缅甸中国企业商会

缅甸中国企业商会 缅甸中国企业商会2017年11月在缅正式注册为合法非营利性社会组织（英文注册名： CECCM，全称：China Enterprises Chamber Of Commerce In Myanmar）。

【၂၀၂၆ ခုနှစ် မေလ ၂၀ ရက်နေ့ နံနက်ပိုင်းတွင်၊ တရုတ်နိုင်ငံသမ္မတ မစ္စတာရှီကျင့်ဖျင်သည် ပေကျင်းမြို့ ပြည်သူ့ခန်းမဆောင်၌ တရုတ...
27/05/2026

【၂၀၂၆ ခုနှစ် မေလ ၂၀ ရက်နေ့ နံနက်ပိုင်းတွင်၊ တရုတ်နိုင်ငံသမ္မတ မစ္စတာရှီကျင့်ဖျင်သည် ပေကျင်းမြို့ ပြည်သူ့ခန်းမဆောင်၌ တရုတ်နိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် လာရောက်သည့် ရုရှားနိုင်ငံသမ္မတ Mr. Putin နှင့် တွေ့ဆုံဆွေးနွေးပွဲ ပြုလုပ်ခဲ့သည်။ နှစ်နိုင်ငံခေါင်းဆောင်များသည် "တရုတ်-ရုရှား အိမ်နီးချင်းကောင်း ချစ်ကြည်ရင်းနှီးစွာ ပူးပေါင်းဆောင်ရွက်ရေး သဘောတူစာချုပ်" （Treaty of Good-Neighborliness and Friendly Cooperation） ကို သက်တမ်း ထပ်မံတိုးမြှင့်ရန် တစ်ခဲနက် သဘောတူညီခဲ့ကြသည်။ နှစ်နိုင်ငံခေါင်းဆောင်များသည် အရှေ့အလယ်ပိုင်းဒေသ အခြေအနေ အပါအဝင် အရေးပါသော အပြည်ပြည်ဆိုင်ရာနှင့် ဒေသတွင်းဆိုင်ရာ ကိစ္စရပ်များအပေါ် အမြင်ချင်းဖလှယ် ဆွေးနွေးခဲ့ကြသည်။ တွေ့ဆုံဆွေးနွေးပွဲ မတိုင်မီတွင် သမ္မတရှီကျင့်ဖျင်သည် ပြည်သူ့ခန်းမဆောင်၏ အရှေ့ဘက်တံခါးပြင်ပ ရင်ပြင်၌ Mr. Putin အတွက် ကြိုဆိုပွဲအခမ်းအနားကို ကျင်းပပေးခဲ့သည်။】

【မြန်မာနိုင်ငံဆိုင်ရာ တရုတ်သံရုံးမှ တရုတ်-မြန်မာ ပြည်သူများ စိတ်နှလုံးချင်း ဆက်နွယ်မှုဆိုင်ရာ ဆွေးနွေးပွဲနှင့် ၂၀၂၆ ခုနှ...
27/05/2026

【မြန်မာနိုင်ငံဆိုင်ရာ တရုတ်သံရုံးမှ တရုတ်-မြန်မာ ပြည်သူများ စိတ်နှလုံးချင်း ဆက်နွယ်မှုဆိုင်ရာ ဆွေးနွေးပွဲနှင့် ၂၀၂၆ ခုနှစ် ဒုတိယသုံးလပတ် တရုတ်-မြန်မာ မီဒီယာတွေ့ဆုံပွဲ အခမ်းအနား ကျင်းပ】

