Deen Islam

Deen Islam Always remember that sab'r and Dua is better than revenge ♡

05/09/2024

*မုသားပြောခြင်း{အလိမ်စကားပြောခြင်း}

အဗူဟုရိုင်ရဟ်{ရ}သခင်ကဆင့်ပြန်ခဲ့တဲ့ဟဒီးစ်တပုဒ်မှာ {မုနာဖစ်က်} ဖြစ်ခြင်း၏လက္ခဏာထဲအနက်မှ {၁} ချက်က စကားပြောဆိုရာတွင် မုသား {အလိမ်စကား} ပြောခြင်းဖြစ်တယ်

အကြင်သူက ဘယ်လောက်ဘဲ မိမိကိုယ်မိမိ {မွစ်လင်မ်} လို့ပြောနေပါစေ ‌ဒီအချက်ကို မရှောင်သ၍ သူသည် {မုနာဖစ်က်} ဘဲ ပြည့်ဝတဲ့ {အီမာန်ရှင်} ဖြစ်မှာမဟုဘူး

ဒါကြောင့် အလိမ်စကားပြောခြင်းကမပိုင်ပါဘူး ဘယ်လောက်တောင်လဲဆိုရင်တော့ အမိုက်ခေတ်လူတွေကအစ {အလိမ်စကားပြောခြင်း} ကိုမနှစ်သက်ကြပါဘူး ဘယ်လိုသိရလဲဆိုရင်.......

တနေ့သောအခါ တမန်တော်မြတ် {ဆွ} ကရောမဘုရင်ထံသို့ အစ္စလာမ် ဘက်ကို {ဒအ်ဝသ်} ဖိတ်ခေါ်ခြင်း၏ သဝဏ်လွှာပို့ခဲ့သည်။ ဘုရင်သည်ထိုသဝဏ်လွှာကိုဖတ်ပီးသည့်နောက်မှာ နန်းတွင်းရှိလူတို့အားစု၍ ထိုတမန်တော်{ဆွ}ရဲ့အကြောင်းကို သိရှိသူငါဘုရင်ဆီလာခဲ့ပါလို့ အမိန့်ကြားလိုက်တယ်ထိုအခါ တိုက်တိုက်ဆိုင်ဆိုင် အဗူစွဖ်ယာန် {ရ} သခင်က ကုန်သည်အုပ်စုတစုနဲ့အတူ ထိုဒေသသို့ရောက်နေခဲ့သည်။ လူတွေက အ‌ဗူစွဖ်ယာန် သခင်ကို ဘုရင်ထံ ခေါ်သွားကြသည်။ အဲ့ချိန်က စွဖ်ယာန်{ရ} သခင်က အစ္စလာမ် သာ့သနာတော် ကိုလက်မခံရသေးပေ။ စွဖ်ယာန် {ရ} သခင်က ဘုရင်ထံရောက်သွားတော့ ဘုရင်က စွဖ်ယာန်{ရ} ကို တမန်တော်{ဆွ} နဲ့ပတ်သက်ပီးအချို့မေးခွန်းတွေမေးတယ် အဲ့မေးခွန်တွေအာလုံးကို စွဖ်ယာန် သခင် က အမှန်တိုင်ဖြေကြားခဲ့ပါသည်။

အဗူစွဖ်ယာန်{ရ} သခင် က အစ္စလာမ် လက်ခံပြီးသည့်နောက် အမိန့်ရှိတော်မူသည်မှာ.....
အဲ့ချိန်က ကျွန်ုပ်သည် ကာဖိရ်တဦးဖြစ်တယ်။ ဘုရင်ကို တမန်တော်မြတ်{ဆွ} အပေါ် ဆန့်ကျင်လိုစိတ်ဖြစ်အောင် ပြောချင်လိုစိတ်ရှိပါသည်။ ဒါမယ့် ကျွန်တော် သည် အမှန်‌တိုင်းဘဲပြောခဲ့လေသည်။

ဒီအဖြစ်အပျက်ကနေ ဘာသိရလဲဆိုရင် ကာဖိရ်တစ်ယောက်ဖစ်တာတောင်မှာ မုသား{အလိမ်စကား}ပြောခြင်း ကို မနှစ်သက်ခဲ့ပေ။ ရှောင်ကြဉ်ခဲ့သည်။ မွစ်လင်မ်တယောက်ဖစ်ပီး နှလုံးသားထဲမှာအီမာန်ရှိလျက်နဲ့ အလိမ်စကားတွေပြောနေကြတယ် ။တော်တော်များလူတွေက နမားဇ်ဖတ်ရုံ ရိုဇာထားရုံ နဲ့ ပြည့်ဝတဲ့ အီမာန်ရှင်ဖြစ်တယ်လို့ထင်ကြတယ် တကယ်တော့အဲ့လိုမဟုပါဘူး {ရှရီအသ်} မှာ တခြားတားမြစ်ထားတဲ့အရာတွေ အများကြီးရှိပါသေးပါတယ်။ ပီးတော့ အလိမ်စကားပြောတဲ့သူက အလိမ်စကားပြောခြင်းကို သေးငယ်တဲ့ {ဂွန္နဟ်} လို့ပဲထင်တယ် မုနာဖစ်က် ရဲ့အဆင့်ထိပါရောက်နိုင်ပါတယ်။

ကိုယ့်ကခနတာအဆင်ပြေဖို့လိမ်လိုက်တယ် တချိန်ကြရင်ပေါ်လာတဲ့အခါမှာ အရှက်ခွဲမှုနဲ့ကျုံးရလိမ့်မည် ပီးတော့ လူတယောက်ကလိမ်တာများလာလေလေ အလ္လဟ်က သူဘဝမှာ အဲ့လိမ်လည်ခြင်းကြောင့် ဆုံရှုံးစရာတွေများလာမယ် အောင်မြင်မူကနေလက်မဲ့ဖြစ်လာလိမ့်မည်။

လိမ်လည်တယ်ဆိုတာ အလိမ်စကားပြောတာကိုပဲခေါ်တာမဟုဘူး အရောင်းဝယ်လုပ်ရာတွင် တဖက်လူကို ကိုယ့်ပစ္စည်းမှာမရှိတဲ့အ‌ေရချင်းကို လုပ်ကြံပီး{လိမ်ပီး} ရှိတယ်လို့ပြောတာ {သို့မဟုပါက} ချို့ယွင်းချက်တခုခုရှိနေတာကို မပြောပြ၍ လိမ်ပီးရောင်းလိုက်တယ် အဲ့တာလည်း {ဟရာမ်ရိုဇီ}ပဲ အဲ့ကနေကရလာတဲ့ပိုက်ဆံသုံးခြင်း ၊ ‌စား‌သောက်ခြင်း ဘာတခုမှအကျိူးခံစား လို့မရဘူး အဲ့ပိုက်ဆံ‌ေတွအကုန်ကို သူဆင်းရဲတွေကိုလှုလိုက်ရမယ် ။

အလ္လာဟ်ထံမှာ ကိုယ်လိမ်ခဲ့တာတွေတွက် {သောင်ဝ်ဗဟ်} လုပ်ရမယ် အလ္လဟ် ကျွန်တော်/ကျွန်မ လိမ်ခဲ့တဲ့ကိစ္စတွေကို လူကြားထဲတွင်မပေါ်ဖို့နဲ့ အလ္လဟ်ဖုံကွယ်ပေးထားဖို့အထူး{ဒိုအာ}လုပ်ရမည်။

