https://www.facebook.com/561712580369583/

The Youth Horizon, Yangon (2026)

10/08/2026

ကျန်းမာလှပတဲ့ ဘဝတစ်ခုကို ပိုင်ဆိုင်နိုင်ဖို့အတွက် ပုံမှန်အတိုင်းပဲ TYH ကနေ မရှိမဖြစ် လိုအပ်တဲ့ Vitamin တွေထဲက တစ်ခုဖြစ်တဲ့ Vitamin B7 – Biotin အကြောင်းနဲ့ သူတို့ရဲ့ အကျိုးအာနိသင်တွေကို ဝေမျှပေးသွားမှာဖြစ်ပါတယ် ✨

ဒီနေ့ အလှည့်ကျတာကတော့ အလှအပနဲ့ ကျန်းမာရေးအတွက် အရေးကြီးတဲ့ "Vitamin B7 (Biotin)" လို့ခေါ်တဲ့ vitamin အကြောင်းပဲ ဖြစ်ပါတယ်။ Vitamin B7 က ခန္ဓာကိုယ်အတွက် ဘယ်လိုတောင် အကျိုးပြုလဲဆိုတာ အတူတူ ကြည့်လိုက်ကြရအောင်နော် 🤗

🔗 Follow Us:

page: https://www.facebook.com/share/1GGyhC7g59/?mibextid=qi2Omg

Telegram Channel: https://t.me/theyouth_horizon

15/07/2026

Official Media Partner Announcement

IELTS In a Nutshell x The Youth Horizon

IELTS In a Nutshell မှ ကျင်းပနေတဲ့ EduCup '26 Webinar Series မှာ The Youth Horizon မှ Media Partnership အနေနဲ့ ပါဝင်အားဖြည့် ပေးထားပါတယ် Youth တို့ရေ။ 🍄

ဒါကြောင့် IELTS In a Nutshell က host ပြုလုပ်ပေးသွားမဲ့ EduCup '26 ကို မိတ်ဆက်ပေးလိုက်ပါရစေရှင့်။

____

🎯 EduCup '26 ဆိုတာ ဘာလဲ။

EduCup '26 ဆိုတာ World Cup ကို Inspiration ယူထားပြီး နိုင်ငံအသီးသီးကနေ Scholarship ရရှိထားသူတွေကို ဖိတ်ခေါ်ကာ Knowledge sharing လုပ်ပေးသွားမဲ့ Webinar Series တစ်ခုပဲ ဖြစ်ပါတယ်။

____

🌍 ပါဝင်မယ့် Guest Speaker တွေကရော ဘယ်သူတွေလဲ။

EduCup '26 မှာ ပါဝင်ပြောကြား‌သွားကြမဲ့ Guest Speakers တွေကတော့

🇯🇵 Japan
🇨🇦 Canada
🇩🇪 Germany
🇫🇷 France
🇨🇳 China
🇦🇺 Australia
🇮🇹 Italy

စတဲ့ နိုင်ငံကြီး 7ခုမှာ တက်ရောက်ပညာသင်ကြားနေတဲ့ Scholarship Achievers တွေပဲ ဖြစ်ပါတယ်။

____

👥 ဘယ်လိုလူမျိုးတွေက EduCup '26 ကို တက်ရောက်သင့်လဲ။
- အထက်တန်းအောင်လက်မှတ်ရထားပြီးပေမဲ့ ဘယ်လမ်းကြောင်းကိုရွေးချယ်ရမလဲဆိုတာ မရေမရာဖြစ်နေတဲ့ ကျောင်းသားတွေ၊
- အထက်တန်းဖြေဖို့ ပြင်ဆင်နေပြီး Study Abroad လုပ်ဖို့ အိပ်မက်ရှိတဲ့ ကျောင်းသားတွေ၊
- ကိုယ့်ရဲ့ သားသားမီးမီးတို့ ပညာရေးအတွက် လေ့လာနေတဲ့ မိဘတွေက အဓိကတက်ရောက်သင့်‌ပါတယ်။

____

🎓 EduCup '26 ကို တက်ရောက်ရင် ဘာတွေရမလဲ။
- အထက်တန်းအောင်လက်မှတ်ရအပြီးမှာ ကိုယ်ဆက်လက်ပညာသင်ကြားချင်တဲ့ နိုင်ငံကို ရွေးချယ်နိုင်မယ်။
- ကိုယ်သွားချင်တဲ့နိုင်ငံရဲ့ Pros And Cons တွေကို လေ့လာနိုင်မယ်။
- ကိုယ်စိတ်ဝင်စားတဲ့နိုင်ငံမှာ ဘယ်လိုအခွင့်အလမ်းတွေရှိလဲဆိုတာ လေ့လာနိုင်မယ်။
- တကယ်ကို Study Abroad လုပ်နေတဲ့ ကျောင်းသားတွေဆီကနေ Real Experience တွေကို နားထောင်နိုင်မယ်။

____

📣 ဒါ့အပြင် Halftime Show, Live Questions and Answers Sessions, Panel Discussion တွေပါ ပါဦးမှာဖြစ်တဲ့အတွက် တကယ်ကို ပျော်စရာကောင်းမဲ့ Webinar Series တစ်ခုဆိုတာတော့ မလွဲဧကန်ပါပဲနော် 😉

ဒီလို Webinar မျိုးဆိုတာ တကယ်ကို ရှာမှရှားဖြစ်တာကြောင့် လုံးဝလက်လွှတ်မခံသင့်ကြောင်းကို ထပ်မံသတိပေးပါရ‌စေ 💗

____

📌 Event Details
📅 Date : July 12th - 19th
⏰ Time : 7 pm - 9 pm
💻 Platform : Zoom
📝 Registration :
https://docs.google.com/forms/d/e/1FAIpQLSfd5hyUPb4RSQvLfs_hT-RhOh7r8GGSx68X6aPxG3uRMrKghQ/viewform?usp=publish-editor

____

Kickoff to your future~
____

10/07/2026

AI Automation တွေကို လုပ်ငန်းခွင်မှာ အထာကျကျဘယ်လိုသုံးကြမလဲ🤔

ဒီနေ့ခေတ်လိုမျိုး နည်းပညာတွေ တဟုန်ထိုးတိုးတက်လာတဲ့အချိန်မှာ AI tool တွေပဲ သုံးတတ်ရုံတင်မဟုတ်ဘဲ ကိုယ့်ရဲ့နေ့စဉ်လုပ်ငန်းဆောင်တာတွေကို AI Automation တွေသုံးပြီး အလိုအလျောက် စနစ်တကျလုပ်ဆောင်နိုင်လာတဲ့ Skill ဟာ လုပ်ငန်းခွင်အတွက် အရေးပါတဲ့ Skill တစ်ခုဖြစ်လာတယ်ဆိုတာ သိပြီးကြပြီလား🤔

ဒါကြောင့်မို့လို့ လေ့လာသင်ယူမှုကို အမြဲအားပေးပြီး လူငယ်တွေကို ပံ့ပိုးပေးနေတဲ့ ကျွန်တော်တို့ The Youth Horizon မိတ်ဖက်အဖွဲ့အစည်းတစ်ခုဖြစ်တဲ့ RiseUp Organization ကနေပြီး AI Automation ကို လက်တွေ့အသုံးချနိုင်မယ့် "n8n Playground" ဆိုတဲ့ ၂ ရက်တာ Virtual Workshop ကို ကျင်းပပေးသွားဖို့ ရှိနေပါတယ်ခင်ဗျာ။

"n8n Playground" Workshop ကို ဘာကြောင့် တက်ရောက်သင့်လဲ🤔

ဒီ Workshop ထဲမှာဆိုရင် ကမ္ဘာ့ထိပ်တန်း Workflow Automation Platform တစ်ခုဖြစ်တဲ့ n8n ကို အသုံးပြုပြီး Code အများကြီး ရေးစရာမလိုဘဲ အဆင့်မြင့် Intelligent AI-powered Automation Systems တွေကို ကိုယ်တိုင်ကိုယ်ကျ ဘယ်လိုဖန်တီးရမလဲဆိုတာကို အခြေခံကစလို့ စနစ်တကျ သင်ကြားပေးသွားမှာ ဖြစ်ပါတယ်ခင်ဗျာ။

