https://www.facebook.com/110612088413383/

Treat With Me, Yangon (2026)

08/10/2026

ကလေးသူငယ်များနှင့် လူငယ်များအတွက် အရေးကြီးပြီး မဖြစ်မနေ လိုအပ်သည့် လိင်မှုနှင့် မျိုးဆက်ပွားဆိုင်ရာ အသိပညာဗဟုသုတများ လူမှုအသိုက်အဝန်းအတွင်း ရောက်ရှိစေရန် ရည်ရွယ်၍ အသိပညာပေး ဆွေးနွေးမှုများကို ပါတနာမိတ်ဘက်အဖွဲ့အစည်းများနဲ့အတူ ပြုလုပ်ခဲ့သည့် ပုံရိပ်များဖြစ်ပါသည်။

Hope In Action Organization ၏ ကြီးမှူးစီစဉ်ဖိတ်ကြားမှုဖြင့် Treat With Me အဖွဲ့အစည်းမှ မြေပြင်ကွင်းဆင်းကာ စက်တင်ဘာလရဲ့ အပတ်စဉ် တနင်္ဂနွေနေ့တိုင်း အောက်ပါနေရာများသို့ အစဉ်လိုက် သွားရောက်ပြီး ကလေးသူငယ်နှင့် လူငယ်ဆိုင်ရာ လိင်မှုနှင့်မျိုးဆက်ပွားဆိုင်ရာ အသိပညာပေးဆွေးနွေးပွဲများကို အောင်မြင်စွာ ကျင်းပပြုလုပ်ခဲ့ကြကာ ‌ရန်ကုန်မြို့ရဲ့ နေရာ ၄ နေရာက ကလေးနှင့်လူငယ် ဦးရေ ၂၀၀ ကျော်ကို အောင်မြင်စွာ ထိတွေ့၍ အသိပညာဝေမျှပေးနိုင်ခဲ့ပါသည်။

• ပထမပွဲအဖြစ် Benjamin Education Centre (တောင်ဒဂုံမြို့နယ်)
• ဒုတိယပွဲအဖြစ် မေတ္တာရင်ခွင် ပရဟိတကျောင်း (ဒလမြို့)
• တတိယပွဲအဖြစ် ရေချမ်းစင်စာသင်ဝိုင်း (လှိုင်သာယာမြို့နယ် )
• စတုတ္ထပွဲအဖြစ် မှန်ကင်းကျောင်းတိုက် (သာကေတမြို့နယ်)

ကွင်းဆင်းဆွေးနွေးမှုတလျှောက် တက်ကြွစွာ ပါဝင်ဆွေးနွေးခဲ့ကြသည့် ကလေးသူငယ်များနှင့် လူငယ်များအားလုံးကို ကျေးဇူးတင်ရှိသလို ဤအသိပညာပေးလုပ်ငန်းစဉ် ဖြစ်မြောက်အောင် ကြီးမှူးစီစဉ်ပူးပေါင်းဆောင်ရွက်ဖိတ်ကြားပေးခဲ့သည့် Hope in Action Organization အား Treat With Me အဖွဲ့အစည်းမှ အထူးပင် ကျေးဇူးတင်ရှိပါသည်။

အသိပညာပေးဆွေးနွေးပွဲများမှ မှတ်တမ်းတင် ဓာတ်ပုံများကို အတူတကွ မျှဝေဖော်ပြအပ်ပါသည်။

08/10/2026

ကမ္ဘာ့စိတ်ကျန်းမာရေးနေ့ World Mental Health Day ကို ကြိုဆိုဂုဏ်ပြုသောအားဖြင့် ပဲခူးမြို့ရှိ ဆယ်ကျော်သက်လူငယ်များအတွက် ကျွန်ုပ်တို့၏ မိတ်ဘက်သွေးချင်းအဖွဲ့အစည်းဖြစ်သော Talk With Me မှ စီစဉ်ကျင်းပခဲ့သည့် စိတ်ကျန်းမာရေးအသိပညာပေး အစီအစဉ်၏ ပွဲမှတ်တမ်းဗီဒီယိုဖြစ်ပါသည်။🎥
ဆယ်ကျော်သက်လူငယ်များ မိမိတို့၏ စိတ်ခံစားချက်ကို နားလည်ပြီး စိတ်ဓာတ်ကြံ့ခိုင်မှု Mental Resilience ကို စနစ်တကျ မှန်မှန်ကန်ကန် တည်ဆောက်နိုင်စေရန် ကလေးစိတ်ပညာနှင့် ပညာရေးစိတ်ပညာအခြေပြု ဟောပြောဝေမျှမှုများ၊ စိတ်ကျန်းမာရေးဆိုင်ရာ အခြေခံလေ့ကျင့်ခန်းများဖြင့် Talk With Me မှ Mental Healer များက တက်ကြွစွာ မျှဝေပေးခဲ့ကြပါသည်။🍀
အဆိုပါ အစီအစဉ်တွင် Treat With Me ၏ Management Team အဖွဲ့ဝင်တချို့လည်း အတူတကွ ပူးပေါင်းပါဝင်ခဲ့ပြီး တက်ရောက်လာသည့် လူငယ်များနှင့်အတူ CSE Awareness Song အတူတကွ သီဆိုခြင်း၊ ရင်းနှီးနွေးထွေးစွာ အပြန်အလှန် ထိတွေ့ဆက်ဆံခြင်းများဖြင့် ပျော်ရွှင်တက်ကြွစွာ အားဖြည့်ပါဝင်ဖြစ်ခဲ့ပါသည်။🧡
စိတ်ပိုင်းဆိုင်ရာနှင့် လူမှုဘဝ ကျန်းမာကြံ့ခိုင်ရေးအတွက် အားသွန်ခွန်စိုက် ကြိုးပမ်းပေးခဲ့ကြသော Talk With Me အဖွဲ့သားများနှင့် ပွဲဖြစ်မြောက်ရေးတွင် ပါဝင်ကူညီပေးခဲ့ကြသူ အားလုံးကို Treat With Me မိသားစုမှ အထူးပင် လေးစားဂုဏ်ပြု မှတ်တမ်းတင်အပ်ပါသည်။💚

*xualityEducation

06/10/2026

ဆယ်ကျော်သက်နှင့် လူငယ်များအတွက် လိင်မှုနှင့် မျိုးဆက်ပွားဆိုင်ရာ အသိပညာပေးဟောပြောပွဲ - သတင်းမှတ်တမ်းရုပ်သံ။🎥
(ဩဂုတ်လ၊ ၂၀၂၆ ခုနှစ်၊ မင်္ဂလာဒုံမြို့နယ်၊ ကျောင်းသူ၊ ကျောင်းသားလူငယ် ၁၀၀ ကျော်)