အလ္လာဟ်လူတိုင်းကို လိမ်လည်ခြင်းက‌နေရှောင်ကြဉ်နိုင်ခွင့်ပေးသနားတော်မူပါစေ။

{အာမီးန်}

04/09/2024

~အတင်းပြောခြင်း~
အတင်းပြောတယ်ဆိုတာ ဘာလဲ....။
အတင်းပြောခြင်းရဲ့ ဆိုးကျိုးက ဘာတွေလဲ။

و عن ابي ھريرة رضي الله تعالى عنه ان رسول الله (ص) قال اتدرون ما الغيبة، قالوا الله و رسوله اعلم، قال ذكرك اخاك بما يكره قيل افرءيت ان كان فى اخى ما اقول قال ان كان فيه ما تقول فقد اغتبته و ان لم يكن فيه ما تقول فقد بھته-

ဟဇရသ် အဗူဟူရိုင်ရာဟ် (ရသွေ့) က အမိန့်ရှိထားသည်။
ကိုယ်တော်မြတ်(ဆွ)က ဆွဟာဗာဟ် တစ်ပါးကို မိန့်တော်မူသည်။
"အတင်းပြောတယ်ဆိုတာကို အသင်သိပါသလား။"
ထိုအခါ ထိုဆွဟာဗဟ်က လျှောက်ထားလေသည်။
"အလ္လာဟ်အရှင်မြတ်နှင့် အလ္လာဟ်ရဲ့ရစူလ်မှအပ မည်သူသိမည်နည်း။"
ကိုယ်တော်မြတ်(ဆွ)က အဖြေပေးတော်မူသည်။
"အတင်းဆိုတာ မိမိညီနောင်ကို ပုံစံတစ်ခုခုနဲ့ သတိရခြင်း၊ အဲ့ပုံစံက ထိုသူ့ကို မကောင်းထင်မြင်သွားစေနိုင်တယ်။"
ထိုစကားရပ်အပေါ် ဆွဟာဗာဟ် တစ်ပါးက လျှောက်ထားလေသည်။
"အကယ်၍ ကိုယ်ပြောလိုက်တာက ပြောခံရတဲ့သူမှာ ရှိနေမယ်ဆိုရင် အမိန့်က ဘယ်လိုဖြစ်မလဲ။"
ကိုယ်တော်မြတ်(ဆွ)က မိန့်လေသည်။
"ထိုသူနဲ့ ပတ်သတ်ပြီး အသင်ပြောလိုက်တဲ့ မကောင်းတဲ့စကားက သူ့မှာ ရှိမယ်ဆိုရင်တော့ အတင်းပြောခြင်း ဖြစ်သွားပြီ၊ မရှိဘူးဆိုရင်တော့ စွပ်စွဲတာ ဖြစ်သွားပါတယ်။စွပ်စွဲတာက အတင်းပြောခြင်းထက် ပို အပြစ်ကြီးပါတယ်။
(မိရှ်ကာသွလ်မဆွာဗီးဟ် ၄၁၂)

{ရှင်းလင်းချက်}

ဒီဟဒီးစ်တော်ကနေ သိရတာက- အတင်းပြောတယ်ဆိုတာက လူတစ်ယောက်ရဲ့ နောက်ကွယ်မှာ မနှစ်မြို့စရာစကားကို ပြောဆိုခြင်းပဲ ဖြစ်တယ်။
ဒါပေမဲ့ လူတွေက သူတို့အတင်းပြောလိုက်တာက အမှားလုပ်လိုက်ပြီ၊ဂိုနာဟ် ဖြစ်ပြီ ဆိုတာကိုလည်း သိရက်နဲ့
"ငါတို့ပြောလိုက်တာတွေက အမှန်တွေပဲ။" ဆိုပြီး ပြောကြပါတယ်။
ထိုအခါ ကိုယ်တော်မြတ်(ဆွ)က အမိန့်ရှိတော်မူတယ်။
"လူတစ်ယောက်ရဲ့ မကောင်းတဲ့အချက်၊ချို့ယွင်းချက် တစ်ခုခုကို တင်ပြလိုက်တယ်ဆိုရင် အတင်းပြောတာပဲ။ကိုယ်ပြောလိုက်တဲ့သူမှာ အဲ့အချက်တွေ မရှိဘူးဆိုရင် စွပ်စွဲတာ ဖြစ်တယ်။စွပ်စွဲတာက အတင်းပြောခြင်းထက် အပြစ်ကြီးလေးပါတယ်။"

~ဘယ်လိုအရာတွေက အတင်း​ပြောရာကျလဲ။~

~အိုလမာတွေ အမိန့်ရှိထားတယ်။~

၁။ တစ်ယောက်ယောက်ရဲ့ ဂိုနာဟ်ကို ပြောပြခြင်း။
၂။ အင်္ကျီ၊အ၀တ်မှာ ချို့ယွင်းချက် တစ်စုံတစ်ရာ ဖြစ်နေတာကို ပြသခြင်း။
၃။ မကောင်းတဲ့ နာမည်မှည့်ခေါ်ခြင်း။
(တခြားအချက်တွေ မြောက်များစွာ ရှိပါသေးတယ်။)
ဒီအချက်တွေ အားလုံးက စိတ်ဒုက္ခရောက်အောင် လုပ်ခြင်း ဖြစ်တယ်။ဒီအချက်တွေ အားလုံးက ဟရာမ်လည်း ဖြစ်တယ်။ غیبة ထဲလည်းပါတာကြောင့် ရှောင်ရပါမယ်။

~အတင်းပြောခြင်းက ဇေနာဟ်လုပ်ခြင်းထက် ပိုအပြစ်ကြီးပါတယ်။~

ကိုယ်တော်မြတ်(ဆွ)က အမိန့်ရှိခဲ့တယ်။
"အတင်းပြောခြင်းက ဇေနာဟ်ထက် ပိုအပြစ်ကြီးပါတယ်။"

ဆွဟာဗဟ်တစ်ပါးက လျှောက်ထားတော်မူသည်။
"အို..အလ္လာဟ်အရှင်မြတ်ရဲ့ရစူလ် အတင်းပြောခြင်းက ဇေနာဟ်ထက် ပိုအပြစ်ကြီးတယ်ဆိုတာ ဘယ်လိုပါလဲ။"
ကိုယ်တော်ကမိန့်တော်မူတယ်။
"ဇေနာဟ်လုပ်တဲ့သူက အရှက်ရပြီး သောင်၀်ဗဟ် လုပ်ကြပါတယ်။အလ္လာဟ်အရှင်မြတ်ကလည်း ၎င်းတို့ရဲ့ သောင်၀်ဗဟ်ကို လက်ခံနိုင်ပါတယ်။လွတ်ငြိမ်းချမ်းသာခွင့် ပေးနိုင်ပါတယ်။အတင်းပြောခြင်းက အတင်းပြောခံရသူက မားဖ်မလုပ်မခြင်း အလ္လာဟ်အရှင်မြတ်ကလည်း မားဖ် မလုပ်ပါဘူး။

~အတင်းပြောခြင်းက အသေကောင်အသား စားခြင်းနဲ့တူတူပဲ ဖြစ်တယ်။

~အတင်းကို ပြောခြင်း၊နားထောင်ခြင်း ၂မျိုးလုံးက ဟရာမ် ဖြစ်ပါတယ်။~

ဒီတော့ အတင်းပြောခြင်းကနေ ရှောင်ဖို့ အလွန့်အလွန်မှ အရေးကြီးပါတယ်။

Author_SF

04/09/2024

"သေခြင်းတရားရောက်လာချိန် ရှိုင်သွာန်၏ သွေးထိုးလှုံ့ဆော်မှု"

ဟဒီးစ်တော်တပုဒ်တွင် တမန်တော်မြတ်(ဆွ)အမိန့်ရှိထားတော်မူသည်...

