Myanmar True News

Myanmar True News Contact information, map and directions, contact form, opening hours, services, ratings, photos, videos and announcements from Myanmar True News, Yangon.

■ အင်းစိန်မြို့နယ်တွင် သုံးနှစ်အရွယ်ကလေးငယ်ကို သားမယားအဖြစ်ပြုကျင့်သတ်ဖြတ်ခဲ့သူကို ဖမ်းဆီးရမိအင်းစိန်မြို့နယ်တွင် သုံးနှ...
30/05/2026

■ အင်းစိန်မြို့နယ်တွင် သုံးနှစ်အရွယ်ကလေးငယ်ကို သားမယားအဖြစ်ပြုကျင့်သတ်ဖြတ်ခဲ့သူကို ဖမ်းဆီးရမိ

အင်းစိန်မြို့နယ်တွင် သုံးနှစ်အရွယ်ကလေးငယ်ကို သားမယားအဖြစ်ပြုကျင့် သတ်ဖြတ်ခဲ့သူကို ဖမ်းဆီးရမိခဲ့သည်ဟု ရန်ကုန်တိုင်းဒေသကြီး ရဲတပ်ဖွဲ့ထံမှ သိရသည်။

မေ ၂၈ ရက် ညနေ ၆ နာရီခွဲတွင် အင်းစိန်မြို့နယ် ကြို့ကုန်း အနောက်ရပ်ကွက်ရှိ ဆောက်လုပ်ရေးလုပ်ငန်းခွင်တစ်ခုတွင် မိခင်ဖြစ်သူဒေါ်————သည် ဆောက်လက်စ အဆောက်အဦး၏ဘေးရှိ လူနေတဲများအတွင်းမှလုပ်ငန်းခွင်အတွင်းရှိ ရေကန်သို့ ရေသွားချိုးခဲ့ကြောင်း၊ ယင်းသို့ရေသွားချိုးနေစဥ် နောက်မှ လိုက်သွားသည့် သုံးနှစ်အရွယ်မိန်းကလေးငယ်အား အရက်သေစာသောက်စားထားသော ဆောက်လုပ်ရေးလုပ်ငန်းခွင်တွင် အတူလုပ်ကိုင်သည့် ဆေးသုတ်လုပ်သား ဇော်ဇော်အောင်(ခ)ပြောင်ကြီး၊ (၃၉)နှစ်မှ ၎င်း၏တဲအတွင်းသို့ ဆွဲခေါ်ကာ သားမယားအဖြစ် ပြုကျင့်ခဲ့ရာ မိန်းကလေးမှာသေဆုံးသွားခဲ့ကြောင်း သိရသည်။

ယင်းနောက် ဇော်ဇော်အောင်(ခ) ပြောင်ကြီးက မိန်းကလေးငယ်၏ အလောင်းအားတဲအနီး၌ အထပ်သားများ၊ ဘိလပ်မြေအိတ်ခွံများဖြင့်ဖုံးအုပ်ထားရှိခဲ့ပြီး တိမ်းရှောင်ထွက်ပြေးသွားခဲ့၍ အင်းစိန်မြို့မရဲစခန်း(ပ)၅၀၅/၂၀၂၆၊ ရာဇသတ်ကြီးပုဒ်မ-၃၀၂/၃၇၆ အရ အမှုဖွင့် အရေးယူခဲ့ကြောင်း သိရသည်။

ထွက်ပြေးသွားသည့် ဇော်ဇော်အောင်အား ရန်ကုန်တိုင်းဒေသကြီး ရဲတပ်ဖွဲ့မှ ရဲတပ်ဖွဲ့များက လိုက်လံရှာဖွေဖမ်းဆီးခဲ့ရာ မေ ၂၉ ရက် မွန်းလွဲ ၃ နာရီခွဲခန့်တွင် အောင်မင်္ဂလာအဝေးပြေးကားဝင်းရှိ မန္တလေးလမ်းပေါ်တွင် ဖမ်းဆီးရမိခဲ့ကြောင်း ရန်ကုန်တိုင်း ဒေသကြီး ရဲတပ်ဖွဲ့ထံမှ သိရသည်။
Eleven

အမေရိကန်နိုင်ငံရေးနှင့် ဟောလိဝုဒ်ကို ဂျူးများ ကြိုးကိုင်နေုကြောင်း တိုက်ရိုက်ထုတ်လွှင့်မှုတွင် ပြောကြားခဲ့သည့် ကနေဒါသတင်...
23/05/2026

