Mingalar Taung Nyunt Scout Network

26/06/2025

သက်ကြီးရွယ်အိုသေခါနီးပဲရှိတော့တယ့်ခွေးတပ်

19/05/2025

🛩️🛩️🛩️🛩️ ဘယ်နှစ်စီးပါသွားလဲကြည့်လိုက်

တောင်ငူလေတပ်ကို ရှော့တိုက်ဒုံးများဖြင့် ပစ်ခတ်မှု ဒုဗိုလ်မှူးကြီး ၂ ဦး အပါအဝင် စစ်တပ်ဘက်မှ ၁၀ ဦးသေဆုံးပြီး တိုက် လေယာဉ် ၂ စီး၊ Y8 လေယာဉ် ၁ စီးနှင့်ဂိုဒေါင်များ ထိမှန်ပျက်စီးဟုဆို

ရန်ကုန်၊ မေ ၁၉

ပဲခူးတိုင်း၊ တောင်ငူမြို့၊ ကေတုမတီလေတပ်စခန်းအတွင်းသို့ ၁၀၇ မမ ရှောက်တိုက်ဒုံးများဖြင့် ပစ် ခတ်တိုက်ခိုက်ခဲ့ရာ ဒုဗိုလ်မှူး ကြီး ၂ ဦးအ ပါအဝင် ၁၀ ဦးသေဆုံးပြီး ဂျက်ဖိုက်တာ ၂ စီး၊ Y8 ၁ စီး နှင့်ဂိုဒေါင်များ ထိမှန်ပျက်စီးခဲ့ကြောင်း Brave Warriors for Myanmar (BWM) အဖွဲ့မှ တာဝန်ရှိသူ တစ် ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

ယမန်နေ့ မေလ ၁၈ ရက်နေ့ နံနက် ၁ နာရီ ၄၈ မိနစ်အချိန် တောင်ငူမြို့၊ ကေတုမတီလေ တပ် စခန်းကို ၁၀၇ မမ ရှော့တိုက်ဒုံး ၁၁ လုံးဖြင့် ပစ်ခတ်တိုက်ခိုက်ခဲ့ရာ ၈ လုံးအေင်မြင်စွာ ကျရောက် ပေါက်ကွဲခဲ့ပြီး လေတပ်အရာရှိ ဒုတိယဗိုလ်မှူးကြီးအဆင့်ရှိသူ ၂ ဦး၊ ဗိုလ်ကြီးအဆင့်ရှိသူ ၂ ဦး၊ လေအုပ် အပါအဝင် အခြားအဆင့်စစ်သည် ၆ ဦး စုစုပေါင်း ၁၀ ဦး သေဆုံးခဲ့ကြောင်း သိရှိရသည်။

“အိုးထိန်းကွင်းရွာ စာသင်ကျောင်းက ကလေးတို့အတွက်ကြေကွဲခဲ့ရသလို အခုသူတို့အတွက် ထိထိ ရောက်ရောက် လက်တုန့်ပြန်နိုင်လို့ ကျနော်တို့ရဲဘော်တွေအနေနဲ့ကျေနပ်ပါတယ်။” ဟု Brave Warriors for Myanmar (BWM) အဖွဲ့မှ တာဝန်ရှိသူက ရန်ကုန်ခေတ်သစ်သတင်းဌာနထံသို့ ပြောကြားသည်။

အလားတူ လေတပ်စစ်သည် ၁၂ ဦး ဒဏ်ရာရရှိထားပြီး ယင်းဒဏ်ရာရရှိသူများကို စစ်ဆေးရုံ သို့ ပို့ဆောင်ထားကြောင်း သိရသည်။

ထို့အပြင် Jet Fighter လေယာဉ် ၂ စီး ၊ Y-8 လေယာဉ် ၁ စီးတို့ ထိခိုက်ပျက်စီးခဲ့ပြီး လေတပ်အတွင်းရှိ ဒရုန်းဂိုဒေါင်မီး လောင်ပျက်စီးကာ လေတပ်အတွင်းပစ္စည်းသယ်ပို့လုပ်ပေးနေသော ယာဉ်အချို့၊ လေတပ်အတွင်းရှိ လေတပ်စစ်သည်များ နားနေဆောင် ၁ လုံး ၊ လေယာဉ်အပိုပစ္စည်းဂိုဒေါင် ၂ လုံးတို့ ထိခိုက်ပျက်စီး ခဲ့ကြောင်း သိရသည်။

