Myanmar Iron and Steel Association

17/07/2026

Myanmar Iron and Steel Association
The 2026 SEAISI Travelling Seminar
"Operational Excellence for a Resilient ASEAN Steel Industry: Efficiency in a Challenging Market"

Myanmar Iron and Steel Association
The 2026 SEAISI Travelling Seminar
"Operational Excellence for a Resilient ASEAN Steel Industry: Efficiency in a Challenging Market"

မြန်မာနိုင်ငံ သံနှင့်သံမဏိအသင်း (Myanmar Iron and Steel Association) ၏ ပူးပေါင်းစီစဉ်မှုဖြင့် SEAISI 2026 Travelling Seminar ကို ရန်ကုန်မြို့၊ မင်းရဲကျော်စွာလမ်းရှိ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် (UMFCCI) မင်္ဂလာခန်းမ ၌
မနက် ၉ နာရီ မှ နေ့လည် ၁ နာရီအထိ ကျင်းပခဲ့ပါသည်။

အခမ်းအနားသို့ ရန်ကုန်တိုင်းဒေသကြီးအစိုးရအဖွဲ့ လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီး ဒေါက်တာမျိုးသော် တက်ရောက်၍ အဖွင့်အမှာစကား ပြောကြားခဲ့ပြီး၊ မြန်မာနိုင်ငံ သံနှင့်သံမဏိအသင်း ဥက္ကဋ္ဌ ကျေးဇူးတင်စကားပြောကြားခဲ့ပြီး၊ UMFCCI ဒုတိယဥက္ကဌမှ အမှာစကားများ ပြောကြားခဲ့ကြသည်။

ဆွေးနွေးပွဲတွင် အရှေ့တောင်အာရှဒေသ သံနှင့်သံမဏိလုပ်ငန်းကဏ္ဍ၏ နောက်ဆုံးဖြစ်ပေါ်တိုးတက်မှုများ၊ နည်းပညာအသစ်များနှင့် လုပ်ငန်းဆိုင်ရာ အတွေ့အကြုံများကို မျှဝေဆွေးနွေးခဲ့ကြောင်း သိရသည်။

အခမ်းအနားသို့ သံနှင့်သံမဏိလုပ်ငန်းရှင်များ၊ သက်ဆိုင်ရာဌာနနှင့် အဖွဲ့အစည်းများမှ တာဝန်ရှိသူများ၊ နည်းပညာတက္ကသိုလ်များမှ ကျောင်းသား၊ ကျောင်းသူများ တက်ရောက်ခဲ့ကြသည်။

ထို့နောက် SEAISI 2026 Travelling Seminar ကျင်းပနိုင်ရေးအတွက် ပံ့ပိုးကူညီခဲ့သည့် ကုမ္ပဏီများအား ဂုဏ်ပြုလက်ဆောင်များ ပေးအပ်ခဲ့ပြီး စုပေါင်းမှတ်တမ်းတင်ဓာတ်ပုံ ရိုက်ကူးခဲ့ကြပါသည်။

06/07/2026

The 2026. SEAISI Travelling Seminar ပွဲလေးကို အပ်ကြားအပ်ပါသည်။

18/05/2026

မြန်မာနိုင်ငံသံနှင့်သံမဏိအသင်း
အသင်းသူ၊ အသင်းသားများ သိသာပါရန်
မြန်မာနိုင်ငံသံနှင့်သံမဏိအသင်း၏ (၂၀၂၆ -၂၀၃၀) ခုနှစ် သက်တမ်းအတွက် ဗဟိုအလုပ်အမှုဆောင်၊ အလုပ်အမှုဆောင် ရွေးချယ်တင်မြှောက်ပွဲကို (၂၈.၆.၂၀၂၆)တွင် UMFCCI၊ မင်္ဂလာခန်းမ ၌ ကျင်းပဆောင်ရွက်သွားမည် ဖြစ်ပါသဖြင့် အသင်းဝင်များ တက်ရောက်ဆန္ဒမဲပေးကြပါရန် လေးစားစွာဖိတ်ကြားအပ်ပါသည်။