ဒီ Workshop ကို တက်ရောက်ပြီးရင် ဘာတွေရသွားမှာလဲ🤔

ပထမဆုံးအနေနဲ့ Job Market ထဲမှာ Demand များတဲ့ AI Automation ဆိုတာကို သေချာ သိရှိနားလည်သွားမယ်။ ဒုတိယအနေနဲ့ Workshop ရဲ့ ဒုတိယနေ့မှာ Telegram AI Assistant Integration အပါအဝင် Workflow တည်ဆောက်ပုံတွေကို လက်တွေ့လုပ်ဆောင်ရမှာ ဖြစ်လို့ Workshop အပြီးမှာ Portfolio မှာ ထည့်ရေးလို့ရမယ့် ကိုယ်ပိုင် Project တစ်ခု ရရှိသွားမှာပဲဖြစ်ပါတယ်ခင်ဗျာ။ နောက်ဆုံးအနေနဲ့ AI နည်းပညာ တိုးတက်လာမှုနဲ့အတူ ပေါ်ပေါက်လာမယ့် Career လမ်းကြောင်းအသစ်တွေနဲ့ Industry ထဲက လက်တွေ့ Case Study တွေကို လေ့လာခွင့်ရမယ်။

✨ Workshop လုပ်ပေးသွားမယ့် RiseUp Organization အကြောင်း

ကျွန်တော်တို့ RiseUp Organisation ဟာဆိုရင် မြန်မာနိုင်ငံမှာရှိတဲ့ ကိုယ်ပိုင်စီးပွားရေးကို လုပ်ကိုင်ချင်တဲ့လူငယ်တွေ၊ ကိုယ်စိတ်အားထက်သန်တဲ့အပိုင်းကို ရှာဖွေနေကြတဲ့လူငယ်တွေအတွက် Career Development နဲ့ Business အတွက် အခွင့်အလမ်းတွေ၊ Event တွေ၊ Workshop တွေကို လူငယ်တွေဆီကို ယူဆောင်လာပေးတဲ့ Youth-led အဖွဲ့အစည်းတစ်ခုပဲဖြစ်ပါတယ်ခင်ဗျာ။
ဒါ့အပြင် "Success is Near, RiseUp is Here" ဆိုတဲ့ ဆောင်ပုဒ်အတိုင်း လူငယ်တွေရဲ့ အနာဂတ်ကို ဖွံ့ဖြိုးတိုးတက်စေဖို့ အစဉ်တစိုက် ကြိုးပမ်းဆောင်ရွက်နေတဲ့ အဖွဲ့အစည်းလည်း ဖြစ်ပါတယ်။

📍Workshop အကြောင်း အသေးစိတ်အချက်အလက်များ

Event Name: n8n Playground
Date: July 11 & 12, 2026 (Saturday & Sunday)
Time: Night 8:00 PM - 10:00 PM (မြန်မာစံတော်ချိန်)
Platform: Zoom Application
Target Audience: အသက် ၁၈ နှစ်မှ ၃၅ နှစ်အတွင်းရှိ လူငယ်များ၊ SMES၊ young entrepreneur၊ Freelancer များနှင့် AI Automation ကို စိတ်ဝင်စားသူ မည်သူမဆို အခမဲ့ တက်ရောက်နိုင်ပါတယ်ခင်ဗျာ။

📍 Workshop အတွက် ဘယ်လို Register လုပ်ရမလဲ

စိတ်ဝင်စားလို့ တက်ရောက်ချင်တဲ့ သူတွေအနေနဲ့ အောက်ပါ Link တွေကနေတစ်ဆင့် အမြန်ဆုံး စာရင်းပေးသွင်းနိုင်ပါပြီခင်ဗျာ။

📌 Event Announcement Link: https://www.facebook.com/share/p/14fk71Zxiz4/

📝 Registration Link: https://forms.gle/mEDtqTdK2wn1MtzU7

လူငယ်တွေ၊ Freelancer တွေနဲ့ လုပ်ငန်းခွင်ထဲက လူငယ်တွေအတွက် တကယ့်ကို တန်ဖိုးရှိပြီး လက်မလွတ်သင့်တဲ့ Workshop ကောင်းတစ်ခု ဖြစ်တာမို့ တက်ရောက်ကြဖို့အတွက် တိုက်တွန်းနှိုးဆော်လိုက်ရပါတယ်ခင်ဗျာ။

အတူတကွ ပိုမိုကောင်းမွန်တဲ့ အနာဂတ်အသစ် ဖန်တီးတည်ဆောက်ဖို့အတွက် သင့်ကို RiseUp မှ အမြဲကြိုဆိုနေပါတယ် 🙌💖

Stay connected with us on:

page
https://www.facebook.com/RiseUpOrgMyanmar

RiseUp Community Network (Facebook)
https://www.facebook.com/share/g/1GhM75ZVYQ/?mibextid=wwXIfr

Telegram Channel
t.me/riseuporganization

LinkedIn
linkedin.com/company/riseuporganization/

Tik Tok
https://www.tiktok.com/

Website
https://riseupmm.org

Remember! Success is near, RiseUp is here!
RiseUp Organization

-powered_Automation_Systems

09/07/2026

အခုစာဖတ်နေတဲ့သူတွေထဲမှာ Cafe ဆိုင်မှာ ကောင်မလေးနဲ့ ကော်ဖီသွားဒိတ်တာတို့ ကော်ဖီ မှာဖို့ Menu ကြည့်နေတုန်း အနောက်မှာ လူတွေအများကြီး တန်းစီ‌နေတဲ့ချိန်မှာ ဘာက ကိုယ်ကြိုက်တဲ့ ကော်ဖီမှန်းမသိလို့ မေးရတာက တော်တော်ဂွကြမယ်လို့ ထင်ပါတယ်🫠

ဒီလို ဖြစ်နေတဲ့အချိန် ဝန်ထမ်းကို လှမ်းမေးရမှာလည်း အားနာ၊ အနောက်ကလူတွေရဲ့ အကြည့်တွေအောက်မှာ 'ရတာပဲတစ်ခု ပေးပါ' ဆိုပြီး မျက်စိမှိတ်မှာခဲ့ရတဲ့ ဒုက္ခကနေ လွတ်မြောက်ဖို့အတွက် ကိုယ့်အကြိုက်နဲ့ အကိုက်ဆုံးဖြစ်မဲ့ Coffee ကို ယုံကြည်မှုရှိရှိ မှာသောက်နိုင်မယ့် Guide လေးကို သိမ်းထားလိုက်တော့နော် ✨

Follow to get more information about food👀❗️

Facebook Link
https://www.facebook.com/share/1GGyhC7g59/?mibextid=qi2Omg

Telegram channel
https://t.me/theyouth_horizon

07/07/2026

🚀 Laika: အာကာသရဲ့ခွေးလေးတကောင်

အာကာသထဲကို ပထမဆုံးရောက်သွားတဲ့ သက်ရှိသတ္တဝါလေးအကြောင်း ကြားဖူးကြလား။ Laika ဟာ မော်စကိုလမ်းမတွေပေါ်မှာ အေးအေးဆေးဆေး နေထိုင်ခဲ့တဲ့ လမ်းဘေးခွေးလေးဖြစ်ပေမဲ့ ဆိုဗီယက်အာကာသစီမံကိန်းအတွက် တခြားခွေးတွေနဲ့အတူ ဖမ်းဆီးခြင်း ခံခဲ့ရတာပါ။