အဆိုပါ တိုက်ခိုက်မှုကို Brave Warriors for Myanmar (BWM) ၊ Mountain Knight Civilian Defense Forces (MKCDF)၊ Anti-Coup People's Liberation Force (ACPLF) နှင့် သံတောင် မြောက် ပိုင်း အထူးဒေသ အဖွဲ့ တို့ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။

တောင်ငူ လေတပ်စခန်းသည် စစ်ရာဇဝတ်မှုများ ကျုးလွန်ရာတွင် အရေးပါ သော လေတပ် ဒေါက် တိုင် တစ်ခုအဖြစ် ထမ်းဆောင်ပေးနေသည့်အပြင် ယခုရက်ပိုင်း တောင်ပိုင်းတော်လှန်ရေး အင်အားစု များ ၏ တော်လှန်ရေး လှုပ်ရှားမှုများကိုလည်း လေကြောင်းမှ တရစပ် ဗုံးကြဲ တိုက်ခိုက်ရာတွင် အဓိက ပါဝင်နေသော လေတပ်စခန်း တစ်ခု ဖြစ်နေသောကြောင့် BWM Mission 37 အဖြစ် တိုက် ခိုက်ခဲ့ခြင်းဖြစ်ကြောင်း သိရသည်။

မြေပြင်စစ်ဆင်ရေးများတွင် ပြည်သူ့တော်လှန်ရေးအင်အားစုများကို ရင်ဆိုင်နိုင်စွမ်းမရှိတော့ဘဲ ကျရှုံး မှုများစွာနှင့် ရင်ဆိုင်လာရသော စစ်ရှုံးကောင်စီသည် လေတပ်ကိုအားကိုး၍ ဝေဟင်အသာစီးဖြင့် တော်လှန်ရေးအင်အားစုများကို တန်ပြန် တိုက်ခိုက် လာရုံမျှမက ဒီပဲယင်းမြို့နယ်၊ အိုးထိမ်းကွင်း ကျေးရွာ စာသင်ကျောင်းမှ ကျောင်းသူ၊ ကျောင်းသား ကလေး သူငယ်များနှင့် ဆရာ၊ ဆရာမများ ကိုဗုံးကြဲ သတ်ဖြတ်မှုအပါအဝင် နိုင်ငံတဝှမ်း အရပ်ဘက်ပြည်သူများကို ပစ်မှတ်ထား ဗုံးကြဲသတ် ဖြတ်ပြခြင်းဖြင့် ၎င်း၏ မတရားလုယူထားသော အာဏာကို ဆက်လက်ဆုပ်ကိုင်ထားဖို့ကြိုးစားနေ ကြောင်း အသိပေးထားသည်။

နွေဦးတော်လှန်ရေး၏ အောင်မြင်ရန်စစ်ကောင်စီလေတပ်ကို ပြိုလဲအောင် လေတပ်များ၊ တိုက်လေ ယာဉ်များ၊ pilot များ၊ လေယာဉ်ဆီ၊ ဗုံးသီးတန်ဆာတို့ ထုတ်လုပ်သည့် စက်ရုံ အပါအဝင် လေတပ်ကို အားဖြည့်သည့် ဒေါက်တိုင်မျိုးစုံတို့ကို ဖြိုလှဲရန် လက်လှမ်းမှီသည့် တော်လှန်ရေးအင်အားစုများ၊ ပြည် သူ များမှ တတ်နိုင်သည့်ဘက်မှ ဝိုင်းဝန်းကြိုးပမ်းကြရန် မေတ္တာရပ်ခံထားသည်။