ဆန္ဒမဲပေးမည့် အသင်းဝင်များသိသာစေရန်

(၁) ၂၀၂၆ ခုနှစ်၊ ဧပြီ(၃၀) ရက်နေ့အထိ အသင်းဝင်ထားသူများအားလုံးမဲပေးခွင့်ပြုမည်။
(၂) အသင်းဝင်များသည် သက်တမ်းတိုးပေးသွင်းခြင်းကို (၁၇.၅.၂၀၂၆) နောက်ဆုံးထားပေးသွင်းပြီးမှသာ ဆန္ဒမဲပေးခွင့်ပြုမည်။
(၃) ဆန္ဒမဲပေးမည့်အသင်းဝင်များ မှတ်ပုံတင်ခြင်းကို ၁၇.၅.၂၀၂၆ ရက်နေ့ ညနေ(၄)နာရီ နောက်ဆုံးထား လက်ခံပါမည်။

အလုပ်အမှုဆောင်ဆန္ဒပြုသူ အသင်းဝင်များသိသာစေရန်

(၁) ပြည်ထောင်စုမြန်မာနိုင်ငံသား ဖြစ်ရမည်။
(၂) အရွေးချယ်ခံပုဂ္ဂိုလ်သည် အသက်(၂၅)နှစ် ပြည့်ပြီးသူဖြစ်ရမည်။
(၃) အသင်း၏ သင်းဖွဲ့မှတ်တမ်းနှင့် သင်းဖွဲ့စည်းမျဉ်းပါ စည်းကမ်းသတ်မှတ်ချက်များ လိုက်နာနိုင်သူ ဖြစ်ရမည်။
(၄) ရွေးချယ်တင်မြှောက်ပွဲ ကျင်းပမည့်နေ့တွင် အသင်းဝင်သက်တမ်း(၁)နှစ်ပြည့်ပြီး နှစ်စဉ်ကြေးများကို အသင်းရုံးသို့( ၁၇.၅.၂၀၂၆ ) ရက်နေ့တွင် အကြေအလည်ပေးသွင်းပြီးသူဖြစ်ရမည်။
(၅) အလုပ်အမှုဆောင်ဆန္ဒပြုသူများ၏ ဆန္ဒပြုလွှာများကို (၁၇.၅.၂၀၂၆ ) ရက်နေ့ ညနေ (၄း၀၀) နာရီ နောက်ဆုံးထား လက်ခံပါမည်။
(၆) မြန်မာနိုင်ငံသံနှင့်သံမဏိအသင်း၌ ဗဟိုအလုပ်အမှုဆောင်၊ အလုပ်အမှုဆောင် သက်တမ်း တစ်ခု အနည်းဆုံးတစ်ကြိမ် တာဝန်ထမ်းဆောင်ခဲ့သူသည် ဗဟိုအလုပ်အမှုဆောင်အဖြစ် ရွေးချယ်ခံခွင့် ရှိသည်။
(၇) အသင်းဝင်သက်တမ်း (၁)နှစ်ပြည့်ပြီးသူများသာ အလုပ်အမှုဆောင်အဖြစ် ရွေးချယ်ပိုင်ခွင့် ရှိသည်။

