15/07/2026
အလုပ်ထုတ်ခံထားရတဲ့ Max Technology အလုပ်သမားအဖွဲ့အစည်း အတွက် ရွှေပြည်သာအလုပ်သမားရုံးတေက ထိရောက်တဲ့ လုပ်ဆောင်မူ မလုပ်ပေးတဲ့အပြင် ညှိနိုင်းမူအတွက် စက်ရုံသွားရာမှာ အလည - အလုပ်သမားဉီးစီးမှူး (ဉီးတင်မောင်ထူး) အနေနဲ့ မပြောသင့်တာကို ပြောခဲ့တယ်။ ဆန္ဒပြနေတဲ့ အလုပ်သမားတွေတောင်းဆိုနေတာက စံချိန်မတရားတောင်းတာနဲ့ အလုပ်ထုတ်ခံထားရတဲ့ အလုပ်သမားအဖွဲ့အစည်းကို အလုပ်ပြန်ခန့်ပေးပို့တောင်းဆိုတာကို စံချိန်အတွက် ညှိနိုင်းပေးမယ် အလုပ်ထဲ ပြန်ဝင်ကျပါဆိုပြီးပြောခဲ့တယ်။ အဲဒါကို အလုပ်သမားက အလုပ်သမားအဖွဲ့အစည်း ကိုပါ ညှိနိုင်းမူမှာ ခေါ်ဖို့ပြောတာကို အလုပ်ထုတ်ခံထားရတဲ့ အလုပ်သမားအဖွဲ့အစည်းကို မျှော်မနေနဲ့တော့ ပြန်လာမှာမဟုတ်တော့ဘူး။ လုပ်ငန်းခွင်ထဲကိုသာပြန်ဝင် အလုပ်သမားအဖွဲ့အစည်းအသစ်ဖွဲ့ပေးမယ်ဆိုပြီး ပြောရဲတယ်နော်။ ဒါဆို အလုပ်ထုတ်ခံထားရတဲ့ အလုပ်သမားအဖွဲ့အစည်း ခေါင်းဆောင်တေကို ထုတ်တာမှန်တယ်ဆိုပြီး ရပ်တည်လိုက်တာလား။ ဒါကြောင့်မို့လို့ အလုပ်သမားအဖွဲ့အစည်းက တိုင်ထားတဲ့ တိုင်စာတေကို ခေါင်းဆောင်တေသာ အလုပ်ထုတ်ခံလိုက်ရတယ် ၊ အခုအထိ တိုင်ကြားစာတေကို အဖြေထွက်အောင် မရှင်းနိုင်သေးဘူး။ အလုပ်သမားအဖွဲ့အစည်းကို ငြင်းပယ်မူအတွက် စက်ရုံကို တရားစွဲဖို့မလုပ်တာဟာ ဘာကြောင့်လဲ။ တရားစွဲဖို့ ခွင့်ပြုမိန့်ကို နေပြည်တော်က စာမရသေးတာဆိုတာကလည်း အချိန်ဆွဲပြီး အမူပပျောက်သွားအောင်ဆိုတဲ့ နည်းလမ်းကို လုပ်နေတယ်ဆိုတာ သိပါတယ်။ လွတ်လပ်စွာသင်းပင်းဖွဲ့စည်းခွင့်ကို လက်မှတ်ထိုးထားတဲ့ နိုင်ငံတော်ကို ကိုယ်စားပြုလုပ်ဆောင်နေတဲ့ ဉီးတင်မောင်ထူး က အလုပ်သမားအဖွဲ့အစည်းကို အကာအကွယ်မပေးတဲ့အပြင် အလုပ်ရှင်ရဲ့ အလုပ်သမားအဖွဲ့အစည်းကို ဖျက်ဆီးမူအတွက် အတူရပ်တည်ပေးတာကို မှတ်တမ်းတင်ထားပါမယ်။ အလုပ်သမားအဖွဲ့အစည်း ကို အသိအမှတ်မပြုနိုင်တာ အလုပ်သမားရုံးက ဉီးစီးတေလဲပါတယ်ဆိုတာ အများသိအောင် ဆက်လက်ဖော်ထုတ်သွားပါမယ်။
