Ananda Saytanar Foundation

Call Contact the organization

Ananda Saytanar Foundation Contact information, map and directions, contact form, opening hours, services, ratings, photos, videos and announcements from Ananda Saytanar Foundation, Nonprofit Organization, Yangon.

ကွမ်းစားသူများ သတိထားရမယ့် "လျှာကင်ဆာ" အန္တရာယ် ⚠️🗣️ကိုထွန်း (ကွမ်းစားသူ): "ကိုမင်းထက် ငါ့လျှာဘေးဘက်လေးမှာ အဖုသေးသေးလေးတ...
22/09/2026

ကွမ်းစားသူများ သတိထားရမယ့် "လျှာကင်ဆာ" အန္တရာယ် ⚠️

🗣️ကိုထွန်း (ကွမ်းစားသူ): "ကိုမင်းထက် ငါ့လျှာဘေးဘက်လေးမှာ အဖုသေးသေးလေးတစ်ခု ထွက်နေတာ ကြာပြီကွ။ စားလို့သောက်လို့တော့ နည်းနည်း တင်းနေသလိုပဲ။"

🗣️ကိုမင်းထက်: "ဩော် အဲ့ဒါ ဘာဖြစ်ရမှာလဲကွ။ အပူကန်တာ ဖြစ်မှာပေါ့။ ခဏနေ ပျောက်သွားမှာပါ"

🗣️ကိုထွန်း: "အဲ့ဒါလည်း ဟုတ်မှာပါလေ။ ကဲပါ၊ အိမ်မှာ ဆေးမြီးတိုလေးတွေ ရှိတယ်။ ဆားနဲ့ပွတ်တာတို့၊ ဆေးရည်ကျိုလိမ်းတာတို့နဲ့ပဲ ကုလိုက်မယ်၊ ပျောက်သွားမှာပါ။"
(အချိန် ၆ လခန့် ကုန်လွန်သွားသောအခါ)

🗣️ကိုထွန်း: (ထိတ်လန့်တကြားဖြင့်) "ကိုမင်းထက်ရေ ငါ့ဟာက လုံးဝမပျောက်တဲ့အပြင်၊ အဖုကလည်း ပိုကြီးလာပြီး သွေးတွေပါ စယိုလာပြီကွ။ အရမ်းလည်း နာလာပြီ၊ ငါတော့ လန့်နေပြီ။”

🗣️ကိုမင်းထက်: "၆ လတောင် ရှိပြီလား။ အဲ့ဒါ မိုးကြိုးပစ်တာနဲ့ တူနေပြီ။ မင်းက ဆေးလိပ်လည်း သောက်တယ်၊ ကွမ်းလည်း နေ့တိုင်း စားနေတာပဲ။ မြန်မြန် ဆရာဝန်နဲ့ သွားပြတော့!"
(ဆရာဝန်နှင့် ပြသပြီးနောက်)

👨‍⚕️ဆရာဝန်: "ကိုထွန်းရေ ထွက်နေတဲ့ အဖုကနေ အသားစယူပြီး ဓာတ်ခွဲစစ်ဆေးကြည့်လိုက်တာမှာ လျှာကင်ဆာ (Tongue Cancer) ဖြစ်နေတာတဲ့။ ကွမ်းစားတာနဲ့ ဆေးလိပ်သောက်တာ ကြာလို့ လျှာမြှေးပါးတွေ ထိခိုက်ပျက်စီးပြီး ကင်ဆာဖြစ်သွားတာ။ အခုတော့ ခွဲစိတ်ကုသမှုတွေ စလုပ်ရပါမယ်။”

❌ပေါ့ပေါ့တန်တန် မနေပါနဲ့
⚠️လျှာမှာ အဖုပေါက်တာ၊ အနာဖြစ်တာတွေက (၂) ပတ်၊ (၃) ပတ်အတွင်း မပျောက်ဘဲ ကြာလာရင် (အထူးသဖြင့် သွေးထွက်လာရင်) သာမန်
အနာ မဟုတ်နိုင်တော့ပါဘူး။

