Purple Feminists Group

15/06/2026

❝တန်းတူညီမျှအခွင့်အရေးဆိုတာ ဥပဒေအဆိုပြုလိုက်ရုံနဲ့တင် ပြီးပြည့်စုံသွားတာမဟုတ်ပါဘူး။ ဒီအခက်အခဲကို လူမှုပတ်ဝန်းကျင်က အသိအမှတ်ပြုပြီး နှလုံးသားနဲ့လက်ခံနိုင်မှသာ တန်းတူညီမျှအခွင့်အရေးကိုအမှန်တကယ်ရရှိနိုင်တာပဲဖြစ်ပါတယ်။❞
- Barbara Gittings (LGBTQ Rights Activist)

14/06/2026

🌈𝗢𝘂𝗿 𝗣𝗿𝗶𝗱𝗲, 𝗢𝘂𝗿 𝗩𝗼𝗶𝗰𝗲🌈

ဂျဲန်ဒါအကြောင်းကို ပြောဆိုဆွေးနွေးကြတဲ့အခါမှာ အမျိုးသား၊ အမျိုးသမီးဆိုတဲ့ binary world ထဲမှာ ကုန်ဆုံးသွားလို့မရပါဘူး။ တခြားသောဂျဲန်ဒါဖြစ်တည်မှုတွေကိုလည်း ထည့်သွင်းစဥ်းစားဖို့လိုပါတယ်။ ဖီမနစ်ဇမ်လှုပ်ရှားမှုမှာလည်း ဂျဲန်ဒါတန်းတူညီမျှကိုအဓိကထားပြီး လုပ်ဆောင်နေတဲ့အလျောက် မတူကွဲပြားတဲ့ဂျဲန်ဒါဖြစ်တည်မှုတွေရဲ့အသံတွေပါ၀င်လာဖို့ကလည်း အရေးကြီးပါတယ်။ ဒါကြောင့် ဒီတစ်ခေါက်မှာတော့ V.O.I.C.E (Visibility, Opportunity, Inclusion, Choice, Equity) webinar series အောက်ကနေ 🏳️‍🌈𝗢𝘂𝗿 𝗣𝗿𝗶𝗱𝗲, 𝗢𝘂𝗿 𝗩𝗼𝗶𝗰𝗲🏳️‍🌈 ဆိုတဲ့ webinar လေးကို ဂုဏ်ယူစွာနဲ့ ခေါ်ဆောင်လာပါပြီ။

ဒီwebinarလေးမှာတော့ မတူညီတဲ့နယ်ပယ်များမှ ဖိတ်ခေါ်ထားသော စပီကာနှစ်ဦးမှ LGBTQ+ အသိုင်းအဝိုင်းအတွက် လက်ရှိမှာဘာတွေလုပ်ဆောင်နေကြတယ်၊ ဘယ်လိုမျိုးစိန်ခေါ်မှု၊ အခက်အခဲတွေကြားထဲကနေ ရှင်သန် ရုန်းကန်ရပ်တည်နေကြတယ်ဆိုတဲ့ လက်တွေ့ဘဝ ဖြတ်သန်းမှု အကြောင်းအရာလေးတွေကို နှီးနှောဖလှယ်သွားကြမှာပဲဖြစ်ပါတယ်။ အထူးသဖြင့် ရွှေ့ပြောင်းနေထိုင်နေရတဲ့ LGBTQ+ ရုန်းကန်ဖြတ်သန်းရမှုတွေနဲ့အတူ အမျိုးသမီးနှင့်LGBTQ+အားလုံး အခွင့်အရေးရရှိဖို့၊ ဂျဲန်ဒါတန်းတူညီမျှမှုရရှိဖို့ တွန်းအားပေးလုပ်ဆောင်နေတဲ့ အကြောင်းအရာလေးများကို အဓိကထားမျှဝေပေးသွားမှာဖြစ်ပါတယ်။ ဒါ့အပြင် ပိုမိုမျှတတဲ့ လူ့အဖွဲ့အစည်းတစ်ခုကိုဖော်ဆောင်နိုင်ဖို့ မတူကွဲပြားတဲ့ အုပ်စုတွေကြားဘယ်လိုမျိုး တည်ဆောက်ကြမလဲဆိုတာကိုပါ အတူတကွဆွေးနွေးသွားကြမှာပဲ ဖြစ်ပါတယ်။