အမေရိကန်နိုင်ငံရေးနှင့် ဟောလိဝုဒ်ကို ဂျူးများ ကြိုးကိုင်နေုကြောင်း တိုက်ရိုက်ထုတ်လွှင့်မှုတွင် ပြောကြားခဲ့သည့် ကနေဒါသတင်းထောက် ရာထူးမှ အရေးပေါ် ပုဒ်ဖြတ်ခံရ
ကနေဒါနိုင်ငံက သတင်းထောက်အမျိုးသမီးတစ်ဦးဟာ ရုပ်သံလိုင်းရဲ့ ရိုက်ကူးထုတ်လွှင့်နေတဲ့ တိုက်ရိုက်အစီအစဉ် (Live TV) အတွင်းမှာ... "အမေရိကန်ပြည်ထောင်စုရဲ့ အစိုးရနိုင်ငံရေးယန္တရားနဲ့ ဟောလိဝုဒ် (Hollywood) ရုပ်ရှင်အင်ပါယာကြီးတစ်ခုလုံးဟာ ဂျူးတွေရဲ့ ဩဇာအာဏာ ကြိုးကိုင်မှုအောက်မှာပဲ လည်ပတ်နေတာ ဖြစ်တယ်" လို့ ဗြောင်ကျကျ ထုတ်ဖော်ပြောဆိုခဲ့ပြီးနောက်... အဆိုပါ ဂျူးဆန့်ကျင်ရေး အယူအဆအသုံးအနှုန်း (Antisemitic remarks) များကြောင့် လက်ရှိမှာ တာဝန်ကနေ ချက်ချင်း အရေးပေါ် ဆိုင်းငံ့ခြင်း ခံလိုက်ရကြောင်း သိရပါတယ်။
သူမရဲ့ အဆိုပါ ပြောကြားချက်ဟာ ပြင်းထန်လှတဲ့ လူထုတုံ့ပြန်ကန့်ကွက်မှုတွေ ကို ချက်ချင်း ပေါ်ပေါက်စေခဲ့ပြီး၊ ဝေဖန်သူများကတော့ ဒါဟာ သာမန်ဝေဖန်ချက်မဟုတ်ဘဲ ကာလရှည်ကြာ အမြစ်တွယ်နေခဲ့တဲ့ ဂျူးဆန့်ကျင်ရေး ပုံသေကားချပ် သီအိုရီဟောင်းတွေကို အခြေခံထားတဲ့ အလွန်ရိုင်းစိုင်းပြီး အန္တရာယ်ကြီးမားတဲ့ အမုန်းစကားဖြစ်တယ်လို့ ရှုတ်ချခဲ့ကြပါတယ်။ ပြဿနာကြီးထွားလာပြီးနောက်မှာတော့ အဆိုပါ ရုပ်သံဌာနကြီးဘက်ကလည်း ၎င်းတို့အနေနဲ့ ဒီလိုမျိုး အမုန်းစကားဝေဖန်ချက်တွေကို လုံးဝ (လုံးဝ) လက်ခံထောက်ခံခြင်း မရှိကြောင်း ချက်ချင်း သဘောထားချင်း ခွဲခြားပြခဲ့တဲ့အပြင်၊ အဆိုပါ သတင်းထောက်ကိုလည်း ထိရောက်တဲ့ စည်းကမ်းပိုင်းဆိုင်ရာ အရေးယူမှုများ တရစပ် ပြုလုပ်ခဲ့ရပါတယ်။
ဒီအရှုပ်တော်ပုံ ဖြစ်ရပ်ဟာဆိုရင် ကမ္ဘာ့အဆင့် ဩဇာညောင်းတဲ့ မီဒီယာပလက်ဖောင်းကြီးတွေပေါ်မှာ... အထူးသဖြင့် ပြည်သူလူထုက ယုံကြည်ကိုးစားထားရတဲ့ သတင်းမီဒီယာသမားတွေရဲ့ ကဏ္ဍကနေတဆင့်... အန္တရာယ်ရှိတဲ့ လှည့်စားတတ်တဲ့ မဟုတ်မမှန် သတင်းဝါဒဖြန့်ချိမှုတွေဟာ ဘယ်လောက်အထိ အရှိန်အဟုန်ပြင်းပြင်းနဲ့ ကူးစက်ပြန့်ပွားသွားနိုင်သလဲဆိုတာကို ကောင်းကောင်းကြီး သတိပေးခေါင်းလောင်းတီးလိုက်ခြင်းပဲ ဖြစ်ပါတယ်။ သတင်းစာပညာ (Journalism) ဆိုတာ ကြီးမားတဲ့ လူမှုရေးတာဝန်ယူမှု၊ တာဝန်ခံမှုတွေ ရှိရတာဖြစ်ပြီး၊ တိုက်ရိုက်ထုတ်လွှင့်နေတဲ့ ရုပ်သံစင်မြင့်ဆိုတာဟာ... မိမိရဲ့ အာဃာတနဲ့ အစွန်းရောက်အမြင်တွေကို "အယ်ဒီတာအာဘော်" အသွင်ဖုံးပြီး လွတ်လပ်ခွင့်ဗီဇာ သဘောမျိုး စိတ်ကြိုက် သုံးစွဲခွင့်ရှိတဲ့ နေရာတစ်ခု မဟုတ်ပါဘူး။
ဒီနေရာမှာ အဓိက ပြဿနာက သူမ ဘာပြောခဲ့သလဲဆိုတဲ့ အချက်တင်မကပါဘူး၊ ဘယ်လိုနေရာမျိုးမှာ ပြောခဲ့သလဲဆိုတဲ့ အချက်က ပိုပြီး အရေးကြီးနေလို့ပါပဲ။ သူမဟာ သတင်းခန်း (Newsroom) ရဲ့ တရားဝင် အရှိန်အဝါ သြဇာကို ကျောခံနောက်ခံပြုပြီး၊ ထောင်နဲ့ချီတဲ့ လူထုပရိသတ်ကြီးရဲ့ ရှေ့မှောက်မှာ တိုက်ရိုက်ပြောကြားခဲ့ခြင်း ဖြစ်ပါတယ်။ ဒါကြောင့်မို့လို့လည်း မီဒီယာလောကရဲ့ တာဝန်ခံမှု၊ တာဝန်ယူမှုစံနှုန်း တွေဟာ ဘယ်လိုအခြေအနေမျိုးမှာမဆို မဖြစ်မနေ အရေးကြီးနေရခြင်း ဖြစ်ပါတယ်။
Credit TMT