*xualityEducation

*xEducation

#တသားတည်း

06/10/2026

နှစ်စဉ် အောက်တိုဘာလ ၅ ရက်နေ့သည် "ကမ္ဘာ့ဆရာများနေ့" ဖြစ်ပါသည်။

*xEducation

06/10/2026

“SRHR ဆိုတာ မိန်းကလေးတွေအတွက်ပဲလား.....”❓❓❓

“S*x Education ဆိုတာ မိန်းကလေးတွေပဲ သိထားရမှာ..…”
“ရာသီလာခြင်း Period နဲ့ ကိုယ်ဝန်ဆောင်ခြင်း Pregnancy အကြောင်း ယောက်ျားလေးတွေ သိစရာမလိုပါဘူး…..”
ကျွန်တော်တို့ ပတ်ဝန်းကျင်မှာ ဒီလိုအယူအဆလွဲတွေကို ကြားဖူးကြမှာပါ။
တကယ်တော့ SRHR လို့အတိုကောက်ခေါ်ကြတဲ့ S*xual and Reproductive Health and Rights ဆိုတာ လိင်မှုနှင့် မျိုးဆက်ပွားဆိုင်ရာ ကျန်းမာရေးနှင့် အခွင့်အရေးများဖြစ်ပြီး မိန်းကလေးတွေအတွက်သာ သီးသန့်မဟုတ်ပါဘူး။ လူတိုင်းနဲ့ သက်ဆိုင်တဲ့ အခြေခံကျန်းမာရေးအသိပညာနဲ့ အခွင့်အရေးဆိုင်ရာ ကိစ္စရပ်တစ်ခု ဖြစ်ပါတယ်။ CSE လို့အတိုကောက်ခေါ်ဆိုကြတဲ့ Comprehensive S*xuality Education ဆိုတာကတော့ ပြီးပြည့်စုံသော လိင်မှုနှင့် မျိုးဆက်ပွားဆိုင်ရာ ပညာပေးခြင်း လို့အဓိပ္ပာယ်ရပါတယ်။

ကမ္ဘာ့ကျန်းမာရေးအဖွဲ့ (WHO) ရဲ့ အဓိပ္ပာယ်ဖွင့်ဆိုချက်အရ လိင်နှင့် မျိုးဆက်ပွားကျန်းမာရေးဆိုတာ ရောဂါကင်းစင်ရုံသာမက လူတစ်ဦးရဲ့ ကိုယ်ခန္ဓာ၊ စိတ်ပိုင်းဆိုင်ရာနဲ့ လူမှုဆက်ဆံရေးဆိုင်ရာ ကျန်းမာချမ်းသာမှု Physical, Mental & Social Well-being အားလုံး ပြီးပြည့်စုံနေခြင်းကို ဆိုလိုပါတယ်။

💬ဒါဆို ယောက်ျားလေးတွေရော ဘာတွေသိထားဖို့ လိုမလဲ။

၁။ ကိုယ့်ခန္ဓာကိုယ် ပြောင်းလဲမှုများကို နားလည်ခြင်း

Puberty လို့ခေါ်တဲ့ လူပျိုပေါက်ကာလမှာ ကြုံတွေ့ရတဲ့ ခန္ဓာကိုယ်ပြောင်းလဲမှု၊ သန့်ရှင်းရေးနဲ့ လိင်ပိုင်းဆိုင်ရာ ကျန်းမာရေးဆိုင်ရာ အခြေခံအသိပညာတွေကို သိရှိထားမှသာ ကိုယ့်ကျန်းမာရေးကို စနစ်တကျ ဂရုစိုက်နိုင်မှာ ဖြစ်ပါတယ်။ မသိတာကို မေးမြန်းလေ့လာတာဟာ အရှက်စရာမဟုတ်ဘဲ မိမိကျန်းမာရေးအတွက် တာဝန်ယူမှုရှိခြင်း ဖြစ်ပါတယ်။

၂။ STI ကာကွယ်ရေးနှင့် စစ်ဆေးခြင်း

STI လို့အတိုခေါ်ဝေါ်ကြတဲ့ S*xually Transmitted Infections ဆိုတာ လိင်ပိုင်းဆိုင်ရာ ထိတွေ့ဆက်ဆံမှုမှတဆင့် ကူးစက်နိုင်တဲ့ ရောဂါပိုးများ (ဥပမာ- HIV၊ Syphilis၊ Gonorrhea၊ Chlamydia၊ HPV) ဖြစ်ပါတယ်။ ရောဂါပိုးအများစုဟာ အစောပိုင်းကာလမှာ လက္ခဏာမပြတတ်တာကြောင့် “လက္ခဏာမရှိတိုင်း ရောဂါမရှိဘူး” လို့ သတ်မှတ်၍ မရပါဘူး။ အကာအကွယ်မဲ့ ဆက်ဆံမှု မပြုလုပ်ခြင်း၊ ကွန်ဒုံးကို မှန်ကန်စွာ အသုံးပြုခြင်းနဲ့ လိုအပ်ပါက ဆေးစစ်ဆေးမှုခံယူခြင်းဟာ ယောက်ျားလေးတိုင်း မဖြစ်မနေ သိထားရမဲ့၊ တာဝန်ယူရမဲ့ ကိစ္စဖြစ်ပါတယ်။

၃။ သဘောတူညီမှု Consent ကို လေးစားတန်ဖိုးထားခြင်း

ချစ်သူရည်းစား သို့မဟုတ် အိမ်ထောင်သည် ဖြစ်နေသည့်တိုင် အရာအားလုံးကို အလိုအလျောက် သဘောတူပြီးသားဟု ယူဆ၍ မရပါ။ စစ်မှန်သော သဘောတူညီမှု Consent ဆိုတာ ဖိအားပေးမှုကင်းပြီး နှစ်ဦးသဘောတူ လွတ်လပ်စွာ ပေးထားသည့် ဆုံးဖြတ်ချက် ဖြစ်ရပါမယ်။ တစ်ဖက်လူက အဆင်မပြေဘူးဆိုရင် ချက်ချင်းရပ်တန့်ရပါမယ်။ အတင်းအကျပ်ပြုမှု Coercion၊ ခွဲခြားဆက်ဆံမှုနဲ့ အကြမ်းဖက်မှုကင်းစင်မှသာ လုံခြုံပြီး ကျန်းမာတဲ့ ဆက်ဆံရေး Healthy Relationship ကို တည်ဆောက်နိုင်မှာပဲဖြစ်ပါတယ်။

