ရန်ကုန်လူထုသပိတ် - Yangon People's Strike

09/12/2025

‼️အကြမ်းဖက်စစ်တပ်၏ အတုအယောင်ရွေးကောက်ပွဲကို ဆန့်ကျင်ကြောင်းလှုပ်ရှားမှုနှင့်အတူ ပြည်သူများအနေဖြင့် ဒီဇင်ဘာလ ၁၀ရက်နေ့ Silent Strike တွင်ပူပေါင်းပါဝင်ကြပါရန် ရန်ကုန်လူထုသပိတ်မှ အသိပေးနှိုးဆော်မှုပြုလုပ်

ယနေ့ ၉ရက် ၁၂လ ၂၀၂၅ခုနှစ်တွင် ရန်ကုန်လူထုသပိတ်မှ ရဲဘော်များမှ ဆူးလေလူကူးတံတားအနီးရှိ မြို့လယ်နေရာတွင် လူထုတော်လှန်ရေးအသိပေးလိုသည့် အချက်သုံးချက်ဖြင့် ဆန္ဒပြလှုံ့ဆော်မှုပြုခဲ့သည်။

- အတုအယောင်ရွေးကောက်ပွဲကို အသိအမှတ်မပြုကြောင်း ဆန့်ကျင်ခြင်း
- ဒီဇင်ဘာလ ၁၀ ရက်နေ့ 'အသံတိတ်' သပိတ်တွင် ပြည်သူလူထုတစ်ရပ်လုံးမှ
အတူတကွ ပူပေါင်းပါဝင်ကြရန် အသိပေးနှိုးဆော်ခြင်း
- လူထုလွတ်မြောက်ရေးအတွက် လူထုကိုယ်တိုင်ရုန်းကန်ရမည်ဖြစ်ကြောင်း၊
အတုအယောင်ရွေးကောက်ပွဲနှင့် ၎င်း၏အလွန်ကာလတွင်လည်း လူထု၏ 'ပုန်ကန်အံတု'မှုရှိမှသာ လွတ်မြောက်မှုအစစ်ကို ရနိုင်မည်ဖြစ်ကြောင်း အသိပေးလှုံ့ဆော်ခြင်း

စသည်တို့ဖြင့် ပြည်သူသို့ တော်လှန်ရေးအသိ, သတိရှိစေရန် နှိုးဆော်အပ်ပါသည်။

ဓာတ်ပုံထဲမှ “အမှိုက်ပုံး”သည် အတုအယောင်ရွေးကောက်ပွဲ၏ “မဲပုံး”များကို ရည်ရွယ်ခြင်းဖြစ်သည်။ အကြမ်းဖက် စစ်တပ်မှ ကျင်းပပြုလုပ်မည့် “ရွေးကောက်ပွဲ မဲပုံး”များတွင် ပြည်သူလူထု၏ ထောက်ခံမှုမရှိသော အတုအယောင်ရွေးကောက်ပွဲဝင် ပြည်သူ့ချဉ်ဖက်ကိုယ်စားလှယ်လောင်းများ(သို့)သုံးစားမရသောပြည်ဖျက်အမှိုက်များသာ စုပုံစွန့်ပစ်ခံထားရမည့် “အမှိုက်ပုံး”များဟုပင်မှတ်ယူမည်ဖြစ်ကြောင်း ရန်ကုန်လူထုသပိတ်၏သဘောထားအား ပြည်သူ့ဆန္ဒနှင့်အညီ ထုတ်ပြန်ကြေငြာမှုပြုအပ်ပါသည်။