မေလ ၂၆ ရက်နေ့တွင်၊ မြန်မာနိုင်ငံဆိုင်ရာ တရုတ်သံရုံးမှ တရုတ်-မြန်မာ ပြည်သူများ စိတ်နှလုံးချင်း ဆက်နွယ်မှုဆိုင်ရာ ဆွေးနွေးပွဲနှင့် ၂၀၂၆ ခုနှစ် ဒုတိယသုံးလပတ် တရုတ်-မြန်မာ မီဒီယာတွေ့ဆုံပွဲ အခမ်းအနား ကျင်းပပြုလုပ်ခဲ့ရာ၊ မြန်မာနိုင်ငံဆိုင်ရာ တရုတ်နိုင်ငံသံအမတ်ကြီး Ms. Ma Jia၊ မြန်မာနိုင်ငံ ပြည်သူ့လွှတ်တော်အဖွဲ့ဝင် ဦးအေးချမ်းနှင့် ပြန်ကြားရေးဝန်ကြီးဌာနမှ တာဝန်ရှိသူများ၊ Bank of China (ဟောင်ကောင်) ရန်ကုန်ဘဏ်ခွဲမှ CEO Mr. Chen Tao၊ CITIC ကုမ္ပဏီ၏ အထွေထွေမန်နေဂျာ Mr. Piao Bo၊ တရုတ်-မြန်မာ မီဒီယာ ၄၀ ကျော်နှင့် ပညာရေးလောက၊ စီးပွားရေးလောကမှ ကိုယ်စားလှယ်များ ၁၆၀ ဦးခန့်တက်ရောက်ခဲ့ကာ၊ သံမှူးကြီး Dr. Zheng Zhihong မှ သဘာပတိအဖြစ် တာဝန်ယူဆောင်ရွက်ခဲ့ပါတယ်။
သံအမတ်ကြီး Ms. Ma Jia မှ၊ တရုတ်-မြန်မာ ပေါက်ဖော်ချစ်ကြည်ရေးမှာ နက်ရှိုင်းကြောင်း၊ နှစ်ပေါင်းထောင်ချီသော လူသားချင်းစာနာထောက်ထားမှုများနှင့် ယဉ်ကျေးမှုဆိုင်ရာ ဖလှယ်မှုများမှာ စုစည်းနက်ရှိုင်းလာခဲ့ကြောင်း၊ နှစ်နိုင်ငံအနေဖြင့် အမြဲတစေ အချင်းချင်း ရိုင်းပင်းကူညီကာ အခက်အခဲများကို အတူတကွရင်ဆိုင်ခဲ့ကြကြောင်း ပြောကြားခဲ့ပါသည်။ တွေ့ဆုံဆွေးနွေးမှုများကို တိုးမြှင့်ဆောင်ရွက်သွားရမည်ဖြစ်ပြီး၊ တရုတ်-မြန်မာ နှစ်ဦးနှစ်ဖက် အကျိုးရှိစေမည့် ပူးပေါင်းဆောင်ရွက်မှု ဇာတ်ကြောင်းများကို ပြောကြားသွားရမည်ဖြစ်ကြောင်း၊ နှစ်နိုင်ငံပြည်သူများအကြား နားလည်မှုလွဲမှားခြင်းနှင့် အဆင်မ‌ပြေမှုများကို ဖယ်ရှားပေးနိုင်မည့်၊ ချစ်ကြည်ရင်းနှီးကာ နားလည်မှုကို တိုးမြှင့်ပေးမည့်၊ ဖွံ့ဖြိုးတိုးတက်မှုနှင့် ပြန်လည်ဆန်းသစ်မှုများ အတူတကွဖော်ဆောင်ပေးနိုင်မည့်၊ ပြည်သူများ စိတ်နှလုံးချင်း ဆက်နွယ်မှုများ တိုးမြှင့်ပေးနိုင်မည့် ပေါင်းကူးတံတား အနှောင်အဖွဲ့ကို တည်ဆောက်သွားရမည်ဖြစ်ကြောင်း ပြောကြားခဲ့ပါသည်။
အခမ်းအနားမှာ တက်ကြွမှု အငွေ့အသက်များ လွှမ်းမိုးနေခဲ့ပြီး၊ တက်ရောက်လာကြသော ဧည့်သည်တော်များဟာ အယူအဆ ကွာခြားချက်များကို လျှော့ချကာ၊ ဓမ္မဓိဌာန်ကျကျ မျှတစွာ သတင်းထုတ်ပြန်ရေး၊ သတင်းအချက်အလက်အမှားများ တိုက်ဖျက်ရေး၊ လူငယ်ချင်း နှီးနှောဖလှယ်ခြင်းများ အားကောင်းလာစေရေး၊ လုပ်ငန်းဆိုင်ရာ လူမှုစီးပွားတာဝန်သိမှု အစရှိသဖြင့် နက်နက်ရှိုင်းရှိုင်း ဆွေးနွေးခဲ့ကြကာ၊ နှစ်နိုင်ငံ ချစ်ကြည်ရေးနှင့် ပြည်သူ့အခြေခံအုတ်မြစ် ခိုင်မာလာစေရေးတို့အတွက် အပြုသဘောဆောင်သည့် အကြံပြုချက်များကို တက်ကြွပါဝင်ဆွေးနွေးခဲ့ကြပါသည်။