တစ်ယောက်က ဗွက်ပေါက်နေပြီ။နောက်တစ်ယောက်က ပြင်ဆင်လိုက်ရင် ပထမ ပုံစံလုပ်လို့ရပါသည်။😏
22/05/2026

တစ်ယောက်က ဗွက်ပေါက်နေပြီ။
နောက်တစ်ယောက်က ပြင်ဆင်လိုက်ရင် ပထမ ပုံစံလုပ်လို့ရပါသည်။😏

20/05/2026

Patrica Sue Sha Naing ကို သနားပြီး
အောင်ရဲလင်း အိမ်အကူကို ကဲ့ရဲ့နေတဲ့ Facebook နှင့် TikTok လူတန်းစားတွေအများကြီးကိုတွေ့ရတယ်။

ဆန်ဒီယေဂို (San Diego) ဗလီဝတ်ကျောင်းတော်တွင် သေနတ်ပစ်ခတ်မှုဖြစ်ပွားပြီး ဆယ်ကျော်သက်သံသယရှိသူ နှစ်ဦးအပါအဝင် လူငါးဦး သေဆုံ...
19/05/2026

ဆန်ဒီယေဂို (San Diego) ဗလီဝတ်ကျောင်းတော်တွင် သေနတ်ပစ်ခတ်မှုဖြစ်ပွားပြီး ဆယ်ကျော်သက်သံသယရှိသူ နှစ်ဦးအပါအဝင် လူငါးဦး သေဆုံးခဲ့သသည်။
​ရဲတပ်ဖွဲ့က ယခုတိုက်ခိုက်မှုကို လူမျိုးရေး/ဘာသာရေး မုန်းတီးမှုအခြေခံသည့် ရာဇဝတ်မှု (Hate Crime) ဖြစ်နိုင်ခြေအဖြစ် စုံစမ်းစစ်ဆေးနေသည်။
​၂၀၂၆ ခုနှစ်၊ မေလ ၁၉ ရက် (နောက်ဆုံးမွမ်းမံချိန် - နံနက် ၁၀:၁၂ နာရီ)
​ဆန်ဒီယေဂိုမြို့၊ ကယ်လီဖိုးနီးယားပြည်နယ် — ကယ်လီဖိုးနီးယားပြည်နယ်၊ ဆန်ဒီယေဂိုရှိ အစ္စလာမ်မစ်စင်တာတွင် တနင်္လာနေ့ (မေ ၁၈ ရက်) က ဆယ်ကျော်သက် သေနတ်သမား နှစ်ဦးက သေနတ်ဖြင့် ပစ်ခတ်ခဲ့သဖြင့် ဗလီအပြင်ဘက်ရှိ လုံခြုံရေးဝန်ထမ်း တစ်ဦးအပါအဝင် အမျိုးသားသုံးဦး သေဆုံးခဲ့ကြောင်းနှင့် ယင်းနောက် သံသယရှိသူ နှစ်ဦးမှာ မိမိကိုယ်ကိုယ် သေနတ်ဖြင့် ပစ်ခတ်ကာ သေဆုံးသွားခဲ့ကြောင်း ရဲတပ်ဖွဲ့က ပြောကြားခဲ့သည်။
​ဆန်ဒီယေဂိုရဲချုပ် စကော့ဝေါလ် (Scott Wahl) က ဆန်ဒီယေဂိုခရိုင်ရှိ အကြီးဆုံးဗလီဝတ်ကျောင်းတော်ကို တိုက်ခိုက်ခဲ့သည့် ယခုဖြစ်စဉ်ကို ဒေသခံဥပဒေစိုးမိုးရေးအဖွဲ့နှင့် FBI တို့က မုန်းတီးမှုအခြေခံသည့် ရာဇဝတ်မှုအဖြစ် စုံစမ်းစစ်ဆေးနေကြောင်း ပြောကြားခဲ့သည်။ သို့သော်လည်း ယခုသေနတ်ကိုင် အကြမ်းဖက်မှု ဖြစ်ပွားရခြင်း၏ တိကျသော ရည်ရွယ်ချက် သို့မဟုတ် တွန်းအားပေးသည့် ဖြစ်ရပ်ကို အာဏာပိုင်များက လူသိရှင်ကြား ထုတ်ဖော်ပြောဆိုခြင်း မရှိသေးပေ။
​ပစ်ခတ်မှုသည် ပစိဖိတ်စံတော်ချိန် နံနက် ၁၁:၄၀ နာရီ ခန့်တွင် စတင်ဖြစ်ပွားခဲ့ခြင်းဖြစ်ပြီး၊ ထိုအချိန်တွင် နေ့ကျောင်း (Day School) တက်ရောက်နေသည့် ကလေးသူငယ်များအားလုံး ဘေးကင်းလုံခြုံစွာ ရှိနေကြောင်း တာဝန်ရှိသူများက အတည်ပြုခဲ့သည်။