ရန်ကုန်လူထုသပိတ်



#ပုန်ကန်အံတု

05/12/2025

"Our Voice, Our Fight, Our Rights“
***အပြင်မထွက်၊ အသံတိတ်သပိတ်***

အပိုင်းသုံးပိုင်းခွဲပြီး ကျင်းပမယ့် စစ်အုပ်စုရဲ့ တရားမဝင် ဒီဇင်ဘာ ရွေးကောက်ပွဲကြီးဟာ နီးကပ်လာပါပြီ။
မတရားရွေးကောက်ပွဲကြီး နီးကပ်လာတာနဲ့ အမျှ စစ်အုပ်စုဟာ ပြည်သူအများရဲ့ထောက်ခံမှုကို ရရှိနေသယောင် နိုင်ငံတကာမှာ အတုအယောင် ဝါဒဖြန့်မှုတွေပြုလုပ်နေပြီး
တစ်ဖက်မှာလည်း ပြည်သူတွေကို ချော့တစ်မျိုး ခြောက်တစ်ဖုံနဲ့ ရွေးကောက်ပွဲကို အထမြောက်ဖို့ ကြိုးစားနေပါတယ်။

ဓားထောက်ပြီး ဘုရင်မြှောက်ခိုင်းချိန်မှာ မတရားခံရကြောင်းကိုတော့ ကျနော်တို့ ဟစ်အော် အသိပေးကြပါမယ်။
ဒီလို အသိပေးဖို့ အတွက် တိတ်ဆိတ်ခြင်းဟာ အကျယ်လောင်ဆုံး ဟစ်ကြွေးသံပါ။
ယခင့်ယခင် ပြုလုပ်ခဲ့သည်များနည်းတူ ဒီတစ်ခါမှာလည်း တိတ်ဆိတ်ခြင်းနဲ့ ကျနော်တို့ အသံကို ထုတ်ဖော်ပြသပါမယ်။

“Our Voice, Our Fight, Our Rights” ဆိုတဲ့ ဒီတစ်ခါ အသံတိတ် သပိတ် ဆောင်ပုဒ်အတိုင်း ကျနော်တို့ အခွင့်အရေးတွေအတွက် ကျနော်တို့ အသံတွေကိုတိတ်ကာ ဟစ်ကြွေးလို့ တိုက်ပွဲဝင်ကြပါမယ်။
အသံတိတ် သပိတ် ကျင်းပမယ့်နေ့ရက်ကို ၂၀၂၅ ခုနှစ်၊ ဒီဇင်ဘာလ ၁၀ရက်နေ့ အပြည်ပြည်ဆိုင်ရာ လူ့အခွင့်အရေးနေ့အဖြစ် သတ်မှတ်ထားပြီး
သပိတ် ပြုလုပ်မယ့်အချိန်ကိုတော့ ရုံးတက် ရုံးဆင်း ၊ စျေးသွားစျေးလာ အချိန်ကာလတွေနဲ့ ဝေးကွာအောင် မနက် ၁၀ နာရီကနေ ညနေ ၃ နာရီ သတ်မှတ်ထားပါတယ်။

ဒါကြောင့် လူ့အခွင့်အရေးပျောက်ဆုံးနေတဲ့ နိုင်ငံတစ်နိုင်ငံက နိုင်ငံသားတွေရဲ့ တိတ်ဆိတ်ခြင်းနဲ့ ကြွေးကြော်သံကို ကမ္ဘာ တစ်ဝှမ်းက ကြားအောင်၊ စစ်ကောင်စီရဲ့ ရွေးကောက်ပွဲဟာ အထမြောက်သွားခဲ့သည် တိုင်အောင် ဓားထောက်ပြီး မင်းမြှောက်ခိုင်းခဲ့တာသာ ဖြစ်ကြောင်း သိရှိရလေအောင် အပြည်ပြည်ဆိုင်ရာ လူ့အခွင့်အရေးနေ့ ဒီဇင်ဘာ ၁၀ ရက်နေ့ မနက်၁၀ နာရီ ကနေ ညနေ ၃ နာရီ ကြားအချိန်ကာလမှာ အုတ်တချပ် သဲတပွင့် အဖြစ် ပါဝင်ပေးကြဖို့ အကူအညီတောင်းပါရစေ။