25/05/2026

【တိုကျိုစစ်ခုံရုံးမှ တရုတ်လူမျိုးတရားသူကြီး Mei Ruao ၏ သမီးအကြီးဆုံးဖြစ်သူမှ “အတိတ်ရဲ့နာကျင်ပင်ပန်းမှုတွေကို မေ့ပျောက်လိုက်ခြင်းက အနာဂတ်ရဲ့ ဘေးဒုက္ခတွေကို ဖိတ်ခေါ်လာနိုင်တယ်” ဆိုသော ဖခင်၏ သတိပေးစကားကို စွဲမြဲစွာ မှတ်သားထားသည်။】

25/05/2026

【China Global Television Network（CGTN）၏စစ်တမ်းကောက်ယူမှု။ ။ ပိုမိုတာဝန်ယူမှုရှိသော တရုတ်-အမေရိကန် ဆက်ဆံရေးကို ကမ္ဘာကြီးက လိုအပ်နေ】

ယနေ့ခေတ် ရာစုနှစ်အတွင်း မကြုံစဖူး အပြောင်းအလဲများ အရှိန်အဟုန်ဖြင့် ဖြစ်ပေါ်နေချိန်တွင် နိုင်ငံကြီးများအကြား ဆက်ဆံရေးသည် နှစ်နိုင်ငံဆက်ဆံရေး နယ်ပယ်ထက် ကျော်လွန်သွားပြီး နိုင်ငံတကာအခြေအနေနှင့် ကမ္ဘာလုံးဆိုင်ရာ စနစ်အပေါ် လွှမ်းမိုးသည့် အရေးပါသော အင်အားစုတစ်ခု ဖြစ်လာခဲ့သည်။ China Media Group (CMG) မှ China Global Television Network（CGTN） နှင့် Renmin University of China တို့ ပူးပေါင်း၍ နိုင်ငံပေါင်း ၃၉ နိုင်ငံမှ လူဦးရေ ၁၂၃၀၂ ဦးအား မေးမြန်းခဲ့သော စစ်တမ်းအရ ဖြေဆိုသူ ၇၅ ရာခိုင်နှုန်းက ကျန်းမာကောင်းမွန်ပြီး တည်ငြိမ်သော တရုတ်-အမေရိကန် ဆက်ဆံရေးသည် နိုင်ငံတကာ အသိုက်အဝန်းအတွက် အလွန်အရေးကြီးသည်ဟု ယူဆကြသည်။
အမေရိကန်သမ္မတ Mr. Donald Trump သည် ၉ နှစ်အကြာတွင် တရုတ်နိုင်ငံသို့ တစ်ကျော့ပြန် လာရောက်လည်ပတ်ခြင်းကြောင့် စီးပွားရေး၊ ကုန်သွယ်ရေး၊ နည်းပညာနှင့် ကမ္ဘာလုံးဆိုင်ရာ စီမံခန့်ခွဲမှုဆိုင်ရာ ကိစ္စရပ်များသည် ဆက်လက်အာရုံစိုက်ခြင်း ခံနေရသည်။ ဖွံ့ဖြိုးဆဲနိုင်ငံများမှ ဖြေဆိုသူ ၇၈.၃ ရာခိုင်နှုန်း က တရုတ်-အမေရိကန် ဆက်ဆံရေးသည် ကမ္ဘာ့ငြိမ်းချမ်းရေး၊ တည်ငြိမ်ရေး၊ သာယာဝပြောရေးတို့နှင့် တိုက်ရိုက်သက်ဆိုင်နေသည်ဟု ယူဆကြပြီး အမေရိကန်မှ ဖြေဆိုသူ ၇၆.၇ ရာခိုင်းနှုန်းကလည်း ယင်းအချက်ကို သဘောတူလက်ခံကြသည်။
