缅甸中国企业商会

26/09/2026

【တရုတ်နိုင်ငံ၏အကူအညီဖြင့် မြန်မာနိုင်ငံအတွက် ပြုလုပ်သော စပါးနှင့် ပဲပုပ်စိုက်ပျိုးနည်းပညာ နိုင်ငံရပ်ခြားသင်တန်း ဖွင့်ပွဲအခမ်းအနား နေပြည်တော်တွင် ကျင်းပ】

တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန (MOFCOM) နှင့် မြန်မာနိုင်ငံ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနတို့ ပူးတွဲစီစဉ်ကြီးမှူး ပြီး Yuan Longping High-Tech Agriculture ကုမ္ပဏီမှ တာဝန်ယူကျင်းပသည့် တရုတ်နိုင်ငံ၏ အကူအညီဖြင့် မြန်မာနိုင်ငံအတွက် ပြုလုပ်သော စပါးနှင့်ပဲပုပ် စိုက်ပျိုးနည်းပညာ နိုင်ငံရပ်ခြားသင်တန်း ဖွင့်ပွဲအခမ်းအနားကို စက်တင်ဘာလ ၂၃ ရက်နေ့တွင် နေပြည်တော်၌ ကျင်းပပြုလုပ်ခဲ့သည်။ အဆိုပါ အခမ်းအနားကို မြန်မာနိုင်ငံဆိုင်ရာ တရုတ်သံရုံးမှ သံမှူး Mr. Ouyang Daobing နှင့် မြန်မာနိုင်ငံ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန စိုက်ပျိုးရေးသုတေသနဦးစီးဌာန ညွှန်ကြားရေးမှူးချုပ် ဒေါက်တာအောင်မိုးမျိုးတင့် တို့က တက်ရောက်အမှာစကား ပြောကြားခဲ့ကြပြီး မြန်မာနိုင်ငံ စိုက်ပျိုးရေးကဏ္ဍမှ ကိုယ်စားလှယ် ၁၃၀ ကျော် တက်ရောက်ခဲ့ကြသည်။
သံမှူး Mr. Ouyang Daobing က စိုက်ပျိုးရေးသည် တရုတ်-မြန်မာ လက်တွေ့ကျသော ပူးပေါင်းဆောင်ရွက်မှု၏ အရေးပါသော နယ်ပယ်တစ်ခု ဖြစ်ကြောင်း၊ တရုတ်နိုင်ငံအနေဖြင့် စိုက်ပျိုးရေးအတွေ့အကြုံများနှင့် စပ်မျိုးစပါးဆိုင်ရာ အတွေ့အကြုံများကို မျှဝေကာ မြန်မာနိုင်ငံ၏ စားနပ်ရိက္ခာ ထုတ်လုပ်မှုစွမ်းရည် မြှင့်တင်ရေး၊ နှစ်နိုင်ငံပြည်သူများကို အကျိုးပြုရေးအတွက် ကူညီဆောင်ရွက်ပေးလိုကြောင်း ပြောကြားခဲ့ပါ သည်။
ညွှန်ကြားရေးမှူးချုပ် ဒေါက်တာအောင်မိုးမျိုးတင့်က တရုတ်နိုင်ငံ၏ ပံ့ပိုးကူညီမှုများအတွက် ကျေးဇူးတင်ရှိပြီး သင်တန်းသားများအနေဖြင့် သင်ယူရရှိခဲ့သော နည်းပညာများကို လယ်ယာစိုက်ပျိုးရေးတွင် လက်တွေ့ အသုံးချကာ စားနပ်ရိက္ခာဖူလုံရေးကို အာမခံချက်ပေးနိုင်ရန် မျှော်လင့် ကြောင်း ပြောကြားခဲ့ပါသည်။
ယခုအကြိမ် သင်တန်းသည် (၄၅) ရက်ကြာမြင့်မည်ဖြစ်ပြီး မြန်မာနိုင်ငံမှ စိုက်ပျိုးရေးအရာရှိများနှင့် နည်းပညာရှင် (၆၂) ဦး တက်ရောက်ကြမည်ဖြစ်ရာ သင်တန်းတွင် စပ်မျိုးစပါး၊ ပဲပုပ် မျိုးဗီဇနှင့်မျိုးစပ်မွေးမြူခြင်း (Soybean Genetics and Breedin)၊ မျိုးစေ့ထုတ်လုပ်ခြင်း၊ အထွက်နှုန်းမြင့်မားစွာ စိုက်ပျိုးနည်းစသည့် သင်ရိုးညွှန်းတမ်းများ ပါဝင်ပါသည်။