အကြင်(မွတ်စ်လင်မ်) တစ်ဦးတစ်ယောက် ကွယ်လွန်သေဆုံးခါနီးအချိန်ရောက်လာသောအခါ အသင်တို့ ထိုသူ့၏အနားတွင်နေကြပါ။ {လာအေလာဟ အစ်လ္လလ္လာဟ်} အားတိုင်ပေးကြပါ။ ဂျန္နသ်သုခဘုံ၏ သတင်းကောင်းများပေးကြပါ။ ထိုပြင်းပြခက်ထန်သည့် အချိန်တွင် မည်သည့် ပုဂ္ဂိုလ် ကျား မ မရွေး အလွန်ပင် ပူဆွေသောကများများနေကြလေသည်။{ရှိုင်သွာန်မိစ္ဆာကောင်} သည် အခြားအချိန်ထက် ဤချိန်တွင် လူသားနှင့်ပိုမိုနီးကပ်စွာရှိနေလေသည်။

‌တနေ့သောအခါ {အိမာမ်အဗူဂျအ်ဖရ် {ရ} သခင်သည် အသက်ငင်နေချိန်တွင် လူတို့သည် {လာအေလာဟအစ်လ္လလ္လဟ်} တိုင်ပေးကြလေသည်။ ထို့ချိန်တွင် သခင်ကြီးက "لا" ဟု၍ အဖြေပေးနေ‌သည်။ ခဏအကြာတွင် ထိုအသက်ငင်ခြင်းမှလွှတ်မြောက်လာပီး မျက်လုံးဖွင့်လာသောအခါ လူတို့သည်မေးမြန်လျှောက်ထားလေသည်....
အိုး...သခင်ကြီးခဗျာ ကျွန်တော်တို့သည် သခင်ကြီးအား {ကလေမာဟ် သွိုင်ယေဗဟ်} တိုင်ပေးနေသည်ကို "لا" ဟု အဘယ်ကြောင့်ငြင်းဆိုပါသနည်း..
သခင်ကြီးသည် အဖြေပေးတော်မူသည်..ကျွန်ုပ် သည် အသင်တို့ တိုင်ပေးနေခြင်းကိုငြင်းဆိုနေခြင်းမဟုပေ။ ကျွန်ုပ်ရှေ့တွင်ရှိုင်သွာန် နှစ်ဦးကမတ်တပ်ရပ်၍ တစ်ဦးက {ခရစ်ယာန်} ဘာသာအားလက်ခံ၍ သေဆုံးရန်နှင့် နောက်တစ်ဦးက {ရဟူဒီ} ဘာသာအားလက်ခံ၍ သေဆုံးရန် ပြောနေကြ၏။ ကျွန်ုပ်သည် ရှိုင်သွန်တို့ကို လက်မခံနိုင်ဘူးဟု ငြင်းနေခြင်းဖြစ်သည်။

{အိမာမ်ကုရ်သုဗီ} {ရ} သည် ဤအဖြစ်ပျက်အားဆင့်ပြန်၍ အမိန့်ရှိသည်...ဤကဲ့သို့ အဖြစ်ပျက်ပေါင်းများစွာ သူတော်စင်တို့ သည်တွေ့ကြုံးခဲ့ကြဖူး၏။ ထိုသူတို့သည် {ကလေမဟ် သွိုင်ယိဗဟ်} တိုင်ပေးနေချိန်တွင် ငြင်းဆန်ကြလေသည်။ တွေ့မြင်သောသူတို့က ကလေမဟ် ကို ငြင်းပယ်သည်ဟု ထင်မှတ်ကြသည်။ သို့သော် ၎င်းတို့က ရှိုင်သွာန်၏ စကားကို ငြင်းပယ်နေခြင်းဖြစ်၏။

{ဒါကြောင့် မည်သူ့တစ်ဦးတစ်ယောက်ရဲ့ သေအံ့ဆဲအခြေနေကို တွေ့မြင်၍ ထိုသူအလ္လဟ်အမိန့်ခံယူသွားသောအခါ သူသည် ဂျန္နသ်သွားရ မည် ဂျဟန္နမ် သွားရမည်ဟု မဝေခွဲရပေ။ အဘယ်ကြောင့်ဆိုသော် ဒါက အလ္လဟ်က လူတိုင်းတွက် သတ်မှတ်ပီးသာပါ။ ဒါနဲ့ပတ်သက်ပီး အလ္လဟ်သာ အသိဆုံးဖြစ်ပါသည်။ သို့သော် ဂျန္နသ်ကိုတော့မျှော်ကိုးပေးလို့‌တော့ရပါသည်။

ခုခေတ်တော်တော်များများလူတွေက {ကာဖိရ်} တစ်ယောက်သေဆုံးလျှင် သူကဂျဟန္နမ်ဘဲ လို့‌ပြောကြသည်။ ဒါကလူသားတွေရဲ့အမြင်အရဆိုရင်တော့မှန်ပါတယ် ဒါပေမယ့် သူသည် တိတ်တခိုး အိမာန်ယူထားတာလည်း ဖြစ်နိုင်ပါတယ် ဒါက အလ္လဟ်နဲ့သူ နဲ့ အသိဆုံးကိစ္စရပ်ဖြစ်သည်။ ကိုယ့်က ဝေဖန်ပေးလို့မရပါဘူး တမင်သက်သက် ကိုယ့်ကအပြစ်တခုတိုးသွားပါလိမ့်မည် ပါးစပ်ထိန်းခြင်းသည် {အမလ်အေဘာဒသ်} တခုသာလျှင်ဖြစ်၏။}

Author-SK

03/09/2024

~(ဘေးဒုက္ခတစုံတရာကြုံတွေ့ခြင်းကိုအကြောင်းခံ၍ မိမိ"အဆင့်တန်းတွင်မြင့်မာသွားခြင်း၊ နှင့် မိ"အပြစ်များအား (မားဖ်)လုပ်ခံရခြင်း။)~
(မုဟမ္မဒ် ဗင်န် ခါလစ်ဒ် စလ်မီ (ရ) သခင်က မိ"ဖခင်ထံကနေ ဆင့်ပြန်ခဲ့သည်။)

- တမန်တော်မြတ်(ဆွ)မိန့်ကြားတော်မူခဲ့သည်မှာ...

"အလ္လဟ်အရှင်မြတ်သည် မိမိ၏ ဗန္ဒဟ်အတွက် မိမိထံပါးတော်မှ မြင့်မားသောအဆင့်တန်း တစ်စုံတစ်ရာအား သတ်မှတ်လိုက်‌လေသည်။ သို့သော်ငြားလည်း ထိုဗန္ဒဟ်ကျေးကျွန်ရဲ့ (အမလ်အေဘာဒသ်) ဖြင့် ထိုအဆင့်တန်းကို မမှီနေပေ။ ထိုအခါ အလ္လာဟ်အရှင်မြတ်သည် ထိုသူ့အား ရုပ်ခန္ဓာကိုယ် (သို့) ဥစ္စာပိုင်းဆိုင်ရာ ဘေးဒုက္ခတစ်စုံတစ်ရာတွင် နစ်မွန်းစေလိုက်၏။ ထို့နောက်တစ်ဖန် ထိုသူအား (ဆွဗရ်) သည်းခံနိုင်စွမ်း ချီးမြှင့်ပေးတော်မူ၏။သို့ဖြင့် ထိုသူသည် ထိုသတ်မှတ်ထားတဲ့ မြင့်မာသောအဆင့်တန်းကို ရောက်ရှိသွားလေသည်။"

နောက်ဟဒီးစ်တပုဒ်လာရှိထားသည် ထိုဟဒီးစ်ကို (စောင်ဗာန် (ရ) သခင်က ဆင့်ပြန်ခဲ့သည်။)
-တမန်တော်မြတ်(ဆွ)မိန့်ကြားတော်မူခဲ့သည်မှာ...