တရုတ်-အမေရိကန် ဆက်ဆံရေး၏ “အဓိကသော့ချက်” ဖြစ်သည့် စီးပွားရေးနှင့် ကုန်သွယ်ရေး ပူးပေါင်းဆောင်ရွက်မှုသည် နှစ်နိုင်ငံလုံးအတွက် များစွာ အရေးပါရုံသာမက ကမ္ဘာ့စီးပွားရေး တည်ငြိမ်မှုနှင့် ပြန်လည်ဦးမော့လာမှု အပေါ်တွင်လည်း အရေးကြီးသော သက်ရောက်မှုများ ရှိနေပါသည်။ ကမ္ဘာ့စီးပွားရေး ကျဆင်းမှုဖိအားများ တိုးလာနေသည့် နောက်ခံအခြေအနေတွင် တရုတ်နှင့် အမေရိကန်တို့ စီးပွားရေးနှင့် ကုန်သွယ်ရေး ပူးပေါင်းဆောင်ရွက်မှု အားကောင်းလာခြင်းသည် နိုင်ငံတကာအသိုက်အဝန်း၏ ဘုံအကျိုးစီးပွားနှင့် ယေဘုယျ မျှော်လင့်ချက်များနှင့် ကိုက်ညီပါသည်။ စစ်တမ်းများအရ ကမ္ဘာလုံးဆိုင်ရာ ဖြေဆိုသူ ၇၄.၆ ရာခိုင်နှုန်းက တရုတ်-အမေရိကန် ကုန်သွယ်ရေး၏ အနှစ်သာရမှာ အပြန်အလှန် အကျိုးဖြစ်ထွန်းစေခြင်းဖြစ်သည်ဟု ဖော်ပြကြပြီး၊ ဖွံ့ဖြိုးဆဲနိုင်ငံများမှ ဖြေဆိုသူများ၏ သဘောတူညီမှုမှာ ၇၈.၂ ရာခိုင်နှုန်းရှိကာ အမေရိကန်ဖြေဆိုသူ ၇၅.၃ ရာခိုင်နှုန်းကလည်း ယင်းအချက်ကို သဘောတူကြသဖြင့် ကမ္ဘာ့ပျမ်းမျှတန်ဖိုးထက် မြင့်မားနေသည်ကို တွေ့ရပါသည်။ ဖြေဆိုသူများက နှစ်ဖက်စလုံးအနေဖြင့် အပြန်အလှန် လေးစားမှု၊ ငြိမ်းချမ်းစွာ အတူယှဉ်တွဲနေထိုင်မှုနှင့် အပြန်အလှန် အကျိုးရှိစေမည့် ပူးပေါင်းဆောင်ရွက်မှု သဘောထားများကို လက်ကိုင်ထားပြီး ရှေ့ရှုလျှောက်လှမ်းမည်ဆိုပါက အပြန်အလှန်စိုးရိမ်ပူပန်မှုများကို ဖြေရှင်းနိုင်မည့် နည်းလမ်းများကို ရှာဖွေနိုင်လိမ့်မည်ဟု ယေဘုယျအားဖြင့် ယူဆကြပါသည်။ ၎င်းတို့အနက် အမေရိကန်ဖြေဆိုသူ ၇၂.