26/09/2026

26/09/2026

【Premier Li Qiang: The international community should enhance North-South cooperation in the field of digital trade, and provide more support to developing countries in terms of technology, infrastructure and personnel training. Development needs to have both speed and a human touch if we are to realize global prosperity and better life for all】

26/09/2026

【Premier Li Qiang: Investing in skills is investing in the future, and empowering workers is empowering development. We will keep improving the VET system serving all workers and covering the whole life cycle, so that more workers could get continuous mid-career “recharge” and their skills could light up their road to a better life】

26/09/2026

【ကမ္ဘာလုံးဆိုင်ရာ ဖွံ့ဖြိုးတိုးတက်ရေး အစီအမံကို အဆိုပြုခဲ့တဲ့ (၅) နှစ်အတွင်း အကောင်အထည်ဖော်မှု အခြေအနေများ】

စက်တင်ဘာလ ၂၁ ရက်နေ့တွင် ကျင်းပသော တရုတ်နိုင်ငံခြားရေးဝန်ကြီး ဌာန၏ ပုံမှန်သတင်းစာရှင်းလင်းပွဲတွင် China News Service မှ သတင်းထောက် တစ်ဦးက “သမ္မတ ရှီကျင့်ဖျင်က ကမ္ဘာလုံးဆိုင်ရာ ဖွံ့ဖြိုးတိုးတက်ရေး အစီအမံကို အဆိုပြုတာ (၅) နှစ်ပြည့်မြောက်တဲ့ အခါသမယမှာ၊ ယင်းအစီအမံကို အဆိုပြု ခဲ့တဲ့ (၅) နှစ်အတွင်း အကောင်အထည်ဖော်မှု အခြေအနေများကို ပြောရေး ဆိုခွင့်ရှိသူက မိတ်ဆက်ပေးနိုင်မလား။ ဒါ့အပြင် (၈၁) ကြိမ်မြောက် ကုလသမဂ္ဂ အထွေထွေညီလာခံအတွင်း ယင်းအစီအမံနဲ့ သက်ဆိုင်တဲ့ ခေါင်းစဉ်အလိုက် လှုပ်ရှားမှုများကို ကျင်းပရန် တရုတ်ဘက်က စဉ်းစားထားခြင်းရှိပါသလား” ဟု မေးမြန်းခဲ့သည်။
