25/02/2026
လေထုညစ်ညမ်းမှုကြောင့် ခန္ဓာကိုယ်မှာပြတဲ့ လက္ခဏာ(၃)ခု | MediFlow
လက်ရှိ မြန်မာနိုင်ငံရဲ့ မြို့ကြီးတော်တော်များများမှာ ကြုံတွေ့နေရတဲ့ လေထုညစ်ညမ်းမှု (Air Pollution) က ကျန်းမာရေးအတွက် တကယ့်ကို သတိထားရမယ့် အခြေအနေတစ်ခု ဖြစ်ပါတယ်။
လေထုညစ်ညမ်းမှုကြောင့် ခန္ဓာကိုယ်မှာ ပြလာနိုင်တဲ့ အဓိကလက္ခဏာ (၃)ခုကတော့
၁။ အသက်ရှူလမ်းကြောင်းဆိုင်ရာ ပြဿနာများ
ဒါကတော့ အသိသာဆုံး လက္ခဏာပါ။ လေထုထဲမှာ ပါဝင်တဲ့ ဖုန်မှုန့်နဲ့ PM 2.5 အမှုန်အမွှားတွေက အဆုတ်ထဲအထိ ရောက်သွားနိုင်တာကြောင့်
* တဟွတ်ဟွတ်နဲ့ ချောင်းဆိုးတာ
* ရင်ဘတ်ထဲက ကျပ်နေသလို ခံစားရတာ
* မောလွယ်တာနဲ့ အသက်ရှူရ ခက်ခဲတာမျိုးတွေ ဖြစ်တတ်ပါတယ်။ အထူးသဖြင့် ပန်းနာရင်ကျပ်ရှိသူတွေမှာ ပိုဆိုးတတ်ပါတယ်။
၂။ မျက်စိ၊ နှာခေါင်းနဲ့ လည်ချောင်း ယားယံခြင်း
လေထုထဲက အဆိပ်အတောက်တွေက ခန္ဓာကိုယ်ရဲ့ အပြင်ဘက်ပိုင်းနဲ့ တိုက်ရိုက်ထိတွေ့တဲ့အခါ
* မျက်စိစပ်တာ၊ မျက်ရည်ပူကျတာ
* နှာချေတာ၊ နှာပိတ်တာ
* လည်ချောင်းနာတာနဲ့ လည်ချောင်းထဲက ယားကျိကျိဖြစ်တာတွေကို ခံစားရနိုင်ပါတယ်။
၃။ ခေါင်းကိုက်ခြင်းနဲ့ နုံးချိခြင်း
လေထုထဲက အဆိပ်အတောက်တွေ ရှူမိတာကြောင့် ဦးနှောက်ဆီကို သွေးထဲကတစ်ဆင့် ရောက်သွားတဲ့အခါ
* အကြောင်းရင်းမရှိဘဲ ခေါင်းကိုက်တာ
* အိပ်ရေးဝပေမယ့် တကိုယ်လုံး နုံးချိနေတာ
* အာရုံစူးစိုက်ရ ခက်ခဲတာမျိုးတွေ ဖြစ်တတ်ပါတယ်။
💡 ဘယ်လိုကာကွယ်မလဲ?
* အပြင်ထွက်တိုင်း N95 သို့မဟုတ် KN95 Mask ကို စနစ်တကျ တပ်ဆင်ပါ။
* လေထုအရည်အသွေး (AQI) အရမ်းဆိုးရွားနေချိန်မှာ အပြင်ထွက်ခြင်းကို တတ်နိုင်သမျှ ရှောင်ကြဉ်ပါ။
* အိမ်ထဲမှာ လေသန့်စင်စက် (Air Purifier) သုံးနိုင်ရင် ပိုကောင်းပါတယ်။
သင့်ပတ်ဝန်းကျင်မှာရော အခုတလော ဒီလိုလက္ခဏာတွေ ခံစားနေရတဲ့သူတွေ ရှိလား? ကိုယ့်ရဲ့ သူငယ်ချင်း၊ မိသားစုဝင်တွေပါ သတိထားနိုင်အောင် အသိပညာမျှဝေပေးပါဦး။
MediFlow
-Original Postကို Shareနိုင်ပါသည်။
-Copy ကူး၍ ပြန်တင်ခြင်း၊ Logo, နာမည်ဖျက်၍ ပြန်တင်ခြင်း ခွင့်မပြုပါ။
#လေထုညစ်ညမ်းမှု #ကျန်းမာရေးဗဟုသုတ