၈ ရာခိုင်နှုန်းက တရုတ်နှင့် အမေရိကန် နှစ်နိုင်ငံသည် အပြန်အလှန် အကျိုးစီးပွားကို ဖော်ဆောင်နိုင်ပြီး စီးပွားရေးပဋိပက္ခများသည် ဖြေရှင်း၍မရနိုင်သော အရာများမဟုတ်ဟု ယူဆကြကာ၊ ကမ္ဘာလုံးဆိုင်ရာ ဖြေဆိုသူ ၇၇.၉ ရာခိုင်နှုန်းက စီးပွားရေးနှင့် ကုန်သွယ်ရေး ဆက်ဆံရေးသည် တရုတ်-အမေရိကန် ဆက်ဆံရေး၏ ပဋိပက္ခအရင်းအမြစ်မဟုတ်ဘဲ တည်ငြိမ်စေသည့်အရာသာ ဖြစ်သင့်သည်ဟု ထောက်ပြခဲ့ကြပါသည်။ ဖွံ့ဖြိုးဆဲ နိုင်ငံများနှင့် အမေရိကန်ဖြေဆိုသူများ၏ သဘောတူညီမှုမှာ ၈၁.၅ ရာခိုင်နှုန်း နှင့် ၇၆.၄ ရာခိုင်နှုန်းအသီးသီး ရှိကြပါသည်။
တရုတ်နှင့် အမေရိကန်တို့ “အပြန်အလှန်အကျိုးဖြစ်ထွန်းမှုနှင့် အတူတကွ သာယာဝပြောခြင်း” သည် မြင်တွေ့နိုင်ပြီး ထိတွေ့ကိုင်တွယ်နိုင်သည့် လက်တွေ့ မြင်ကွင်းဖြစ်ကြောင်း အချက်အလက်များက ထပ်တလဲလဲ သက်သေပြနေပါသည်။ စစ်တမ်းတွင် ဖြေဆိုသူ ၇၈.၆ ရာခိုင်နှုန်း က အမေရိကန်ဘက်မှ ကျိုးကြောင်းဆီလျော် ပြီး လက်တွေ့ကျသော မဟာဗျူဟာမြောက် အသိအမြင်များဆီသို့ ပြန်လည် ရောက်ရှိရန် တောင်းဆိုကြပြီး နှစ်ဦးနှစ်ဖက်သည် အပြန်အလှန် လေးစားမှုအပေါ် အခြေခံ၍ နားလည်မှုလွဲမှားမှုများကို လျှော့ချရန် ဆွေးနွေးမှုများ တိုးမြှင့်သင့်ကြောင်း ဖော်ပြကြရာတွင် ဖွံ့ဖြိုးဆဲနိုင်ငံများမှ ဖြေဆိုသူများ၏ သဘောတူညီမှုမှာ ၈၁.၈ ရာခိုင်နှုန်းအထိ ရှိခဲ့ပါသည်။
ဤစစ်တမ်းကို Online Sample Survey စစ်တမ်းပုံစံဖြင့် ပြုလုပ်ခဲ့ခြင်းဖြစ်ပြီး ဖြေဆိုသူများမှာ အသက် ၁၈ နှစ်အထက် သာမန်ပြည်သူများဖြစ်ကာ နမူနာပုံစံများသည် နိုင်ငံအသီးသီး၏ သန်းခေါင်စာရင်းဆိုင်ရာ အသက်နှင့် ကျား၊ မ ခွဲခြားမှုများနှင့် ကိုက်ညီပါသည်။