​ညနေပိုင်း သတင်းစာရှင်းလင်းပွဲတွင် ရဲချုပ် ဝေါလ်က ထူးခြားချက်တစ်ခုကို ထုတ်ဖော်ပြောကြားခဲ့သည်။ သေနတ်ပစ်ခတ်မှု မဖြစ်ပွားမီ နှစ်နာရီခန့်အလိုတွင် သံသယရှိသူ နှစ်ဦးအနက် တစ်ဦး၏ မိခင်ဖြစ်သူက ရဲတပ်ဖွဲ့ထံ ဖုန်းဆက်တိုင်ကြားခဲ့ကြောင်း၊ ၎င်း၏သားဖြစ်သူမှာ မိမိကိုယ်ကိုယ် သေကြောင်းကြံစည်လိုစိတ် ရှိနေပြီး မိခင်ပိုင်ဆိုင်သည့် သေနတ်သုံးလက်နှင့် မော်တော်ယာဉ်ကို ယူဆောင်ကာ အိမ်မှ ထွက်ပြေးသွားကြောင်း တိုင်ကြားခဲ့ခြင်း ဖြစ်သည်။
​စစ်ဝတ်စုံဝတ်ဆင်ထားသည့် ဆယ်ကျော်သက် နှစ်ဦး
​မိခင်ဖြစ်သူ၏ ပြောပြချက်အရ ၎င်း၏သားသည် သူငယ်ချင်းတစ်ဦးနှင့်အတူ ရှိနေပြီး နှစ်ဦးစလုံး စစ်ဝတ်စုံ (Camouflage) များ ဝတ်ဆင်ထားကြောင်း သိရသည်။ ထို့ကြောင့် ရဲတပ်ဖွဲ့သည် အဆိုပါ လူငယ်များကို ခြေရာခံရန် ကြိုးပမ်းခဲ့ပြီး ကြိုတင်ကာကွယ်မှုအဖြစ် အနီးနားရှိ ဈေးဝယ်စင်တာနှင့် ၎င်းလူငယ်တက်ရောက်သည့် အထက်တန်းကျောင်းတို့သို့ ကင်းလှည့်တပ်ဖွဲ့များ စေလွှတ်နေစဉ်အတွင်းမှာပင် ဗလီဝတ်ကျောင်းတော်၌ ပစ်ခတ်မှုဖြစ်ပွားကြောင်း သတင်းပို့ချက်များ ရောက်ရှိလာခြင်း ဖြစ်သည်။
​ထွက်ပြေးသွားသည့် လူငယ်၏ မိခင်ရှာဖွေတွေ့ရှိခဲ့သော စာတိုပါ အကြောင်းအရာများကိုမူ ရဲချုပ်က ထုတ်ဖော်ပြောဆိုရန် ငြင်းဆိုခဲ့သည်။
​ပစ်ခတ်မှု မဖြစ်ပွားမီအချိန်အထိ ဗလီဝတ်ကျောင်းတော်၊ အခြားဘာသာရေးစင်တာများ၊ ကျောင်းများ သို့မဟုတ် ဈေးဝယ်စင်တာများသို့ "သတ်သတ်မှတ်မှတ် ခြိမ်းခြောက်မှု" မျိုး ရှိနေကြောင်း ရဲတပ်ဖွဲ့က ကြိုတင်မသိရှိခဲ့ဟု ဝေါလ်က ဆိုသည်။ သို့သော် "ယေဘုယျဆန်သော မုန်းတီးမှုဆိုင်ရာ ပြောဆိုလှုံ့ဆော်မှုများ (Hate Speech)" ရှိနေခြင်းနှင့် လက်နက်အများအပြား ယူဆောင်ကာ စစ်ဝတ်စုံဝတ်၍ ထွက်ပြေးသွားသည့် ဆယ်ကျော်သက်တစ်ဦး၏ သတင်းတို့ ပေါင်းစပ်သွားသည့်အခါ ရဲတပ်ဖွဲ့အနေဖြင့် "ပိုမိုကြီးမားသော ခြိမ်းခြောက်မှုဆိုင်ရာ အကဲဖြတ်ချက်" ကို စတင်လုပ်ဆောင်ခဲ့ရသည်။