🚨အဓိက တရားခံများ
ဆေးလိပ်သောက်ခြင်း၊ ကွမ်းစားခြင်းနှင့် အရက်သောက်ခြင်းတို့က လျှာကင်ဆာနှင့် ခံတွင်းကင်ဆာကို အဓိက ဖြစ်စေတဲ့ အကြောင်းရင်းတွေ ဖြစ်ပါတယ်။

✅စောစောစီးစီး ကုသပါ
ကင်ဆာကို အစောပိုင်းအဆင့်မှာ သိရှိပြီး ကုသမှုခံယူရင် အောင်မြင်စွာ ပျောက်ကင်းနိုင်ခြေ အရမ်းများပါတယ်။

✅ဒါ့ကြောင့် ခံတွင်းမှာ မူမမှန်တာတွေ ဖြစ်လာရင် ဆေးမြီးတိုနဲ့ မကုဘဲ နီးစပ်ရာ ဆရာဝန်နဲ့ အမြန်ဆုံး ပြသစစ်ဆေးကြပါစို့။



#ကျန်းမာရေးဗဟုသုတ

19/09/2026

ခြေထောက်ဖောနေရင် ဒီရောဂါတွေ သတိထားပါ



#ကျန်းမာရေးဗဟုသုတ

အသက် ၅၀ ကျော်လာပြီဆိုရင် အမျိုးသားတွေ အထူးဂရုစိုက်သင့်တဲ့ ဆီးကျိတ်ကင်ဆာဆီးကျိတ်ကင်ဆာဟာ အစောပိုင်းအဆင့်မှာ လက္ခဏာမပြတတ်ဘဲ...
18/09/2026

အသက် ၅၀ ကျော်လာပြီဆိုရင် အမျိုးသားတွေ အထူးဂရုစိုက်သင့်တဲ့ ဆီးကျိတ်ကင်ဆာ

ဆီးကျိတ်ကင်ဆာဟာ အစောပိုင်းအဆင့်မှာ လက္ခဏာမပြတတ်ဘဲ နောက်ကျမှ သိရတာမျိုးဖြစ်တတ်ပါတယ်။ နောက်ကျမှ သိရတာမျိုးမဖြစ်ရအောင် မဖြစ်မနေ သိထားသင့်တဲ့ အချက်တွေကို အနန္တစေတနာဖောင်ဒေးရှင်းမှ မျှဝေပေးလိုက်ရပါတယ်။👇

ဘယ်သူတွေ ပိုဖြစ်တတ်လဲ❓
▪️အသက်အရွယ်
အသက် ၅၀ ကျော်လာတာနဲ့အမျှ ဖြစ်နိုင်ခြေ ပိုများလာပြီး အထူးသဖြင့် အသက် ၆၅ နှစ်နဲ့အထက်တွေမှာ ပိုအဖြစ်များပါတယ်။

▪️မျိုးရိုးဗီဇ
မိသားစုဝင်တွေထဲမှာ ဆီးကျိတ်
ကင်ဆာ ဖြစ်ဖူးသူ ရှိရင် သတိထားရပါမယ်။ BRCA1 နဲ့ BRCA2 ဗီဇပြောင်းလဲမှုတွေကလည်း ဆီးကျိတ်ကင်ဆာ ဖြစ်ပွားနိုင်ခြေကို မြင့်တက်စေပါတယ်။

▪️ဟော်မုန်းအပြောင်းအလဲများ (Hormones)
အမျိုးသား ဟော်မုန်းဖြစ်သော Testosterone နှင့် ဆီးကျိတ်ဆဲလ်များ ကြီးထွားမှုကို အားပေးသည့် အခြားဟော်မုန်းအဆင့်များက ဆီးကျိတ်ကင်ဆာဆဲလ်များ ဖြစ်ပေါ်လာခြင်းနှင့် ကြီးထွားမှုကို အထောက်အကူပြုသည်။