ဓာတ်ပုံ- ယမန်နေ့ မေလ ၁၈ ရက်နေ့ နံနက် ၁ နာရီ ၄၈ မိနစ်အချိန် တောင်ငူမြို့၊ ကေတုမတီလေ တပ် စခန်းကို ၁၀၇ မမ ရှော့တိုက်ဒုံးဖြင့် ပစ်ခတ်နေစဉ်။

25/04/2025

🫡🫡🫡

10/04/2025

သားတစ်ယောက်ရဲ့ရင်ထဲ
ဘယ်လောက်တောင်ပူနေမလဲ

ငလျင်လှုပ်ခတ်ပြီးနောက်ပိုင်း အမေဖြစ်သူ ဒေါ်အောင်ဆန်းစုကြည်ရဲ့အခြေအနေကို မသိရတာကြောင့် အင်မတန်စိုးရိမ်မိတယ်လို့ သားငယ် ကိုထိန်လင်း ပြော
============
ဧပြီ ၉
Radio NUG

ငလျင်လှုပ်ခတ်ပြီးနောက်ပိုင်း အမေဖြစ်သူ ဒေါ်အောင်ဆန်းစုကြည်ရဲ့အခြေအနေကိုမသိရတာကြောင့် အင်မတန်စိုးရိမ်မိတယ်လို့သားငယ်ကိုထိန်လင်းက ဧပြီ ၉ရက် ဆိုရှယ်မီဒီယာမှာ ပြောကြားထားပါတယ်။

"မေမေ့ကို ပြင်ပလောကနှင့် ဆက်သွယ်ခွင့်မရှိဘဲ နေပြည်တော်အကျဥ်းထောင်ထဲမှာ ထိန်းသိမ်းထားဆဲဖြစ်တဲ့အတွက် ကျွန်တော့် မေမေ ဒေါ်အောင်ဆန်းစုကြည်ရဲ့ ကျန်းမာရေးနဲ့ လုံခြုံမှုကိုလည်း စိုးရိမ်တဲ့အပြင် ငလျင်လှုပ်ခတ်ပြီးနောက်ပိုင်း မေမေ့အခြေအနေကိုမသိရတာကြောင့် အင်မတန်စိုးရိမ်မိပါတယ်"လို့ ကိုထိန်လင်းက ပြောဆိုထားပါတယ်။

အသက် ၈၀ မကြာမီပြည့်တော့မယ့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို အကြမ်းဖက်စစ်အုပ်စုဟာ ၂၀၂၁ ဖေဖော်ဝါရီ၁ရက် အာဏာလုစဥ်ကတည်းက ဖမ်းဆီးထားပါတယ်။

21/03/2025

ပုဇွန်တောင်တွင် ရဲမှူး မင်းဟန်က ပြည်သူ ၁ ဦးကို ချဲရောင်းသည်ဟု စွပ်စွဲ ဖမ်းဆီးပြီး ငွေကျပ် သိန်း ၃၂၀ ခြိမ်း ခြောက်တောင်း၊ မြစ်ကြီးနားတွင်လည်း ပြည်သူ ၁ ဦးထံမှ ရွှေ ၂ ကျပ်သား ရဲက လုယက်

ရန်ကုန်၊ မတ် ၂၁

ရန်ကုန်မြို့၊ ပုဇွန်တောင်မြို့နယ်တွင် ရဲနှင့် အုပ်ချုပ်ရေးမှူးက ပြည်သူ ၁ ဦးကို ချဲရောင်းသည်ဟု စွပ်စွဲ ဖမ်းဆီးပြီး ငွေကျပ် သိန်း ၃၂၀ တောင်းခံခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဖေဖော်ဝါရီလ ၄ ရက်နေ့တွင် ပုဇွန်တောင်မြို့နယ်၊ အမှတ် ၈ ရပ်ကွက်၊ ဇီဇဝါလမ်းတွင် နေထိုင်သော ဦးမောင်မြင့် ကို ရဲနှင့် အုပ်ချုပ်ရေးမှူးများက ဝင်ရောက် ဖမ်းဆီးခဲ့ခြင်းဖြစ်ကြောင်း သိရသည်။