​ယခုတိုက်ခိုက်မှုသည် အစ္စလာမ်ဘာသာဝင်တို့၏ အဓိက အားလပ်ရက်ဖြစ်သော အိဒ်အလ်အာဒ်ဟာ (Eid al-Adha) ပွဲတော်နှင့် ဆော်ဒီအာရေဗျနိုင်ငံ မက္ကာဟ်မြို့ရှိ အထွတ်အမြတ်ထားရာ နေရာများသို့ သွားရောက်သည့် နှစ်ပတ်လည် ဟာ့ဂျ် (Haj) ဘုရားဖူးခရီးစဉ် မစတင်မီ တစ်ပတ်အလိုတွင် ဖြစ်ပွားခဲ့ခြင်း ဖြစ်သည်။
​အစ္စလာမ်မစ်စင်တာ၏ အီမာမ် (ဘာသာရေးခေါင်းဆောင်) နှင့် ဒါရိုက်တာဖြစ်သူ တာဟာ ဟတ်ဆာနီ (Taha Hassane) က သတင်းထောက်များကို "ကျွန်တော်တို့ အခုလို ဝမ်းနည်းစရာ အဖြစ်ဆိုးမျိုး တစ်ခါမှ မကြုံဖူးပါဘူး။ ကိုးကွယ်ယုံကြည်ရာ ဝတ်ကျောင်းတော်ကို အခုလို ပစ်မှတ်ထား တိုက်ခိုက်တာဟာ တကယ့်ကို စက်ဆုပ်ရွံရှာဖွေ ကောင်းလှပါတယ်" ဟု ပြောကြားခဲ့သည်။
​အခင်းဖြစ်ပွားရာနေရာသို့ ရောက်ရှိလာသည့် ရဲတပ်ဖွဲ့ဝင်အမြောက်အမြားသည် ဗလီနှင့် ဆက်စပ်နေသည့် အမျိုးသား သုံးဦး သေနတ်ဒဏ်ရာဖြင့် သေဆုံးနေသည်ကို တွေ့ရှိခဲ့ရသည်။ သေဆုံးသွားသည့် လုံခြုံရေးဝန်ထမ်းသည် နောက်ထပ် သွေးထွက်သံယိုမှု အမြောက်အမြား မဖြစ်ပွားအောင် တားဆီးပေးနိုင်ခဲ့ကြောင်း တာဝန်ရှိသူများက ချီးကျူးပြောဆိုခဲ့ကြသည်။
​ထို့နောက် မကြာမီအချိန်တွင် ရဲတပ်ဖွဲ့သည် အသက် ၁၇ နှစ်နှင့် ၁၈ နှစ်အရွယ်ရှိ ဆယ်ကျော်သက် အမျိုးသားနှစ်ဦး၏ ရုပ်အလောင်းများကို လမ်းလယ်တွင် ရပ်ထားသည့် မော်တော်ယာဉ်တစ်စီးအတွင်း၌ ရှာဖွေတွေ့ရှိခဲ့သည်။ ၎င်းတို့သည် မိမိကိုယ်ကိုယ် သေနတ်ဖြင့် ပစ်ခတ်ကာ သေဆုံးခဲ့ခြင်းဖြစ်ကြောင်း ယူဆရပြီး၊ မူလက ရဲတပ်ဖွဲ့က အသက်ကြီးသူ၏ အသက်ကို ၁၉ နှစ်ဟု ခန့်မှန်းထုတ်ပြန်ခဲ့သည်။
​အသေးစိတ်အချက်အလက်များကို ဆက်လက် စုံစမ်းဆဲဖြစ်
​ရဲချုပ် ဝေါလ်၏ ပြောကြားချက်အရ "သေနတ်သမား သောင်းကျန်းနေသည် (Active Shooter)" ဟု ပထမဆုံး ဖုန်းဝင်လာပြီးနောက် ဆန်ဒီယေဂိုတစ်ခွင်မှ ရဲတပ်ဖွဲ့ဝင် ၅၀ မှ ၁၀၀ ခန့်သည် ချက်ချင်း တုံ့ပြန်ဆောင်ရွက်ခဲ့ကြပြီး၊ လေးမိနစ်အတွင်း ကယ်လီဖိုးနီးယားပြည်နယ်၏ ဒုတိယမြောက် လူဦးရေအများဆုံးမြို့ဖြစ်သည့် ဆန်ဒီယေဂိုရှိ ကလဲရ်မောင့် (Clairemont) လူနေအိမ်ခြေနှင့် စီးပွားရေးဇုန်အတွင်းရှိ ဗလီဝတ်ကျောင်းတော်သို့ ဝိုင်းရံပိတ်ဆို့နိုင်ခဲ့ကြောင်း သိရသည်။