🐕 ဘာလို့ ခွေးမလေးတွေကိုပဲ ရွေးတာလဲ။

သုတေသနဖိုင်တွေအရ သူတို့က ခွေးမလေးတွေကိုပဲ သီးသန့်ရွေးခဲ့တာပါ ။ အကြောင်းအရင်းကတော့ ခွေးမလေးတွေက ကျဉ်းကျဉ်းကျပ်ကျပ် နေရာလေးတွေမှာနေဖို့ ခန္ဓာကိုယ်ဖွဲ့စည်းပုံအရ ပိုကိုက်ညီသလို၊ ပိုပြီးလည်း လိမ္မာယဉ်ကျေးလို့ပါတဲ့ ။ Laika ဟာ အလေးချိန် ၁၃ ပေါင် (၆ ကီလိုဂရမ်) သာရှိပြီး စိတ်နေစိတ်ထား တည်ငြိမ်တဲ့ ခွေးလေးတစ်ကောင် ဖြစ်လို့ရွေးချယ်ခံခဲ့ရတာပါ Explorers တို့။

🏋️ အာကာသခရီးစဉ်အတွက် ပြင်းထန်တဲ့ လေ့ကျင့်ခန်းများ

Laika ကို အလကားနေရင်း လွှတ်လိုက်တာ မဟုတ်ပါဘူး။ သူ(မ)ခမျာ တော်တော်လေး ဒုက္ခခံပြီး လေ့ကျင့်ခဲ့ရပါတယ်နော်။

ကျဉ်းမြောင်းတဲ့နေရာ: သူ(မ)ကို သေးငယ်သထက် သေးငယ်တဲ့ အခန်းကျဉ်းလေးတွေထဲမှာ နေတတ်အောင် လေ့ကျင့်ပေးခဲ့တယ်။

Centrifuge စက်: ခန္ဓာကိုယ်ကို အရှိန်ပြင်းပြင်းနဲ့ လည်ပတ်စေတဲ့ စက်ထဲမှာ ထည့်ပြီး အကြိမ်ကြိမ် လေ့ကျင့်ခဲ့ရတယ်။

အစားအစာ: အာကာသထဲမှာ စားဖို့အတွက် ဂျယ်လီလို ပုံစံမျိုးလုပ်ထားတဲ့ အစားအစာတွေကိုပဲ စားတတ်အောင် သင်ယူခဲ့ရတယ်။

🛰️ Sputnik 2

တကယ်တော့ Sputnik 2 မစ်ရှင်ဟာ နိုင်ငံ့ခေါင်းဆောင် Nikita Khrushchev ရဲ့ တောင်းဆိုမှုကြောင့် အရမ်းကို ကမန်းကတန်း လုပ်ခဲ့ရတာပါ ။ ၁၉၅၇ နိုဝင်ဘာ ၇ ရက်နေ့မှာ ကျရောက်မဲ့ ဘော်လ်ရှီဗစ် တော်လှန်ရေး အနှစ် ၄၀ ပြည့်ပွဲနဲ့ အမီဖြစ်အောင် အချိန်ကို လုပြီးလုပ်ခဲ့ရတာဖြစ်လို့ အာကာသယာဉ်ကို သေသေချာချာ အကြမ်း Blueprint ဆွဲဖို့တောင် အချိန်မရခဲ့ပါဘူး။

အဆိုးဆုံးကတော့ ဒီယာဉ်ဟာ ကမ္ဘာမြေကို ပြန်ဆင်းဖို့အတွက် လုံးဝ ဒီဇိုင်းထုတ်မထားတာပါပဲ။ ဆိုလိုတာက Laika ဟာ ပြန်လမ်းမရှိတဲ့ ခရီးကို ထွက်သွားရမယ်ဆိုတာ သိပ္ပံပညာရှင်တွေ ကြိုသိနေကြတာပါ။

💔 Laika ရဲ့ နောက်ဆုံးအချိန်

ဆိုဗီယက်အစိုးရက Laika လေးဟာ ယာဉ်ပေါ်မှာ ၆ ရက်၊ ၇ ရက်လောက် အသက်ရှင်ခဲ့ပြီး အောက်ဆီဂျင်မကုန်ခင် အဆိပ်ခတ်ထားတဲ့ အစာနဲ့ အေးအေးချမ်းချမ်း သေဆုံးသွားတာပါလို့ ဆယ်စုနှစ်များစွာ လိမ်ညာခဲ့ပါတယ်။

ဒါပေမဲ့ ၂၀၀၂ ခုနှစ်မှာ သိပ္ပံပညာရှင် Dimitri Malashenkov က အမှန်တရားကို ဖွင့်ဟဝန်ခံခဲ့ပါတယ် Explorers တို့ရေ။

နှလုံးခုန်နှုန်း: လွှတ်တင်တဲ့အချိန်မှာ Laika ရဲ့ နှလုံးခုန်နှုန်းဟာ ပုံမှန်ထက် ၃ ဆလောက် မြန်လာခဲ့တယ်။

အပူချိန်: ယာဉ်ရဲ့ အင်ဂျင်ပိုင်းဆိုင်ရာ ချို့ယွင်းမှုကြောင့် အခန်းတွင်း အပူချိန်တွေ ရုတ်တရက် တက်လာခဲ့တယ်။

သေဆုံးခြင်း: Laika ဟာ ယာဉ်လွှတ်တင်ပြီး ၅ နာရီကနေ ၇ နာရီ အတွင်းမှာတင် အပူလွန်ကဲတာနဲ့ ထိတ်လန့်တုန်လှုပ်မှုတွေကြောင့် သေဆုံးသွားခဲ့ရတာပါ။

🕯️ နောင်တနဲ့ သင်ခန်းစာ

ဒီစီမံကိန်းမှာ ပါဝင်ခဲ့တဲ့ သိပ္ပံပညာရှင်ကြီး Oleg Gazenko က နောက်ပိုင်းမှာ "ဒီခွေးလေးကို သေစေခဲ့ရတာဟာ ငါတို့အားလုံးအတွက် ဆင်းရဲဒုက္ခပါပဲ။ သူ(မ) သေရကျိုးနပ်လောက်တဲ့ အချက်အလက်တွေကို ငါတို့ မရရှိခဲ့ပါဘူး" လို့ ရင်ဖွင့်ခဲ့ပါတယ်။

အနောက်နိုင်ငံသတင်းတွေမှာ သူ(မ)ကို "Muttnik" လို့ ခေါ်ခဲ့ကြပြီးတော့ အဖွဲ့အစည်းတွေကလည်း ဒီခရီးစဉ်ဟာ ရက်စက်လွန်းတယ်ဆိုပြီး ကန့်ကွက်ခဲ့ကြတာပါ။ ဒါကြောင့်ပဲ နောက်ပိုင်း လွှတ်တင်တဲ့ ခွေးလေးတွေ (Belka နဲ့ Strelka) မှာတော့ အသက်ဘေးကနေ လွတ်မြောက်နိုင်တဲ့ စနစ်တွေကို ထည့်သွင်းပေးခဲ့ရပါတယ်။

ဒီနေ့ခေတ်မှာတော့ Laika ကို မော်စကိုမှာ ရုပ်တုလေးလုပ်ပြီး ဂုဏ်ပြုထားကြသလို သီချင်းတွေ၊ စာအုပ်တွေထဲမှာလည်း သူ(မ)ကို ကမ္ဘာ့သူရဲကောင်းလေးအဖြစ် အမြဲအမှတ်ရနေကြမှာပါ Explorers တို့ရေ။

အခုဆိုရင် Laika လေးအကြောင်းကို Explorers တို့စုံစုံလင်လင်သိသွားကြပြီလို့ ထင်ပါတယ်နော်။ နောင်လည်းဒီလို စိတ်ဝင်စားဖွယ်ရာ Content တွေလာဦးမှာမို့ ဆက်ဆက်စောင့်မျှော်ပေးကြပါဦးလို့။