ထို့သို့ ဖမ်းဆီးပြီးနောက် ပုဇွန်တောင်မြို့မရဲစခန်းမှ မြို့နယ်မှူး ရဲမှူး မင်းဟန်၊ စခန်းမှူး ဒုရဲမှူး ဇော်ဇော်၊ နယ်ထိန်း ဒုရဲအုပ် ညီမင်းနိုင်၊ ၇ ရပ်ကွက် အုပ်ချုပ်ရေးမှူး ဗိုလ်ကျော်မင်း နှင့် ပျူစောထီး ဂျိုးဂျိုး တို့က ငွေကျပ် သိန်း ၃၂၀ တောင်းခံခဲ့ခြင်းဖြစ်ကြောင်း သိရှိရသည်။

ထိုသို့ အတင်း အဓမ္မ ငွေကြေး တောင်းယူသည့် ဖြစ်စဉ်ကို အမှတ် ၈ ရပ်ကွက် အုပ်ချုပ်ရေးမှူး မျိုးမြင့် ပင်သိရှိခြင်းမရှိဘဲ ပျုစောထီး ဂျိုးဂျိုး နှင့် အမှတ် ၇ ရပ်ကွက် အုပ်ချုပ်ရေးမှူး ဗိုလ်ကျော်မင်းတို့က ပူးပေါင်း လုပ်ဆောင်ခဲ့ခြင်းဖြစ်ကြောင်း သိရသည်။

"ဦးမောင်မြင့်ကို ချဲရောင်းတယ်ဆိုပြီး စွပ်စွဲဖမ်းဆီးတာ ပြီးတော့ ငွေကျပ် သိန်း ၃၂၀ တောင်းတယ်။ အတင်း အဓမ္မ တောင်းယူတော့ ပေးလိုက်ရတယ်။ သူတို့တွေ အချင်းချင်း ပြန်ခွဲယူတယ်လို့ သိရတယ်။ အဲဖြစ်စဉ်ကို ၈ ရပ်ကွက် အုပ်ချုပ်ရေးမှူး မျိုးမြင့်တောင် မသိဘူးလို့ သိရတယ်။ ပျုစောထီး ဂျိုးဂျိုးနဲ့ အမှတ် ၇ ရပ်ကွက် အုပ်ချုပ်ရေးမှူး ဗိုလ်ကျော်မင်းတို့က ရဲခွေးတွေနဲ့ ပေါင်းပြီး လုပ်သွားတာလို့ သိရတယ်" ဟု ဒေသပြည်သူ တစ်ဦးက ပြောဆိုသည်။

အလားတူ ကချင်ပြည်နယ်၊ မြစ်ကြီးနားမြို့တွင်လည်း အကြမ်းဖက် စစ်သားများက ပြည်သူ ၁ ဦးကို မူးယစ်ဆေး သုံးစွဲသည်ဟု စွပ်စွဲရှာဖွေပြီး ရွှေ ၂ ကျပ်သား လုယက်ယူဆောင်သွားကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

မတ်လ ၁၉ ရက်နေ့တွင် မြစ်ကြီးနားမြို့ မြန်မာ့စီးပွားရေးဘဏ်‌ လမ်းကြားတွင် လမ်းသွားလမ်းလာ ပြည်သူများကို စစ်ဆေးနေသည့် အကြမ်းဖက် စစ်သားနှင့်ရဲ များက ဆိုင်ကယ်စီးသည့် ပြည်သူ ၁ ဦးကို မူးယစ်ဆေး သုံးစွဲသည်ဟု စွပ်စွဲရှာဖွေပြီး ဝိုင်းဝန်းရိုက်နှက်ကာ ရွှေ ၂ ကျပ်သားကို ယူဆောင်သွားကြောင်း သိရသည်။