“မတရားတဲ့ အမိန့်ဟူသမျှ တာဝန်အရဖီဆန်ကြ”

အာဏာရှင်စနစ်ဟူသမျှ မုချ ကျရှုံးရမည်။
ဖက်ဒရယ်ဒီမိုကရေစီပြည်ထောင်စု မုချ တည်ဆောက်နိုင်ရမည်။
အရေးတော်ပုံ အောင်ရမည်။

#ပြည်သူသာအဓိက
#လူထုတိုက်ပွဲလှုပ်ရှားမှု

05/12/2025

◾️၄နှစ်ပြည့်ခဲ့ပြီ ပန်းပင်နီ

လွန်ခဲ့တဲ့ ၂၀၂၁ခုနှစ် ဒီဇင်ဘာ ၅ရက်နေ့က ပြည်သူတစ်ရပ်လုံးဝမ်းနည်းပူဆွေးခဲ့ရတဲ့အောက်ကြည့်မြင်တိိုင်၊ပန်းပင်ကြီးလမ်းပေါ်က ရန်ကုန်လူထုသပိတ်စစ်ကြောင်း ကားတိုက်ဖြိုခွင်းခံရမှုဖြစ်စဉ်ဟာ ဒီကနေ့မှာ ၄နှစ်တင်းတင်းပြည့်ခဲ့ပါပြီ။

ပန်းပင်ကြီးလမ်းသပိတ်မှာပါဝင်ခဲ့တဲ့ ဆန္ဒပြပြည်သူတွေ၊ သေရာပါဒဏ်ရာတွေရခဲ့တဲ့ သပိတ်ရဲဘော်တွေ၊ လက်ရှိ အကျဉ်းကျခံနေရဆဲဖြစ်တဲ့ ရဲဘော်တွေ အားလုံးကို ယနေ့ထိတိုင် မမေ့နိုင်ပဲ လေးစားဦးညွှတ် ဂုဏ်ယူနေရပါကြောင်း ရန်ကုန်လူထုသပိတ်မှ အသိပေးအပ်ပါတယ်။

သပိတ်၏ရည်ရွယ်ချက်အရ သမ္မတကြီး ဦးဝင်းမြင့် နှင့် နိုင်ငံတော်အတိုင်ပင်ခံ ဒေါ်အောင်ဆန်းစုကြည် တို့အား အာဏာသိမ်းစစ်ကောင်စီမှ မတရား စီရင်ချက်မည့် ၆ရက်နေ့ ရုံးချိန်း မတိုင်မီ ပြည်သူများမှ တရားမှုကိုသာလိုလားကြောင်း၊ အမြန်ဆုံး ပြန်လည်လွတ်မြောက်လာစေလိုကြောင်း ငြိမ်းချမ်းစွာဆန္ဒပြ ကြွေးကြော်ချီတက်ခဲ့ကြခြင်းပဲဖြစ်ပါတယ်။

“The only real prison is fear and the real freedom is freedom from fear”

#ရန်ကုန်လူထုသပိတ်

27/10/2025

"အောက်တိုဘာလ ၂၈ မှ ဒီဇင်ဘာလ ၃၁ ထိ ကို တရားမဝင်အတုအယောင်ရွေးကောက်ပွဲ သပိတ်မှောက် ဆန့်ကျင်ရေးကာလအဖြစ် သတ်မှတ်ပါကြောင်း"

ရန်သူ စစ်အုပ်စစ်သည် “ အကြမ်းဖက်မှုပေါင်းစုံ ကျင့်သုံး၍” မတရားအာဏာသိမ်းချိန်မှစ၍ ယနေ့တိုင် ၄င်း၏ အာဏာတည်မြဲရေး ဆောင်ရွက်နေသည်။ လူမှုရေး၊ စီးပွါးရေးနှင့် နိုင်ငံရေးတို့တွင် အကြမ်းဖက်မှုနှင့် အကျင့်ပျက်ချစားမှုကြီးစိုးစေမှုတို့ဖြင့် တိုင်းပြည်၏ အရင်းအမြစ်များစွာကို ပျက်ဆီးဆုံးရှုံးစေကာ စစ်အုပ်စု အာဏာတည်ရေးသာ (တဘို့တည်း ကြည့်သော နွားပမာ) ပြုကျင့်ခဲ့သည်။