တာ့တာနော် ~~~ ✨✨✨

02/07/2026

Media Partnership Announcement

ကဲ... The Youth Horizon ရဲ့ Youth လေးတွေ မေလတုန်းက စိတ်ဝင်စားခဲ့ရတဲ့ SLC Advocates ရဲ့ “သစ်ရိပ်ဝါးရိပ်စကားဝိုင်း” ကြီးက အခုဇူလိုင်လမှာ ပိုပြီးဆန်းသစ်တဲ့ပုံစံတစ်ခုနဲ့ ပြန်လာပါပြီနော်။

ဘာတွေ ထူးခြားသွားလဲဆိုတော့... 👀
🤝 ဒီဇူလိုင်လမှာ SLC Advocates နဲ့ Mindful Burma တို ပူးပေါင်းပြီး အရင် Volume ထက် ပိုမိုကောင်းမွန်၊ ပိုပြီးလည်း အနှစ်သာရရှိမယ့် Collaboration Project ကြီးကို ယူဆောင်လာပါပြီ။

💁✅ အဓိကကတော့ အခုတလောအရမ်းကို လူပြောများနေတဲ့ မြိုကြီးတွေအောက်က မြေပြိုတဲ့အသံတွေလို့ ဆိုလိုရတဲ့ Sinking Land (မြေပြင်နိမ့်ဆင်းမှု)တွေအကြောင်းကို Mindful Burma ဘက်ကနေ သေချာလေးအသေးစိတ်ဆွေးနွေးဖို့ ပါဝင်အားဖြည့်ပေးသွားမှာပဲ ဖြစ်ပါတယ်ရှင်။

Mindful Burma ဘက်ကနေဆိုရင်တော့

✅ Sinking Land ဆိုတာ ဘာလဲ။
✅ မြေအောက်ရေ အလွန်အကျွံထုတ်ယူခြင်းက မြေပြင်နိမ့်ဆင်းမှုနဲ့ ဘယ်လိုဆက်စပ်နေလဲ။
✅ မြန်မာနိုင်ငံမှာ ဘယ်ဒေသတွေက အန္တရာယ်ရှိနိုင်သလဲ။
✅ ကမ္ဘာတစ်ဝှမ်းမှာ ဘယ်လိုဖြေရှင်းဖို ကြိုးစားနေကြသလဲ... စတဲ့ အကြောင်းအရာတွေကို လေးပတ်တာကာလမှာ လွတ်လွတ်လပ်လပ် ဆွေးနွေးသွားနိုင်ဖို့ အကူအညီပေးသွားမှာ ဖြစ်ပါတယ်။

ဒီစကား၀ိုင်းကို ဇူလိုင်လကနေ သြဂုတ်လအစအထိ စနေနေ့တိုင်း ကျင်းပသွားမှာဖြစ်ပြီး အပတ်စဉ် မတူညီတဲ့ ခေါင်းစဉ်ခွဲတွေနဲ့ ဆွေးနွေးသွားမှာပါ။

ဒီတစ်ခေါက် Vol.2 မှာ ပိုထူးခြားသွားတာက...

🎯 အရင်လို တစ်ခါ Register လုပ်ပြီးတာနဲ့ အပြီးတက်ရတာမျိုး မဟုတ်တော့ဘူးနော်။

တစ်ပတ်နဲ့ တစ်ပတ် မတူညီတဲ့ Agenda တွေနဲ့ လာမှာဆိုတော့ ကိုယ်စိတ်ဝင်စားတဲ့ အပတ်ကိုပဲ ကိုယ်တိုင်ရွေးချယ်ပြီး တက်ရောက်လို့ရမှာ ဖြစ်ပါတယ်။ ဒါကြောင့်လည်း တစ်ပတ်ချင်းစီအလိုက် (တစ်ပတ်တစ်ခါ) စိတ်ကြိုက် Register လုပ်ခွင့် ပေးသွားမှာပါရှင်။

For 1st week - Register Here!
https://forms.gle/9NjH9mXVuvrM35tY7

အချိန်နဲ့ ရက်လေးတွေရဲ့ အသေးစိတ်ကိုလည်း အောက်မှာ ပြောပြပေးထားပါတယ်ရှင်။

Date - Every Saturday (July 11th, 18th, 25th, August 1st)
Time - 7:30-9:00 PM
Platform - ZOOM

📍SLC ရဲ့ page မှာလည်း တစ်ပတ်ချင်းစီအလိုက် Registeration Form ဖွင့်ပေးနေမှာမို့ အစီအစဉ်အသေးစိတ်ကို သွားရောက်ကြည့်ရှုနိုင်ပါတယ်ရှင့်။ စိတ်ဝင်စားတယ်ဆို Register လုပ်ပြီး စောင့်မျှော်နေဖို့ တိုက်တွန်းပါရစေရှင်။

30/06/2026

🌧️ ကျွန်တော်တို့ မိုးရွာပြီးတဲ့နောက် ပေါ်လာတဲ့ သက်တံ့ကြီးကို လူတိုင်းမြင်ဖူးကြမှာပေါ့ 🌈

ဒီသက်တံ့တွေက ကျွန်တော်တို့ မြင်ရတဲ့ ကောင်းကင်ထက်မှာ လှပစွာဖြစ်ပေါ်လာတဲ့ သဘာဝအလင်းဆိုင်ရာ ဖြစ်စဉ်တစ်ခု ဖြစ်ပါတယ်။ ဒီဖြစ်စဉ်က ရိုးရှင်းပေမဲ့လည်း တကယ်တော့ စိတ်ဝင်စားစရာကောင်းတဲ့ Physics နဲ့သက်ဆိုင်တဲ့ သိပ္ပံနည်းလမ်း ၃ ခုပေါ်မှာ အခြေခံပြီး ဖြစ်ပေါ်လာတာပါ။

☀️ သိပ္ပံနည်းအရ အဆင့်ဆင့်‌ဖြစ်ပေါ်လာပုံ

၁။ အလင်းယိုင်ခြင်း (Refraction) 💧

နေရောင်ခြည်ကလာတဲ့ အလင်းရောင်က လေထဲက မိုးရေစက်လေးထဲကို ဝင်သွားတဲ့အခါမှာ ရေက လေထက် သိပ်သည်းဆများလို့ အလင်းရဲ့ အရှိန်လျော့သွားတာပါ။ ဒါကိုအလင်းယိုင်ခြင်းလို့ ခေါ်ပါတယ်။ ဒီအခါမှာတော့ အလင်းထဲမှာ ပါဝင်တဲ့ အရောင်တစ်ခုစီက မတူညီတဲ့ ထောင့်အသီးသီးနဲ့ ထွက်သွားပါတယ်။

၂။ အလင်းပြန်ခြင်း 🔁

မိုးရေစက်ထဲ ရောက်သွားတဲ့ အ‌လင်းတန်းက ရေစက်ရဲ့ အနောက်ဘက်ကိုရိုက်မိသွားပြီး အပြင်ကို ပြန်မထွက်ဘဲ အတွင်းပိုင်းမှာ မှန်တစ်ချပ်လိုဖြစ်ပြီး အပြင်ဘက်ကို အရောင်ပြန် ပြန်ထွက်သွားပါတော့တယ်။

၃။ ဒုတိယအကြိမ် အလင်းယိုင်ပြီး အရောင်ကွဲထွက်သွားခြင်း 🎨

မိုးရေစက်ထဲက ထွက်မဲ့ အလင်းတန်းက ရေစက်ရဲ့ အလင်းဝင်လာတဲ့ဘက်နေ လေထုထဲကို ပြန်ထွက်တဲ့အခါ နောက်တစ်ကြိမ် အလင်းယိုင်ပြီး လမ်းကြောင်းထက် ကွေးလာပါတယ်။ ဒီအချိန်မှာတော့ Sir Isaac Newton ရဲ့ Dispersion of Light သဘောတရားအရ အရောင်တွေ ကွဲထွက်သွားပြီး သက်တံ့ကြီး ဖြစ်ပေါ်လာပါတော့တယ်။