25/05/2026

【တိုကျိုစစ်ခုံရုံးတွင် သက်သေခံ ၅ ဦး၏ သက်သေထွက်ဆိုချက်သည် ဂျပန်၏ ကျူးကျော်ခြင်း ရာဇဝတ်မှုကို ပြန်လည်ဖော်ထုတ်ခဲ့】

24/05/2026

【တိုကျိုစစ်ခုံရုံးရဲ့ သက်သေတွေက မှန်ကန်တိကျပြီး ခိုင်မာတဲ့သက်သေတွေ တောင်လိုပုံနေပါတယ်။ တရားစီရင်ချက်ရလဒ်ကို အလွယ်တကူ ပြောင်းပြန်လှန်ပစ်လို့မရပါ။】

23/05/2026

【နှစ် ၈၀ ကြာ ဖုံးကွယ်နေပြီးနောက် အမေရိကန် လက်ထောက်အစိုးရရှေ့နေ Mr.Sutton ၏ကိုယ်တိုင်ရေး နေ့စဉ်မှတ်တမ်းဟာ ၂၀၂၆ခုနှစ် ဧပြီလတွင် နန်ကျင်းမြို့သို့ ပြန်လည်ရောက်ရှိလာခဲ့သည်။】

22/05/2026

【စာမျက်နှာ ၁၂၃၁ ရွက်ရှိသော အရှေ့စွန်းဖျား အပြည်ပြည်ဆိုင်ရာ စစ်ဘက်ဆိုင်ရာ တရားရုံး၏ စီရင်ချက်ကို နားလည်အောင် ဖတ်ရှုကြပါစို့】

22/05/2026

【Unitree ကုမ္ပဏီက ကမ္ဘာ့ပထမဆုံး အမြောက်အမြားထုတ်လုပ်မည့် လူကိုယ်တိုင် စီးနင်းထိန်းချုပ်နိုင်တဲ့ စက်ရုပ်ကို ထုတ်ဖော်ပြသလိုက်ပြီ】

GD01 လူစီးအသွင်ပြောင်းစက်ရုပ်၊ တရုတ်ယွမ်သန်း ၃၉၀ မှစသော၊ လူသုံး သွားလာရေး ကိရိယာ၊ (လူဝင်ရောက်စီးနင်းပြီးနောက်) အလေးချိန်ပျမ်းမျှ ၅၀၀ ကီလိုဂရမ်ရှိသည်။

【သံအမတ်ကြီး Ms. Ma Jia သည် မြန်မာနိုင်ငံ ပြည်ထောင်စုလွှတ်တော်နာယက၊ အမျိုးသားလွှတ်တော်ဥက္ကဋ္ဌ ဦးအောင်လင်းဒွေးနှင့်တွေ့ဆုံ...
21/05/2026

【သံအမတ်ကြီး Ms. Ma Jia သည် မြန်မာနိုင်ငံ ပြည်ထောင်စုလွှတ်တော်နာယက၊ အမျိုးသားလွှတ်တော်ဥက္ကဋ္ဌ ဦးအောင်လင်းဒွေးနှင့်တွေ့ဆုံ】