"မုအ်မင်န်ကျေးကျွန်သည် မည်သည့်အခါပင်မဆို ကြီးကြီးငယ်ငယ် ဘေးဒုက္ခတစုံတရာနှင့် ရင်ဆိုင်ရလျှင် ထိုသို့ရင်ဆိုင်ရခြင်းသည် အကြောင်းရင်းနှစ်ခုကြောင့်သာဖြစ်မည်။...
*အလ္လဟ်အရှင်မြတ်သည် ထိုဘေးဒုက္ခအား အကြောင်းခံ၍ ထိုသူ၏အပြစ်များကို (မားဖ်)လုပ်ပေးမည်။

*သို့မဟုတ်ပါက ထိုသူ့အတွက် (အလ္လဟ်အရှင်မြတ်ထံပါးတော်မှ အထူးအဆင့်တန်းတစုံတရာ သတ်မှတ်ထားလေသည်။ ထိုသူသည် ထိုဘေးဒုက္ခ အခက်ခဲအား အကြောင်းခံ၍ ထိုအဆင့်တန်းအား ရရှိမည် ဖြစ်သည်။

"သို့ကြောင့်မည်သည့် ဘေးဒုက္ခ၊ အခက်ခဲများ တွေ့ကြုံရပါစေ (ဆွဗရ်)သည်းခံရမည်။ ထိုချိန်တွင် ငြီးခြင်း ၊ အလ္လဟ်အား (နာရှုကူရ်) ကျေးဇူကန်းခြင်းမလုပ်ရပေ။ အလ္လာဟ်ထံပါးတွင် ထိုအခက်ခဲများအား အမြန်ဆုံးဝေးကွာအောင်ပြုလုပ်ပေးသနားတော််မူပါဟု (ဒိုအာ)တောင်းခံပါ "အင်ရှာအလ္လဟ်" အလ္လဟ်အမြန်ဆုံးဝေကွာအောင်ပြုလုပ်ပေမည်။

Author-SK

~ကိုယ့်ကိုယ်ကိုယ် သူများနဲ့ နှိုင်းယှဥ်နေတာတွေကို ရပ်လိုက်ပါ။~ များသောအားဖြင့် ကိုယ့်စိတ်မပျော်ရခြင်းက ကိုယ့်ဘ၀ကို သူမျ...
02/09/2024

~ကိုယ့်ကိုယ်ကိုယ် သူများနဲ့ နှိုင်းယှဥ်နေတာတွေကို ရပ်လိုက်ပါ။~

များသောအားဖြင့် ကိုယ့်စိတ်မပျော်ရခြင်းက ကိုယ့်ဘ၀ကို သူများဘ၀နဲ့ ယှဥ်နေတာကြောင့်ပါ။ကိုယ့်ကိုယ်ကို ဂရုစိုက်ရမယ့်အစား ဘေးကသူတွေကိုပဲ လိုက်ကြည့်နေမိလို့ပါပဲ။

တစ်ခါတစ်လေကျရင် ကိုယ့်ခြေလှမ်းတွေကို မကြည့်မိတော့ပဲ သူများရဲ့ခြေလှမ်းကိုပဲ ကြည့်နေမိတဲ့အခါမှာ ခလုတ်တိုက်တာ၊ချော်လဲတာတွေ ဖြစ်နိုင်ပါတယ်။ ကိုယ့်ကိုယ်ကိုယ်သူများနဲ့ပဲ လိုက်ယှဥ်နေမိတယ်။ဒါကြောင့် ကိုယ်သွားနေတဲ့ ခရီးလမ်းက မအောင်မြင်တော့ဘူးပေါ့။

သူတို့မှာ ရှိတာတွေ ကိုယ့်မှာ မရှိတဲ့အခါ စိတ်ဓာတ်ကျတာ၊ မနာလိုတာ၊ စိတ်တိုတာတွေ ဖြစ်လာရပါတယ်။သူတို့ရဲ့ ပြည့်စုံခြင်းမျိုးတွေ ဘာလို့ ငါ့မှာ မရှိရတာလဲပေါ့။အဲ့လိုတွေးမိတဲ့အခါကျရင် စိတ်ကမပျော်တော့ပါဘူး။over thinking သမားတွေဆိုရင် ပိုဆိုးနိုင်ပါတယ်။

တကယ်တော့လေ ကိုယ့်မှာရှိတဲ့အရာတွေ၊ကိုယ့်ရဲ့ ဖြစ်တည်မှုတွေ၊ လုပ်နိုင်စွမ်းတွေကို သူများနဲ့ယှဥ်နေတာ လျှော့ချလိုက်မယ်ဆိုရင် အရင်ကထက် ပိုပျော်ရွှင်လာရမှာပါ။ကိုယ့်ဘ၀နဲ့ သူများဘ၀က ဘယ်လိုမှ မတူညီနိုင်ပါဘူး။သူက သူ။ကိုယ်က ကိုယ်ပါပဲ။

ဟဒီးစ်တော်မှာ လာရှိထားတယ်။
(သိရ်မီဇီကျမ်းမှာ ဆင့်ပြန်ထားပါတယ်။)

"الطاعم الشاكر كالصاءم الصابر"

{အလ္လာဟ်အရင်မြတ်ကို ကျေးဇူးတင်ပြီး စားသောက်တဲ့သူက စဗရ်လုပ်ပြီး ရိုဇာဟ်ထားတဲ့သူကဲ့သို့ပါပဲ။}

ဒီတော့ ပြောချင်တာက ကိုယ့်မှာ ရှိတာကိုပဲ အလ္လာဟ်အရှင်မြတ်ကို ကျေးဇူးတင်နေပါ။ ကိုယ့်ထက်ချို့တဲ့နေတဲ့သူတွေ လောကမှာ အများကြီး ရှိပါသေးတယ်။

ကိုယ့်ကိုယ်ကို အရမ်းအထင်ကြီးနေမိတဲ့အခါမှာလည်း ကိုယ့်ထက်သာတဲ့သူတွေကို ကြည့်ပြီး အတုယူပါ။သင်ခန်းစာ ယူပါ။

ကိုယ့်ကိုယ်ကို အားငယ်နေတဲ့ အခါမှာလည်း ကိုယ့်ထက် အားနည်းတဲ့သူတွေ၊အဆင်မပြေတဲ့သူတွေကို ကြည့်ပြီး အလ္လာဟ်အရှင်မြတ်ကို ကျေးဇူးတင်နေပါ။

Author-SF

~တိတ်ဆိတ်ခြင်း~တိတ်ဆိတ်ခြင်း ဆိုတာ အနုပညာတစ်ခုဖြစ်ပါတယ်။ တိတ်ဆိတ်နေလိုက်ခြင်းက ချစ်စရာကောင်းသလို၊ ကြောက်စရာကောင်းတာလည်း ...
31/08/2024

~တိတ်ဆိတ်ခြင်း~

တိတ်ဆိတ်ခြင်း ဆိုတာ အနုပညာတစ်ခုဖြစ်ပါတယ်။ တိတ်ဆိတ်နေလိုက်ခြင်းက ချစ်စရာကောင်းသလို၊ ကြောက်စရာကောင်းတာလည်း ဖြစ်နိုင်ပါတယ်။ဆိုလိုချင်တာက တိတ်ဆိတ်ခြင်းက ရသမျိုးစုံပေးနိုင်တဲ့ အနုပညာပါပဲ။