သက်တံ့မှာ အရောင် ဘယ်နှခုပါလဲ နဲ့ ဘာအရောင်တွေလဲရော သိကြလား 🤔

သက်တံ့မှာ အနီရောင်၊ လိ‌မ္မော်ရောင်၊ အဝါရောင်၊ အစိမ်း‌ရောင်၊ အပြာရောင်၊ နက်ပြာနဲ့ ခရမ်းရောင်တို့ ပါပါတယ်နော်။ အလွယ်မှတ်ချင်ရင်တော့ အင်္ဂလိပ်လို ROYGBIV လို့မှတ်လို့ရတယ်နော်။

💡နောက်ထပ် စိတ်ဝင်စားစရာကောင်းတဲ့ အချက်‌အလက်တချို့

၁။ Prism ရဲ့သဘောတရားအရ မိုးရေစက်လေးတွေက သန်းပေါင်းများစွာ ပါဝင်လို့ Glass prism လိုဖြစ်လာပြီး အလင်းကို ခွဲထုတ်ပေးတာပါ။

၂။ သက်တံ့တွေက တကယ်တော့ စက်ဝိုင်းပုံစံ ဖြစ်ပါတယ်။ ကျွန်တော်တို့က မြေပြင်ပေါ်က‌နေ ကြည့်နေတဲ့အတွက် မိုးကုတ်စက်ဝိုင်းကြီးက ကာနေတာကြောင့် အကွေးပုံစံပဲ မြင်ရတာပါ။

၃။ တစ်ခါတစ်လေကျရင် မိုးရေထဲ အလင်း နှစ်ခါပြန်ပြီး သက်တံ့၂ခု တစ်ပြိုင်တည်း ဖြစ်နေတဲ့ အခါမှာတော့ ဒုတိယသက်တံ့က ပထမဟာရဲ့ ပြောင်းပြန်ပေါ်နေပါတယ်။ ဒီမှာဆိုရင် အပြင်ဘက်ဆုံးမှာ ခရမ်းရောင်က အရင်ပေါ်နေမှာပါ။

ဆိုတော့... အခုဆိုရင် အရောင်စုံလှတဲ့ သက်တံ့ကြီး အကြောင်းသိရှိသွားပြီလို့ ထင်ပါတယ်နော်။

ဒီလိုဗဟုသုတရစရာတွေ ဆက်လက်တင်ဆက်သွားဦးမှာမို့ နောက်လည်း ဆက်ဖတ်ချင်တယ်ဆိုရင်တော့ Like and Follow လုပ်သွားပါဦးနော်။

page:
https://www.facebook.com/share/1GGyhC7g59/?mibextid=qi2Omg

Telegram Channe:
https://t.me/theyouth_horizon

27/06/2026

ကဲ... ကဲ... မိုးရွာတာလေးကိုကြည့်ပြီး ကော်ဖီလေးတစ်ခွက်နဲ့ အဆွေးသီချင်းလေးဖွင့်၊ ပြတင်းပေါက်လေးကို မေးထောက်ရင်း မိုးရာသီအလှကို ခံစားဖို့ စိတ်ကူးနေကြလား။ ခဏလောက်ရပ်ပြီး မိုးရာသီနဲ့ ပတ်သက်တဲ့ Landslide အ‌ကြောင်း ဖတ်ကြည့်သွားဦးနော်။ သတိ‌ပေးအချက်ပြလက္ခဏာတွေကိုပါ ပြောပြပေးမှာမို့ နှစ်မိနစ်လောက်နဲ့ အများကြီးသိရမှာ ကျိန်း‌သေပါပဲဗျို့။😉

Landslide လို့ခေါ်တဲ့ ‌မြေပြိုခြင်းက မိုးရာသီရောက်တိုင်း သတိထားသင့်တဲ့ သဘာဝဘေးအန္တရာယ်တစ်ခုပါပဲ Youth တို့ရေ။ မြေပြိုခြင်းကြောင့် ချုပ်ငြိမ်းသွားတဲ့ အသက်ခန္ဓာတွေကလည်း ကမ္ဘာတစ်ဝှမ်းမှာ ကိန်းဂဏန်းတစ်ခုအထိရှိပါတယ်။

ဒါဆို မြေပြိုတာက မိုးတွင်းမှာမှဖြစ်တာလား ဆိုတော့လည်း မဟုတ်ပြန်ပါဘူး။ မြေပြိုတာက ငလျင်လှုပ်ခြင်းနဲ့ မီးတောင်ပေါက်ကွဲခြင်း အစရှိတာတွေကြောင့်ဖြစ်နိုင်သလို လူလုပ်ဖန်တီးမှု (ဥပမာ - တောင်စောင်းနေရာ‌တွေမှာ အဆောက်အဦးအလွန်အကျွံဆောက်ခြင်း၊ သစ်တောပြုန်းတီးခြင်း) တွေကြောင့်လည်း ဖြစ်နိုင်ပါတယ်။ ဒါပေမဲ့ မိုးရာသီမှာတော့ ထိန်းသိမ်းခံထားရခြင်းမရှိတဲ့ တောင်စောင်းတွေက ပြိုကျပျက်စီးဖို့ ရာခိုင်နှုန်းအများဆုံးပါပဲ။ 🛘😵‍💫

ဘာလို့ မိုးတွင်းမှာမှ အဖြစ်များရတာလဲဆိုရင် တောင်စောင်းမှာရှိတဲ့ မြေကြီးတွေက များသောအားဖြင့် သာမန်မြေပြန့်ဒေသက မြေကြီးတွေထက် ရာသီဥတုဒဏ်ကို ပိုခံကြရပါတယ်။ အထူးသဖြင့် သစ်ပင်စိုက်ပျိုးမှုနှုန်း အားနည်းတဲ့ နိုင်ငံတွေက တောင်စောင်းမြေတွေက အက်ကွဲလွယ်၊ ပွယောင်းလွယ် ရာသီဥတုအလိုက် မြေသားက ပြောင်းလဲနေတတ်ပါတယ်။ အကြောင်းအရင်းကတော့ အပေါ်ကနေ အုပ်မိုးပေးမဲ့ သစ်ပင်မရှိတာကြောင့်ပါပဲ။ ဒါကြောင့် နွေရာသီလို နေအပူရှိန်မြင့်တဲ့ ရာသီဥတုဒဏ်ကို ခံထားရတဲ့ မြေသားပေါ်ကို မိုးရွာချလိုက်တဲ့အခါ အက်ကွဲ‌ကြောင်းထဲကို ‌မိုးရေတွေက ဒလဟောစီးဝင်ပြီး မြေသားတွေအိကျရင်းကနေ မြေပြိုမှုတွေဖြစ်လာ‌တော့ပါပဲ။ 🌩️🌦️

ဒါဆို မြေပြိုမှုရဲ့ အဓိကတရားခံက သစ်ပင်တွေမရှိတာလားလို့ မေးခွန်းထုတ်စရာရှိလာပါပြီ။ အဖြေကတော့ ၅၀% လောက်မှန်ပါတယ်။ 🥳 သစ်ပင်တွေက မြေပြိုခြင်းအတွက် သက်ကယ်အင်္ကျီလိုပါပဲ။ လုံးဝ လုံခြုံစိတ်ချရတဲ့ အခြေအနေမျိုးတော့ မဟုတ်သေးပါဘူး။ သစ်ပင်တွေရှိနေခြင်းအတွက် အပေါ်မှာပြောခဲ့သလို ရာသီဥတုဒဏ်ကို တိုက်ရိုက်မခံရတာကြောင့် တစ်ကြောင်း၊ သစ်ပင်အမြစ်တွေက မြေဆီလွှာကို ကုပ်တွယ်ထားတာ‌ကြောင့် တစ်ကြောင်း ဒီလိုအကြောင်းတွေကြောင့် မြေပြိုခြင်းအန္တရာယ်ကို တစိတ်တဒေသ ကာကွယ်နိုင်ပါတယ်။ ဒါပေမဲ့လည်း ရက်ဆက်မိုးကြီးတာမျိုး၊ ငလျင်လှုပ်တာမျိုးတွေအတွက်တော့ သစ်ပင်စိုက်ပျိုးခြင်းက အကောင်းဆုံးဖြေရှင်းချက်မဟုတ်နေတော့ပါဘူး။ ဒါဆို ဘယ်လိုကာကွယ်ကြမလဲ။ 🤔