ရလဒ်အနေဖြင့် လူဦးရေ ၁၂ သန်းကျော် ထမင်းငတ်နေသည့် တိုင်းပြည်၊ မူးယစ်ဆေးဝါးနှင့် ကျားဖြန့်လောင်းကစားတို့ စခန်းချရာတိုင်းပြည်၊ လုံခြုံမှုမရှိဆုံးနှင့် နေ့စဉ် အကြမ်းဖက်မှုတို့ဖြင့် ပြည့်နှက်နေသည့် တိုင်းပြည် တခုအဖြစ်သို့ သက်ဆင်းသွားပြီဖြစ်သည်။
မိမိတို့ တိုင်းပြည်ကို ငရဲပမာ ရှုမြင်နေကြရပြီး စိတ်မချမ်းမြေ့ဖွယ် မနေချင့်စဖွယ်တိုင်းပြည် ဖြစ်လာနေသည်။

ငရဲကြီး ၈ ထပ် အဝီစိအောက် ရောက်နေသည့် တိုင်းပြည်ကို ထပ်၍ နစ်မွန်းစေမည့် အကြမ်းဖက် ပြုကျင့်မှုကြီးသည် “အတုအယောင်ရွေးကောက်ပွဲ” ပင်ဖြစ်သည်။ ရွေးကောက်ပွဲတခု၏ ဂုဏ်သိက္ခာအဖြာဖြာတို့ ကင်းမဲ့နေသည့် အကြမ်းဖက်ပွဲ၊ လုပ်ပွဲ နှင့် ထောင်ချောက်သာလျှင် ဖြစ်ပါသည်။

ဤသို့သော အကြမ်းဖက်မည့်ရွေးကောက်ပွဲမှ တိုင်းပြည်သို့ မည်သို့သော အပြောင်းအလဲမှ ဆောင်ကျဉ်းနိုင်လိမ့်မည်မဟုတ်ပါ။ အင်မတန် လူမဆန်သည့် စစ်ရာဇဝတ်မှုနှင့် မတရားမှုပေါင်းစုံကျူးလွန်၍ ရွေးကောက်ပွဲ ကျင်းပနိုင်ရေးအတွက် စစ်အုပ်စုပြင်ဆင်နေပါသည်။

မိမိတို့ တိုင်းပြည်အပေါ်သို့ စစ်ကျွန်အရိပ်မဲကြီး ဆက်လက်ကြီးစိုးမည့် မတရားမှုသရဖူဆောင်းထားသည့် စစ်အုပ်စု၏ “တရားမဝင်အတုအယောင်ရွေးကောက်ပွဲကြီး” ကို ပြည်သူလူထုတရပ်လုံး၏ စုပေါင်းအားတို့ဖြင့် နည်းပရိယာယ်ကြွယ်ကြွယ်သုံးကာ သပိတ်မှောက်ဆန့်ကျင်ကြပါရန် ပန်ကြားမေတ္တာရပ်ခံအပ်သည်။

တရားမဝင် အတုအယောင်ရွေးကောက်ပွဲ သပိတ်မှောက်ဆန့်ကျင်ရေးကာလကို အောက်တိုဘာ ၂၈ ရက်နေ့မှ ဒီဇင်ဘာ ၃၁ ရက်နေ့အထိ သတ်မှတ်သည်။

“တရားမဝင်အတုအယောင် ရွေးကောက်ပွဲကို လူထုအားဖြင့် ဆန့်ကျင်ကြ”