ဒီ webinar အတွက် ဖိတ်ခေါ်ထားတဲ့ speakerတွေအကြောင်းအသေးစိတ်ကိုတော့ မကြာမီ မျှ‌‌ေ၀ပေးသွားမှာမလို့ စောင့်မျှော်ပေးကြဖို့ အသိပေးအပ်ပါတယ်။

ပွဲအကြောင်း အသေးစိတ်
📅 နေ့ရက် : ၂၀၂၆ ခုနှစ်၊ ဇွန်လ ၂၈ ရက် (တနင်္ဂနွေနေ့)
⏰ အချိန် : နေ့လည် ၁:၀၀ နာရီ မှ ၃:၀၀ နာရီအထိ (မြန်မာအချိန်)
📍 နေရာ : Zoom

👉 စာရင်းပေးသွင်းရန်လင့်ခ် - https://forms.gle/zWoNpSzwHUasV5296

ယခု Webinar လေးမှာ ပါဝင်ဆွေးနွေးဖို့ စိတ်ပါ၀င်စားရင်တော့ အပေါ်ကလင့်ခ်လေးကနေတဆင့် ၂၆ ရက်နေ့ ညနေ ခြောက်နာရီ နောက်ဆုံးထားပြီး စာရင်းပေးသွင်းဖို့တော့ လိုမယ်နော်။

တခြားသော သိရှိမေးမြန်းလိုတာရှိပါကလည်း page Messenger (သို့) [email protected] တို့မှတဆင့် ဆက်သွယ်မေးမြန်းနိုင်ပါတယ်။

08/06/2026

❝မှတ်ပုံတင်ထဲမှာတော့ ကျွန်မရဲ့နာမည်ကို ယောက်ျားလေးနာမည်အနေနဲ့ ဖော်ပြထားပေမယ့် ကျွန်မကတော့ ကိုယ့်ကိုယ်ကို စူးရှရှင်းသန့်လို့ခေါ်တဲ့ မိန်းကလေးတစ်ယောက်အနေနဲ့ပဲ ခံယူထားပါတယ်။ ဒါပေမဲ့ အဲ့ဒါက တရား၀င် legal ဖြစ်နေလား၊ မှတ်ပုံတင်ထဲမှာ ပြောင်းထားလားဆိုတော့ ပြောင်းလို့မရပါဘူး။ ပြောင်းလို့ရတဲ့ပေါ်လစီလည်း မြန်မာနိုင်ငံမှာ မရှိဘူး။ အဲ့တော့ ကျွန်မ အနည်းဆုံးတော့ Trans*xual woman လုံးဝအပြည့်အစုံ ခုနကပြောသလို အမျိူးသမီးအင်္ဂါတွေရော အကုန်လုံး ပြောင်းလဲပြီးတော့ သွားပြီးတော့ လုပ်မယ်ဆိုရင်တောင် တော်တော်ခက်ခဲတဲ့အရာ ဖြစ်တယ်ပေါ့နော်။❞
- Sue Sha Shin Thant (LGBTQIA+ Activist)