၄။ Partner ရဲ့ ကျန်းမာရေးကို ပူးတွဲတာဝန်ယူခြင်း

SRHR ကို နားလည်ထားတဲ့ ယောက်ျားလေးတစ်ယောက်ဟာ လက်တွဲဖော်ရဲ့ ခံစားချက်၊ ကိုယ်ပိုင်နယ်နိမိတ် Boundaries နဲ့ ဆုံးဖြတ်ချက်တွေကို အပြည့်အဝ လေးစားပေးနိုင်ပါတယ်။ ဥပမာအားဖြင့် လက်တွဲဖော်ရဲ့ ရာသီစက်ဝန်းဆိုင်ရာ ကျန်းမာရေးအခြေအနေကို နားလည်ပေးခြင်း၊ သန္ဓေတားနည်းလမ်းများကို မိန်းကလေးတစ်ဦးတည်းအပေါ် ဝန်မပိစေဘဲ အတူတူတိုင်ပင်ဆုံးဖြတ်ခြင်းတို့ဖြင့် အပြန်အလှန် လေးစားမှုကို ပြသနိုင်ပါတယ်။

၅။ မျိုးဆက်ပွားကျန်းမာရေးသည် မိသားစုစီမံကိန်းနှင့် အကျုံးဝင်ခြင်း

Reproductive Health ဆိုတာ ကိုယ်ဝန်ဆောင်ခြင်းတစ်ခုတည်းအတွက် မဟုတ်ပါဘူး။ သန္ဓေတားနည်းလမ်းများ Contraception၊ မျိုးမအောင်ခြင်းဆိုင်ရာ ပြုစုကုသမှုများ Infertility Care၊ ကူးစက်ရောဂါ ကာကွယ်တားဆီးရေးနဲ့ လိင်ပိုင်းဆိုင်ရာ အကြမ်းဖက်မှုများ ပပျောက်ရေးစတဲ့ ဘက်စုံကဏ္ဍတွေမှာ အမျိုးသားတွေရဲ့ ပူးပေါင်းပါဝင်မှုနဲ့ ဆုံးဖြတ်ချက်က အရေးပါတဲ့ အခန်းကဏ္ဍက ပါဝင်နေပါတယ်။

SRHR ကို သိထားတဲ့ ယောက်ျားလေးတစ်ယောက်ဆိုတာ.....
✓မိမိခန္ဓာကိုယ် ကျန်းမာရေးကို စနစ်တကျ ဂရုစိုက်တတ်သူ
✓ကျန်းမာရေးအန္တရာယ်တွေကို သိရှိပြီး ကာကွယ်တတ်သူ
✓Consent ကို နားလည်ပြီး လက်တွဲဖော်၏ Boundaries ကို တန်ဖိုးထားသူ
✓Relationship တစ်ခုမှာ အမှန်တကယ် တာဝန်ယူနိုင်သူ ဖြစ်လာစေပါတယ်။

S*x Education ဆိုတာ “အရှက်မရှိတာ” လုံးဝ လုံးဝ မဟုတ်ပါဘူး။ ဒါဟာ ဂျဲန်ဒါတိုင်းနဲ့သက်ဆိုင်တဲ့၊ လူတိုင်းနဲ့ သက်ဆိုင်တဲ့ အရာတစ်ခုပါ။ မှန်ကန်တဲ့ ဗဟုသုတရှိခြင်းက မိမိကိုယ်တိုင်ရော မိမိချစ်ခင်ရသူတွေကိုပါ ပိုမိုလုံခြုံစေပါတယ်။

“ယောက်ျားလေးမို့ မသိလည်းရတယ်” မဟုတ်ပါဘူး။

SRHR ဆိုတာ ကျား၊ မ မရွေး လူတိုင်း သိရှိနားလည်ထားရမယ့် အခြေခံကျန်းမာရေး ဗဟုသုတ ဖြစ်ပါတယ်။

Treat With Me မှ လူငယ်များအတွက် မှန်ကန်တိကျပြီး လက်တွေ့အသုံးဝင်သော ကျန်းမာရေးဗဟုသုတများကို စဉ်ဆက်မပြတ် မျှဝေပေးလျက်ရှိသလို ရန်ကုန်တိုင်း၊ မန္တလေးတိုင်း၊ ပဲခူးတိုင်းနဲ့ ကရင်ပြည်တို့အပါအဝင် မြန်မာနိုင်ငံရဲ့ နေရာဒေသအနှံအပြားမှာ သက်ဆိုင်ရာ လိင်မှုနှင့်မျိုးဆက်ပွားအသိပညာများကို လူထုနဲ့စဉ်ဆက်မပြတ်ထိတွေ့ရင်း အသိပညာပေးလျက်ရှိနေပါတယ်။

သိထားခြင်းက မိမိကိုယ်ကို လုံခြုံစေတယ်။
နားလည်ထားခြင်းက အပြန်အလှန် တာဝန်ယူတတ်စေတယ်။
လေးစားတတ်ခြင်းက ခိုင်မာကျန်းမာတဲ့ ဆက်ဆံရေးကို ဖန်တီးပေးပါတယ်။
အားလုံးပဲ ဘေးကင်းလုံခြုံပြီး သာယာပျော်ရွှင်တဲ့ဘဝများကို ပိုင်ဆိုင်ရရှိနိုင်ကြပါစေကြောင်း Treat With Me ဝိုင်းတော်သားများကနေ ဆန္ဒပြုဆုမွန်ကောင်းတောင်းလိုက်ရပါတယ်။

References:
World Health Organization (WHO). S*xual health and its linkages to reproductive health: an operational approach.
WHO. Defining sexual health: Report of a technical consultation on sexual health.

*xualHealth *xEducation

06/10/2026

💬"Gender နဲ့ S*x ကို ပိုမိုပြီး သိရှိလာပါတယ်။ အဲ့လိုအရာတွေက ရှက်စရာမဟုတ်ကြောင်း လူ့ဘဝမှာလဲ အသုံးဝင်တဲ့အကြောင်းတွေ သိရပါတယ်။ ဒီနေ့မှာ သိလိုက်ရတဲ့အကြောင်းအရာတွေကို မောင်လေး၊ ညီမလေးတွေကိုလဲ သေသေချာချာ ပြန်ပြောပြပေးချင်ပါတယ်။ အမှတ်မိဆုံးအရာတစ်ခုကတော့ AIDS ရောဂါအတွက် ကာကွယ်ဖို့ ဆေးတွေရှိတယ်။ HIV ပိုးမဖြစ်အောင်လဲ ကာကွယ်လို့ရတယ်ဆိုတာကို သိလိုက်ရပါတယ်။"
(ဝင်းပပထွန်း၊ အသက် ၁၅ နှစ်၊ Grade-8)