ဟဇရင်အလီ အမိန့်ရှိထားပါတယ်။
_(နည်းလမ်း ၃ မျိုးဖြင့် လူရဲ့စိတ်သောက ကပျော်ရွှင်မှု အဖြစ် ပြောင်းလဲသွားပါတယ်)

၁။ တိတ်ဆိတ်စွာနေလိုက်ခြင်း။
တိတ်တိတ်ဆိတ်ဆိတ် နေလိုက်ခြင်းဖြင့် ပူဆွေးသောကတွေ လျော့နည်းသွားစေပါတယ်။
၂။ သည်းခံခြင်း။
သည်းခံလိုက်ခြင်းဖြင့် ပူဆွေးသောကတွေ ကုန်ဆုံးသွားစေပါတယ်။
၃။ အလ္လာဟ်အရှင်မြတ်အား ကျေးဇူးတင်ခြင်း။
အလ္လာဟ်အရှင်မြတ်ကို ကျေးဇူးတင်လိုက်ခြင်းဖြင့် ပူဆွေးသောကတွေက ပျော်ရွှင်မှု အဖြစ်သို့ ပြောင်းလဲသွားပါတယ်။_
ဒီတော့ တိတ်ဆိတ်ခြင်းက အလွန်ပညာသားပါပါနဲ့ အစားပြန်ယူလို့ရတဲ့ ပညာတစ်ခုပါပဲ။

တိတ်ဆိတ်လိုက်ခြင်းကြောင့် ဒေါသ မရှိဘူးတော့ ဘယ်ဟုတ်ပါ့မလဲ။
လူဖြစ်နေတာကြောင့် ဒေါသတော့ ရှိကြတာပေါ့။ အဲ့ဒီ့ဒေါသကို တိတ်ဆိတ်ခြင်းနဲ့ အနိုင်ယူလိုက်လို့ရပါတယ်။
ဒေါသရှိတိုင်း ထုတ်ပြရင် ကိုယ်ပဲ ဒေါသကြီးတယ်ဆိုတဲ့ နာမည်ရသွားမယ်။

တိတ်ဆိတ်လိုက်ခြင်းကြောင့် မခံစားရတာတော့ ဘယ်ဟုတ်ပါ့မလဲ။
ခံစားရတာပေါ့။သို့သော် ခံစားနေရတာကို မျက်နှာမှာ ပေါ်လွင်အောင် မထုတ်ပြတာကလည်း ပညာ တစ်ခုပဲ။

ကိုယ်ခံစားရကြောင်း၊ ၀မ်းနည်းကြောင်းကို ထုတ်ပြလိုက်ရင် ကိုယ့်ကိုအားနည်းတဲ့သူလို့ ထင်သွားစေတယ်။တစ်ချို့ဆို ကဲ့ရဲ့ဖို့ပါ ရှိကြသေးတယ်။ဖေးမကူညီမယ့် သူတွေထက် ​ေ၀ဖန်မယ့်သူတွေက ခပ်များများဆိုတော့ နေတတ်အောင်နေမှ နေပျော်တဲ့ဘ၀လေးကို ပိုင်ဆိုင်ရမှာ။

ခံစားရကြောင်း ပြောပြလိုက်ရင်လည်း လူတွေက ပြေလည်အောင် လုပ်ပေးနိုင်ကြတာမှ မဟုတ်တာ။

ဒီတော့ အလ္လာဟ်အရှေ့မှာသာ အလ္လာဟ်ကို ပြောပြ၊ငိုကြွေး၊၀မ်းနည်းကြောင်းကိုထုတ်ပြ။အရာအားလုံးကို ပြေလည်အောင် လုပ်ပေးနိုင်တာ အလ္လာဟ်တစ်ပါးပဲ ရှိတယ်။ လူတွေရှေ့မှာ တိတ်ဆိတ်ပြီး၊စဗရ်လုပ်ပြီး၊ အလ္လာဟ်ရှေ့မှာ ထုတ်ပြတာကြောင့် အလ္လာဟ်အရှင်မြတ်ကလည်း ကောင်းတဲ့အစား ပြန်ပေးမှာပါ။(Inshallah)

လူဖြစ်လာပေမဲ့လည်း လူတွေနဲ့ကောင်းကောင်းမွန်မွန် ဆက်ဆံနိုင်ဖို့ဆိုတာ တော်တော်အထာကျပြီး ရင့်ကျက်အောင်နေမှ တော်ရာကျမှာ။

ရင့်ကျက်အောင် နေဖို့ဆိုတာကလည်း လွယ်လင့်သကူနေလို့ရတဲ့ ဟာမျိုးမှ မဟုတ်ပဲ။တော်တော်လေးကို ခက်တာ။

တိတ်ဆိတ်ခြင်းဟာလည်း ရင့်ကျက်ခြင်း တစ်မျိုးပဲ။

-ဒီလောကအလယ်ထဲ ရင့်ကျက်ဖို့ရယ် တိတ်ဆိတ်စွာနေနိုင်ဖို့ကို သင်ကြားရဦးပေမည်။-

Author-SF

"ပရ်ဒါဟ်"~အမျိုးသမီးတိုင်း ပရ်ဒါဟ်လုပ်ဖို့က ဖရဇ်တာ၀န်ပါ။~(ကုရ်အာန်ကျမ်းတော်မြတ်မှာလည်း ပရ်ဒါဟ်ရဲ့ အမိန့်လာရှိထားပါတယ်)ပရ...
07/08/2024

"ပရ်ဒါဟ်"
~အမျိုးသမီးတိုင်း ပရ်ဒါဟ်လုပ်ဖို့က ဖရဇ်တာ၀န်ပါ။~
(ကုရ်အာန်ကျမ်းတော်မြတ်မှာလည်း ပရ်ဒါဟ်ရဲ့ အမိန့်လာရှိထားပါတယ်)

ပရ်ဒါဟ်ဆိုတာ ခန္ဓာကိုယ်ကို ဖုံးအုပ်ခြင်းပဲ မဟုတ်ပါဘူး၊မကြည့်ပိုင်တဲ့ လူတွေကို မကြည့်ခြင်းလည်း ပါပါတယ်။

ကိုယ်ကိုယ်တိုင်လည်းပရ်ဒါဟ်၀တ်နိုင်အောင် လုပ်ပါ။ တခြားအမျိုးသမီးတွေကိုလည်း ပရ်ဒါဟ်၀တ်ချင်အောင်၊၀တ်ချင်စိတ်ဖြစ်လာအောင် တိုက်တွန်းနှိုးဆော်ပါ။

နဖိလ်အေဘာဒသ််တွေ အများကြီးလုပ်တယ်၊ ဇိကိရ်၊ သေလာ၀သ်တွေ အများကြီးလုပ်တယ်၊ သို့ပေမဲ့ ပရ်ဒါဟ်ရဲ့ အမိန့်ကိုတော့ လျစ်လျူရှု ထားကြတယ်။

နှလုံးသားလှပပြီး စိတ်ထားလည်း ကောင်းမွန်တယ်၊ သို့ပေမဲ့ ပရ်ဒါဟ် မလုပ်ဘူး။

အရှူ့(အမြင်) ဟာ ပြစ်မှုဒုစရိုက်ရဲ့ အရင်းမြစ် ဖြစ်နိုင်သလို၊ အကုသိုလ်ကနေ စင်ကြယ်စေနိုင်တဲ့ အကြောင်းခံလည်း ဖြစ်တယ်။

တချို့အမျိုးသမီးတွေက နှလုံးသားကို ပြစ်မှုဒုစရိုက်ကနေ စင်ကြယ်အောင် ထားရှိပေမဲ့လည်း ပရ်ဒါဟ်လုပ်ဖို့ ၀န်လေးကြပါတယ်။