“ သင့်မဲဖြင့် တရားဝင် လူသတ်ခွင့် မပေးနဲ့”

“အကြမ်းဖက်ရွေးကောက်ပွဲ ကျရှုံးပါစေ”

26/10/2025

Financial Statement of 8888 Umbrellas Sales Campaign 🚩🚩

21/10/2025

🚩“၈၈၈၈ထီး တော်လှန်ရေးရန်ပုံငွေရှာဖွေရေးကမ်ပိန်း” မှရရှိသော အကျိုးအမြတ် 20,000,000 MMK ကို ကျောင်းသားလက်ရုံးတပ်တော် (Student Armed Force) သို့ ခွဲဝေစီးဆင်းမှုပြုထားပြီဖြစ်ကြောင်း ဤဂုဏ်ပြုမှတ်တမ်းလွှာနှင့်တကွ အများပြည်သူ သိရှိစေရန်တင်ပြအပ်ပါသည်။

မကြာခင်ရက်ပိုင်းအတွင်း ၈၈၈၈ထီးပရောဂျက်တစ်ခုလုံးစာအတွက် ဘဏ္ဍာရေးစာရင်းရှင်းတမ်း Financial Statement ကို ပြည်သူလူထုသို့ တရားဝင်အသိပေးဖော်ပြပေးသွားပါမည်။


#ရန်ကုန်လူထုသပိတ်
ွေဦး

12/08/2025

09/08/2025

📌 ၃၇နှစ်မြောက် ၈၈၈၈အထိမ်းအမှတ် အနေဖြင့်ပြုလုပ်သော ကမ္ဘာလုံးဆိုင်ရာ၈၈၈၈ထီးသပိတ်လှုပ်ရှားမှုကိုပြည်တွင်းပြည်ပပြည်သူတစ်ရပ်လုံးမှ ညီညီညွတ်ညွတ် လက်တွဲ၍ အောင်မြင်စွာ ဖော်ဆောင်နိုင်ခဲ့ကြောင်း ဒီ video မှတ်တမ်းလေးမှတစ်ဆင့် ကြေငြာလိုက်ရပါသည်။

နိုင်ငံတကာနှင့် ပြည်တွင်းမှ ၈၈၈၈ထီးသပိတ်မှတ်တမ်းဓာတ်ပုံများမှာ များပြားလွန်း၍ ယခု video မှတ်တမ်းအတွင်း မထည့်နိုင်လိုက်သည့် လှုပ်ရှားမှုများကိုလည်း ရန်ကုန်လူထုသပိတ်မှ အနူးအညွန့် တောင်းပန်အပ်ပါသည်။

မှတ်တမ်းပြုစုထားမှုဆိုသည်ထက်ကိုပင် ပြည်သူတိုင်း၏အသိ၊ အမြင်၊ နှလုံးအိမ်တို့တွင် ၈၈၈၈အရေးတော်ပုံကြီး၏ မမေ့ပျောက်နိုင်ရာ ရဲရဲတောက်သမိုင်းကြောင်း၊ ၂၀၂၁နွေဦးတော်လှန်ရေးကာလတွင်းက ၈၈၈၈ နှစ်ပတ်လည် အထိမ်းအမှတ်များနှင့် ကမ္ဘာလုံးဆိုင်ရာ၈၈၈၈ထီးသပိတ်လှုပ်ရှားမှု စသည့် ပုံရိပ်များသည် စွဲထင်ကျန်ရစ်လေပြီ ဖြစ်ပါသည်။

သို့ဖြစ်ပါ၍ ယခုကဲ့သို့ ၃၇နှစ်မြောက် ၈၈၈၈နေ့အထိမ်းအမှတ်အနေဖြင့် ကမ္ဘာလုံးဆိုင်ရာ၈၈၈၈ထီးသပိတ်လှုပ်ရှားမှုကြီးတွင် ပါဝင်အားဖြည့်ပေးခဲ့ကြသည်ဖြစ်သော ပြည်တွင်းပြည်ပမှ မြန်မာပြည်သူတစ်ရပ်လုံးအား ရန်ကုန်လူထုသပိတ်မှ လေးစားဂုဏ်ယူ ဦးညွှတ်ပါကြောင်း အသိပေးကြေငြာအပ်ပါသည်။