01/06/2026

“မကောင်းတဲ့အရာတွေကို မိန်းမလိင်နဲ့ သွားတွဲပြီးတော့ ကောင်းတဲ့အရာတွေကိုဆို ယောက်ျားလိင်နဲ့ သွားတွဲတာမျိုးတွေ။ ဥပမာ - ရည်မှန်းချက်ကြီးတယ်၊ ဆုံးဖြတ်နိုင်တယ်၊ ဦးဆောင်နိုင်တယ်၊ ပြတ်သားတယ်ဆိုတာတွေက ယောက်ျားလိင်နဲ့ သွားချိတ်နေပြီးတော့ အတင်းအဖျင်းပြောတယ်၊ အရမ်းနူးညံ့တယ်၊ ပျော့ညံ့တယ်ဆိုတဲ့ မကောင်းတဲ့အရာမှန်သမျှကို အမျိုးသမီးလိင်ထဲကို သွားထည့်လိုက်တယ်။ ဒါက binary world ထဲမှာ ယောက်ျားမဟုတ်ရင် မိန်းမဖြစ်ရမယ်ဆိုတာမျိုး။"
- Phoo Pyae Sone Kyaw (Feminist)

"Feminism is for ALL" webinar ကို အောက်ပါလင့်ခ်မှတဆင့် ပြန်လည်ကြည့်ရှုနားဆင်နိုင်ပါတယ်။
ကြည့်ရှုရန် - https://youtu.be/ZCfpsz3Ndfc?si=cx33Im1i74b6VG3e

25/05/2026

“ဂျန်ဒါပိုင်းဆိုင်ရာရဲ့ ပြဿနာကတော့ လူတွေ တကယ်ဘယ်လိုရှိနေကြတယ်ဆိုတာကို အသိအမှတ်မပြုဘဲ၊ ဘယ်လိုဖြစ်သင့်တယ်ဆိုတာကို သတ်မှတ်ပေးနေခြင်းပါပဲ။ ဂျန်ဒါအလိုက် မျှော်လင့်ချက်တွေရဲ့ ဖိအားမရှိခဲ့ဘူးဆိုရင်၊ ကိုယ့်ရဲ့ တကယ့် ကိုယ်ပိုင်ဆန္ဒအတိုင်း လွတ်လပ်စွာ နေနိုင်မယ်ဆိုရင်၊ လူတွေ ဘယ်လောက်ပျော်ရွှင်ပြီး ဘယ်လောက်လွတ်လပ်ကြမလဲဆိုတာ စဉ်းစားကြည့်ပါ။”

- Chimamanda Ngozi Adichie

18/05/2026

"ဆင်းရဲမှုကို အမြတ်ထုတ်တဲ့ မီဒီယာတွေ (Poverty p**n) ဟာ ဒေသခံလူထုရဲ့ ရင်ဖွင့်သံတွေကို ဖျောက်ဖျက်ပစ်လိုက်ကြတယ်။ တကယ်တမ်း ရေရှည်ပြောင်းလဲမှု ဖြစ်လာဖို့ဆိုရင် ဒီလူထုတွေကိုယ်တိုင် အသံထွက်ခွင့်ပေးရမှာ ဖြစ်သလို၊ ဆင်းရဲမွဲတေမှုရဲ့ ရှုပ်ထွေးတဲ့ သဘာဝကိုလည်း ချပြဖို့ လိုပါတယ်။ ကျွန်တော်တို့ လိုအပ်နေတာက အပေါ်ယံ ‘အလှူရှင်တွေ’ မဟုတ်ဘဲ၊ ပြဿနာကို အတူတူရင်ဆိုင် တောင်းဆိုပေးမယ့် ‘ရပ်တည်ပေးသူတွေ’ ပဲ ဖြစ်ပါတယ်။"
- Chanju Mwanza (Zambian-British policy adviser, researcher , and author)

15/05/2026

သင်က လိင်လုပ်ငန်း (S*x Work) ကို အလုပ်တစ်ခုအဖြစ် လက်ခံထားသူလား၊
(ဒါမှမဟုတ်) ဒီလိင်ပိုင်းဆိုင်ရာ၀န်ဆောင်မှုပေးနေတဲ့သူတွေအပေါ်မှာ ကွဲပြားတဲ့ ထင်မြင်မှုမျိုးရှိနေပါသလား။