💬"ကိုယ့်ရဲ့ကျန်းမာရေးကို သေချာစွာ ဂရုစိုက်ဖို့ရယ်၊ အဲ့ဒီပစ္စည်းတွေ အသုံးပြုတာကလဲ ကျန်းမာရေးအတွက် ကောင်းတယ်။ ဒါကြောင့် ရှက်စရာလဲ မဟုတ်ဘူး၊ အန္တရာယ်ကြုံလာရင်လဲ အသုံးပြုလို့ရတယ်။ ဒီနေ့ သိသွားတဲ့ အကြောင်းအရာတွေနဲ့ ပတ်သက်လို့ ညီလေး ညီမလေးတို့ကို ပြန်ပြောပြဖို့အတွက်လဲ ဆန္ဒရှိပါတယ်။"
(အောင်ကိုချစ်၊ အသက် ၁၄ နှစ်၊ Grade-7)

ရန်ကုန်တိုင်းဒေသကြီး၊ မင်္ဂလာဒုံမြို့နယ်မှာရှိတဲ့ သာသနာ့မာမကဘုန်းတော်ကြီးသင်ပညာရေးကျောင်းက ကျောင်းသား၊ ကျောင်းသူများရဲ့ "ဆယ်ကျော်သက်နှင့် လူငယ်များအတွက် လိင်မှုနှင့် မျိုးဆက်ပွားဆိုင်ရာ အသိပညာပေးဟောပြောပွဲ" ပွဲပြီးဆန်းစစ်လွှာနှင့် အင်တာဗျူးများထဲမှ ထုတ်နှုတ်ဖော်ပြထားခြင်း ဖြစ်ပါသည်။

မကြာသေးမီက FCA Myanmar ၏ ပံ့ပိုးကူညီမှုနှင့်အတူ သာသနာ့မာမကဘုန်းတော်ကြီးသင်ပညာရေးကျောင်းတွင် Treat With Me အဖွဲ့အစည်း၏ Peer Educator များက ဦးဆောင်ပြီး Gen Lead CSE Awareness Session ကို အောင်မြင်စွာ ပြုလုပ်ကျင်းပခဲ့ပါသည်။

အဆိုပါ ဟောပြောပွဲတွင် ကျောင်းသား၊ ကျောင်းသူ ဆယ်ကျော်သက်အရွယ် လူငယ်များအတွက် Gender နှင့် S*x ကွာခြားချက်များ၊ လိင်မှုနှင့် မျိုးဆက်ပွားကျန်းမာရေးဆိုင်ရာ အခြေခံအသိပညာများ၊ HIV/AIDS ကာကွယ်ရေးနှင့် မိမိကိုယ်မိမိ စနစ်တကျ ကျန်းမာရေးစောင့်ရှောက်နိုင်စေမည့် ဗဟုသုတများကို ထိရောက်စွာ မျှဝေပေးခဲ့ကြပါသည်။ ထို့အပြင် ကျောင်းသား၊ ကျောင်းသူများ သိလိုသည်များကို ပွင့်လင်းလွတ်လပ်စွာ အပြန်အလှန် မေးမြန်းဆွေးနွေးခြင်း၊ စိတ်ပါဝင်စားစွာ တက်ကြွစွာ ပါဝင်ဆွေးနွေးခြင်းတို့ဖြင့် ကောင်းမွန်သောအသိအမြင်များကို ဖွင့်ဟမျှဝေပေးနိုင်ခဲ့ပါသည်။

ဆယ်ကျော်သက်လူငယ်များအနေဖြင့် ရှက်ကြောက်ခြင်းမရှိဘဲ မိမိတို့၏ကျန်းမာရေးကို မှန်ကန်စွာ ကာကွယ်စောင့်ရှောက်တတ်စေရန်နှင့် မိမိရရှိထားသော အသိပညာများကိုလည်း မောင်နှမငယ်များနှင့် အသိုက်အဝန်းအတွင်း ပြန်လည်မျှဝေပေးနိုင်ရန် ရည်ရွယ်ကာ ကွင်းဆင်းအသိပညာပေးလုပ်ငန်းများကို စဉ်ဆက်မပြတ် ဆက်လက်ဆောင်ရွက်သွားမည် ဖြစ်ပါသည်။

ဆယ်ကျော်သက်နှင့် လူငယ်များအတွက် လိင်မှုနှင့် မျိုးဆက်ပွားဆိုင်ရာ အသိပညာပေးဟောပြောပွဲ - သတင်းမှတ်တမ်းဓာတ်ပုံများ။
(မင်္ဂလာဒုံမြို့နယ်၊ ရန်ကုန်မြို့)

*xualityEducation

05/10/2026

“ငါဘာဖြစ်နေတာလဲ?” လို့ မကြောက်ပါနဲ့.... Puberty လို့ခေါ်တဲ့ လူပျိုဖော်၊ အပျိုဖော်ဝင်တယ်ဆိုတာ သင့်ခန္ဓာကိုယ် ကြီးထွားဖွံ့ဖြိုးလာခြင်းဖြစ်စဉ်တစ်ခုပါ။❤️

ဒီစာကိုဖတ်နေတဲ့သူဟာ ဆယ်ကျော်သက်အရွယ်သာဖြစ်တယ်ဆိုရင်......
တစ်နေ့မှာ မှန်ရှေ့ရပ်ကြည့်လိုက်တဲ့အခါ “ငါ့ခန္ဓာကိုယ်က ဘာလို့ အရင်လို မဟုတ်တော့ဘဲ ပြောင်းလဲလာတာလဲ” လို့ တွေးမိဖူးပါသလား။
တခါတရံ အကြောင်းရင်းမရှိဘဲ စိတ်တိုလွယ်မယ်၊ စိတ်မကောင်းဖြစ်မယ်၊ ခန္ဓာကိုယ်ပုံစံတွေ ပြောင်းလာမယ်၊ သူငယ်ချင်းတွေနဲ့ ယှဉ်ကြည့်ပြီး ကိုယ့်ကိုယ်ကို ပုံမှန်ဟုတ်ရဲ့လားလို့ စိုးရိမ်မိနိုင်ပါတယ်။

သင်တစ်ယောက်တည်း ဒီလိုကြုံတွေ့နေရတာ မဟုတ်ပါဘူး။ ဒါဟာ ကလေးဘဝကနေ လူကြီးဘဝဆီ ကူးပြောင်းချိန်မှာ ဖြတ်သန်းရတဲ့ Puberty လူပျိုပေါက်၊ အပျိုဖော်ဝင်ချိန်၊ အရွယ်ရောက်ချိန်ရဲ့ သဘာဝဖွံ့ဖြိုးပြောင်းလဲမှုဖြစ်စဉ် ဖြစ်ပါတယ်။

၁။ ရုပ်ပိုင်းဆိုင်ရာ ပြောင်းလဲမှုများ (Physical Changes)