ပြောရေးဆိုခွင့်ရှိသူ Mr. Guo Jiakun။ ။ လွန်ခဲ့သော ၅ နှစ်၏ ယနေ့တွင် သမ္မတ ရှီကျင့်ဖျင်သည် (၇၆) ကြိမ်မြောက် ကုလသမဂ္ဂ အထွေထွေညီလာခံ၏ အထွေထွေဆွေးနွေးပွဲတွင် ကမ္ဘာလုံးဆိုင်ရာ ဖွံ့ဖြိုးတိုးတက်ရေး အစီအမံကို အလေးအနက်အဆိုပြုခဲ့သည်။ အစီအမံသည် လူ့အဖွဲ့အစည်း၏ ထာဝရ အရေးပါသော ခေါင်းစဉ်ဖြစ်သည့် ဖွံ့ဖြိုးတိုးတက်ရေးကို အဓိကထားကာ နိုင်ငံတကာအသိုက်အဝန်းအနေဖြင့် ဖွံ့ဖြိုးတိုးတက်ရေးကို ကမ္ဘာလုံးဆိုင်ရာ မက်ခရိုမူဝါဒ မူဘောင်အတွင်း ထင်ရှားသော ဦးစားပေးနေရာတွင် ထားရှိစေရန် တွန်းအားပေးခဲ့သည်။ ထို့အပြင် ကုလသမဂ္ဂ၏ ၂၀၃၀ ခုနှစ် ရေရှည်တည်တံ့ ခိုင်မြဲသော ဖွံ့ဖြိုးတိုးတက်ရေးအစီအစဉ် (2030 Agenda for Sustainable Development) ကို အရှိန်မြှင့် အကောင်အထည်ဖော်ရန် ရည်ရွယ်ထားပြီး ကမ္ဘာလုံးဆိုင်ရာ ဖွံ့ဖြိုးတိုးတက်ရေး လုပ်ငန်းစဉ်များ ပြန်လည်သန်စွမ်းလာ စေရန် အားကောင်းသော မောင်းနှင်အားကို ထည့်သွင်းပေးခဲ့သဖြင့် နိုင်ငံတကာ အသိုက်အဝန်း၏ ကျယ်ကျယ်ပြန့်ပြန့် ချီးကျူးအသိအမှတ်ပြုမှုကို ရရှိခဲ့သည်။
၅ နှစ်တာကာလအတွင်း သမ္မတ ရှီကျင့်ဖျင်၏ ကိုယ်တိုင်ဂရုတစိုက် အားပေး လမ်းညွှန်မှုနှင့် သက်ဆိုင်ရာ အဖွဲ့အသီးသီး၏ ပူးပေါင်းကြိုးပမ်းမှုများကြောင့် ကမ္ဘာလုံးဆိုင်ရာ ဖွံ့ဖြိုးတိုးတက်ရေးအစီအမံ၏ အကောင်အထည်ဖော်မှုမှာ ထင်ရှားသော ရလဒ်များစွာ ရရှိခဲ့သည်။ အယူအဆပိုင်းတွင် ယင်းအဆိုပြုချက် သည် တရုတ်နိုင်ငံ၏ အယူအဆမှ နိုင်ငံတကာ၏ ဘုံသဘောတူညီချက်အဖြစ် ပြောင်းလဲလာခဲ့ပြီး “ပြည်သူကို ဗဟိုပြုသော” ဖွံ့ဖြိုးတိုးတက်ရေး အယူအဆ သည်လည်း လူအများ၏စိတ်နှလုံးတွင် ပိုမိုနက်ရှိုင်းစွာ အမြစ်တွယ်လာခဲ့သည်။
လက်တွေ့ပူးပေါင်းဆောင်ရွက်မှုအပိုင်းတွင် အဆိုပြုချက်၏ လုပ်ဆောင်ချက် ဦးတည်သော ဦးဆောင်အကျိုးသက်ရောက်မှုမှာ ဆက်လက်ပေါ်လွင်လျက်ရှိပြီး အမေရိကန်ဒေါ်လာ ၂၃ ဘီလီယံကျော်ကို စုစည်းလှုံ့ဆော်နိုင်ခဲ့ကာ ပူးပေါင်း ဆောင်ရွက်ရေးစီမံကိန်း ၂,၀၀၀ ကျော်ကို