အလုပ်အမှုဆောင်အဖွဲ့

02/10/2025

South East Asia Iron and Steel Institute (SEAISI) မှ ကျင်းပပြုလုပ်မည့် ASEAN Steel Policymaker Conference & 2025 ASEAN Iron & Steel Forum သို့ Policymaker အဖြစ် တက်ရောက်ပေးပါရန် မြန်မာနိုင်ငံသံနှင့်သံမဏိအသင်းသို့ ဖိတ်ကြားလာခဲ့ပါသည်။
မလေးရှားနိုင်ငံ၊ ကွာလာလမ်ပူမြို့၌ ကျင်းပသည့် ပထမအကြိမ်မြောက် The 1st ASEAN Steel Policymaker Conference & 2025 ASEAN Iron & Steel Forum: Sustainability & Construction သို့ မြန်မာနိုင်ငံသံနှင့်သံမဏိအသင်းဥက္ကဌ ‌ေဒါက်တာကေသီလွင်၊ အထွေထွေအတွင်းရေးမှူးဦးအေးသီဟနှင့် စက်မှုဝန်ကြီးဌာနမှ ကိုယ်စားလှယ် (၂)ဦး ဦ‌းဆောင်ညွှန်ကြားရေးမှူး ဦးမင်းသူ နှင့် ဒုတိယအထွေထွေမန်နေဂျာ ဦးအောင်ကိုထိုက်တို့ တက်ရောက်ခဲ့ကြပါသည်။
အဆိုပါ ညီလာခံကို စက်တင်ဘာလ (၂၉) ရက်နေ့မှ အောက်တိုဘာလ (၂) ရက်နေ့အထိ ကျင်းပမည်ဖြစ်ပြီး မလေးရှား နိုင်ငံတွင် ကျင်းပပြုလုပ်မည့် မလေးရှား၊ ဗီယက်နမ်၊ ထိုင်း၊ စင်္ကာပူ၊ ဖိလစ်ပိုင်၊ မြန်မာ၊ အင်ဒိုနီးရှားနိုင်ငံတို့မှ ကိုယ်စားလှယ်များတက်ရောက်ခဲ့ကြောင်း သိရပါသည်။ ညီလာခံနှင့်အတူ Policymaker များနှင့် Malaysia Ministry of Investment, Trade and Industry မှ ဒုတိယဝန်ကြီးဦးဆောင်သောအဖွဲ့နှင့် Round Table Discussion ပြုလုပ်၍ Regional Steel Policy Framework ကိစ္စရပ်များအားဆွေးနွေးကြပါသည်။ National Road Map Launch စတင်ဖိတ်ဆက်ပြသကြပါတယ်။
မြန်မာနိုင်ငံသံနှင့်သံမဏိအသင်းကိုယ်စားပြု Policymaker အဖြစ် စက်မှုဝန်ကြီးဌာန၊ ဦးဆောင် ညွှန်ကြားရေးမှူးမှ သံမဏိသည် အခြေခံအဆောက်အဦများအတွက် အရေးပါပုံနှင့် မရှိမဖြစ်လိုအပ်သော ပစ္စည်းဖြစ်ကြောင်း၊ မြန်မာနိုင်ငံ၏ သံမဏိသုံးစွဲမှုနှင့် ကမ္ဘာ့သံမဏိသုံးစွဲမှုများအား နှိုင်းယှဉ်၍ ဆွေးနွေး ပြောကြားမည်ဖြစ်ကြောင်း သိရှိရပါသည်။
အာဆီယံနိုင်ငံများမှ အစိုးရကိုယ်စားလှယ်များ၊ ကျွမ်းကျင်သူများ၊ လုပ်ငန်းရှင်များ တွေ့ဆုံမည် ဖြစ်ပြီး ပြည်တွင်းနှင့် ဒေသတွင်းသံမဏိလုပ်ငန်းများအတွက် တည်တံ့ခိုင်မြဲသော ဖွံ့ဖြိုးတိုးတက်မှု၊ ကာဗွန် လျှော့ချရေးမူဝါဒများနှင့် ဆောက်လုပ်ရေးအဆင့်မြှင့်ခြင်းများကို ဆွေးနွေးရန် ရည်ရွယ်၍ ကျင်းပရခြင်း ဖြစ်ကြောင်း သိရှိရပါသည်။

16/02/2025

The 2025 SEAISI Travelling Seminar ကို (၁၄.၂.၂၀၂၅) ရက်နေ့၊ နံနက်(၉း၀၀)တွင်၊ UMFCCI၊ မင်္ဂလာခန်းမ၌ ကျင်းပပြုလုပ်ခဲ့ပါသည်။

Topic: " Sustainable Smart Manufacturing and Process Automation: Enhancing Productivity and Energy Efficiency in the steel Industry" ဖြစ်ပြီး Taiwan မှ ပညာရှင်ဖြစ် သော Mr.Hui-Jan Lin က " Smart Steelmaking: Synergizing Theoretical Models with AI Technologies အကြောင်းအားလည်းကောင်း၊ Japan မှပညာရှင်ဖြစ် သော Mr S***a Takeshima က " Digital Transformation at Nippon Steel Corporation အကြောင်းအားလည်းကောင်း တင်ဆက်ရှင်းလင်းခဲ့ပါသည်။

