25/09/2026
အခုမှ ဒီမက်ခွက်တွေကို သဘောပေါက်တယ်။
အပူဒါဏ်လည်းခံနိုင်တယ်။
ကြံ့ကြံ့ခံနိုင်တဲ့ စိတ်ဓာတ်တွေလိုပဲ။
စောင့်နေရတဲ့အချိန်တိုင်းကို
ဆုံးရှုံးသွားတဲ့အချိန်လို့ မထင်ပါနဲ့။
ကိုယ့်အချိန်လို့ပဲ သဘောထားပါ။
Drip Coffee တစ်ခွက်တောင်
အစက်တစ်စက်ချင်း ကျလာဖို့ စောင့်ရတယ်။
မြန်မြန်ရချင်လို့ အလောတကြီးလုပ်လိုက်ရင်
ရသင့်တဲ့အရသာကို မရနိုင်ဘူး။
စောင့်နေရင်း မကျေနပ်မှုတွေကိုပဲ
စိတ်ထဲထည့်ထားမယ်ဆိုရင်
အဲဒီအချိန်တွေက ကိုယ့်အတွက် အဆိပ်ဖြစ်လာမယ်။
စောင့်ရင်းနဲ့
ကိုယ်လုပ်နိုင်တာကို ဆက်လုပ်မယ်၊
ကိုယ်ယုံကြည်တာကို ဆက်ထိန်းမယ်၊
ကိုယ့်ကိုယ်ကိုလည်း ဆက်တည်ဆောက်နေမယ်ဆိုရင်
အဲဒီအချိန်တွေဟာ တန်ဖိုးရှိတဲ့ အတွေ့အကြုံတွေ ဖြစ်လာမယ်။
တော်လှန်ရေးခရီးမှာလည်း ဒီလိုပါပဲ။
ရလဒ်ကို ဘယ်နေ့ရမယ်ဆိုတာ
ကိုယ်တစ်ယောက်တည်း ဆုံးဖြတ်လို့မရဘူး။
ဒီနေ့ ကိုယ်ဘာလုပ်မလဲဆိုတာတော့
ကိုယ်မှာရွေးချယ်ခွင့်ရှိတယ်။
ကြိုးစားခြင်းက ကိုယ့်ရွေးချယ်မှု။
စောင့်နိုင်ခြင်းက ကိုယ့်စိတ်ဓာတ် ကြံ့ခိုင်မှု။
တစ်နေ့ ရလာမယ့် ရလဒ်ကတော့
ကိုယ့်တစ်ယောက်တည်းအတွက် မဟုတ်ဘူး။
လူအများနဲ့ မျှဝေရမယ့် ဆုလဒ်တစ်ခု ဖြစ်တယ်။
Drip Coffee တစ်ခွက်လိုပဲ
တစ်စက်ချင်းက နှေးကောင်းနှေးမယ်။
တစ်စက်ချင်းတိုင်းက
နောက်ဆုံးရလာမယ့် တစ်ခွက်လုံးရဲ့ အောင်မြင်မှု အစိတ်အပိုင်းပဲ။
…မောလား…
…ခဏနား…
…ပြီးရင်….🚩
Art. Resistance. Taste.
:::
@ [email protected]
:::
🪖Artstrike
🪖Artstrike Craft Coffee
🪖Artstrike Merchandise Corner