Puberty ကာလမှာ ဟော်မုန်းများ၏ လှုံ့ဆော်မှုကြောင့် အောက်ပါရုပ်ပိုင်းဆိုင်ရာ ပြောင်းလဲမှုများ ဖြစ်ပေါ်လာတတ်ပါတယ်။

✓အရပ်နှင့် ကိုယ်အလေးချိန် - လျင်မြန်စွာ အရပ်ရှည်လာပြီး ခန္ဓာကိုယ်ထုထည် ပြောင်းလဲလာခြင်း
✓အမွှေးအမျှင် - ချိုင်းအောက်၊ ဆီးခုံနေရာနှင့် ခြေလက်များတွင် အမွှေးအမျှင်များ ထွက်လာခြင်း
✓အရေပြားနှင့် ခန္ဓာကိုယ်အနံ့ - အဆီဂလင်းများ ပိုမိုအလုပ်လုပ်လာသဖြင့် ချွေးနံ့ပြင်းလာခြင်းနှင့် ဝက်ခြံများ ထွက်လာခြင်း
✓ကျား/မ သဘာဝအလိုက် ကွဲပြားမှုများ -
ယောက်ျားလေးများတွင် အသံသြလာခြင်း၊ လည်စေ့ပေါ်လာခြင်း၊ ဝှေးစေ့နှင့် လိင်တံ ကြီးထွားလာခြင်း၊ အိပ်မက်မက်၍ သုက်လွှတ်ခြင်း (Wet dreams/Nocturnal emissions) စသည်တို့ ဖြစ်ပေါ်နိုင်ပါတယ်။
မိန်းကလေးများတွင် ရင်သားဖွံ့ဖြိုးလာခြင်း၊ တင်ပါးဆုံ ကျယ်လာခြင်း၊ အဖြူဆင်းခြင်းနှင့် ရာသီသွေး စတင်ပေါ်ပေါက်ခြင်း (Menarche) စသည်တို့ စတင်လာတတ်ပါတယ်။

သတိပြုရန် အချက်အနေနဲ့ကတော့ လူတိုင်းရဲ့ ခန္ဓာကိုယ်ဖွံ့ဖြိုးမှုနှုန်း Growth rate တွေဟာ မတူညီကြပါဘူး။ အသက်အရွယ်တူပေမယ့် စောပြီး ပြောင်းလဲတာ (သို့မဟုတ်) နောက်ကျပြီး ပြောင်းလဲတာဟာ ပုံမှန်ဖြစ်စဉ်သာ ဖြစ်ပါတယ်။ ကြီးထွားမှုဆိုတာ ပြိုင်ပွဲတစ်ခု မဟုတ်တဲ့အတွက်ကြောင့် မလိုအပ်ဘဲ စိတ်အပင်ပန်းခံပြီး မိမိကိုယ်မိမိတခြားသူတွေနဲ့ နှိုင်းယှဉ်နေစရာမလိုအပ်ပါဘူး။

၂။ စိတ်ခံစားမှုနှင့် အတွေးအခေါ် ပြောင်းလဲခြင်း (Emotional & Mental Changes)

ဒီကာလမှာ ခန္ဓာကိုယ်တင်မကဘဲ စိတ်ခံစားချက်တွေပါ အပြောင်းအလဲ မြန်လာတတ်ပါတယ်။
✓စိတ်ခံစားချက် အတက်အကျမြန်ခြင်း Mood swings
မိမိကိုယ်ပိုင်လွတ်လပ်ခွင့် Independence နှင့် သီးသန့်နေထိုင်လိုမှု Privacy ကို ပိုမိုလိုလားလာခြင်း
✓သူငယ်ချင်းများ၏ အသိအမှတ်ပြုမှုကို ပိုမိုအလေးထားလာခြင်း
✓ဆန့်ကျင်ဘက် သို့မဟုတ် အခြားသူများအပေါ် စိတ်ဝင်စားမှု၊ ချစ်ခင်တွယ်တာမှု စတင်ဖြစ်ပေါ်လာခြင်း
ဒီလိုခံစားချက်တွေ ဖြစ်ပေါ်လာတာဟာ သဘာဝကျပြီး ကိုယ့်ရဲ့ စိတ်ဖိစီးမှုတွေကို နားလည်ပေးနိုင်မဲ့ မိဘ၊ ဆရာ သို့မဟုတ် ယုံကြည်ရတဲ့ မိတ်ဆွေတွေနဲ့ ပွင့်လင်းစွာ တိုင်ပင်ဆွေးနွေးဖို့ လိုအပ်ပါတယ်။

၃။ Menstruation (ရာသီလာခြင်း) နှင့် သန့်ရှင်းရေး

✓ရာသီလာခြင်း (Menstruation) ဟာ သားဥအိမ်နှင့် သားအိမ်တို့၏ မျိုးပွားမှုစနစ် ပုံမှန်အလုပ်လုပ်နေကြောင်း ပြသတဲ့ သဘာဝဖြစ်စဉ်တစ်ခု ဖြစ်ပါတယ်။
ရာသီလာခြင်းဟာ ညစ်ပတ်တဲ့အရာ မဟုတ်သလို ရှက်စရာ သို့မဟုတ် ဖုံးကွယ်ထားရမယ့် အကြောင်းအရာ မဟုတ်ပါဘူး။
ရာသီလာချိန်တွင် သန့်ရှင်းသော လစဉ်သုံးပစ္စည်း Sanitary pad ကို ၄ နာရီမှ ၆ နာရီတစ်ကြိမ် ပုံမှန်လဲလှယ်ပေးခြင်းဖြင့် ပိုးဝင်ခြင်းကို ကာကွယ်နိုင်ပါတယ်။
✓ရာသီစက်ဝန်း Menstrual cycle၊ ရာသီမလာမီ ကြုံတွေ့ရတတ်သည့် ရုပ်ပိုင်း၊ စိတ်ပိုင်း လက္ခဏာများ (PMS) အကြောင်းကို မှန်ကန်စွာ လေ့လာထားခြင်းက စိုးရိမ်ပူပန်မှုကို လျှော့ချပေးပါတယ်။

၄။ Body Image နှင့် မိမိကိုယ်ကို လေးစားတန်ဖိုးထားမှု (Self-Esteem)