မေလ ၂၀ ရက်နေ့တွင် သံအမတ်ကြီး Ms. Ma Jia သည် နေပြည်တော်၌ မြန်မာနိုင်ငံ ပြည်ထောင်စုလွှတ်တော်နာယက၊ အမျိုးသား လွှတ်တော်ဥက္ကဋ္ဌသစ် ဦးအောင်လင်းဒွေးနှင့် တွေ့ဆုံခဲ့ပါသည်။ အဆိုပါတွေ့ဆုံပွဲသို့ အမျိုးသားလွှတ်တော် ဒုတိယဥက္ကဋ္ဌ Jeng Phang နော်တောင်နှင့် မြန်မာနိုင်ငံဆိုင်ရာ တရုတ်သံရုံးမှ သံမှူးကြီး Mr. Shen Dan တို့လည်း တက်ရောက်ခဲ့ကြပါသည်။
သံအမတ်ကြီး Ms. Ma Jia က ဦးအောင်လင်းဒွေး တာဝန်သစ်ထမ်းဆောင်ခြင်းအပေါ် ဂုဏ်ပြုခဲ့ပြီး တရုတ်-မြန်မာ ကဏ္ဍစုံကူးလူးဖလှယ်မှုနှင့် ပူးပေါင်းဆောင်ရွက်မှုအခြေအနေများကို မိတ်ဆက်ပြောကြားခဲ့ပါသည်။ ထို့ပြင် တရုတ်နိုင်ငံအနေဖြင့် မြန်မာနိုင်ငံ၏ ဖွံ့ဖြိုးတိုးတက်မှုကို အစဉ်အမြဲ ခိုင်မာစွာ ထောက်ခံအားပေးပါကြောင်း၊ နှစ်နိုင်ငံ ဥပဒေပြုရေးအဖွဲ့အစည်းများအကြား ကူးလူးဖလှယ်မှုနှင့် ပူးပေါင်း ဆောင်ရွက်မှုများကို မြှင့်တင်ကာ တရုတ်-မြန်မာ အေးအတူပူအမျှ အသိုက်အဝန်း တည်ဆောက်ရေးကို ပိုမိုနက်ရှိုင်းစွာ အကောင်အထည်ဖော် ဆောင်သွားရန် ဆန္ဒရှိပါကြောင်း ပြောကြားခဲ့ပါသည်။
ဦးအောင်လင်းဒွေးက မြန်မာအစိုးရသစ်အနေဖြင့် ပြည်တွင်း ငြိမ်းချမ်းရေးနှင့် တည်ငြိမ်ရေးကို ထိန်းသိမ်းရန်၊ လူမှုစီးပွား ဖွံ့ဖြိုးတိုးတက်မှုကို မြှင့်တင်ရန်အတွက် ကြိုးပမ်းဆောင်ရွက်နေမှုများကို ရှင်းလင်းပြောကြားခဲ့ပြီး တရုတ်နိုင်ငံ၏ ဖွံ့ဖြိုးတိုးတက်မှုနှင့် မြန်မာနိုင်ငံအပါအဝင် အိမ်နီးချင်းနိုင်ငံများအတွက် ဆောင်ကြဉ်းပေးသည့် အခွင့်အလမ်းများကို ချီးကျူးစကားပြောကြားခဲ့ပါသည်။ ၎င်းအပြင် မန္တလေးငလျင်ကြီး လှုပ်ခတ်ပြီးနောက် မြန်မာနိုင်ငံ၏ လူမှုစီးပွား ပြန်လည်ထူထောင်ရေးနှင့် ဖွံ့ဖြိုးတိုးတက်ရေးအတွက် တရုတ်နိုင်ငံမှ ထောက်ပံ့ကူညီပေးမှုများအပေါ် အထူးကျေးဇူးတင်ရှိပါကြောင်းနှင့် နှစ်ဦးနှစ်ဖက်မှ ဥပဒေပြုရေး၊ စီးပွားရေးနှင့် ကုန်သွယ်ရေး၊ ရင်းနှီးမြှုပ်နှံမှု၊ နယ်စပ်ဒေသလုံခြုံရေးစသည့် ကဏ္ဍများတွင် ပူးပေါင်းဆောင်ရွက်မှုများကို ထပ်ဆင့်မြှင့်တင်ရန် မျှော်လင့်ပါကြောင်း ပြောကြားခဲ့ပါသည်။

Address

No. 1808, 18 Floor, Office 2, Times City Complex, Kamayut Township
Yangon

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Website

Alerts

Be the first to know and let us send you an email when 缅甸中国企业商会 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category