▪️နေထိုင်စားသောက်မှု
အနီရောင်အသားနဲ့ အဆီအဆိမ့်တွေ အလွန်အကျွံ စားသုံးတာ၊ ဆေးလိပ်သောက်တာ၊ ကိုယ်လက်လှုပ်ရှားမှု နည်းတာ စတာတွေက ဆီးကျိတ်ကင်ဆာ ဖြစ်
နိုင်ချေကို မြင့်တက်စေနိုင်ပါတယ်။

▪️ဓာတုပစ္စည်းများနှင့်ထိတွေ့ရသော လုပ်ငန်းခွင်များ
(1) ပိုးသတ်ဆေးနှင့် ပေါင်းသတ်ဆေးများ
စိုက်ပျိုးရေးလုပ်သားများ၊ ခြံလုပ်သားများနှင့် ပိုးသတ်ဆေးဖြန်းရသည့် လုပ်ငန်းခွင်များတွင် လုပ်ကိုင်သူများသည် ပိုးသတ်ဆေးများနှင့် ရေရှည်ထိတွေ့မှုကြောင့် ဆီးကျိတ်ကင်ဆာ ဖြစ်ပွားနိုင်ခြေ ပိုများကြောင်း ကျန်းမာရေးအဖွဲ့အစည်းများ (ဥပမာ- ANSES) က အတည်ပြုထားပါတယ်။
(2) Benzene, Toluene, Xylene နှင့် Styrene ကဲ့သို့သော ဓာတုပစ္စည်းများနှင့် ရေရှည် (၂၅ နှစ်နှင့်အထက်) ထိတွေ့မှုရှိသော မော်တော်ယာဉ်၊ လေယာဉ်ပြင်ဆင်ရေးလုပ်သားများ၊ ဖိနပ်နှင့် ရာဘာလုပ်ငန်းလုပ်ကိုင်သူများတွင် စောစီးစွာ ကင်ဆာဖြစ်ပွားနိုင်ခြေ မြင့်တက်တတ်သည်ကို လေ့လာမှုများက တွေ့ရှိရပါတယ်။

▪️မီးသတ်ဆေးနှင့် မီးခိုးငွေ့များ
မီးသတ်သမားများနှင့် စက်မှုလုပ်ငန်းသုံး မီးခိုးငွေ့၊ အယ်လ်ဖာ ဟိုက်ဒရိုကာဘွန် (PAHs) များ အမြဲရှူရှိုက်ရသူများတွင်လည်း ကင်ဆာဖြစ်နှုန်း ပိုများတတ်ပါတယ်။

ဘာလက္ခဏာတွေ ပြတတ်လဲ❓
ရောဂါ အစောပိုင်းမှာ လက္ခဏာ မပြပေမယ့် ဆီးကျိတ်ကြီးလာတာနဲ့အမျှ အောက်ပါ လက္ခဏာတွေ တွေ့ရတတ်ပါတယ်။
💧 ဆီးသွားရခက်ခြင်း၊ အားစိုက်ရခြင်း၊ ဆီးစက်ကျန်ခြင်း။
🌙 ညဘက်မှာ ဆီးအကြိမ်ကြိမ် ထသွားရခြင်း။
🔥 ဆီးသွားစဉ် ပူစပ်ပူလောင် ဖြစ်ခြင်း၊ နာကျင်ခြင်း။
🩸 ဆီးထဲမှာ သွေးပါလာခြင်း။
🦴 ခါး၊ တင်ပါး သို့မဟုတ် ပေါင်ရင်းတွေမှာ အကြောင်းရင်းမရှိဘဲ နာကျင်ကိုက်ခဲခြင်း။