✓လူမှုကွန်ရက်ပေါ်ရှိ အလှအပဆိုင်ရာ သတ်မှတ်ချက်များ Beauty standards ကြောင့် ကိုယ့်ကိုယ်ကို သူတစ်ပါးနှင့် နှိုင်းယှဉ်ပြီး အားငယ်တတ်ကြပါတယ်။
အရပ်အမောင်း၊ အသားအရေ၊ ခန္ဓာကိုယ် အရွယ်အစားတို့သည် လူတစ်ဦး၏ တန်ဖိုးကို မသတ်မှတ်နိုင်ပါဘူး။
ခန္ဓာကိုယ် သန့်ရှင်းရေးကို နေ့စဉ် ဂရုစိုက်ခြင်း၊ အာဟာရပြည့်ဝစွာ စားသောက်ခြင်းနှင့် လေ့ကျင့်ခန်း ပုံမှန်ပြုလုပ်ခြင်းတို့က ကျန်းမာသန်စွမ်းသော ခန္ဓာကိုယ်ကို တည်ဆောက်ပေးပါတယ်။

✓ကိုယ့်ကိုယ်ကို ချစ်မြတ်နိုးခြင်း (Self-love) ဆိုတာ ကိုယ့်ရဲ့ သဘာဝပြောင်းလဲမှုတွေကို လက်ခံပြီး ကျန်းမာအောင် နေထိုင်ခြင်း ဖြစ်ပါတယ်။
မသိတာရှိရင် မေးဖို့ မရှက်ပါနဲ့။ သင့်ခန္ဓာကိုယ်မှာ ကြုံတွေ့နေရတဲ့ ပြောင်းလဲမှုတွေအပေါ် စိုးရိမ်မှုတွေရှိရင် တတ်ကျွမ်းနားလည်တဲ့ ကျန်းမာရေးပညာရှင်များ၊ အုပ်ထိန်းသူများဆီကနေ မှန်ကန်တဲ့ ဗဟုသုတတွေကို ရယူနိုင်တယ်ဆိုတာကိုသိထားပြီး လိင်မှုနဲ့ မျိုးဆက်ပွားကျန်းမာရေးဆိုင်အသိပညာတွေဟာ ဆယ်ကျော်သက်တွေအတွက် သိခွင့်၊ သင်ခွင့်၊ သုံးခွင်းရဖို့အရေးကြီးတယ်ဆိုတာကိုလဲ သိနားလည်ထားဖို့လိုအပ်ပါတယ်။

References:
UNESCO. (2018). International technical guidance on sexuality education: An evidence-informed approach.
World Health Organization (WHO). (2022). WHO statement on menstrual health and rights.
UNICEF. (2021). Everything you need to know about puberty.

*xualityEducation

15/08/2026

✨Media Partnership Announcement✨

Treat With Me Public Health Support Organization အနေနဲ့ The Bridge ရဲ့ အခွဲတစ်ခုဖြစ်တဲ့ Eco Bridge ကနေ ပြုလုပ်သွားမဲ့ "စွန့်ပစ်အုန်းခွံမှသည် ဝင်ငွေလမ်းကြောင်း ဖန်တီးနိုင်ဖို့ Program" အတွက် Media Partner အဖြစ် ဝမ်းမြောက်စွာ ပါဝင်အားဖြည့် ကူညီပေးထားပါတယ်။

ကျန်းမာရေးဆိုတာ ရောဂါကင်းစင်ရုံတင်မကဘဲ လူမှုစီးပွား ဘဝခိုင်မာရေးနဲ့ စိတ်ဓာတ်ပိုင်းဆိုင်ရာ သုခချမ်းသာ Social & Mental Well-being ပါ ပြည့်စုံမှ ရရှိနိုင်တာဖြစ်သလို တစ်ခုနဲ့တစ်ခုဟာလဲ အပြန်အလှန်အမှီသဟဲပြုချိတ်ဆက်နေလေ့ရှိပါတယ်။ စွန့်ပစ်အုန်းခွံတွေကို လေလွင့်မသွားစေဘဲ သန့်ရှင်းတဲ့ ပတ်ဝန်းကျင်ကို ဖန်တီးရင်း တစ်ဖက်ကလဲ အခွင့်အလမ်း နည်းပါးသူများအတွက် ဝင်ငွေလမ်းကြောင်းနဲ့ ဘဝမြင့်မားရေးကို ဖန်တီးပေးမဲ့ ဒီ Program ဟာ လူမှုစီးပွားနဲ့ လူမှုအသိုက်အဝန်း သုခအတွက် အလွန် အနှစ်သာရရှိတဲ့ လုပ်ဆောင်ချက်တစ်ခု ဖြစ်တယ်လို့ လေးနက်စွာ ယုံကြည်မျှော်လင့်ပါတယ်။

"စွန့်ပစ်အုန်းခွံမှသည် ဝင်ငွေလမ်းကြောင်း ဖန်တီးနိုင်ဖို့ Program" ဆိုတာက? ❓

💙 စွန့်ပစ်အုန်းခွံများကို လူသုံးကုန်ပစ္စည်းများအဖြစ် ဖန်တီးပြီး မသန်စွမ်းသူများ၊ အမျိုးသမီးများ၊ LGBTQ+ များနှင့် အခွင့်အလမ်းနည်းပါးသော လူငယ်များအတွက် Career ဖွံ့ဖြိုးတိုးတက်စေရန်နှင့် ဝင်ငွေရရှိနိုင်မည့် လမ်းကြောင်းတစ်ခု ဖန်တီးနိုင်ရန် ရည်ရွယ်ထားသော Program ဖြစ်ပါတယ်။

Program က ဘယ်လို ဆောင်ရွက်သွားမှာလဲ? ❓

✅ Program မှာ ပါဝင်နိုင်ဖို့အတွက် လျှောက်လွှာများကို ခေါ်ယူသွားမှာဖြစ်ပါတယ်။
👉 Program ကို လျှောက်ထားသူများထဲမှ ၁၅ ယောက်ကို ရွေးချယ်ပြီး Basic Training ပေးပါမည်။
👉 Basic Training ကို တက်ရောက်ရမည့် (၃) ရက်တာအတွက် Transportation နှင့် Meal ကို Eco Bridge မှ စီစဉ်ပေးသွားမှာဖြစ်ပါတယ်။
👉 Basic Training ပြီးမြောက်သွားတဲ့အခါ ၁၅ ယောက်ထဲမှ ထပ်မံရွေးချယ်ပြီး Advanced Training (2 Days) + Internship (10 Days) လုပ်ဆောင်ရမှာဖြစ်ပါတယ်။

❗️ Internship ၁၀ ရက်တာအတွက် ကိုယ့်အစီအစဉ်နဲ့ကိုယ် လုပ်ငန်းခွင်ကို လာရောက်နိုင်သူ ဖြစ်ရမှာဖြစ်ပြီး Internship ပြီးသွားတဲ့နောက်မှာ Eco Bridge မှ ပြုလုပ်သွားမယ့် Project တွေကို အတူလုပ်ကိုင်နိုင်မှာ ဖြစ်ပါတယ်။