ပရ်ဒါဟ်သည် ချုပ်နှောင်မှုတစ်ခုမဟုတ်ပါဘူး၊ ရှက်ကြောက်စရာ အရာလည်း မဟုတ်ပါဘူး၊ ပရ်ဒါဟ်သည် အကာကွယ်တစ်ခုသာ ဖြစ်တယ်။

အခုခေတ်မှာ ဖြစ်လေ့ဖြစ်ထ ရှိတဲ့အရာ တစ်ခုရှိပါတယ် ~အရွယ်ရောက်ပြီးသား မိန်းကလေးတွေက အနီးနားက ပရ်ဒါဟ်လုပ်ထားတဲ့ ရွယ်တူတွေကို တွေ့မြင်အားကျပြီး ဟီဂျားဗ် လုပ်ချင်စိတ်တွေ ဖြစ်ပေါ်လာတတ်ကြပါတယ်၊ ဒါကို မိဘတော်တော်များများက အကြောင်းပြချက်တွေပေးပြီး ကလေးတွေကို ပရ်ဒါဟ် လုပ်ခွင့်မပြုကြပါဘူး၊ (တောရွာမှာနေလို့(နေရာဒေသ)၊ သူများ ပြောမှာရှက်လို့၊ အိမ်ထောင်ကျပြီးမှ ပရ်ဒါဟ်လုပ် ဆိုပြီးတော့ အကြောင်းပြချက်အမျိုးမျိုးနဲ့ ငြင်းကြပါတယ်)
~ပရ်ဒါဟ်က ရှက်စရာ မဟုတ်ပါဘူး~
~အိမ်ထောင်ကျမှ ၀တ်ဆင်ရတာ မဟုတ်ပါဘူး~

တစ်ခါက ကိုယ်တော်က မိမိရဲ့ သမီးတော်တစ်ယောက်ကို မေးပါတယ်။
"အမျိုးသမီးအတွက် ဘယ်အရာက အကောင်းဆုံး ဖြစ်ပါသလဲ။"
သမီးတော်က ပြန်ဖြေပါတယ်။
"မကြည့်ပိုင်တဲ့ အမျိုးသားတွေကို ကြည့်ခြင်းကနေ ရှောင်ခြင်းပဲ ဖြစ်ပါတယ်။"
ဒီအဖြေကို ကိုယ်တော်(ဆွ)က ကြားပြီး မိမိသမီးကို အလွန်မှပိုချစ်ခင်လာပါတယ်။(ဒါက မျက်လုံးရဲ့ ပရ်ဒါဟ် ဖြစ်ပါတယ်။)

အလ္လာဟ်အရှင်မြတ် အမျိုးသမီးတိုင်းကို ပရ်ဒါဟ် လုပ်နိုင်စွမ်း ချီးမြှင့်တော်မူပါစေ။

~အာမီးန်~

Author-SF

°ခွင့်လွှတ်လိုက်ခြင်း °လူတစ်ဦးဦးကို စိတ်ဆိုးဒေါသ ထွက်တဲ့အခါ ဘာလုပ်တတ်လဲ။အော်ဟစ် ပေါက်ကွဲတတ်တာလား။တနုံ့နုံ့နဲ့ ဒေါသထွက်...
06/08/2024

°ခွင့်လွှတ်လိုက်ခြင်း °

လူတစ်ဦးဦးကို စိတ်ဆိုးဒေါသ ထွက်တဲ့အခါ ဘာလုပ်တတ်လဲ။

အော်ဟစ် ပေါက်ကွဲတတ်တာလား။တနုံ့နုံ့နဲ့ ဒေါသထွက်နေတတ်တာလား။

တစ်ယောက်တည်း ကြိတ်ပြီး စိတ်မကောင်းဖြစ်တတ်တာလား။

ဒါတွေ ပြီးသွားရင်ရော ဘာလုပ်တတ်လဲ။

ခွင့်လွှတ်ပေးလိုက်လား (ဒါမှမဟုတ်) ကိုယ်ခံစားရတာကိုပဲ ထွေးပိုက်ပြီး နောင်တစ်ချိန်ထိ သယ်သွားတတ်လား။

အဲ့လိုဖြစ်နေတယ်ဆိုရင်တော့ အကောင်းဆုံး နည်းလမ်း တစ်ခုကို ပြောပြပါ့မယ်။

ဒါကတော့ ကိုယ့်အပေါ်အမှား လုပ်ထားတဲ့သူကို ဗွေမယူပဲ တတ်နိုင်သလောက် မြန်မြန် ခွင့်လွှတ်ပေးလိုက်ပါ။ (တနုံ့နုံ့နဲ့ စဥ်းစားပြီး ဒေါသထွက်တာထက်စာလျှင် ခွင့်လွှတ်လိုက်တာက စိတ်ကိုပိုသက်သာရာ ရစေပါတယ်၊ ပြီးတော့ အလ္လာအရှင်မြတ်ကလည်းပဲ ခွင့်လွှတ်လိုက်ခြင်းကို နှစ်သက်ပါတယ်။)

"ကိုယ်က တခြားသူရဲ့ အပြစ်ကို ခွင့်လွှတ်ပေးလိုက်ရင် အလ္လာဟ်အရှင်မြတ်ကလည်း ကိုယ့်အပြစ်ကို ခွင့်လွှတ်ပေးမှာပါ။"

ခွင့်လွှတ်ခြင်းက တမန်တော်မြတ်(ဆွ)ရဲ့ စွန္နသ်တစ်ခုလည်း ဖြစ်ပါတယ်။
ကိုယ်တော်က အမြဲတစေ ခွင့်လွှတ်လေ့ ရှိပါတယ်။

ခွင့်လွှတ်တာနဲ့ ပတ်သတ်ပြီး ကျမ်းတော်မြတ်ကုရ်အာန်ထဲမှာလည်း လာရှိထားပါတယ်။

"وليعفوا و ليصفحوا الا تحبون ان يغفر الله لكم والله غفور رحيم"

ဒီတော့ လူတွေကို ခွင့်လွှတ်လိုက်ပါ၊ အလ္လာအရှင်မြတ်ရဲ့ ခွင့်လွှတ်မှုကိုလည်း ပြန်ရပါလိမ့်မယ်။ (Inshallah)

ခွင့်လွှတ်တယ် ဆိုတာက စိတ်ထားကောင်းမွန်သူတွေ၊ စိတ်ဓါတ်ခွန်အား ကောင်းမွန်တဲ့သူတွေပဲ လုပ်နိုင်ကြတာပါ။

ခွင့်လွှတ်လိုက်တယ်ဆိုတာက နည်းလမ်းကောင်း ဖြစ်မှာပါ။

ပြဿနာတိုင်းကို ခွင့်လွှတ်ဖို့က အလွန်အင်မတန်မှ ခက်ခဲလှပါတယ်။

လူတွေနဲ့ ဆက်ဆံရေးကိုလည်း ကောင်းမွန်လာစေပါတယ်။

စိတ်ကိုလည်း သက်သာမှုရစေသလို၊ စိတ်ပင်ပန်း၊စိတ်သောက မရောက်စေတော့ပါဘူး။

Author-SF

05/08/2024

"တည်တည်ငြိမ်ငြိမ်နဲ့ အလျှင်မလိုပဲ အလုပ်လုပ်ခြင်း အကြောင်း"

"الاناة من الله والعجلة من الشيطان"

ဒီ(ဟဒီးစ်)ကို ဟဇရသ်(အနစ်)(ရ)က တမန်တော်မြတ်(ဆွ) ထံကနေ ဆင့်ပြန်ထားတဲ့ (ဟဒီးစ်)ဖြစ်ပါတယ်