ဒါဆိုရင် Purple Feminists Group ရဲ့ Visibility, Opportunity, Inclusion, Choice, Equity - VOICE Webinar Series အောက်ကနေပြုလုပ်သွားမယ့် 𝗦𝗲𝘅 𝗪𝗼𝗿𝗸 𝗶𝘀 𝗮 𝗪𝗼𝗿𝗸 လို့အမည်ရတဲ့ webinar လေးမှာပါ၀င်ဖို့အတွက် ဖိတ်ခေါ်ပါရစေ။

ဒီ webinar လေးမှာတော့ S*x Work အပေါ် လူမှုအသိုင်းအဝိုင်းရဲ့ ထင်မြင်သုံးသပ်မှုများ၊ ခွဲခြားဆက်ဆံခံရမှုများနဲ့ S*x Workers များရဲ့ အလုပ်သမားအခွင့်အရေးများနှင့် အခြေခံလူ့အခွင့်အရေးဆုံးရှုံးမှုတွေကို ဖီးမနစ်ရှုထောင့်ကနေ ထောက်ပြဆွေးနွေးသွားမှာပဲဖြစ်ပါတယ်။ 😉💜

ဒီ webinar ကို ဦးဆောင်ဆွေးနွေးမယ့်သူကတော့ မနှင်းနှင်းယု ဖြစ်ပါတယ်။ သူမက မြန်မာနိုင်ငံ၏ အကြီးဆုံး အမျိုးသမီးလိင်လုပ်သားကွန်ရက် “တော်ဝင်ခရေ” (S*x Workers in Myanmar Network) ၏ ဥက္ကဋ္ဌအဖြစ် တာဝန်ယူထားပြီး HIV ကာကွယ်ရေးနှင့် အမျိုးသမီးအခွင့်အရေးနယ်ပယ်တွင် ၁၅ နှစ်ကျော် အတွေ့အကြုံရှိသူတစ်ဦးဖြစ်ပါတယ်။

သူမက မြို့နယ်ပေါင်း ၃၉ မြို့နယ်ရှိ အဖွဲ့ဝင် ၁ သိန်းကျော်ကို ကိုယ်စားပြု၍ ၁၉၄၉ ခုနှစ် ပြည့်တန်ဆာနှိပ်ကွပ်ရေးအက်ဥပဒေ ပြင်ဆင်ရေးအတွက် ရှေ့တန်းမှ ဦးဆောင်လှုပ်ရှားခဲ့သူလည်းဖြစ်ပြီး National AIDS Programme (NAP) နှင့် ပူးပေါင်းကာ HIV ဝန်ဆောင်မှုများနှင့် ခွဲခြားဆက်ဆံမှုလျှော့ချရေးလုပ်ငန်းများကို တက်ကြွစွာ ဆောင်ရွက်နေသူတစ်ဦးလည်းဖြစ်ပါတယ်။

ဒါ့အပြင် အမျိုးသားအဆင့် HIV မဟာဗျူဟာ (၂၀၂၆-၂၀၃၀) ရေးဆွဲရာတွင် နည်းပညာအဖွဲ့ဝင်အဖြစ် ပါဝင်ခဲ့ပြီး Community Network Consortium နှင့် APNSW အပါအဝင် ပြည်တွင်းပြည်ပကွန်ရက်များတွင် လူထုကိုယ်စားလှယ်အဖြစ် ညှိနှိုင်းပူးပေါင်းဆောင်ရွက်နေသူလည်း ဖြစ်ပါတယ်။

ပွဲအကြောင်း အသေးစိတ်
📅 နေ့ရက် : ၂၀၂၆ ခုနှစ်၊ မေလ ၃၁ ရက်
⏰ အချိန် : နေ့လည် ၁:၀၀ နာရီ မှ ၃:၀၀ နာရီအထိ
📍 နေရာ : Zoom