“တော်လှန်မျိုးဆက် ပုန်ကန်ရုန်းထွက်”

“မပြီးဆုံးသေးသည့် ၈လေးလုံး
လူထုလွတ်မြောက်ရေး ဒို့အတူရုန်း”

#၃၇နှစ်မြောက်၈၈၈၈အထိမ်းအမှတ်
#ကမ္ဘာလုံးဆိုင်ရာ၈၈၈၈ထီးသပိတ်လှုပ်ရှားမှု



https://drive.google.com/file/d/1YETOXdzcDSc9AuaXB23gt6o0Q45NK8Hg/view?usp=sharing

09/08/2025

"မပြီးဆုံးသေးတဲ့ ၈ လေးလုံး လူထုလွတ်မြောက်ရေး ဒို့အတူရုန်း"
ကျွန်ုပ်တို့ ချောင်းဦးမြို့နယ် လူငယ်အင်းအားစုသပိတ်ကော်မတီမှ ယနေ့ ၈.၈.၂၀၂၅ ခုနှစ်တွင် ကျရောက်သော (၃၇) ကြိမ်မြောက် ၈၈၈၈ အရေးတော်ပုံ အထိမ်းအမှတ် အဖြစ် ချောင်းဦးမြို့နယ် ကျေးရွာတစ်ရွာတွင် Umbrella Strike၊ထီးသပိတ် ပြုလုပ်ခဲ့ပြီး "မပြီးဆုံးသေးတဲ့ ၈ လေးလုံး လူထုလွတ်မြောက်ရေးအတွက် ဒို့အတူရုန်း" စာသားပါ ဘန်နာကိုင်စွဲကာ တပါတီအာဏာရှင်စနစ်ကို ဖြုတ်ချခဲ့သော ၈ လေးလုံးလုထုအရေးတော်ပုံကြီး (၃၇) နှစ်ပြည့်အထိမ်းအမှတ်ဖြစ် ဆန္ဒထုတ်‌ ဖော်ခဲ့ကြပါသည်။

#ချောင်းဦးမြို့နယ်လူငယ်အင်အားစုသပိတ်ကော်မတီ

#မပြီးဆုံးသေးတဲ့၈လေးလုံးလူထုလွတ်မြာက်ရေးအတွက်ဒို့အတူရုံး



#၃၇နှစ်မြောက်၈၈၈၈အထိမ်းအမှတ်

#ကမ္ဘာလုံးဆိုင်ရာ၈၈၈၈ထီးသပိတ်လှုပ်ရှားမှု

09/08/2025

မုံရွာရဲ့ ရှစ်လေးလုံးလူထုလှုပ်ရှားမှု ။

ယနေ့ ရှစ်လေးလုံးအရေးတော်ပုံကြီး ၃၇ နှစ်ပြည့်တွင် မုံရွာကျေးလက်လူထုနှင့်အတူ မုံရွာကျေးလက်တက်ကြွလူငယ်များရဲ့ ဦးဆောင်မှုနဲ့ ရှစ်လေးလုံး ( Global Movement ) ထီးသပိတ် လှုပ်ရှားမှုအား ပူးပေါင်း စီစဥ်ဆောင်ရွက်ခဲ့သည်။