(ဟဒီးစ်)ရဲ့အဓိပ္ပါယ်=တည်ငြိမ်စွာနဲ့ပြုလုပ်ခြင်းသည်"အလ္လဟ်အရှင်မြတ်"ဘက်ကနေဖြစ်သည်။ အလျင်စလိုလုပ်ခြင်းသည် "ရှိုင်သွာန်" ဘက်ကဖြစ်ပါတယ်။

ကောင်းသောအလုပ်တခုခုကိုအစပြုတော့မယ်ဆိုရင် အလုပ်ရဲ့အခြေနေ (ဘယ်လိုအစပြုရင် ပိုကောင်းမလဲ၊ဘယ်လို ကောင်းအောင် အဆုံးသတ်ရမလဲ)ကို သေချာသုံးသပ်ပီးမှအစပြုသင့်ပါတယ် ။ဒါပေမဲ့ ကောင်းမွန်တဲ့အလုပ်တခုခုကို ပြုလုပ်တော့မယ်ဆိုရင် လျင်လျင်မြန်မြန် အစပြုခြင်းက အကောင်းဆုံးပဲဖြစ်ပါတယ်။
(အေဘာဒသ်)နှင့်(အမိန့်နာခံမှု)တွေကိုအစပြုတော့မယ်ဆိုရင် လျင်လျင် မြန်မြန် အစပြုသင့်ပါတယ်၊ ဒါပေမဲ့ (အေဘာဒသ်)နှင့်(အမိန့်နာခံမှု)လုပ်နေရင်း ကြားကာလမှာ လျင်လျင် မြန်မြန် လုပ်ခြင်းက မကောင်းပါဘူး။ ဘာလို့လဲဆိုရင်တော့ အဲ့လိုလျင်လျင် မြန်မြန် လုပ်ခြင်းက (ရှိုင်သွာန်)ရဲ့ဘက်ကဖြစ်တာကြောင့်ပါ။

ပမာအားဖြင့်....နမားဇ်ဖတ်ဖို့ရည်ရွယ်လိုက်ပီးဆိုရင် (နမားဇ်) ကို လောကီရေးရာ အလုပ်တွေကို ခဏဘေးဖယ်ထားပြီး မဆိုင်းမငံ့ပဲ လျင်လျင် မြန်မြန် အစပြုသင့်ပါတယ်။ အစပြုပြီးသည့်နောက်မှာ လျင်လျင်မြန်မြန် မလုပ်သင့်ပါဘူး။ အဲ့တာနဲ့ပတ်သက်ပီး (ဟဒီးစ်တော်)တွေမှာတားမြစ်ထားပါတယ် ။

အေးဆေးတည်ငြိမ်စွာဖြင့် နမားဇ်ကိုဖတ်ဖို့က(ဝါဂျိဗ်) တာဝန်ဖြစ်ပါတယ်။

("ဒွန္နယာ" ရဲ့အလုပ်ကိစ္စရပ်တွေမှာ သေချာစဥ်းစားပြီးမှ အစပြုသင့်ပါတယ် ("ကောင်းတဲ့ အလုပ်(အလ္လာဟ်အရှင်မြတ်နှစ်သက်မယ်ဆိုရင် လုပ်လိုက်ပါ၊ ဂိုနာဟ် ဖြစ်စေမဲ့ လုပ်ရပ်မျိုးဆိုရင် ရှောင်ပါ)

အလ္လာဟ်)တွက်လုပ်တဲ့ ကိစ္စတွေမှာ(အေဘာဒသ်၊ဇိကိရ်၊သေလာ၀သ် စသဖြင့်) အချိန်မဆွဲပဲ အစပြုသင့်ပါတယ်)

Author-SK

Assalamualikum...မစ်၀ါးက်တိုက်ခြင်းနဲ့ ပတ်သတ်ပြီး အချို့အကျိုးကျေးဇူးတွေကို တင်ပြမှာ ဖြစ်ပါတယ်။"السواك مطهرة للفم و مرضا...
04/08/2024

Assalamualikum...

မစ်၀ါးက်တိုက်ခြင်းနဲ့ ပတ်သတ်ပြီး အချို့အကျိုးကျေးဇူးတွေကို တင်ပြမှာ ဖြစ်ပါတယ်။

"السواك مطهرة للفم و مرضاة للربّ"
ဟဇရသ်(အာအေရှာ)ဆင့်ပြန်ထားတဲ့ "ဟဒီးစ်တော်"တစ်ပုဒ်လာရှိတယ်။

တမန်တော်(ဆွ)ကအမိန့်ရှိတော်မူတယ်။ (မစ်ဝါးက်)တိုက်မယ်ဆိုရင်ပါးစပ်ကိုလည်းသန့်ပြန်စေတော်မူတယ်၊ ပြီးတော့ "အလ္လဟ်အရှင်မြတ်" လဲနှစ်သက်တော်မူတယ်။

(မစ်ဝါးက်တိုက်ခြင်းကတမန်တော်ရဲ့(စွန္နသ်)တစ်ခုလည်းဖြစ်တယ်။

(မစ်ဝါးက်)တိုက်ခြင်းဖြင့်အကျိုးကျေးဇူတွေက(၇၀)ကျော်ရှိတယ်လို့ ဟဒီးစ်တော်တွေထဲမှာ လာရှိတယ်။ အဲ့ထဲမှအချို့ကတော့ =သွားကိုသန့်ရှင်းစေတယ် - ပါးစပ်အနံ့ဆိုးခြင်းမှကင်းဝေစေတယ် - ပစ္စည်းဥစ္စာမှာ​တိုးပွားမှုရှိစေတယ် - လုပ်ငန်းတွေမှာ ချောင်လည်မှုတွေ ဖြစ်ပေါ်လာစေတယ် - ချွဲသလိပ်ကပ်ခြင်းမှကင်းဝေးစေတယ် - ခေါင်းကိုက်ဝေသနာကိုဝေးကွာစေတယ် - အစာအိမ်ကိုကောင်းမွန်စေတယ် - မှတ်ဉာဏ်ကိုပိုတိုးစေတယ်- အစားကြေစေတယ် - အိုးမင်းခြင်းကိုလျှော့ကျစေတယ် -
ဒါတွေထက် အကောင်းဆုံး "အကျိုးကျေးဇူး" ကတော့ - အလ္လာဟ်အမိန့်မခံခင်မှာ (ကလိမာအ်ရှဟာသသ်) ကိုမိမိနှုတ်လျှာမှလွယ်လင့်တကူဖတ်ခွင့်ရမယ် လို့ "ဟဒီးစ်တော်" တပုဒ်မှာလာရှိထားတယ်။

ထပ်ပြီးတော့ "မစ်ဝါးက်" တိုက်ပီးဖတ်တဲ့"နမားဇ်"ကမတိုက်ပဲဖတ်တဲ့ "နမားဇ်" ထက် "အကျိုးကျေးဇူ" ပေါင်းအဆ (၇၀) သာပိုတယ်၊ ဆိုပြီးတော့လည်း ဟဒီးစ်မှာ ထပ်လာရှိသေးတယ်။

Author-SK

04/08/2024

(Assalamualikum)
ဒီနေ့ ပြောပြပေးမှာက (غیبت) ဆိုတဲ့ အတင်းပြောခြင်း အကြောင်းပဲ ဖြစ်ပါတယ် ။ ဟဒီးစ်တော်မှာ လာရှိထားပါတယ်
"الغيبة اشد من الزنا"
'رواه البيهقي'