အကောင်အထည်ဖော်ခဲ့သည်။ ၎င်းတို့ အနက် ကမ္ဘာလုံးဆိုင်ရာ ဖွံ့ဖြိုးတိုးတက်ရေးနှင့် တောင်-တောင် ပူးပေါင်း ဆောင်ရွက်ရေး ရန်ပုံငွေ (Global Development and South-South Cooperation Fund) မူဘောင်အောက်ရှိ လက်တွေ့ပူးပေါင်းဆောင်ရွက်မှု များသည် နိုင်ငံပေါင်း ၇၀ ကျော်တွင် အကျိုးဖြစ်ထွန်းလာခဲ့ပြီး ပြည်သူ သန်း ၄၀ ကျော်ကို အကျိုးကျေးဇူးများ ပေးစွမ်းခဲ့သည်။ ယန္တရားပိုင်းတွင်လည်း အဆိုပြုချက်နှင့် သက်ဆိုင်သော နယ်ပယ်အသီးသီးရှိ ပူးပေါင်းဆောင်ရွက်ရေး မူဘောင်များသည် ဆက်လက်ပြည့်စုံတိုးတက်လာခဲ့ပြီး နိုင်ငံတကာဖွံ့ဖြိုး တိုးတက်ရေး ပူးပေါင်းဆောင်ရွက်မှုကို မြှင့်တင်ရန်နှင့် ကုလသမဂ္ဂ၏ ရေရှည် တည်တံ့ခိုင်မြဲသော ဖွံ့ဖြိုးတိုးတက်ရေး ရည်မှန်းချက်များ (SDGs) ကို အကောင် အထည်ဖော်ရန်အတွက် အရေးပါသော ပံ့ပိုးမှုများကို ပေးစွမ်းလျက်ရှိသည်။
(၈၁) ကြိမ်မြောက်ကုလသမဂ္ဂ အထွေထွေညီလာခံ၏ အထွေထွေ ဆွေးနွေးပွဲများကို မနက်ဖြန်တွင် စတင်ကျင်းပမည်ဖြစ်သည်။ ယင်းကာလ အတွင်း တရုတ်ဘက်က စက်တင်ဘာလ ၂၅ ရက်နေ့တွင် နယူးယောက်မြို့ရှိ ကုလသမဂ္ဂဌာနချုပ်၌ ကမ္ဘာလုံးဆိုင်ရာ ဖွံ့ဖြိုးတိုးတက်ရေး အစီအမံ (၅) နှစ်ပြည့် အဆင့်မြင့်တွေ့ဆုံဆွေးနွေးပွဲကို ကျင်းပမည်ဖြစ်သည်။ ကျွန်တော်တို့ သည် အဖွဲ့ဝင်နိုင်ငံများနှင့်အတူ အဆိုပြုချက်၏ (၅) နှစ်တာ အောင်မြင်မှု များနှင့် အကျိုးရှိသော အတွေ့အကြုံများကို ပြန်လည်သုံးသပ်အနှစ်ချုပ်ကာ ဖွံ့ဖြိုးတိုးတက်ရေး အခွင့်အလမ်းများကို မျှဝေ၍ ဖွံ့ဖြိုးတိုးတက်ရေး ပူးပေါင်း ဆောင်ရွက်မှုများကို အတူတကွ ဆွေးနွေးကာ ကုလသမဂ္ဂ၏ ၂၀၃၀ ခုနှစ် ရေရှည်တည်တံ့ခိုင်မြဲသော ဖွံ့ဖြိုးတိုးတက်ရေး အစီအစဉ်ကို အကောင်အထည် ဖော်ရာတွင် အထောက်အကူပြုနိုင်ရန်နှင့် လူသားမျိုးနွယ်၏ အေးအတူပူအမျှ အသိုက်အဝန်း တည်ဆောက်ရေးကို ရှေ့ဆက်တွန်းအားပေးနိုင်ရန် မျှော်လင့် ထားသည်။