၁၉၈၈ ခုနှစ်မှသည် ယနေ့အချိန် စစ်အာဏာရှင်တို့ရဲ့ ရက်စက်ယုတ်မာမှုအပေါင်းအား မမေ့လျော့ကြပါရန်နှင့် နိုင်ငံရေး ထောင်ချောက် တစ်ခုဖြစ်သည့် တရားမဝင် အတုအယောင်ရွေးကောက်ပွဲကို မုံရွာလူထုရဲ့ စည်းလုံးညီညွတ်မှုဖြင့် ပြင်းထန်စွာ တွန်းလှန်သပိတ်မှောက်ကြပါရန် ကျွန်ပ်တို့ မုံရွာလူထုသပိတ်တိုက်ပွဲဦးဆောင်ကော်မတီမှ ရှစ်လေးလုံးလူထုလှုပ်ရှားမှုနှင့်အတူ နှိုးဆော်အပ်ပါသည်။

#၃၇နှစ်မြောက်၈၈၈၈အထိမ်းအမှတ်
#ကမ္ဘာလုံးဆိုင်ရာ၈၈၈၈ထီးသပိတ်လှုပ်ရှားမှု
#မပြီးဆုံးသေးတဲ့ရှစ်လေးလုံးလူထုလွတ်မြောက်ရေး_ဒို့အတူရုန်း
#မုံရွာလူထုသပိတ်တိုက်ပွဲဦးဆောင်ကော်မတီ

09/08/2025

"မပြီးဆုံးသေးတဲ့ ၈ လေးလုံး လူထုလွတ်မြောက်ရေး ဒို့အတူရုန်း”
ဘုတလင်မြို့နယ်သပိတ်အင်အားစုမှ ဘုတလင်မြို့နယ်တနေရာတွင်ယနေ့ ၈.၈.၂၀၂၅ ခုနှစ်တွင် ကျရောက်သော (၃၇) ကြိမ်မြောက် ၈၈၈၈ အရေးတော်ပုံ အထိမ်းအမှတ် အဖြစ် Umbrella Strike၊ထီးသပိတ် ပြုလုပ်ခဲ့ပြီး "မပြီးဆုံးသေးတဲ့ ၈ လေးလုံး လူထုလွတ်မြောက်ရေးအတွက် ဒို့အတူရုန်း" စာသားပါ ဘန်နာကိုင်စွဲကာ ၈ လေးလုံးလုထုအရေးတော်ပုံကြီး (၃၇) နှစ်ပြည့်အထိမ်းအမှတ်ဖြစ် ဆန္ဒထုတ်‌ ဖော်ခဲ့ကြပါသည်။
#ဘုတလင်မြို့နယ်သပိတ်အင်အားစု
#မပြီးဆုံးသေးတဲ့၈လေးလုံးလူထုလွတ်မြာက်ရေးအတွက်ဒို့အတူရုန်း

#၃၇နှစ်မြောက်၈၈၈၈အထိမ်းအမှတ်
#ကမ္ဘာလုံးဆိုင်ရာ၈၈၈၈ထီးသပိတ်လှုပ်ရှားမှု

09/08/2025

Republic of Ireland မှ ပေးပို့လာသော ၃၇နှစ်မြောက် ၈၈၈၈အထိမ်းအမှတ်အနေဖြင့်ပြုလုပ်သော ၈၈၈၈ထီးသပိတ်လှုပ်ရှားမှုဓာတ်ပုံမှတ်တမ်းအား ပြန်လည်မျှဝေပေးလိုက်ပါသည်။

Ireland နိုင်ငံရောက်ပြည်သူများ၏ ပါဝင်မှုကို ရန်ကုန်လူထုသပိတ်မှ အထူးပင် လေးစားဂုဏ်ယူပါကြောင်း အသိပေးအပ်ပါသည်။

“တော်လှန်မျိုးဆက်ပုန်ကန်ရုန်းထွက်”

“မပြီးဆုံးသေးတဲ့ ၈လေးလုံး
လူထုလွတ်မြောက်ရေး ဒို့အတူရုန်း”

#၃၇နှစ်မြောက်၈၈၈၈အထိမ်းအမှတ်
#ကမ္ဘာလုံးဆိုင်ရာ၈၈၈၈ထီးသပိတ်လှုပ်ရှားမှု