​ဒေသတွင်း ရုပ်သံလိုင်းများ၏ ရုပ်သံမှတ်တမ်းများအရ အဝေးပြေးလမ်း တံတားပေါ်တွင် ရဲကင်းလှည့်ကား ဒါဇင်ပေါင်းများစွာ ရောက်ရှိနေပြီး၊ လက်နက်အပြည့်အစုံဖြင့် ကွန်မန်ဒိုရဲတပ်ဖွဲ့ဝင်များသည် ဗလီ၏ အမိုးနှင့် အမိုးခုံး (Dome) အနီးတွင် နေရာယူထားကာ၊ မြေပြင်ရှိ လက်နက်ကိုင်အရာရှိများကလည်း ဗလီဝန်းအတွင်းသို့ ဝင်ရောက် ရှင်းလင်းနေသည်ကို မြင်တွေ့ခဲ့ရသည်။
​ယခုဖြစ်စဉ်အတွင်း ဥပဒေစိုးမိုးရေးတပ်ဖွဲ့ဝင်များဘက်က သေနတ်တစ်ချက်မျှ ပစ်ခတ်ခဲ့ခြင်း မရှိကြောင်း ဝေါလ်က ပြောကြားခဲ့သည်။
​ဗလီဝတ်ကျောင်းတော် တိုက်ခိုက်မှုကို သွားရောက်ကိုင်တွယ်နေသည့် အချိန်နှင့် တစ်ပြိုင်နက်တည်းမှာပင်၊ ဗလီနှင့် လမ်းအနည်းငယ်အကွာရှိ ဥယျာဉ်ခြံမြေ ပြုပြင်ထိန်းသိမ်းသူ (Landscaper) တစ်ဦးကိုလည်း သေနတ်ဖြင့် ပစ်ခတ်မှု ဖြစ်ပွားခဲ့သဖြင့် စုံစမ်းစစ်ဆေးရေးမှူးများက ယင်းဖြစ်စဉ်နှစ်ခုကို ဆက်စပ်မှုရှိသည်ဟု ယူဆကာ ကိုင်တွယ်နေသည်။ အဆိုပါ အမျိုးသားမှာ ထိခိုက်ဒဏ်ရာရရှိခြင်း မရှိဘဲ ၎င်းဆောင်းထားသည့် ဦးထုပ်ဆောင်း (Helmet) က ကျည်ဆန်ကို လွှဲပြောင်းပေးလိုက်ခြင်း ဖြစ်နိုင်ကြောင်း ဝေါလ်က ဖြည့်စွက်ပြောကြားခဲ့သည်။
​ပစ်ခတ်မှုဖြစ်ပွားပြီး ငါးနာရီအကြာတွင် ရဲချုပ်က စုံစမ်းစစ်ဆေးရေးမှူးများသည် ယခုအကြမ်းဖက်မှု ဖြစ်ပွားရသည့် အကြောင်းအရင်းနှင့် အခင်းဖြစ်ပွားပုံ အသေးစိတ်တို့ကို ဆက်လက် အပိုင်းအစဆက်ကာ စုံစမ်းနေဆဲဖြစ်ကြောင်း ပြောကြားခဲ့သည်။
​အဆိုပါ အစ္စလာမ်မစ်စင်တာသည် ဆန်ဒီယေဂိုခရိုင်တွင် အကြီးဆုံးဗလီဖြစ်ပြီး အစ္စလာမ်ဘာသာရေး ပညာပေးကျောင်းတစ်ခုဖြစ်သည့် Bright Horizon Academy လည်း တည်ရှိသည်။
​အမေရိကန်ပြည်ထောင်စုရှိ အများပြည်သူဆိုင်ရာနေရာများတွင် အကြောင်းမဲ့ သေနတ်ပစ်ခတ်မှုများမှာ အဖြစ်များသော ဖြစ်စဉ်တစ်ခု ဖြစ်လာနေသော်လည်း၊ ဖေဖော်ဝါရီ ၂၈ ရက်က အမေရိကန်နှင့် အစ္စရေးစစ်တပ်များက အီရန်နိုင်ငံကို လေကြောင်းမှ တိုက်ခိုက်ခဲ့ပြီးနောက် အီရန်ကလည်း အစ္စရေးနှင့် ပင်လယ်ကွေ့နိုင်ငံအချို့ကို လေကြောင်းတိုက်ခိုက်မှုများဖြင့် ပြန်လည်တုံ့ပြန်ခဲ့ကာ ဒေသတွင်းစစ်ပွဲ ပြင်းထန်လာခဲ့သည့်အချိန်မှစ၍ မွတ်စလင်နှင့် ဂျူးလူထုအကြား စိုးရိမ်ပူပန်မှုများ ပိုမိုမြင့်တက်လာခဲ့သည်။
CNA