မြန်မာနိုင်ငံသံနှင့်သံမဏိအသင်းအနေဖြင့် အရှေ့တောင်အာရှ သံနှင့်သံမဏိအသင်း SEAISI တွင် ၂၀၁၈ ခုနစ် နိုဝင်ဘာတွင် စတင်ဝင်ရောက်ခဲ့ပြီး ၂၀၁၉ခုနှစ်မှ စတင်ကာ SEAISI Traveling Seminar အားကျင်းပလာခဲ့သည်မှာ ၄ကြိမ်မြောက်ရှိပြီဖြစ်ပါသည်။

South East Asia Iron and Steel Institute (SEAISI) ကို ၁၉၇၁ ခုနစ်တွင် စတင်ခဲ့ပြီး အဖွဲ့ဝင်နိုင်ငံများအဖြစ် Indonesia, Malaysia, Myanmar, Philippines, Singapore, Thailand နှင့် Vietnam နိုင်ငံများပါဝင်ပြီး Korea နှင့် Taiwan တို့မှ Supporting members အနေဖြင့်ပါဝင်ပါသည်။

အခမ်းအနားသို့ UMFCCI ဥက္ကဌ ဦးအေးဝင်း၊ မြန်မာနိုင်ငံ သံနှင့်သံမဏိ အသင်းဥက္ကဌ ဒေါက်တာ
ကေသီလွင်၊ ဒုတိယ ဥက္ကဌ (၂) ဦးတင်လှိုင်၊ နာယကကြီးများ၊ အကြံပေးပုဂ္ဂိုလ်များ၊ အလုပ်အမှုဆောင်များနှင့် အဖွဲ့ဝင်အသင်းသားများ၊ SEAISI မှ ပညာရှင် Speakers များ၊ မြန်မာနိုင်ငံ အင်ဂျင်နီယာအသင်းချုပ်၏ ဥက္ကဌ၊ မြန်မာနိုင်ငံ အင်ဂျင်နီယာကောင်စီ မှ တာဝန်ရှိသူများ၊ စက်မှုဝန်ကြီးဌာနမှ တာဝန်ရှိသူများ၊ သိပ္ပံနှင့် နည်းပညာဝန်ကြီးဌာနနှင့် ဆောက်လုပ်ရေးဝန်ကြီးဌာနမှ တာဝန်ရှိသူများ၊ မြန်မာနိုင်ငံ သံနှင့်သံမဏိ လုပ်ငန်းရှင်များအသင်းနှင့် သံမဏိစက်ရုံများမှ စက်ရုံမှူးများနှင့် တာဝန်ရှိသူများ၊ သံမဏိလုပ်ငန်းရှင်များ၊ ပညာရှင်များ နှင့် နည်းပညာတက္ကသိုလ်များမှ ဆရာ၊ဆရာမများ၊ကျောင်းသား၊‌ ကျောင်းသူများနှင့် ဖိတ်ကြားထားသူများ (၁၂၀)ဦးခန့် တက်ရောက်ခဲ့ကြပါသည်။

07/02/2025

၁၄.၂.၂၀၂၅ (သောကြာနေ့)၊ နံနက် (၈:၃၀) UMFCCI , မင်္ဂလာခန်းမတွင် ပြုလုပ်မည့် အ​ရှေ့​တောင်အာရှသံနှင့်သံမဏိအဖွဲ့အစည်း နှင့် မြန်မာနိုင်ငံ သံနှင့်သံမဏိအသင်းတို့ ပူး​ပေါင်းပြုလုပ်မည့် South East Asia Iron and Steel Institute Travelling Seminar,2025သို့ ကြွ​ရောက်ပါရန် ဖိတ်ကြားအပ်ပါသည်။