👉 စာရင်းပေးသွင်းရန်လင့်ခ် - https://forms.gle/qKhKXxrbwaLgxnJq7
ယခု Webinar လေးမှာ ပါဝင်ဆွေးနွေးဖို့ စိတ်ပါ၀င်စားရင်တော့ အထက်ပါလင့်ခ်ကနေတစ်ဆင့် ၂၉ ရက်နေ့ ညနေ ခြောက်နာရီ နောက်ဆုံးထားပြီး စာရင်းပေးသွင်းနိုင်ပါပြီ။

တခြားသော သိရှိမေးမြန်းလိုတာရှိပါကလည်း page Messenger (သို့) [email protected] တို့မှတဆင့် ဆက်သွယ်မေးမြန်းနိုင်ပါတယ်။


*xWorkIsWork

11/05/2026

"တစ်ခါတရံမှာ အရှက်တကွဲဖြစ်ရတာဟာ အရိုက်အနှက်ခံရတာ (ဒါမှမဟုတ်) မုဒိမ်းကျင့်ခံရတာကြောင့် မဟုတ်ပါဘူး။ တကယ် အရှက်ရစေတာက ဝေဖန်ကဲ့ရဲ့မဲ့သူတွေရှေ့မှာ တရားခံတစ်ယောက်လို အစစ်ဆေးခံရခြင်းပါပဲ။"
- Meena Kandasamy (Writer)

From When I Hit You; Or, A Portrait of the Writer as a Young Wife စာအုပ်မှ ကောက်နှုတ်ချက်ဖြစ်ပါသည်။

11/05/2026

ရာသီသွေးဆိုင်ရာအသိပညာများကို ပြန်လည်မျှဝေပေးသွားမှာမလို့ စိတ်ပါဝင်စားသူများ တက်ရောက်နိုင်ရန် ဖိတ်ခေါ်ပါတယ် 💜

‼️𝗠𝗲𝗻𝘀𝘁𝗿𝘂𝗮𝘁𝗶𝗼𝗻 𝗶𝘀 𝗻𝗼𝘁 𝗼𝗻𝗹𝘆 𝗮 𝗺𝗮𝘁𝘁𝗲𝗿 𝗼𝗳 𝘄𝗼𝗺𝗲𝗻‼️
ရာသီသွေးဟာ အမျိုးသမီးတွေနဲ့ပဲသက်ဆိုင်တဲ့အရာတစ်ခု မဟုတ်ပါဘူး။

ရာသီသွေးဟာ မိမိရဲ့ဂျဲန်ဒါဖြစ်တည်မှုအပေါ်မှာ မူတည်နေတာမဟုတ်ဘဲ biological s*x လို့ခေါ်တဲ့ မွေးရာပါလိင်အပေါ် များစွာမူတည်နေပါတယ်။ ဒါ့အပြင် အမျိုးသမီးလိင်အင်္ဂါအနေနဲ့ မွေးဖွားလာပြီး ဟော်မုန်းဆေးသောက်ပြီး အမျိုးသားလိင်အဖြစ်သို့ ပြောင်းလဲထားတဲ့ Transmen တစ်ချို့မှာလည်း ရာသီသွေးဆင်းတာမျိုးရှိသလို၊ သားအိမ်ပါပြီး မွေးဖွားလာပေမဲ့ ရာသီသွေးဆင်းခြင်းမျိုးမရှိတဲ့ အမျိုးသမီးအနည်းငယ်လည်းရှိကြောင်း သိရှိရပါတယ်။ ဒါကြောင့် ရာသီသွေးဟာ ရှုပ်ထွေးလှတဲ့ ကျန်းမာ‌ရေးဆိုင်ရာ ဇီ၀ဗေဒ သဘာ၀ဖြစ်စဥ်တစ်ခုလို့ဆိုနိုင်ပါတယ်။