မနက်ပိုင်း ၈ နာရီ ၃၆ မိနစ်က ရန်ကုန်မြို မှာ အင်အားသိသာတဲ့ငလျင်အချို့ လှုပ်ခတ်သွားပါသည်။ပြင်းအား ၅ ဒသမ ၃ မဂ္ဂနီကျူ အထိရှ...
18/05/2026

မနက်ပိုင်း ၈ နာရီ ၃၆ မိနစ်က ရန်ကုန်မြို မှာ အင်အားသိသာတဲ့ငလျင်အချို့ လှုပ်ခတ်သွားပါသည်။
ပြင်းအား ၅ ဒသမ ၃ မဂ္ဂနီကျူ အထိရှိခဲ့တယ်လို့ဖော်ပြပါတယ်။
ဒီနေ့မနက်ငလျင်ဒဏ်ကိုဘယ်လိုကြုံခဲ့ရလဲ။ မှတ်ချက်ပေးမျှဝေပေးနိုင်ပါတယ်။

မင်းသမီး ခင်ဝင့်ဝါ၏အလုပ်ဖုန်း 12th May လတွင်သူငယ်ချင်းတစ်ယောက်ရဲ့ မွေးနေ့ပွဲသွားရင်း အခိုးခံလိုက်ရပါသည်။ ခိုးသွားသောသူသည...
15/05/2026