/RSEများအတွက်CPD(3)hour ရရှိပါမည်။

RSVP ပြုလုပ်ပေးပါရန် မေတ္တာရပ်ခံအပ်ပါသည်။
RSVP Ph no: 09778779975

06/07/2023

21/06/2023

မြန်မာနိုင်ငံ သံနှင့်သံမဏိအသင်းရုံးခန်းအားဖွင့်လှစ်

မြန်မာနိုင်ငံသံနှင့်သံမဏိအသင်း ရုံးခန်းကို ကုန်သည်စက်မှုအသင်းချုပ်‌၏ (၁၃)လွှာ၌ ယနေ့ဇွန်လ (၂၁) ရက်နေ့တွင် ဖွင့်လှစ်ခဲ့ပါသည်။

မြန်မာနိုင်ငံသံနှင့် သံမဏိအသင်းသည် မြန်မာနိုင်ငံစက်မှုကုန်ထုတ်လုပ်သူများအသင်း(MIA) ၏လုပ်ငန်းတူ CLUSTER အစုအဖွဲ့အဖြစ် ၂၀၁၄ ခုနှစ်မှ စတင်ဆောင်ရွက်ခဲ့ပြီး မြန်မာနိုင်ငံရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန၏ အသိအမှတ်ပြုထားပြီးဖြစ်သည်။

ထို့ပြင် မြန်မာနိုင်ငံ သံနှင့်သံမဏိအသင်းအနေဖြင့် The South East Asia Iron and Steel Institute(SEAISI) တွင်လည်း ၂၀၁၈ ခုနှစ် ဒီဇင်ဘာလတွင် စတင်ဝင်ရောက်ခဲ့ပြီး အရှေ့တောင်အာရှ သံံနှင့်သံမဏိ အသင်းဝင်များနှင့်လည်း ချိတ်ဆက်ဆောင်ရွက်လျက်ရှိပါသည်။

အသင်းဖွဲ့စည်းရသည့် ရည်ရွယ်ချက်မှာ သံနှင့်သံမဏိလုပ်ငန်းနှင့်ပတ်သက်၍ မြန်မာနိုင်ငံစံချိန်စံညွှန်းကို အကောင်အထည်ဖော်ပြီး သံနှင့် သံမဏိလုပ်ငန်းဖွံ့ဖြိုးအောင်ဆောင်ရွက်ရန်၊ သံနှင့်သံမဏိပစ္စည်းများကို နိုင်ငံတကာစံချိန်မီသည့် အရည်အသွေးထုတ်လုပ်ရန်၊ အသင်းဝင်များအတွက် ဆွေးနွေးပွဲများ၊ စာတမ်းဖတ်ပွဲများ ကျင်းပစေပြီး နိုင်ငံတကာနှင့် အာဆီယံဒေသအတွင်း၊ နိုင်ငံများ၏ သံနှင့် သံမဏိသတင်းအချက်အလက်များ ပညာရပ်ဆိုင်ရာ စာရွက်စာတမ်းများဖြန့်ဝေနိုင်ရန်၊ ပြည်တွင်းသံ၊သံမဏိထုတ်လုပ်ခြင်းအတွက် လိုအပ်သော တည်ဆောက်မှုဆိုင်ရာများ၊ ထုတ်လုပ်မှုဆိုင်ရာ၊ ထုတ်လုပ်မှုနည်းပညာများအတွက် ပံ့ပိုးကူညီရန်နှင့် Small and Medium သံ သံမဏိလုပ်ငန်းများ ဖွံ့ဖြိုးတိုးတက်ရန်လိုအပ်သော ကူညီပံ့ပိုးမှုများပေးရန် ရည်ရွယ်ပါသည်။
ရုံးဖွင့်ပွဲ အခမ်းအနားသို့ မြန်မာနိုင်ငံသံနှင့် သံမဏိအသင်း ဥက္ကဌ ဒေါက်တာကေသီလွင်၊ အထွေထွေအတွင်းရေးမှုး ဦးအေးသီဟ၊ MIA အသင်းဥက္ကဌ ဦးအေးထွန်း၊မြန်မာနိုင်ငံ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ တာဝန်ရှိသူများ၊ စက်မှုဝန်ကြီးဌာနမှ တာဝန်ရှိသူများ၊ အသင်းဝင်ကုမ္ပဏီများ၊ ဖိတ်ကြားထားသည့် တာဝန်ရှိသူများတက်ရောက်ခဲ့ပါသည်။