"မြို့ထဲကို အခေါက်ရွှေလုပ်ဖို့ အသွား မြန်မာ့စီးပွားဘဏ်အရှေ့ လမ်းမကြီးမှာ စစ်ခွေးတွေနဲ့ ရဲခွေးတွေက ဆိုင်ကယ်ကို ရပ်ခိုင်းတယ် ပြီး‌တော့ လမ်းကြားထဲကိုခေါ်ပြီး ဆေးသုံးတယ်ဆိုပြီး စစ်ဆေးတယ် ဆေးမသုံးဘူးပြောရင်လဲမရဘူး။ ဘာမှမပြောနဲ့ဆိုပြီးလက်နက်တွေနဲ့ စိတ်ကြိုက် ရိုက်တယ်။ နောက်ပြီး ပါလာတဲ့ ရွှေ ၂ ကျပ်သားကို လုယူသွားတယ်" ဟု လုယက်ခံရသူ၏ မိတ်ဆွေတစ်ဦးက ပြောဆိုသည်။

အဆိုပါ ဖြစ်စဉ်နှင့် ပတ်သက်ပြီး လုယက်ခံရသည့် ပြည်သူက အနီးအနားရှိ ရဲစခန်းကို အကူညီတောင်းခံခဲ့သော် လည်း ရဲများက ထွက်လာခြင်းမရှိလည်း လျစ်လျူရှုခဲ့ကြောင်း သိရသည်။
Credit ခေတ်သစ်မီဒီယာ

ဓာတ်ပုံ- ပြည်သူကို ခြိမ်းခြောက် ငွေတောင်းခံသော ပုဇွန်တောင်မြို့နယ်မှူး ရဲမှူး မင်းဟန်။

17/03/2025

🖥 ရန်ကုန် တပတ်တာ အခြေအနေ

ယခု ရက်သတ္တပတ် [10 Mar 2025 (Mon) - 16 Mar 2025 (Sun)] ထဲ ရန်ကုန်တိုင်းအတွင်းဖြစ်ပွားခဲ့သည့် ထူးခြားဖြစ်စဉ်များကို အောက်တွင် ဖော်ပြထားသည်။

🔴 စစ်ရေး
11 Mar 2025 ရက်နေ့ 2:08 PM ခန့်တွင် ပုဇွန်တောင်မြို့နယ်၊ ၈ ရပ်ကွက်ရုံးအနီး ဗုံးတွေ့၍ စစ်ကောင်စီ တပ်သားများရောက်ရှိလာကာ လွတ်လပ်ရေးဘုန်းကြီးကျောင်းနှင့် သံလမ်း အနီးသို့ သယ်ယူပြီး ဖောက်ခွဲဖျက်ဆီးလိုက်ကြောင်း သိရှိရသည်။ အဆိုပါနေ့ ည ၈ နာရီ ၄၀ မိနစ်ခန့်တွင် မှော်ဘီမြို့နယ်၊ ဝါးနက်ချောင်းကျေးရွာ (ကျောက်တောင်စု) အုပ်ချုပ်ရေးမှူးရုံး၌ တပ်စွဲထားသည့် အကြမ်းဖက်တပ်သားများနှင့် နောက်လိုက်များကို ပစ်မှတ်ထား၍ Civilian Military -SRDF နှင့် ရွှေဘိုခရိုင်အမှတ် ၁၅ တပ်ရင်း တို့မှ ၄၀ မမ ဗုံးသီးဖြင့် ပစ်ခတ်တိုက်ခိုက်ခဲ့ကြောင်းလည်း သတင်းထုတ်ပြန်ထားသည်။ အခြား ဗုံးပေါက်ကွဲသံဟု ယူဆရသည့် အသံကြားရသည့် ဖြစ်စဉ် ၂ ခု ရှိသေးပြီး စုံစမ်းနေဆဲဖြစ်သည်။

