနှိုင်းကြတယ်။
ရွှေမင်းသားဖောင်ဒေးရှင်း (မြန်မာ)
ရန်ကုန်တိုင်းဒေသကြီး (တောင်ဒဂုံရုံး)
ရွှေအင်အားမသန်စွမ်းသူများအသင်း
စတုတ္ထုတ သက်တမ်း အလုပ်အမှုဆောင်အဖွဲ့
အောက်ပါ ပုဂ္ဂိုလ်များဖြင့်
အောင်မြင်စွာဖွဲ့စည်းနိုင်ခဲ့ပါပြီ။
ဆွေးနွေးညှိနှိုင်းခြင်း အလေ့အကျင့်ဖြင့်
ရလာဒ်ကောင်းများ ဖေါ်ဆောင်နိုင်ခဲ့ပါပြီ။
၁။ ဦးသက်မောင် ဥက္ကဌ
၂။ ဦးထွန်းထွန်းလွင် ဒုဥက္ကဌ
၃။ ဒေါ်မိုးမြင့်နိုင် အတွင်းရေးမှူး
၄။ ဦးဝင်းမင်းလတ် တွဲဖက်အတွင်းရေးမှူး
၅။ ဒေါ်သဇင်ခိုင် ဘဏ္ဏာရေးမှူး
၆။ ဦးသက်နိုင် တွဲဘက်ဘဏ္ဍာရေးမှူး
၇။ ဒေါ်ဇာဇာလွင် စာရင်းစစ်
၈။ ဒေါ်သိင်္ဂီအေး စည်းရုံးရေးမှူး(၁)
၉။ ဦးဝင်းနိုင် စည်းရုံးရေးမှူး(၂)
၁၀။ ဦးမြင့်အောင် ပြန်ကြားရေးမှူး(၁)
၁၁။ ဦးအောင်ထူးသူ ပြန်ကြားရေးမှူး(၂)

Address

မင်းခေါင်လမ်းနှင့်မင်းခေါင်လမ်းသွယ်ထောင့်၊ (၇၀)ရပ်ကွက်၊ တောင်ဒဂုံ
Yangon
11181

Website

Alerts

Be the first to know and let us send you an email when Shwe Inn Arr Organization of Persons with Disabilities posts news and promotions. Your email address will not be used for any other purpose, and you can unsubscribe at any time.

Shortcuts

Share

Category