15/03/2023

The 2023 SEAISI Travelling Seminar ကို (၁၅.၃.၂၀၂၃) ရက်နေ့၊ နံနက်(၉း၀၀)တွင်၊ UMFCCI၊ မင်္ဂလာခန်းမ၌ ကျင်းပပြုလုပ်ခဲ့ပါသည်။
အခမ်းအနားသို့ စက်မှုဝန်ကြီးဌာန ပြည်ထောင်စုဝန်ကြီး Dr.ချာလီသန်းမှ အဖွင့်အမှာစကားပြောခဲ့ပြီး “ဒီနေ့ကျင်းပတဲ့အခမ်းအနားဟာ နိုင်ငံတစ်နိုင်ငံဖွံ့ဖြိုးတိုးတတ်ဖို့ အင်မတန်အရေးပါပြီး အဓိကကျတဲ့ သံနှင့်သံမဏိ ဖွံ့ဖြိုးတိုးတတ်ရေးဆိုင်ရာအတွက် များစွာအထောက်အကူဖြစ်စေမှာ ဖြစ်ပါတယ်။ နိုင်ငံတစ်နိုင်ငံရဲ့ ဖွံ့ဖြိုးတိုးတတ်မှုကို လူတစ်ဦးချင်းစီရဲ့ သံနှင့်သံမဏိသုံးစွဲမှုပမာဏအပေါ် မူတည်ပြီးလည်း တိုင်းတာဖော်ပြလေ့ရှိကြပါတယ်။ သံမဏိဟာ ၁၀၀% Recycle လုပ်လို့ရတဲ့ Sustainable building material ဖြစ်ပြီး သံမဏိမှာ အခြားမည်သည့်သတ္တုနဲ့မှမတူတဲ့ ထူးခြားဆန်းပြားသော အရည်အသွေးများနဲ့ ပြည့်စုံနေတာကြောင့် ဖွံ့ဖြိုးဆဲနိုင်ငံများမှာ အထူးသဖြင့် ဆောက်လုပ်ရေးလုပ်ငန်းနယ်ပယ်မှ သံမဏိလိုအပ်ခြင်းမှာ ဆက်တိုက်မြင့်မားလျက်ရှိပါတယ်။
ဆက်လက်၍ “ကမ္ဘာမှာ သံမဏိလုပ်ငန်းရှင်တွေက ပတ်ဝန်းကျင်ထိန်းသိမ်းမှုကို ဘယ်လောက် အလေးထားလဲဆိုရင် လုပ်ငန်းတစ်ခုလုံးရဲ့ ငွေလုံးငွေရင်းရင်းနှီးမြှပ်နှံမှုရဲ့ ၁၅%ကို ပတ်ဝန်းကျင်ထိန်းသိမ်းရေးအတွက် အသုံးချရပါတယ်။ ဒါကြောင့် မြန်မာ့သံနှင့်သံမဏိလုပ်ငန်းရှင်များကလည်း ဒီကိစ္စကို အလေးအနက်ထားပြီးဆောင်ရွက်ကြပါလို့” တိုက်တွန်းပြောကြားခဲ့ပါသည်။
မြန်မာနိုင်ငံ သံနှင့်သံမဏိအသင်း၏ ဥက္ကဌ Dr ကေသီလွင်မှ “အသင်းအနေဖြင့် SEAISI Travelling Seminar ဟာ မြန်မာနိုင်ငံမှာ ယနေ့ဒုတိယအကြိမ် လက်ခံကျင်းပတာဖြစ်ပါတယ်။ ပထမအကြိမ်အနေနဲ့ ၂၀၁၉ ခုနှစ်မှာ ကျင်းပခဲ့ပါတယ်။ ယခုလို ကျင်းပခြင်းအားဖြင့် သံနှင့်သံမဏိ ထုတ်လုပ်ခြင်းဆိုင်ရာနည်းပညာများကို Technology Transfer and Knowledge Sharing ပြုနိုင်ပြီး ဖွံ့ဖြိုးဆဲ မြန်မာနိုင်ငံရဲ့ သံနှင့်သံမဏိနည်းပညာ ကဏ္ဍအတွက် များစွာအထောက်အကူဖြစ်စေမှာြဖစ်ပါတယ်” ဟု ပြောကြားခဲ့ပါသည်။