🔴 သပိတ်
12 Mar 2025 ရက်နေ့တွင် ရန်ကုန်မြို့ရှိ စက်မှုဇုန်များ၌ ရန်ကုန်တော်လှန်ညီနောင် ၄ ဖွဲ့နှင့် မြေပြင်သပိတ်အင်အားစုများမှ 'စစ်ကောင်စီအား ILO မှ ပုဒ်မ ၃၃ နှင့် ဘာကြောင့်အရေးယူရန်လိုအပ်သလဲ' ဆိုသည့် အချက်များပါဝင်သည့်သတင်းစကားများကို အမျိုးသမီး လစဥ်သုံးပစ္စည်းများတွင် ထည့်သွင်း၍ အလုပ်သမားထုထံ ဖြန့်ဝေသည့် လှုပ်ရှားမှုပြုလုပ်ခဲ့ကြသည်။ 10 Mar 2025 ရက်နေ့နှင့် 11 Mar 2025 ရက်နေ့တို့တွင်လည်း မြေပြင်အင်အားစုများမှ ILO က “ Article 33 “ ဖြင့် စစ်ကောင်စီကို ထိရောက်စွာ အရေးယူပေးရန် တောင်းဆိုသည့် လှုပ်ရှားမှုများကို ပုံစံအမျိုးမျိုးဖြင့် ပြုလုပ်ခဲ့ကြသည်။

🔴 စစ်မှုထမ်း အမှတ်စဉ် ၁၁
14 Mar 2025 ရက်နေ့တွင် ဘုရင့်နောင် စစ်ကြောရေးဝင်းထဲရှိ ချုပ်နှောင်ခံထားရသူများကို စစ်မှုထမ်း အမှတ်စဉ် ၁၁ သင်တန်းတက်ရောက်ရန် တိုက်ကြီးမြို့နယ်နှင့် လှည်းကူးမြို့နယ်ရှိ စစ်သင်တန်းကျောင်းများသို့ ပို့ဆောင်လိုက်ကြောင်း သိရသည်။
ယခု အမှတ်စဉ် ၁၁ တွင် ဧရာဝတီတိုင်း၊ ဘိုကလေးမြို့နယ်နှင့် မော်လမြိုင်ကျွန်းမြို့နယ်တို့မှ လူငယ် အယောက် ၁၅၀ ကျော်လည်း ပါဝင်ကြောင်း DVB သတင်းဌာနမှ သိရှိရသည်။ မော်လမြိုင်ကျွန်းမြို့နယ် အခြေစိုက် ခလရ ၅၃၄ တပ်ထဲတွင် ၇ ရက်ခန့်ကြာ ဖမ်းဆီးထားပြီးနောက် ရန်ကုန်တိုင်းအတွင်းရှိ စစ်သင်တန်းကျောင်းများသို့ ပို့ဆောင်လိုက်သည်ဟု ဆိုထားသည်။

🔴 စစ်မှုထမ်း အမှတ်စဉ် ၈
တိုက်ကြီးမြို့နယ်၊ စစ်သင်တန်းကျောင်းတွင် စစ်မှုထမ်း အမှတ်စဉ် ၈ သင်တန်းတက်နေသူတချို့ကို သင်တန်းပြီးဆုံးခြင်း မရှိသေးပဲ အရေးပေါ် အခြေအနေဟုဆိုကာ ပဲခူးတိုင်း၊ ပန်းတောင်းမြို့နယ်၊ ညောင်ကျိုးစခန်းတိုက်ပွဲသို့ ပို့၍ စစ်တိုက်ခိုင်းကြောင်း Khit Thit သတင်းဌာနမှ သိရှိရသည်။ 28 Feb 2025 ရက်နေ့မှသာ သင်တန်းဆင်းရမည်ဖြစ်သော်လည်း 8 Feb 2025 ရက်နေ့ကပင် သင်တန်းတွင်းမှ ခေါ်ထုတ်၍ ရှေ့တန်းသို့ ပို့ဆောင်ခဲ့ခြင်းဖြစ်သည်။

🔴 စစ်မှုထမ်း အမှတ်စဉ် ၁၂
မြို့နယ်အသီးသီးတွင် 15 Mar 2025 ရက်နေ့ ဝန်းကျင်မှစ၍ စစ်မှုထမ်း အမှတ်စဉ် ၁၂ လူစုဆောင်းသည့်ကိစ္စနှင့် ပက်သတ်သည့် အစည်းအဝေးများ ပြုလုပ်ခဲ့ကြသည်။