ဒီလိုအခြားသောအကြောင်းအရင်းတွေကို ကာကွယ်နိုင်ဖို့အတွက် နိုင်ငံတကာက အဆင့်မြင့်နည်းပညာတွေနဲ့ စောင့်ကြည့်ထိန်သိမ်းလေ့ရှိပါတယ်။ Hazard Mapping လို့ခေါ်တဲ့ မြေပြိုနိုင်ချေအများဆုံးရှိတဲ့နေရာတွေကို မြေပုံပေါ် အနီရောင်အဆင့်သတ်မှတ်ပြီး အိမ်ရာ‌
ဆောက်လုပ်ခွင့်တားမြစ်ခြင်းနဲ့ Soil Nailing လို့သိကြတဲ့ မြေသားထုထဲကို သံချောင်းအရှည်‌တွေစိုက်ပြီး ကွန်ကရစ်တစ်လွှာပြန်အုပ်ခြင်း အစရှိတာတွေအပြင် အခုဆို ဂြိုဟ်တုတွေလွှတ်တင်ပြီး မြေပြင်အခြေအနေကို အသေးစိတ်စောင့်ကြည့်ခြင်းများကိုပါ လုပ်လာကြပြီဖြစ်ပါတယ်။ အခြားသောနည်းလမ်းမျိုးစုံနဲ့လည်း ကမ္ဘာ့အရပ်ရပ်မှာ မြေပြိုခြင်းကို ကာကွယ်နေကြပေမဲ့ သဘာဝအန္တရာယ်ဆိုတာကတော့ ရှိစမြဲပါပဲ။ 🛘🪾

ဒါကြောင့် ကိုယ့်အိမ်ပတ်ဝန်းကျင်က တောင်စောင်းလိုနေရာမျိုးမှာရှိတာ ဒါမှမဟုတ် ကိုယ်နဲ့အနီးပတ်ဝန်းကျင်မှာ တောင်စောင်းတွေရှိနေတာမျိုးဆိုရင်တော့ -
1️⃣ မြေပြင်မှာ အက်ကွဲကြောင်းအသစ်တွေ ရှိ၊မရှိ။
2️⃣ သစ်ပင်၊ အဆောက်အဦးတိုက်တာတွေ တစ်ဖက်ဖက်ကို သိသိသာသာတိမ်းစောင်းခြင်း ဖြစ်၊မဖြစ်။
3️⃣ မိုးရွာချိန်မှာ တောင်စောင်းကနေဖြတ်စီးလာတဲ့ ရေတွေက အရောင်ရောလာခြင်း ရှိ၊မရှိ။
အစရှိတဲ့ အချက်လေးတွေကို သတိထားကြည့်ပြီးလည်း မြေပြိုခြင်းအန္တရာယ်ကို တစ်ဖက်တစ်လမ်းကနေ ကြိုတင်ခန့်မှန်းနိုင်ပါတယ်။ 🤓💬

ဒီလောက်ဆိုရင်တော့ Landslide နဲ့ပတ်သက်ပြီး တော်တော်များများ သိသွားပြီလို့ ထင်ပါတယ်။

သဘာဝတရားကြီးကိုလည်း ဂရုစိုက်ရင်း ကိုယ့်ကျန်းမာရေးကိုလည်း ဂရုစိုက်ဖို့မမေ့ကြပါဦး Youth တို့ရေ။ နောက်ထပ် အသစ်သစ်သော content တွေမှာ ပြန်တွေ့ကြပါမယ်နော်။

Follow for more ! 😉🤞🏻

page - https://www.facebook.com/share/1GGyhC7g59/?mibextid=qi2Omg

Telegram Channel - https://t.me/theyouth_horizon

23/06/2026

How to Capture the Milky Way with Our Phone?

Hello everyone!
Explorer တို့အားလုံး မင်္ဂလာပါဗျ။ ဒီနေ့မှာတော့ ကျွန်တော်တို့ The Youth Horizon ကနေ Smartphone တစ်လုံးရှိရုံနဲ့ Milky Way ကို ဘယ်လို အမိအရ ရိုက်ကူးမလဲဆိုတာကို ပြောပြပေးသွားချင်ပါတယ်။

လူအများစုက နဂါးငွေ့တန်းကို ဓာတ်ပုံရိုက်ယူဖို့ဆိုရင် DSLR ကင်မရာကြီးတွေ လိုအပ်တယ်လို့ ထင်တတ်ကြပါတယ်။ ဒါပေမဲ့ နည်းလမ်းမှန်ကိုသာသိရင် လက်ထဲက ဖုန်းနဲ့တင် သဘာဝရဲ့ အလှဆုံး အလင်းတန်းတွေကို ဖမ်းယူနိုင်မှာ ဖြစ်ပါတယ်။

🌠 အကောင်းဆုံး ရာသီဥတု၊ အချိန်နဲ့ အခြေအနေ

နဂါးငွေ့တန်းကို ညတိုင်း မမြင်နိုင်ပါဘူး။ အကောင်းဆုံး ရိုက်ကူးနိုင်ဖို့ ဒီအချက်တွေကို သတိပြုပေးရပါမယ်နော်။

တောင်ကမ္ဘာခြမ်းဘက်မှာဆိုရင်တော့ မတ်ချ်လမှ စက်တင်ဘာလအတွင်း၊ မြောက်ကမ္ဘာခြမ်းမှာဆိုရင်တော့ ဖေဖော်ဝါရီလမှ အောက်တိုဘာလအတွင်းအချိန်က နဂါးငွေ့တန်းကို မြင်ရဖို့ အကောင်းဆုံးအချိန်ပဲ ဖြစ်ပါတယ်။ မြောက်ကမ္ဘာခြမ်းနဲ့စာရင် တောင်ကမ္ဘာခြမ်းဘက်မှာ ပိုပြီးတော့ တောက်ပစွာ တွေ့ရတတ်ပါတယ်တဲ့။

ပြီးတော့ မြန်မာနိုင်ငံက မြောက်ကမ္ဘာခြမ်းဘက်မှာ ရှိတာမလို့ ဖေဖော်ဝါရီလမှ အောက်တိုဘာလအတွင်းက နဂါးငွေ့တန်းကို မြင်တွေ့ရဖို့ အကောင်းဆုံးဖြစ်ပါတယ်။ ဂျူလိုင်လကနေ ဩဂုတ်လအတွင်းမှာတော့ ပိုမိုထင်ရှားစွာ မြင်တွေ့နိုင်ပါတယ်တဲ့ Explorer တို့ခင်ဗျာ။

အချိန်အားဖြင့်ဆိုရင်တော့ ည ၁၀ နာရီမှ မနက် ၃ နာရီအတွင်းမှာ နဂါးငွေ့တန်းက မိုးကုပ်စက်ဝိုင်းရဲ့အမြင့်ဆုံးနေရာအထိ ရောက်လာတတ်တာဖြစ်လို့ နဂါးငွေ့တန်းဗဟို(Core)ကို အရှင်းလင်းဆုံး မြင်ရချိန်ဖြစ်ပါတယ်။ ဒီအချိန်အတွင်းမှာ ရိုက်ကူးမယ်ဆိုရင်တော့ Milky Way ကို လှလှလေးရိုက်ကူးမိမှာ အသေအချာပါပဲနော်။

လရောင်ရဲ့ အခြေအနေကလည်း အရေးကြီးပါသေးတယ်။ လပြည့်ညတွေ ဒါမှမဟုတ် လရောင် တအားတောက်ပလွန်းနေတဲ့ညမျိုးတွေမှာဆိုရင် လရောင်က ကြယ်ရဲ့အလင်းရောင်တွေကို ဝါးသွားစေနိုင်လို့ လကွယ်ည ဒါမှမဟုတ် လအလင်းရောင် ၅၀ ရာခိုင်နှုန်းအောက်သာရှိတဲ့ ညတွေမှာသာ ရိုက်ကူးပါနော်။