မြန်မာနိုင်ငံသံနှင့်သံမဏိအသင်းအနေဖြင့် အရှေတောင်အာရှ သံနှင့်သံမဏိအသင်း SEAISI တွင် ၂၀၁၈ ခုနစ် နိုဝင်ဘာတွင် စတင်ဝင်ရောက်ခဲ့ပြီး အရှေတောင်အာရှ သံနှင့်သံမဏိအသင်းဝင်နိုင်ငံများမှ Iron and Steel ထုတ်လုပ်သူများနှင့် Trading Company များ၏ အခက်အခဲများကို ကူညီဖြေရှင်းပေးရန်နှင့် သတင်းအချက်အလက်မျှဝေပေးရန် ရည်ရွယ်၍ ယနေ့ပွဲကိုကျင်းပခြင်းဖြစ်ပါသည်။
South East Asia Iron and Steel Institute (SEAISI) ကို ၁၉၇၁ ခုနစ်တွင် စတင်ခဲ့ပြီး Malaysia နိုင်ငံတွင် ရုံးစိုက်ပါသည်။ အဖွဲ့ဝင်နိုင်ငံများအဖြစ် Indonesia, Malaysia, Myanmar, Philippines, Singapore, Thailand နှင့် Vietnam နိုင်ငံများပါဝင်ပြီး Korea နိုင်ငံနှင့် Taiwan တို့မှ Supporting members အနေဖြင့်ပါဝင်ပါသည်။
အခမ်းအနားသို့ စက်မှုဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်း၊ မြန်မာနိုင်ငံ သံနှင့်သံမဏိ အသင်းဥက္ကဌ ဒေါက်တာကေသီလွင်၊ ဒုတိယ ဥက္ကဌ (၁) ဦးမြင့်ဆွေ၊ ဒုတိယ ဥက္ကဌ (၂) ဦးတင်လှိုင်၊ အထွေထွေအတွင်းရေးမှူး ဦးအေးသီဟနှင့် အဖွဲ့ဝင်အသင်းသားများ၊ SEAISI မှ Speaker များ၊ UMFCCI ဒုတိယဥက္ကဌ ဒေါက်တာမျိုးသက်နှင့် တာဝန်ရှိသူများ၊ MIA ဥက္ကဌ ဦးအေးထွန်းနှင့် အလုပ်အမှုဆောင်အဖွဲ့ဝင်များ၊ မြန်မာနိုင်ငံ အင်ဂျင်နီယာကောင်စီ၊ မြန်မာနိုင်ငံ အင်ဂျင်နီယာအသင်းချုပ် မှ တာဝန်ရှိသူများ၊ သိပ္ပံနှင့် နည်းပညာဝန်ကြီးဌာနနှင့် ဆောက်လုပ်ရေးဝန်ကြီးဌာနမှ တာဝန်ရှိသူများ၊ မြန်မာနိုင်ငံ သံနှင့်သံမဏိ လုပ်ငန်းရှင်များအသင်းနှင့် သံမဏိစက်ရုံများမှ စက်ရုံမှူးများနှင့် တာဝန်ရှိသူများ၊ သံမဏိလုပ်ငန်းရှင်များ၊ ပညာရှင်များ နှင့် ဖိတ်ကြားထားသူများ (၁၅၀)ဦးခန့် တတ်ရောက်ခဲ့ကြပါသည်။

13/03/2023

၁၅.၃.၂၀၂၃(ဗုဒ္ဓဟူး​နေ့)နံနက် (၈:၃၀) UMFCCI , မင်္ဂလာခန်းမတွင် ပြုလုပ်မည့် အ​ရှေ့​တောင်အာရှသံနှင့်သံမဏိအသင်းနှင့် မြန်မာနိုင်ငံ သံနှင့်သံမဏိအသင်းတို့ ပူး​ပေါင်းပြုလုပ်မည့် South East Asia Iron and Steel Institute Travelling Seminar,2023 သို့ ကြွ​ရောက်ပါရန် ဖိတ်ကြားအပ်ပါသည်။
/RSEများအတွက်CPD(3)hour ရရှိပါမည်။