ဒီတစ်ခေါက်မှာတော့ Menstrual Justice Webinar Series အောက်ကနေ ၂၀၂၆ ခုနှစ်အတွက် ပထမဆုံးသော webinar လေးကို ပြန်လည်ခေါ်ဆောင်လာပါပြီ။ ❝𝗠𝗲𝗻𝘀𝘁𝗿𝘂𝗮𝗹 𝗝𝘂𝘀𝘁𝗶𝗰𝗲: 𝗕𝗼𝗱𝘆, 𝗠𝗶𝗻𝗱, 𝗮𝗻𝗱 𝗘𝘅𝗽𝗲𝗿𝗶𝗲𝗻𝗰𝗲❞ လို့ အမည်ရတဲ့ ယခု Webinar လေးဟာ LGBTQIA+ ကွန်မြူနတီအတွက် သီးသန့်ရည်ရွယ်ပြီး ပြုလုပ်ခဲ့တဲ့ ❝Menstrual Justice: Body, Mind, and Experience❞ Workshop ကနေ ရရှိလာတဲ့ အတွေ့အကြုံတွေကို စုစည်းပြီး ပြန်လည်မျှဝေပေးမယ့် အစီအစဉ်တစ်ခု ဖြစ်ပါတယ်။ အဆိုပါ Workshop မှာ အမျိုးသမီးများသာမက LGBTQ+ အသိုင်းအဝိုင်းဝင်တွေရဲ့ ရာသီစက်ဝန်းဆိုင်ရာ ဖြစ်တည်မှုများ၊ စိတ်ပိုင်းဆိုင်ရာခက်ခဲမှုများနဲ့ ရင်ဆိုင်ကြုံတွေ့နေရတဲ့စိန်ခေါ်မှုတွေကို ပွင့်လင်းစွာထုတ်ဖော်ပြောကြားခဲ့ကြပါတယ်။ မိမိကိုယ်၌က ရာသီသွေးဆင်းသူဖြစ်သည့်အတွက် ကြုံတွေ့ရတဲ့ စိတ်ပိုင်းဆိုင်ရာအရ၊ ကျန်းမာရေးရှုထောင့်အရအခက်အခဲများနဲ့ ဒါတွေကိုဘယ်လိုဖြတ်ကျော်နေသလဲ၊ ဘေးပတ်ဝန်းကျင်ကဖေးမပံ့ပိုးချင်သူများကရော ဘယ်လိုထိထိရောက်ရောက်ဖေးမပေးနိုင်မလဲဆိုတဲ့အရာတွေကိုလည်း ဆွေးနွေးပြောဆိုခဲ့ကြပါတယ်။

ရာသီသွေးဆင်းခြင်းအကြောင်း ပြောကြတဲ့အခါ လူမှုစံနှုန်းတွေကြားမှာ မေ့ကျန်နေတတ်တဲ့ အတွေ့အကြုံတွေ၊ ခံစားချက်တွေကို အခု Webinar မှာ အတူတူ နားထောင်ကြည့်ရင်း Workshop မှာ ဆွေးနွေးခဲ့တဲ့ -
✅ ရာသီသွေးဆင်းခြင်းနဲ့ စိတ်ကျန်းမာရေး ဘယ်လိုဆက်စပ်နေလဲ။
✅ ခွဲခြားဆက်ဆံမှုတွေကို ဘယ်လိုနည်းလမ်းတွေနဲ့ ကျော်လွှားကြမလဲ။
✅ အားလုံးအတွက် အဆင်ပြေမယ့် ပံ့ပိုးကူညီမှုစနစ်တွေကိုရော ဘယ်လိုတည်ဆောက်ကြမလဲ။
စတဲ့ အကြောင်းအရာတွေကို စုစည်းမျှဝေပေးသွားမှာပါ။