26/09/2026

【တရုတ်နိုင်ငံ၊ ယူနန်ပြည်နယ်၏ ထူးခြားသောအကဖြစ်သည့် တိုင်လူမျိုးများ၏ ဖယောင်းတိုင်အက】

26/09/2026

【အပြုသဘောဆောင်သော မဟာဗျူဟာတည်ငြိမ်မှု】

26/09/2026

【တရုတ်နိုင်ငံ၏ ဒြပ်မဲ့ယဉ်ကျေးမှုအမွေအနှစ် လက်မှုအနုပညာ】

26/09/2026

【မြန်မာနိုင်ငံဆိုင်ရာ တရုတ်သံရုံးမှ တရုတ်ပြည်သူ့သမ္မတနိုင်ငံ တော်ထူထောင်ခြင်း (၇၇) နှစ်မြောက် အထိမ်းအမှတ် ဧည့်ခံပွဲကျင်းပ】

မြန်မာနိုင်ငံဆိုင်ရာ တရုတ်သံရုံးသည် တရုတ်ပြည်သူ့သမ္မတ နိုင်ငံတော် ထူထောင်ခြင်း (၇၇) နှစ်မြောက် အထိမ်းအမှတ် ဧည့်ခံပွဲကို စက်တင်ဘာလ ၂၂ ရက်နေ့တွင် ရန်ကုန်မြို့၌ ကျင်းပခဲ့ပါသည်။ အခမ်းအနားသို့ ပြည်ထောင်စုသမ္မတမြန်မာနိုင်ငံတော် ဒုတိယသမ္မတ ဒေါ်နန်းနီနီအေး၊ အမျိုးသားလွှတ်တော် ဒုတိယဥက္ကဋ္ဌ ဦးဂျဲန်ဖန်နော်တောင်၊ နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ဦးဖုန်းမြတ်၊ တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး ဦးသန်းမောင် စသည့် မြန်မာနိုင်ငံမှ အဆင့်မြင့်အရာရှိကြီးများနှင့် နယ်ပယ်အသီးသီးမှ ချစ်ကြည်ရေး ပုဂ္ဂိုလ်များ၊ မြန်မာနိုင်ငံဆိုင်ရာ နိုင်ငံတကာသံတမန်များ၊ နိုင်ငံတကာ အဖွဲ့အစည်းများမှ ကိုယ်စားလှယ်များ၊ တရုတ်လုပ်ငန်းရှင်များ၊ မြန်မာနိုင်ငံရှိ တရုတ်နွယ်ဖွားများ စသည်ဖြင့် ဧည့်သည့်တော် ၈၀၀ ကျော် တက်ရောက်ခဲ့ကြပါသည်။
အခမ်းအနား၌ သံအမတ်ကြီး Ms. Ma Jia မှ အမှာစကားပြောကြားရာတွင် ယခုနှစ်သည် “၁၅ ကြိမ်မြောက် ငါးနှစ်စီမံကိန်း” စတင်သည့်နှစ်ဖြစ်ပြီး တရုတ်နိုင်ငံသည် ဘက်စုံဆိုရှယ်လစ်ခေတ်မီအင်အားကြီးနိုင်ငံ တည်ဆောက်ရေး ဟူသော ဒုတိယမြောက် နှစ်တစ်ရာရည်မှန်းချက်ဆီသို့ လှမ်းချီလျက်ရှိကြောင်း၊ လွန်ခဲ့သော တစ်နှစ်တာအတွင်း တရုတ်-မြန်မာ ဆက်ဆံရေးမှာ ပိုမိုထွန်းကားဖွံ့ဖြိုးတိုးတက်ခဲ့ပြီး တရုတ်နိုင်ငံအနေဖြင့် မြန်မာနိုင်ငံနှင့် အတူ တရုတ်-မြန်မာ အေးအတူပူအမျှအသိုက်အဝန်း တည်ဆောက်ရေးကို ပူးတွဲမြှင့်တင်ကာ နှစ်နိုင်ငံပြည်သူများအတွက် သုခချမ်းသာများ ပိုမိုဆောင်ကြဉ်းပေးလိုကြောင်း ပြောကြားခဲ့ပါသည်။
ဒုတိယသမ္မတ ဒေါ်နန်းနီနီအေးမှ အမှာစကားပြောကြားရာ၌ တရုတ်သမ္မတ ရှီကျင့်ဖျင် အဆိုပြုခဲ့သည့် ကမ္ဘာလုံးဆိုင်ရာ အစီအမံကြီး (၄) ရပ်နှင့် တရုတ်နိုင်ငံ၏ ဖွံ့ဖြိုးတိုးတက်မှု အောင်မြင်မှုများကို ကောင်းမွန်စွာ အသိအမှတ်ပြုချီးကျူးခဲ့ကြပြီး မြန်မာနိုင်ငံအနေဖြင့် တရုတ် တစ်နိုင်ငံတည်းမူဝါဒကို ခိုင်မာစွာ စွဲကိုင်ထားကြောင်းနှင့် မြန်မာ-တရုတ် ဆွေမျိုးပေါက်ဖော် ချစ်ကြည်ရေး ထာဝစဉ် မကွဲမကွာ ခိုင်မာပါစေကြောင်း ထပ်လောင်းအတည်ပြု ပြောကြားခဲ့ပါသည်။
အခမ်းအနားသို့ ကြွရောက်ချီးမြှင့်ကြသော ဧည့်သည့်တော်များက တရုတ်နိုင်ငံအား လှိုက်လှိုက်လှဲလှဲ ဂုဏ်ပြုစကားများ ပြောကြားခဲ့ကြပြီး တရုတ်-မြန်မာ ဆွေမျိုးပေါက်ဖော် ချစ်ကြည်ရေး ပရဟိတဈေးရောင်းပွဲ တွင်လည်း တက်ကြွစွာ ပါဝင်ဆင်နွှဲအားပေးခဲ့ကြပါသည်။

26/09/2026

【တရုတ်နိုင်ငံ၊ Jiangxi ပြည်နယ်၊ Shangrao မြို့၊ Huangling အပန်းဖြေနေရာအတွင်း ခင်းကျင်းထားသော ရောင်စုံround bamboo trayများ】