ဘယ်လို စစ်ဆေးကုသနိုင်မလဲ❓
ဆီးကျိတ်ကင်ဆာကို အစောပိုင်းအဆင့်မှာ သိရှိနိုင်ဖို့ အဓိကနည်းလမ်း ၂ ခုရှိပါတယ်။
(1) PSA သွေးစစ်ခြင်း
သွေးထဲက ဆီးကျိတ်ပရိုတင်းဓာတ် ပမာဏကို တိုင်းတာခြင်း။
(2) ဆီးကျိတ် စမ်းသပ်ခြင်း Digital Re**al Examination (DRE)
ဆရာဝန်နဲ့ ပြသပြီး စအိုမှတစ်ဆင့် လက်ဖြင့် စမ်းသပ်စစ်ဆေးခြင်း တို့ဖြင့်စစ်ဆေးနိုင်ပါတယ်။



#ကျန်းမာရေးဗဟုသုတ

17/09/2026

V**e နဲ့ ဆေးလိပ် ဘာကွာလဲ?



#ကျန်းမာရေးဗဟုသုတ

16/09/2026

မြန်မာထမင်းဟင်းကို ကျန်းမာရေးနဲ့ ညီညွတ်အောင် ဘယ်လိုချက်ပြုတ်ကြမလဲ?



#ကျန်းမာရေးဗဟုသုတ

အင်ဆူလင်ဆိုတာ ခန္ဓာကိုယ်ထဲက ပန်ကရိယ (မုန့်ချိုအိတ်) လို့ခေါ်တဲ့ အင်္ဂါအစိတ်အပိုင်းကနေ သဘာဝအတိုင်း ထုတ်လုပ်ပေးတဲ့ ဟော်မုန...
16/09/2026

အင်ဆူလင်ဆိုတာ ခန္ဓာကိုယ်ထဲက ပန်ကရိယ (မုန့်ချိုအိတ်) လို့ခေါ်တဲ့ အင်္ဂါအစိတ်အပိုင်းကနေ သဘာဝအတိုင်း ထုတ်လုပ်ပေးတဲ့ ဟော်မုန်းတစ်မျိုး ဖြစ်ပါတယ်။

ဒီနေ့မှာတော့ အနန္တစေတနာဖောင်ဒေးရှင်းမှ အင်ဆူလင်ရဲ့
▪️သဘောသဘာဝ
▪️လုပ်ဆောင်ချက်နဲ့
▪️ဆီးချိုရောဂါအပေါ် သက်ရောက်ပုံတွေကို ပြောပြပေးသွားမှာဖြစ်ပါတယ်။

အင်ဆူလင် ဘယ်လိုအလုပ်လုပ်လဲ❓
အင်ဆူလင်ဟာ ကိုယ်စားလိုက်တဲ့ အစားအစာတွေထဲကနေ ဂလူးကို့စ် (Glucose) လို့ခေါ်တဲ့ သကြားဓာတ်ကို ဆဲလ်တွေဆီ ပို့ဆောင်ပေးတဲ့ "သော့ချက်" တစ်ခုအနေနဲ့ လုပ်ဆောင်ပါတယ်။

✅အစားစားခြင်း: ထမင်း၊ အာလူး၊ သကြား၊ အချိုရည် စတဲ့ ကာဗိုဟိုက်ဒရိတ် ပါတဲ့ အစားအစာတွေကို စားလိုက်တဲ့အခါ ခန္ဓာကိုယ်ထဲမှာ ဂလူးကို့စ် (သကြားဓာတ်) အဖြစ်သို့ ပြောင်းလဲသွားပြီး သွေးကြောထဲကို ရောက်ရှိလာပါတယ်။
✅အင်ဆူလင် ထွက်လာခြင်း: သွေးထဲမှာ သကြားဓာတ် မြင့်တက်လာတာနဲ့ ပန်ကရိယ (မုန့်ချိုအိတ်)က အင်ဆူလင်တွေကို သွေးထဲသို့ ထုတ်လွှတ်ပေးပါတယ်။
✅စွမ်းအင်ထုတ်လုပ်ခြင်း: အင်ဆူလင်က ဆဲလ်တွေရဲ့ တံခါးကို ဖွင့်ပေးလိုက်သလို ဖြစ်သွားပြီး သွေးထဲက သကြားဓာတ်တွေ ဆဲလ်တွေထဲကို ဝင်ရောက်သွားနိုင်ပါတယ်။ အဲဒီကနေမှ ဆဲလ်တွေက အဲဒီသကြားဓာတ်ကို လောင်စာအဖြစ် သုံးပြီး ခန္ဓာကိုယ်အတွက် လိုအပ်တဲ့ စွမ်းအင်တွေကို ထုတ်လုပ်ပေးပါတယ်။