ဒီပွဲလေးမှာ ဆွေးနွေးဖို့အတွက် ဖိတ်ခေါ်ထားတဲ့ guest speaker ကတော့ Ko Marlo ပဲဖြစ်ပါတယ်။

Ko Marlo ဟာ စိတ်ကျန်းမာရေးဆိုင်ရာ နှစ်သိမ့်ဆွေးနွေးသူ (Mental Health Counselor) တစ်ဦးဖြစ်သလို၊ LGBTQ+ အသိုင်းအဝိုင်းရဲ့ စိတ်ပိုင်းဆိုင်ရာ လိုအပ်ချက်တွေကို INGOs တွေ၊ ဒေသတွင်းအဖွဲ့အစည်းတွေနဲ့ ပူးပေါင်းပြီး လက်တွေ့ကျကျ သုတေသနပြု စူးစမ်းလေ့လာနေသူတစ်ဦးလည်း ဖြစ်ပါတယ်။

LGBTQ+ အသိုင်းအဝိုင်းဝင်တစ်ဦးကိုယ်တိုင် ဖြစ်တာနဲ့အညီ လူနည်းစုတွေ ကြုံတွေ့ရလေ့ရှိတဲ့ စိတ်ပိုင်းဆိုင်ရာ စိန်ခေါ်မှုတွေကို နားလည်ပေးနိုင်ပြီး၊ အားလုံးအတွက် လက်လှမ်းမီတဲ့ စိတ်ကျန်းမာရေး စောင့်ရှောက်မှုတွေ ရရှိလာဖို့ စိတ်အားထက်သန်စွာ လုပ်ဆောင်နေသူတစ်ဦး ဖြစ်ပါတယ်။

📌 အသေးစိတ်အချက်အလက်
🔶 နေ့ရက် - မေလ ၁၇ ရက်, ၂၀၂၆ ခုနှစ် (တနင်္ဂနွေ)
🔶 အချိန် - မနက် ၁၀း၀၀ မှ ၁၁း၃၀ အထိ
🔶 ပလက်ဖောင်း - Zoom

စာရင်းပေးသွင်းရန် - https://forms.gle/UCWBrf1W7oRCD4JAA

တက်ရောက်လိုသူများ အနေနဲ့ (၁၅) ရက်နေ့ညနေ (၄)နာရီ နောက်ဆုံးထားပြီး စာရင်းပေးသွင်းဖို့ လိုအပ်ကြောင်း ကြိုတင်အသိပေးအပ်ပါရစေ ။

အသေးစိတ်သိရှိလိုပါက Page Messenger (သို့) [email protected] သို့ ဆက်သွယ်မေးမြန်းနိုင်ပါတယ်။

04/05/2026

"အိမ်တွင်းအကြမ်းဖက်မှုခံရတာနဲ့ပတ်သက်ပြီး ကျမကို ‌လူတွေက မေးကြတယ် ဘာကြောင့်များ ဒီဆက်ဆံရေးကနေ ထွက်မသွားရလဲဆိုပြီး။ အကြမ်းဖက်မှုကျူးလွန်သူတစ်ယောက်ကို စွန့်လွှတ်ပြီး ထွက်လာဖို့ဆိုတာ အင်မတန်အန္တရာယ်များပါတယ်။ ဘာလို့ဆို အိမ်တွင်းအကြမ်းဖက်မှုတွေရဲ့ဖြစ်စဥ်မှာ နောက်ဆုံးအဆင့်က အသက်မရှိအောင်လုပ်လိုက်တာဖြစ်လို့ပဲ။"
- Leslie Morgan Steiner (Writer)

"Why domestic violence victims don't leave" Ted Talk မှ ကောက်နှုတ်ချက်ဖော်ပြချက်ဖြစ်ပါသည်။
ကြည့်ရှုနားဆင်ရန် - https://youtu.be/V1yW5IsnSjo?si=0GA-Kc74hGb_wHl6