ဪ မေ့တော့မလို့၊ ကောင်းကင်မှာ တိမ်ရှင်းလင်းနေဖို့ကလည်း အရေးကြီးပါသေးတယ်နော်။

🌌 နေရာရွေးချယ်ခြင်း

Milky Way ကို ဓာတ်ပုံရိုက်ယူနိုင်မယ့် အကောင်းဆုံးနေရာတွေကတော့ မြို့ပြနဲ့ဝေးတဲ့နေရာတွေမျိုးတွေပါ။ မြို့ပြတွေရဲ့ Light Pollution ကြောင့်မလို့ City Light တွေနဲ့ ဝေးရာကိုသွားဖို့က အရေးကြီးဆုံးပါပဲနော်။

မြို့ပြနဲ့ အနည်းဆုံး ၃၀ ကီလိုမီတာကနေ ၅၀ ကီလိုမီတာအထိ ဝေးတဲ့နေရာတွေမှာ ညကောင်းကင်မြင်ကွင်းက ပိုရှင်းလင်းတာမလို့ ဓာတ်ပုံရိုက်ယူဖို့အကောင်းဆုံးဖြစ်နေမှာပါနော်။

ကျေးလက်ဒေသ၊ တောင်တန်း၊ ကမ်းခြေ ဒါမှမဟုတ် လယ်ကွင်းပြင်တွေလိုမျိုး မှောင်တဲ့နေရာကို ရွေးချယ်ပါ။ ဘေးပတ်ဝန်းကျင်မှာ အလင်းရောင်နည်းပါးလေလေ Milky Way ကို မြင်ရတဲ့ မြင်ကွင်းက ပိုရှင်းလင်းလေလေပါပဲနော်။

မြန်မာနိုင်ငံတွင်းမှာဆိုရင်တော့ ပုဂံ၊ အင်းလေးကန် နဲ့ ရှမ်းပြည်နယ်မြောက်ပိုင်းဒေသတွေက အကောင်းဆုံးနေရာတွေ ဖြစ်ပါတယ်။

ကမ္ဘာ့နေရာတွေအနေနဲ့ဆိုရင်တော့ Chile နိုင်ငံမြောက်ပိုင်းက Atacama သဲကန္တာရ၊ Namibia ပြည်နယ်က Namib သဲကန္တာရ၊ အမေရိကန် အနောက်တောင်ပိုင်းရှိ Utah ပြည်နယ်နှင့် Arizona ပြည်နယ်ရှိ အမျိုးသားဥယျာဉ်များ၊ နယူးဇီလန်နိုင်ငံရဲ့ ကုန်းပြင်မြင့်တွေလို နေရာမျိုးတွေက Milky Way ကို ဓာတ်ပုံရိုက်ယူဖို့ အကောင်းဆုံးနေရာတွေပဲ ဖြစ်ပါတယ်။

⚙ Adjusting Smartphone Settings

နောက်တစ်ခုကတော့ Phone Setting ပါ။ Explorer လေးတို့ အသုံးပြုမယ့်ဖုန်းမှာ Night mode ရှိနေရင် အသုံးပြုပေးပါ။

Pro mode ရှိနေရင်တော့ ISO ကို 800 ကနေ 3200 အတွင်း ထားနိုင်ပါတယ်။

Shutter Speed ကိုတော့ ၁၅ စက္ကန့်မှ စက္ကန့် ၃၀ အထိ ထားပါ။

Focus ကို Infinity ချိန်ထားပေးပါနော်။ ဘာဖြစ်လို့လဲဆိုရင် Camera က အလင်းကို စက္ကန့်များစွာစုဆောင်းနိုင်ရင် သာမာန်မျက်စိနဲ့ မမြင်နိုင်တဲ့ ကြယ်တွေအထိကိုပါ ဖမ်းယူပေးနိုင်လို့ပဲ ဖြစ်ပါတယ်။

🌌 အရေးအကြီးဆုံးအချက်ရှိပါသေးတယ်။
Long Exposure သုံးရမှာမလို့ ဖုန်းကို လုံးဝ မလှုပ်အောင် သတိထားဖို့လိုပါတယ်နော်။

Tripod သုံးတာက အကောင်းဆုံးနည်းလမ်းဖြစ်မှာပါဗျ။

အကယ်၍ Tripod မရှိရင် ကျောက်တုံး ဒါမှမဟုတ် ခိုင်မာတဲ့ မျက်နှာပြင်တစ်ခုပေါ် တင်ထားပြီး Timer ပေးပြီး ရိုက်ရင်လည်း အဆင်ပြေမှာပါနော်။

နည်းနည်းလေးလှုပ်မိသွားတာနဲ့ ပုံက ရှင်းရှင်းလင်းလင်း လှလှပပလေး ထွက်လာမှာ မဟုတ်တော့တာမလို့ အထူးဂရုပြုသင့်ပါတယ်။

🌌 Photo editing အနေနဲ့ဆိုရင်
Lightroom Mobile, Snapseed နဲ့ VSCO တို့ကို သုံးပြီး အောက်ပါအတိုင်း edit လုပ်နိုင်ပါတယ်။

Exposure, Highlights နဲ့ Shadows ကို အနည်းငယ်စီ တင်ပေးပါ။
နဂါးငွေ့တန်း ပိုပေါ်လွင်အောင် Contrast နဲ့ Clarity ကို +၁၀ မှ +၂၀ ခန့် တင်ပေးပါ။
Dehaze ကိုတော့ မလိုအပ်တဲ့ မြူနဲ့ ဝါးတားတားအလင်းရောင်တွေကို ဖယ်ရှားဖို့ အသုံးပြုပါ။

အကယ်၍ Explorer တို့ရဲ့ဖုန်းက Raw (DNG) ကို ပံ့ပိုးပေးရင် အဲတာနဲ့ရိုက်ကူးတာက တည်းဖြတ်ဖို့ အသေးစိတ်အချက်အလက်တွေ ပိုရစေပါတယ်။
နောက်ပြီး Over-editing လုပ်တာ (အလွန်အကျွံ တည်းဖြတ်တာ)ကို ရှောင်ကြဉ်မယ်ဆိုရင် Milky Way ကိုပိုပြီး သဘာဝကျစေပါတယ်။
App က ပံ့ပိုးပေးရင် Multiple exposures ကို Stacking လုပ်ပြီး စမ်းကြည့်ပါ။

ဒါဆိုရင်တော့ လှပပြီး အနုပညာဆန်တဲ့ ညကောင်းကင်နဲ့ နဂါးငွေ့တန်းကို Smartphone Camera နဲ့လည်း ဓာတ်ပုံရိုက်ယူနိုင်မှာ ဖြစ်ပါတယ်ဗျ။

❗အမြဲသတိပြုရမဲ့ အချက်ကလေးတွေတော့ရှိပါတယ်။

- မုန်တိုင်းများ၊ လေပြင်းတိုက်ခတ်မှုများ သို့မဟုတ် အပူချိန်ကျဆင်းမှုများကို သိရှိနိုင်ရန် ခန့်မှန်းချက်များကို စစ်ဆေးပြီး သင့်လျော်သောအဝတ်အစားများယူဆောင်လာသင့်ပါတယ်။

- ဘေးကင်းရေးနှင့် ဖွဲ့စည်းပုံအတွက် နေ့ခင်းဘက်တွင် တည်နေရာကို စူးစမ်းလေ့လာပါ။ မညီမညာ သို့မဟုတ် ကျောက်ဆောင်များသောမြေ၊ ကျောက်ဆောင်ကမ်းပါးများ သို့မဟုတ် မတ်စောက်သောတောင်စောင်းများ ရှိ၊ မရှိကို ဂရုပြု လေ့လာသင့်ပါတယ်။ တချို့နေရာတွေက ကန့်သတ်ထားတာ ဒါမှမဟုတ် ပုဂ္ဂလိကပိုင်ဆိုင်မှုတွေလည်း ဖြစ်နိုင်ပါတယ်။