🔴 စစ်ကောင်စီ စာမေးပွဲ
17 Mar 2025 ရက်နေ့တွင် စစ်ကောင်စီမှ တက္ကသိုလ်ဝင်ခွင့်စာမေးပွဲများပြုလုပ်မည့်အတွက် 16 Mar 2025 ရက်နေ့မှစ၍ စာမေးပွဲပြုလုပ်မည့် ကျောင်းများ၌ အကြမ်းဖက်တပ်သားများကို တပ်စွဲခိုင်းထားကြောင်း သိရသည်။

🔴 မင်းအောင်လှိုင်
14 Mar 2025 ရက်နေ့နှင့် 15 Mar 2025 ရက်နေ့တို့တွင် အကြမ်းဖက်စစ်ခေါင်းဆောင် မင်းအောင်လှိုင် ရန်ကုန်၌ ရှိနေခဲ့သည်။ 14 Mar 2025 ရက်နေ့တွင် လှိုင်မြို့နယ်၊ သတင်းအချက်အလက် နည်းပညာတက္ကသိုလ် နှင့် လှိုင်သာယာမြို့နယ်၊ ရန်ကုန်အနောက်ပိုင်း နည်းပညာတက္ကသိုလ်သို့ သွားရောက်ခဲ့ပြီး 15 Mar 2025 ရက်နေ့တွင် အလုံမြို့နယ်၊ Asia World Port Terminal ဆိပ်ကမ်း၌ ရှိနေခဲ့သည်။ Asia World ဆိပ်ကမ်း၌ 14 Mar 2025 ရက်နေ့ညတွင် ရုရှားစစ်သင်္ဘော ၂ စင်း ဆိုက်ကပ်ထားကြောင်းလည်း သိရသည်။

🔴 အဖမ်းအဆီး
ယခုရက်သတ္တပတ်အတွင်း အဖမ်းအဆီးဖြစ်စဉ် ၆ ခု သတင်းရရှိခဲ့သည်။

🔴 ဧည့်စစ်လူရှာ
ယခုသီတင်းပတ်အတွင်း ဧည့်စစ်လူရှာသည့်ဖြစ်စဉ် စုစုပေါင်း ၁၀ ခု သတင်းရရှိခဲ့သည်။


Credit RSN

Credit

17/03/2025

🖥 DAILY HIGHLIGHTS (16 MAR 2025)

🌎 နိုင်ငံခြားရေးထူးခြားသတင်းများ

ဘင်္ဂလားဒေ့ရှ်🔣အာရက္ခတပ်တော် AA နှင့် ဆက်ဆံရေး ပြေလည်နေဟု ဘင်္ဂလားဒေ့ရှ်ပြော – KT

ဘင်္ဂလားဒေ့ရှ်🔣ဘင်္ဂလားဒေ့ရှ် ငါးဖမ်းသမား ၂၁ ဦးကို ပြန်လွှတ်ပေးပြီး တရားမဝင် နယ်စပ်ဖြတ်ကျော် ပြဿနာကို ဘင်္ဂလားဒေ့ရှ်နှင့် ပူးပေါင်းဖြေရှင်းရန်လိုလားဟု AA က ထုတ်ပြန် – KT

အမေရိကန်🔣အမေရိကန်ပြည်ဝင်ခွင့်ပိတ်မည့် ၄၁ နိုင်ငံတွင် မြန်မာ ပါဝင် – TI

WFP🔣မြန်မာပြည်သူ ၁သန်းအတွက် စားနပ်ရိက္ခာထောက်ပံ့မှု ဧပြီမှစ ရပ်မည် – TI

UN🔣မြန်မာတွင် တိုက်ပွဲများအဆုံးသတ်ရေး ဖိအားလိုအပ်ဟု ကုလ အတွင်းရေးမှူးချုပ် ပြော – DVB


Credit RSN

12/03/2025

ကျွန်ဖြစ်ရတာပျော်ရဲ့လား

11/03/2025

မင်္ဂလာတောင်ညွန့်မြို့နယ်အတွင်း ထူးခြားဖြစ်စဥ်များနှင့် အကြမ်းဖက်စစ်ကောင်စီတပ်ရဲ့ လှုပ်ရှားမှုသတင်းများကို အဓိကထားဖော်ပြသွားမည့် Mingalar Taung Nyunt Scout Network ဖြစ်ပါသည်။