သူတစ်ပါးရဲ့ အတင်းပြောခြင်းက ဇေနာဟ် လုပ်ခြင်းထက် ပိုအပြစ်ကြီးပါတယ်။
ကဲ...ဒီတော့ အတင်းအဖျင်း ပြောခြင်းဆိုတာက ဘာလဲ။
အတင်းပြောခြင်းဆိုတာက လူတစ်ယောက်ကို သူမရှိတဲ့ချိန်မှာ သူနဲ့ပတ်သတ်ပြီးတော့ ဒီလိုမျိုး စကားကို ပြောလိုက်ခြင်း၊ အဲ့ဒီ စကားကို သူကပြန်ကြားရင် နှစ်သက်မှာ မဟုတ်ဘူး။အကယ်၍ ကိုယ်ပြောလိုက်တဲ့စကားက သူ့မှာ မရှိဘူးဆိုရင်တော့ ဒါက အတင်းမဟုတ်တော့ပါဘူး၊ စွပ်စွဲတာ ဖြစ်သွားပါတယ်။စွပ်စွဲတာက အတင်းပြောခြင်းထက်ကို ပိုဆိုးသွားပါပြီ၊ ပိုပြီးတော့အပြစ် ကြီးသွားပါပြီ။
ဒီတော့ ဟဒီးစ်မှာက ဘာကို ပြောချင်တာလဲ။
လူတစ်ယောက်က ဇေနာဟ် လုပ်လိုက်ရင် မိမိကိုယ်မိမိ အပြစ်လုပ်မိပြီ ဆိုပြီးတော့ အရှက်ရ၊သေးသိမ်နေတတ်ပါတယ်၊ ဒီတော့ သောင်၀်ဗဟ်လုပ်ကြပါတယ်၊အတင်းပြောတဲ့သူက ကိုယ့်ကိုယ်ကို အပြစ်လုပ်မိပြီဆိုပြီးတော့ မခံစားရသလို၊ သေးငယ်တဲ့ဂိုနာဟ်လို့ပဲ မှတ်ယူကြပါတယ်၊ သောင်၀်ဗဟ်လည်း မလုပ်ဖြစ်ကြတော့ပါဘူး။ အတင်းပြောတဲ့သူက အတင်းပြောခြင်းကို ဂိုနာဟ်လို့ မသတ်မှတ်တဲဲ့အတွက်ကြောင့် ဒီဟဒီးစ်မှာ တားမြင်ထားတာ ဖြစ်ပါတယ်။ အတင်းပြောတဲ့သူက သောင်၀်ဗဟ်လုပ်ခဲ့ရင်လည်း အလ္လာဟ်အရှင်မြတ်က ခွင့်မလွှတ်ပါဘူး။ ဘာကြောင့်လဲဆိုတော့ ဒီလိုအတင်းပြောလိုက်ခြင်းက( ဟူကူကွလ်အေဗာသ်) ဖြစ်တဲ့အတွက်ကြောင့့် ပြောခံရတဲ့သူက ခွင့်လွှတ်မှသာလျှင် အလ္လာဟ်အရှင်မြတ်က ခွင့်လွှတ်မှာ ဖြစ်ပါတယ်။ အခုပြောလိုက်တဲ့ စကားတွေကြောင့် ဇေနာဟ်က အတင်းပြောခြင်းလောက် ငရဲမကြီးဘူးဆိုပြီးတော့ လုပ်လိုက်လို့လည်း မရပါဘူး။ ဇေနာဟ်နဲ့ပတ်သတ်ပြီးတော့ ကုရ်အာန်ကျမ်းတော်မြတ်မှာ တားမြစ်ချက် လာရှိထားတာရှိပါတယ်။

"الزانية و الزاني فاجلدوا كل وحد منهما ماءة جلدة"
(စူရဟ်နူရ် အာယသ်၂)
ဇေနာဟ်လုပ်တဲ့သူတွေ (အမျိုးသားနဲ့ အမျိုးသမီးက)အပျို\လူပျို ဖြစ်မယ်ဆိုရင် ကြိမ်ဒဏ်အချက်(၁၀၀)ရိုက်ရပါမယ်။တော်တော်ကိုမှ ကြီးလေးတဲ့ အပြစ်ဖြစ်တာကြောင့်ပါ။ အကယ်၍ ဇေနာဟ်လုပ်တဲ့သူ (အမျိုးသား၊အမျိုးသမီး)က အိမ်ထောင်ရှိတဲ့သူဖြစ်နေမယ် တခြားတစိမ်းနဲ့ ဇေနဟ်လုပ်ရင် ခဲပေါက်သတ်ရပါတယ်။ ဒါကြောင့် အတင်းပြောခြင်း၊ဇေနာဟ်လုပ်ခြင်း နှစ်ခုလုံးကနေ ရှောင်ရှားဖို့ အလွန့်အလွန်အရေးကြီးပါတယ်။

Author-SF

(Deen Islam)

03/08/2024

ကဲ ဒီနေ့ ပြောပြပေးမှာကတော့ ظہار အကြောင်းပဲ ဖြစ်ပါတယ်။

ဆိုလိုတာက အစ္စလာမ့်ရဲ့အရင်ခေတ်(အမှောင်ခေတ်)မှာတုန်းက အိမ်ထောင်တစ်ခုမှာ အမျိုးသားက မိမိအမျိုးသမီးကို သွလားက် ပေးချင်တဲ့အခါမျိုးမှာ မိမိရဲ့ဇနီးကို ရာသက်ပန်နီကာဟ်ဟရာမ် ဖြစ်တဲ့ အမျိုးသမီး (အမေ၊ညီမ၊အဒေါ်အရင်း)တစ်ဦးဦးနဲ့ နှိုင်းပြောခြင်း၊ (သို့မဟုတ်) နီကာဟ်ဟရာမ် ဖြစ်တဲ့ အမျိုးသမီးရဲ့ အစိတ်ပိုင်းတစ်ခုခု (ကျော၊ခြေထောက်၊လက် စသဖြင့်ပေါ့) နှိုင်းပြောလိုက်ခြင်းဖြင့် လက်ရှိနီကာဟ် လုပ်ထားတဲ့ အမျိုးသမီးက သွလားက်ကျသွားပါတယ်။ အကယ်၍ အဲ့ဒီ လက်ရှိဇနီးအမျိုးသမီးက သံ၀ါသ မလုပ်ထားတဲ့ အမျိုးသမီး ဖြစ်မယ်ဆိုရင်တော့ သွလားက်ဘာအင်န် (အမျိုးသားနဲ့ အမျိုးသမီးက ဘာမှမသက်ဆိုင်တော့တာပါ)ကျသွားပါတယ်။ ဒီတော့ အခုislamက ဘယ်လိုတွေများ ပြင်ဆင်တာမျိုး လုပ်လိုက်လဲဆိုတော့၊ အဲ့လိုပြောပြီးသွားတဲ့အခါမျိုးမှာ ပြန်ပြီး ဟလာလ်ဖြစ်ဖို့တွက် ကဖာရဟ် ပေးရမယ်ဆိုပြီးတော့ ပြန်ပြုလုပ်လိုက်ပါတယ်။ အဲ့ဒီ ကဖာရဟ်ကို ဘယ်လိုပေးရမလဲဆိုတာနဲ့ ပတ်သတ်ပြီးတော့ စူရဟ်မူဂျာဒိလဟ် (အာယသ်၂)ကနေ စပြီးတင်ပြထားပါတယ်။

Author-SF

Address

Yangon

Website

Alerts

Be the first to know and let us send you an email when Deen Islam posts news and promotions. Your email address will not be used for any other purpose, and you can unsubscribe at any time.

Shortcuts

Share

Category