Program အကြောင်း အသေးစိတ်ကို စိတ်ဝင်စားတယ်ဆိုရင်တော့ အောက်ဖော်ပြပါ Link ကနေ တဆင့် ကြည့်ရှုနိုင်ပါတယ်။
🔗 https://www.facebook.com/share/p/1FcadtimkY/
"စွန့်ပစ်အုန်းခွံမှသည် ဝင်ငွေလမ်းကြောင်း ဖန်တီးနိုင်ဖို့ Program" မှာ ပါဝင်နိုင်မဲ့ အခွင့်အရေးက ၂ ခု ရှိပါတယ်။

✓ နံပါတ် ၁ - Volunteer အဖြစ် ပါဝင်ခြင်း

မသန်စွမ်းသူများအရေးကို စိတ်ပါဝင်စားပြီး သဘာဝပတ်ဝန်းကျင်ကို ချစ်မြတ်နိုးကာ တက်တက်ကြွကြွနဲ့ Program တွေမှာ ပါဝင်ကူညီချင်တယ်ဆို Volunteer အနေနဲ့ ပါဝင်ကူညီနိုင်ပါတယ်။

✓ နံပါတ် ၂ - Program ပါဝင်သူအဖြစ် လျှောက်ထားခြင်း

ကိုယ်က The Bridge [Eco Bridge] ကနေ ခေါ်ယူထားတဲ့ လျှောက်ထားနိုင်သူများထဲမှာ အကျုံးဝင်တယ်ဆိုရင်တော့ Program မှာ ပါဝင်သူအဖြစ် လျှောက်ထားလို့ရပါတယ်။

📆 Program ကို လျှောက်ထားနိုင်မည့် ရက် — 7.8.2026 မှ 16.8.2026 အထိ

ကျန်းမာသန့်ရှင်းတဲ့ ပတ်ဝန်းကျင်နဲ့အတူ ပိုမိုကောင်းမွန်တဲ့ လူမှုစီးပွားဘဝများကို အတူတကွ တည်ဆောက်သွားဖို့ အားလုံးကို ဖိတ်ခေါ်လိုက်ရပါတယ်။ 🌿✨

Program အကြောင်း အသေးစိတ်ကို ထပ်မံသိရှိလိုတယ်ဆိုရင်တော့ The Bridge ရဲ့ Page Chatbox မှာ မေးမြန်းနိုင်သလို ဖုန်းဖြင့်လည်း ဆက်သွယ်မေးမြန်းနိုင်ပါတယ်။
📲 09 764332269
📲 09 789535998

12/08/2026

🌟 အနာဂတ်ကို ပုံဖော်နေတဲ့ လူငယ်များရဲ့ အသံ Youth Voices & Testimonials 🌟 နိုင်ငံတကာ လူငယ်များနေ့ International Youth Day 2026 အထိမ်းအမှတ် 🧡

ဒီနေ့ ဩဂုတ်လ ၁၂ ရက်နေ့ဟာ ကမ္ဘာတဝန်းက လူငယ်တွေရဲ့ စွမ်းဆောင်ရည်၊ တီထွင်ဖန်တီးနိုင်မှုနဲ့ အနာဂတ်အတွက် ကြိုးစားအားထုတ်မှုတွေကို ဂုဏ်ပြုတဲ့ "International Youth Day" လို့ခေါ်တဲ့ "နိုင်ငံတကာလူငယ်များနေ့" ပဲ ဖြစ်ပါတယ်။ ဒီနှစ်ရဲ့ IYD 2026 Theme ဖြစ်တဲ့ "Different Contexts, Common Aspirations" "မတူညီသော နောက်ခံအခြေအနေများမှသည် တူညီသော မျှော်လင့်ချက်များဆီသို့" ဆိုတဲ့ ဆောင်ပုဒ်နဲ့အညီ လူငယ်တွေဟာ နေရာဒေသ၊ ပတ်ဝန်းကျင် အခြေအနေတွေ ဘယ်လိုပဲ ကွဲပြားနေပါစေ ပိုမိုကောင်းမွန်တဲ့ လူ့အဖွဲ့အစည်းကို တည်ဆောက်ဖို့ဆိုတဲ့ တူညီတဲ့ ပန်းတိုင်တစ်ခုတည်းအတွက် အတူတကွ လက်တွဲကြိုးပမ်းနေကြတာကို ဒီနေ့မှာ ပိုမိုပေါ်လွင်စေပါတယ်။

လူငယ်တွေဟာ အနာဂတ်ရဲ့ ခေါင်းဆောင်တွေသာမက လက်ရှိပစ္စုပ္ပန်ရဲ့ အပြောင်းအလဲဖန်တီးရှင် Changemakers တွေလဲ ဖြစ်ကြပါတယ်။ ဒါကြောင့်လဲ ကျွန်တော်တို့ Together With Me Group (TWM) တစ်ခုလုံးမှာ ပါဝင်လုပ်ဆောင်နေကြတဲ့ အဖွဲ့သားတွေထဲမှာ အသက် (၃၅) နှစ်အောက် လူငယ် ၉၄% အထိ ပါဝင်ဖွဲ့စည်းထားပြီး မတူညီတဲ့ အားသာချက်တွေ၊ စွမ်းအင်တွေ၊ စိတ်ကူးသစ်တွေနဲ့ လူ့အဖွဲ့အစည်းကို လက်တွေ့ကျကျ အကျိုးပြုနေတာပဲ ဖြစ်ပါတယ်။

ဒီနှစ်ရဲ့ နိုင်ငံတကာလူငယ်များနေ့ လှုပ်ရှားမှု Activities တွေအနေနဲ့ ရန်ကုန်မြို့ရဲ့မတူညီတဲ့ နေရာ ၃ နေရာက IYD ပွဲ ၃ ပွဲမှာ TWM Group ရဲ့လူငယ်အဖွဲ့သားတွေဟာအသီးသီး တက်ရောက်နေကြပြီး Inclusivity အားလုံးအကျုံးဝင်မှုအတွက် အတတ်နိုင်ဆုံး ကိုယ်စားပြုလျက်ရှိနေကြပါတယ်။ အဆိုပါပွဲတွေမှာ ယခုပိုစ့်တွင် ဖော်ပြထားတဲ့ ပုံတွေအပါအဝင် ကျွန်တော်တို့ရဲ့ Success Stories တွေ၊ Impact တွေကို ဓာတ်ပုံများ၊ စာများနဲ့တကွ ခင်းကျင်းပြသထားပြီး၊ တခြားသော လူငယ်အဖွဲ့အစည်းများ၊ တက်ကြွလှုပ်ရှားသူများနဲ့ ထိရောက်တဲ့ ချိတ်ဆက်မှုတွေကို အားတက်သရော ပြုလုပ်လျက်ရှိပါတယ်။
ဒီပိုစ့်မှာ တွဲတင်ထားတဲ့ ပုံလေးတွေကတော့ Treat With Me ရဲ့ စီမံကိန်းအသီးသီးမှာ ပါဝင်ခဲ့ကြတဲ့ လူငယ်တွေ၊ Peer Educator တွေနဲ့ Community Beneficiary တွေရဲ့ ခွန်အားဖြစ်ဖွယ်၊ ရင်ထဲထိဖွယ် ရင်တွင်းစကား Youth Voices and Testimonials တွေပဲ ဖြစ်ကြပါတယ်။ သူတို့တစ်ဦးချင်းစီရဲ့ မတူညီတဲ့ အတွေ့အကြုံ Different Contexts တွေကနေတဆင့် တူညီတဲ့ ရည်မှန်းချက် Common Aspirations တွေကို ဘယ်လိုအကောင်အထည်ဖော်နေလဲဆိုတာကို တွေ့မြင်ရမှာပါ။