မင်းသမီး ခင်ဝင့်ဝါ၏အလုပ်ဖုန်း 12th May လတွင်သူငယ်ချင်းတစ်ယောက်ရဲ့ မွေးနေ့ပွဲသွားရင်း အခိုးခံလိုက်ရပါသည်။ ခိုးသွားသောသူသည် သူ၏ ဖုန်း password အားသိနေပြီး data အချက်အလက်များအကုန်ပါသွားပါသည်။

ထိုဖုန်းသည် ခင်ဝင့်ဝါ၏ လုပ်ငန်းသုံးဖုန်းဖြစ်ပြီး Business Manager ကျွန်မ မနွေဦးသက်မှတာဝန်ယူပြီးကိုင်ဆောင်ထားသောဖုန်းဖြစ်ပါသည်။ တွေ့ရှိထားပါက အကြောင်းကြားပေးပါရန် မေတ္တာရပ်ခံလိုပါသည်။

ဖုန်းအမျိုးအစား - iphone 14 pro max
ဖုန်းအရောင် - Deep purple
IMEI 351651527632579

သို့ဖြစ်ပါ၍ ထိုဖုန်းအား အရောင်းဆိုင်များတွင် လာရောက် ပေါင်နှံရောင်းချပါက cb မှတစ်ဆင့်ဆက်သွယ်အကြောင်းကြားပေးပါရန်မေတ္တာရပ်ခံအပ်ပါသည်။

14/05/2026

တော်ကြပါတော့

ဇတ်မင်းသားတွေကို ဆုချတဲ့ ကိစ္စ ပြောလို့မဆုံးသေးဘူး ခြံရောင်းပြီး ဖိုးချစ်ကို သိန်း၁၀၀၀ဆုချခဲ့တယ်အမျိုးသမီးဒါပေမယ့် ပရဟိတ...
13/05/2026

ဇတ်မင်းသားတွေကို ဆုချတဲ့ ကိစ္စ ပြောလို့မဆုံးသေးဘူး ခြံရောင်းပြီး ဖိုးချစ်ကို သိန်း၁၀၀၀ဆုချခဲ့တယ်အမျိုးသမီး

ဒါပေမယ့် ပရဟိတမင်းသားလေး ကိုဖိုးချစ်ကို
ဆုချပေးလို့ ဘာပဲပြောပြော ဆုကြေးငွေက ကောင်းတယ်နေရာမှာသုံးမှာပါ။

မွန်ပြည်နယ်၊ သထုံမြို့နယ်မှာ မွေးနေ့ပွဲကိတ်မုန့် ဝယ်ပြီး ပြန်လာတဲ့ တက္ကသိုလ်ကျောင်းသူ ၃ ဦး စီးလာတဲ့ ဆိုင်ကယ်နဲ့ အိမ်စီးက...
11/05/2026

မွန်ပြည်နယ်၊ သထုံမြို့နယ်မှာ မွေးနေ့ပွဲကိတ်မုန့် ဝယ်ပြီး ပြန်လာတဲ့ တက္ကသိုလ်ကျောင်းသူ ၃ ဦး စီးလာတဲ့ ဆိုင်ကယ်နဲ့ အိမ်စီးကား တစ်စီးတို့ မနေ့က တိုက်မိမှုမှာ ကျောင်းသူ ၃ ဦးစလုံး နေရာမှာတင် သေဆုံးခဲ့တယ်လို့ ကူညီကယ်ရေးလုပ်ခဲ့သူ တစ်ဦးက ပြောပါတယ်။
ယာဉ်တိုက်မှုဟာ သထုံ-ဘားအံ လမ်းမကြီး၊ မြို့သစ်ရပ်ကွက်နဲ့ ရဲဘော်ရွာကြားမှာ တိုက်မိခဲ့တာဖြစ်ပါတယ်။
ယာဉ်တိုက်မှုဖြစ်ခဲ့တဲ့ ကားပိုင်ရှင်ကိုတော့
ရဲစခန်းမှာ ဖမ်းဆီးထားပြီး အမှုဖွင့်ထားပါတယ်။
Photo အဖြူရောင်နှလုံးသားလူမှုကယ်ဆယ်ရေးအသင်း (သထုံ)

Address

Yangon

Website

Alerts

Be the first to know and let us send you an email when Myanmar True News posts news and promotions. Your email address will not be used for any other purpose, and you can unsubscribe at any time.

Shortcuts

Share