🌌 စိတ်ဝင်စားစရာကောင်းတာက
- နဂါးငွေ့တန်းရဲ့ တောက်ပတဲ့အလင်းတန်းအစိတ်အပိုင်းကိုမြင်တဲ့အခါ ကျွန်တော်တို့က Sagittarius ကြယ်စုဘက်မှာရှိတဲ့ Galaxy ရဲ့ အလယ်ဗဟိုဘက်ကို ကြည့်နေကြတာဖြစ်ပါတယ်။ အဲဒီအလယ်ဗဟိုမှာ Sagittarius A လို့ခေါ်တဲ့ အလွန်ကြီးမားတဲ့ Black hole တစ်ခုရှိနေပါတယ်။ ဒါကြောင့် နဂါးငွေ့တန်း (Milky Way Core) ကို ဓာတ်ပုံရိုက်ယူတဲ့အခါမှာ Black Hole ပါဝင်နေတဲ့ဘက်ကိုပါ ရိုက်ကူးမိမှာဖြစ်ပါတယ်။

- နဂါးငွေ့တန်း (Milky Way)အတွင်းမှာရှိတဲ့ ကြယ်စုတွေဆီကအလင်းရောင်က ကမ္ဘာမြေဆီရောက်ဖို့ နှစ်ပေါင်း ထောင်ချီ ခရီးနှင်ခဲ့ရတာပါ။ ဒါကြောင့် လက်ရှိမြင်နေရတဲ့ ကြယ်စုတွေကို ရိုက်ကူးနေပေမဲ့ အတိတ်ကို ဓာတ်ပုံရိုက်ကူးနေသလိုပါပဲ။

- လူ့မျက်စိက စက္ကန့် ၂၀-၃၀ ကြာ အလင်းမဖမ်းနိုင်ပေမဲ့ ဖုန်းကင်မရာက ဖမ်းယူနိုင်လို့ မျက်စိနဲ့မမြင်ရတဲ့ အလှတရားတွေကို ပုံထဲမှာ မြင်တွေ့ရတာဖြစ်ပါတယ်။

- အမှန်တော့ Milky Way က ညကောင်းကင်ပေါ်မှာ အမြဲရှိနေပါတယ်။ မြို့ပြအလင်းရောင်တွေနဲ့ light pollution တွေကြောင့်သာ ကျွန်တော်တို့မမြင်နိုင်တာဖြစ်ပါတယ်။ ဒါကြောင့် မြို့ပြနဲ့ အနည်းငယ်ဝေးကွာတဲ့နေရာတွေဆီမှာ ပိုမိုမြင်တွေ့နိုင်တယ်လို့ထင်ရတာဖြစ်ပါတယ်။

- နောက်ဆုံးအနေနဲ့ နဂါးငွေ့တန်း (Milky way) က ရွေ့လျားနေတယ်ဆိုတဲ့အချက်ပါ။ တကယ်တမ်း ရွေ့လျားနေတာက Milky Way မဟုတ်ဘဲ ကမ္ဘာမြေကြီးဖြစ်နေတာပါ။ ဒါကြောင့် Camera ကိုသာ ငြိမ်ငြိမ်မထားဘူးဆိုရင် ကြယ်တွေက လမ်းကြောင်းဖြစ်ပေါ်နေသလိုပုံမျိုးတွေ ထွက်ပေါ်လာနိုင်ပါတယ်။

နဂါးငွေ့တန်း (Milky Way) ကို ဓာတ်ပုံရိုက်ယူတာက သိန်းသောင်းချီတဲ့ ကြယ်စင်စုတွေကို လှပစွာ မြင်တွေ့နိုင်ရုံတင်မက ကျွန်တော်တို့ ကမ္ဘာမြေကြီးဟာလည်း စကြဝဠာထဲမှာ တစ်ခုအပါအဝင်ဖြစ်နေတာကိုလည်း ပိုမိုသတိပြုလာမိစေနိုင်ပါတယ်။ ဒါကြောင့် နဂါးငွေ့တန်းပုံရိပ်တွေက လှပရုံတင်မက အဓိပ္ပါယ်များစွာပါ ပြည့်ဝနေပါသေးတယ်။

ဆိုတော့ ဒီလမ်းညွှန်ချက်တွေကိုသုံးပြီး ကောင်းကင်ယံက အလှတရားတွေကို ဖုန်းနဲ့ စမ်းသပ်ရိုက်ကူးကြည့်လိုက်ပါဦးနော်။✌️🏻✨

21/06/2026

"Happy Father's Day" to our strongest heroes 💗💪

ဖေဖေဆိုတာ ကျွန်မတို့ ငယ်စဉ်ကလေးဘဝကနေ အသက်ကြီးသည်အထိ အမြဲတမ်းမားမားမတ်မတ်ရပ်တည်ပေးတဲ့ ကျောက်ဆောင်ကြီးပါ။

သားသမီးတွေရဲ့ အားကိုးအားထားရသူတစ်ဦးဆိုရင်လည်း မမှားပါဘူးရှင့်။ "မိမိလေးစားအားကျရသော ပုဂ္ဂိုလ်တစ်ဦး" အကြောင်းကို ရေးပါ ဆိုရင် ဖေဖေ့အကြောင်းကိုပဲ ဂုဏ်ယူစွာ အမွှန်းတင် ရေးရတာဟာ ငယ်ဘဝရဲ့အမှတ်တရတစ်ခုပါပဲ။

နှစ်စဉ်နှစ်တိုင်း Father's Day ကိုတော့ ဇွန်လရဲ့ တတိယမြောက် တနင်္ဂနွေနေ့မှာ ကျင်းပလေ့ရှိကြပါတယ်။

ကျွန်မတို့အများစုဟာ မိမိရဲ့ ဖခင်ကို "ချစ်တယ်" ဆိုတာကိုပြောဖို့ တွန့်ဆုတ်တတ်ကြပါတယ်။

မိမိရဲ့ဘဝကို အကောင်းဆုံးတွေပဲ ဖြစ်စေချင်ပြီး ပံ့ပိုးဖို့ အမြဲတမ်း အဆင်သင့်ဖြစ်နေတဲ့ ဖေဖေတို့အတွက် ကိုယ့်ရဲ့ မေတ္တာတွေက ခွန်အားဖြစ်စေမှာပါရှင်။

ဒါ့ကြောင့် အဖေများနေ့ကို ဂုဏ်ပြုတဲ့အနေနဲ့ မိမိရဲ့‌အဖေကို "ချစ်တယ်" ‌ဆိုတဲ့စကားလေး မမေ့မလျော့ဘဲ ပြောဖို့အတွက် တိုက်တွန်းလိုက်ပါတယ်ရှင်။ 🤍

ကမ္ဘာပေါ်မှာ ရှိသမျှ ဖေဖေတွေအားလုံးကို လေးစားဦးညွှတ်ရင်း ကျန်းမာပျော်ရွှင်ပြီး စိတ်ချမ်းသာကြပါစေလို့ TYH Family ကနေ ဆုမွန်ကောင်းလေး တောင်း‌ပေးပါရစေရှင်။

ပျော်ရွှင်စရာ အဖေများနေ့လေး ဖြစ်ပါစေရှင့်။

🖇Facebook link:
https://www.facebook.com/share/1GGyhC7g59/?mibextid=qi2Omg

🖇 Telegram link:
https://t.me/theyouth_horizon

The Youth Horizon

10/08/2026

15/07/2026

10/07/2026

09/07/2026

07/07/2026

02/07/2026

30/06/2026

27/06/2026

23/06/2026

21/06/2026

Address

Website

Alerts

Shortcuts

Share

Category

Listing takedown request