Treat With Me အပါအဝင် Together With Me Group တစ်ခုလုံးကနေ ပံ့ပိုးကူညီလှုပ်ရှားလုပ်ဆောင်နေတဲ့ စိတ်ကျန်းမာရေး၊ ကိုယ်ကျန်းမာရေး၊ လူမှုကျန်းမာရေးနယ်ပယ်အသီးသီးရဲ့ အကျိုးခံစားခွင့်ရှိသူများထဲမှာ လူငယ်များကို အမြဲထည့်သွင်းစဉ်းစားခဲ့သလို အခုလို ၁၀ နှစ်နီးပါးရပ်တည်လာနိုင်ခဲ့တာဟာ လူငယ်များရဲ့ လုပ်နိုင်စွမ်းနဲ့ လူငယ်များရဲ့ ဦးဆောင်မှုတွေကြောင့်ပဲဖြစ်ပါတယ်။

လူငယ်တွေရဲ့ အသံတွေ ပိုမိုကျယ်လောင်ပါစေ..... မတူညီတဲ့ နေရာဒေသ အသီးသီးက လူငယ်တွေရဲ့ ခြေလှမ်းတိုင်းဟာ ရှေ့လာမဲ့ အနာဂတ်သစ်အတွက် တူညီတဲ့ အလင်းရောင်တွေ ဖြစ်ပါစေလို့ ဆန္ဒပြုဆုတောင်းရင်း International Youth Day ကို လှိုက်လှဲစွာ ဂုဏ်ပြုအပ်ပါတယ်။ 🧡✨

17/07/2026

Menstraul Cup စသုံးဖို့ စဥ်းစားနေပြီလား?

Pad နဲ့ Tampon တွေကို အသုံးပြုရင်းကနေ နည်းစနစ်တကျအသုံးမပြုရင် အခန့်မသင့်တဲ့အခါ အပူလောင်ခြင်း၊ အရေပြားပွန်းပဲ့ယားယံခြင်းအပြင် အကြောင်းအမျိုးမျိုးကြောင့် အချိန်အကြာကြီးသုံးမိလိုက်တဲ့အခါ bacteria ဝင်ခြင်းတွေ ဖြစ်နိုင်ပါတယ်။ 💁🏼‍♀️

သဘာဝပတ်ဝန်းကျင်အတွက်ကြည့်မယ်ဆိုရင်လည်းတစ်ခါပဲသုံးပြီး အမှိုက်အနေနဲ့ ပစ်လိုက်ရတဲ့အခါ အမှိုက်ပုံကြီးတွေမှာ ပြန်ဆွေးမြေ့ဖို့ အချိန်ကြာသလို ဆွေးမြေ့လာတဲ့အခါမှာလည်း ပလတ်စတစ်အမှုန်အမွှား (Microplastics) တွေအနေနဲ့လည်း မြေ၊ ရေ၊ လေကနေတစ်ဆင့် အခြားသော သက်ရှိများအပါအဝင် သဘာဝပတ်ဝန်းကျင်ကိုပါ ထိခိုက်နေစေတာပါ။
အခုနောက်ပိုင်း အသုံးများလာတဲ့ Menstrual cup နဲ့ Menstrual disc တွေကတော့ လွတ်လပ်ပေါ့ပါးတဲ့အပြင် ကျန်းမာရေးရှုထောင့်ကနေ ကြည့်ရင်လည်း ရွေးချယ်ဖို့သင့်လျော်ပြီး ပြန်သုံးလို့လည်းရတော့ အသုံးစရိတ်လည်း ပိုခြွေတာနိုင်ပါတယ်။ 🙆🏻‍♀️

Treasure တို့အနေနဲ့ Pad နဲ့ Tampon တွေသုံးရင်း ကယိကထများလို့ စိတ်ရှုပ်နေရရင်ပဲဖြစ်ဖြစ်၊ Menstrual cup နဲ့ Menstrual disc ကို စသုံးချင်ပေမယ့် ကြောက်လို့၊ အဆင်မပြေမှာစိုးရိမ်နေရင်ပဲဖြစ်ဖြစ် ကိုယ်တိုင်ဆွေးနွေးမေးမြန်းနိုင်ဖို့အတွက် Prevent Plastics+ ကနေ ဇူလိုင်လ ၂၅ ရက်နေ့မှာ ပြုလုပ်မယ့် Menstrual Cup Discussion လေးအကြောင်းကို မျှဝေပေးချင်ပါတယ်ရှင့် 💗

Discussion Information
📆ရက်စွဲ - 25 July, 2026 (Saturday)
⌛️အချိန် - 10:00 AM - 11:00 AM
📍နေရာ - အမှတ် 56/ M-1, သီရိမာလာလမ်း, မရမ်းကုန်းမြို့နယ်၊ ရန်ကုန်။ (Prevent Plastics+ Office)

Discussion လေးက Online ရော၊ In-person ပါ စီစဉ်ပြုလုပ်သွားမှာဖြစ်တဲ့အတွက် ကိုယ့်အတွက်လွယ်ကူအဆင်ပြေရာနည်းလမ်းလေးနဲ့ တက်ရောက်ဆွေးနွေးနိုင်မှာပဲဖြစ်ပါတယ်။

Registration Form
https://forms.gle/QwNNF1kiuVB8UHdr9

Details Information
https://www.facebook.com/share/p/14hGdoe8Xto/

Treat With Me

08/10/2026

08/10/2026

06/10/2026

06/10/2026

06/10/2026

06/10/2026

05/10/2026

15/08/2026

12/08/2026

17/07/2026

Address

Website

Alerts

Contact The Organization

Shortcuts

Share

Listing takedown request