အင်ဆူလင်မရှိရင် ဒါမှမဟုတ် အင်ဆူလင်ကောင်းကောင်းအလုပ်မလုပ်ရင် သွေးထဲမှာ သကြားဓာတ်တွေ ပုံနေပြီး ဆဲလ်တွေ စွမ်းအင်မရတာမျိုးဖြစ်တတ်ပါတယ်။

🎯ဆီးချိုရောဂါနဲ့ ဘယ်လိုသက်ဆိုင်သလဲ?
ဆီးချိုရောဂါဆိုတာ အင်ဆူလင်နဲ့ တိုက်ရိုက်ဆက်စပ်နေတဲ့ ရောဂါဖြစ်ပြီး အဓိကအားဖြင့် အမျိုးအစား နှစ်မျိုးရှိပါတယ် -
1️⃣အမျိုးအစား ၁ ဆီးချို (Type 1 Diabetes): ပန်ကရိယ (မုန့်ချိုအိတ်)က အင်ဆူလင်ကို လုံးဝ (သို့မဟုတ်) အလွန်နည်းပါးစွာ ထုတ်ပေးနိုင်ခြင်း မရှိတော့တာ ဖြစ်ပါတယ်။ ဒါကြောင့် ခန္ဓာကိုယ်အတွက် အင်ဆူလင် အပြင်ကနေ ဆေးထိုးပြီး ဖြည့်တင်းပေးဖို့ မဖြစ်မနေ လိုအပ်ပါတယ်။
2️⃣အမျိုးအစား ၂ ဆီးချို (Type 2 Diabetes): ပန်ကရိယ (မုန့်ချိုအိတ်)က အင်ဆူလင် ထုတ်ပေးပေမဲ့ ခန္ဓာကိုယ်က ဆဲလ်တွေက အင်ဆူလင်ကို ကောင်းကောင်း မတုံ့ပြန်တော့တာ (Insulin Resistance - အင်ဆူလင်ကို ခံနိုင်ရည်ရှိသွားတာ၊ တုံ့ပြန်မှုအားနည်းသွားတာ) ဖြစ်ပါတယ်။ ရလဒ်အနေနဲ့ သွေးထဲမှာ သကြားဓာတ်တွေ ပိုလျှံနေပါတော့တယ်။

ဒါကြောင့် အင်ဆူလင်ဆိုတာ ခန္ဓာကိုယ်ရဲ့ စွမ်းအင်လည်ပတ်ဖို့အတွက် မရှိမဖြစ် လိုအပ်တဲ့ အဓိက သော့ချက်တစ်ခု ဖြစ်ကြောင်း သိရှိနိုင်ဖို့ မျှဝေပေးလိုက်ရပါတယ်။



#ကျန်းမာရေးဗဟုသုတ

14/09/2026

💪ခန္ဓာကိုယ် ကျန်းမာကြံ့ခိုင်စေရန်နှင့် စွမ်းအင်ပြည့်ဝနေစေရန်အတွက် မရှိမဖြစ်လိုအပ်သော အာဟာရဓာတ်တစ်မျိုးမှာ ဗီတာမင် ဘီ (Vitamin B Group) ဖြစ်ပါတယ်။

🅱️ဗီတာမင် ဘီ အုပ်စုသည် တစ်မျိုးတည်းမဟုတ်ဘဲ အချင်းချင်း အထောက်အကူပြု လုပ်ဆောင်ပေးကြသော ဗီတာမင် အမျိုးအစား (၈) မျိုး ပါဝင်ပါတယ်။

ခန္ဓာကိုယ်အတွက် အ‌ရေးပါလှတဲ့ ဗီတာမင် ဘီ အုပ်စုတွေရဲ့ အသေးစိတ်အကြောင်းကို အလွယ်တကူ သိရှိနိုင်ရန် အောက်ပါအတိုင်း တင်ပြပေးလိုက်ပါတယ်။

💊 ဗီတာမင် ဘီ အုပ်စုတွင် ဘာတွေပါဝင်လဲ?
▫️B1 (Thiamine): အစားအစာများကို စွမ်းအင်အဖြစ် ပြောင်းလဲပေးပြီး အာရုံကြောစနစ်နှင့် ဦးနှောက်လုပ်ငန်းဆောင်တာများကို အဓိက ထောက်ပံ့ပေးပါတယ်။
▫️B2 (Riboflavin): အရေပြား၊ မျက်လုံးနှင့် အာရုံကြောများကို ကျန်းမာစေပြီး ဆဲလ်အသစ်များ ဖြစ်ပေါ်မှုကို အားပေးပါတယ်။
▫️B3 (Niacin): ခန္ဓာကိုယ်ဇီဝကမ္မဖြစ်စဉ် (Metabolism) ကို ကောင်းမွန်စေပြီး အသားအရောင်နှင့် အာရုံကြောစနစ်ကို ထိန်းသိမ်းပေးပါတယ်။
▫️B5 (Pantothenic Acid): ဟော်မုန်းများနှင့် ကိုလက်စထရော ထုတ်ရာတွင် ကူညီပေးပြီး အစားအစာများကို စွမ်းအင်အဖြစ် ပြောင်းလဲပေးပါတယ်။
▫️B6 (Pyridoxine): ဦးနှောက်ဖွံ့ဖြိုးမှု၊ ကိုယ်ခံအားစနစ်နှင့် သွေးနီဥဆဲလ်များ ထုတ်ရာတွင် အဓိကပါဝင်ပါတယ်။
▫️B7 (Biotin): ဆံပင်၊ အသားအရွယ်နှင့် လက်သည်းခြေသည်းများကို သန်မာကျန်းမာစေပါတယ်။
▫️B9 (Folate / Folic Acid): ကိုယ်ဝန်ဆောင်များအတွက် အလွန်အရေးကြီးပြီး ဆဲလ်အသစ်များ ဖြစ်ပေါ်ခြင်းနှင့် သွေးအားကောင်းစေရန် ကူညီပါတယ်။
▫️B12 (Cobalamin): သွေးနီဥဆဲလ်များ ဖြစ်ပေါ်စေရန်နှင့် အာရုံကြောများ ကောင်းမွန်စွာ အလုပ်လုပ်ရန် မရှိမဖြစ် လိုအပ်ပါတယ်။

🥗 ဘယ်အရာတွေကနေ ရနိုင်သလဲ? (Food Sources)
ဗီတာမင် ဘီ အုပ်စုကို အောက်ပါ သဘာဝ အစားအစာများမှ လုံလောက်စွာ ရရှိနိုင်ပါတယ်။
❇️ကောက်နှံစေ့နှင့် အညိုရောင်ဆန်: ဆန်လုံးညို၊ Oats ၊ မုန့်ညက်ကြမ်းတို့တွင် B1, B3, B6 များ ကြွယ်ဝစွာ ပါဝင်ပါတယ်။
❇️အသားနှင့် ငါး: အမဲသား၊ ကြက်သား၊ ဆယ်လ်မွန်ငါးနှင့် တူနာငါးတို့တွင် B3, B6 နှင့် B12 တို့ အထူးပါဝင်ပါတယ်။
❇️အတွင်းကလီစာများ: အသည်းကဲ့သို့သော အသားများတွင် ဗီတာမင် B အစုံအလင် (အထူးသဖြင့် B12) ကြွယ်ဝစွာ ပါရှိပါတယ်။
❇️ဥအမျိုးမျိုးနှင့် နို့ထွက်ပစ္စည်းများ: ကြက်ဥ၊ နို့၊ ဒိန်ချဉ်နှင့် ဒိန်ခဲတို့တွင် B2, B5, B12 များ ပါဝင်ပါတယ်။
❇️ပဲအမျိုးမျိုးနှင့် အစေ့အဆန်များ: ပဲတီစိမ်း၊ ပဲပုပ်၊ မြေပဲနှင့် နေကြာစေ့တို့တွင် B9 နှင့် အခြား B ဗီတာမင်များ ပါဝင်ပါတယ်။
❇️အစိမ်းရောင် ဟင်းသီးဟင်းရွက်များ: ဟင်းနုနွယ်၊ ကိုက်လန်ကဲ့သို့ အရွက်စိမ်းများတွင် B9 (Folate) အမြောက်အမြား ပါရှိပါတယ်။

⚠️ ဗီတာမင် ဘီ ချို့တဲ့ရင် ဘာတွေဖြစ်နိုင်လဲ? (Deficiency Symptoms)
ဗီတာမင် ဘီ ချို့တဲ့လာပါက ခန္ဓာကိုယ်တွင် အောက်ပါ လက္ခဏာများ ပြသတတ်ပါတယ် -
❗အလွန်အမင်း မောပန်းနွမ်းနယ်ခြင်းနှင့် အားအင်ကုန်ခမ်းခြင်း: (ခန္ဓာကိုယ်က စွမ်းအင်ထုတ်လုပ်မှု ကျဆင်းသွားသောကြောင့် ဖြစ်သည်)
❗လက်ဖျားခြေဖျား ထုံကျင်ခြင်းနှင့် အာရုံကြော အားနည်းခြင်း: (အထူးသဖြင့် B1, B6, B12 ချို့တဲ့ပါက အာရုံကြော ထိခိုက်တတ်သည်)
❗ခံတွင်းနာခြင်း၊ လျှာနာခြင်း၊ နှုတ်ခမ်းကွဲခြင်း: (B2 နှင့် B3 ချို့တဲ့သည့် လက္ခဏာများ ဖြစ်သည်)
❗🩸သွေးအားနည်းခြင်း (Anemia): (B12 နှင့် B9 ချို့တဲ့ပါက သွေးနီဥဆဲလ် ထုတ်လုပ်မှု ထိခိုက်ပြီး မူးဝေခြင်း၊ ဖျော့တော့ခြင်း ဖြစ်တတ်သည်)
❗စိတ်ဖိစီးမှုများခြင်း၊ စိုးရိမ်ပူပန်ခြင်းနှင့် မှတ်ဉာဏ်အားနည်းခြင်း
❗ဆံပင်ကျွတ်ခြင်းနှင့် အသားအရေခြောက်သွေ့ခြင်း၊ အနာကျက်နှေးခြင်း

⚡ ဗီတာမင် ဘီ လွန်ကဲရင် ဘာတွေဖြစ်နိုင်လဲ? (Excess & Toxicity)
ဗီတာမင် ဘီ အများစုသည် ရေတွင်ပျော်ဝင်သော ဗီတာမင်များ (Water-Soluble Vitamins) ဖြစ်သောကြောင့် လိုအပ်သည်ထက် ပိုသွားပါက ဆီးမှတစ်ဆင့် အလိုအလျောက် စွန့်ထုတ်ပစ်လေ့ရှိပါတယ်။ သို့သော် ဆေးပြားများဖြင့် အလွန်အကျွံ အတန်တထိုက် မှီဝဲမိပါက အောက်ပါဆိုးကျိုးများ ဖြစ်ပေါ်နိုင်ပါတယ် -
🧪Niacin (B3) လွန်ကဲခြင်း: အသားအရေများ နီရဲလာခြင်း၊ ယားယံခြင်း (Flushing)၊ အစာအိမ် မသက်မသာဖြစ်ခြင်းနှင့် အသည်းလုပ်ငန်းဆောင်တာများကို ထိခိုက်စေနိုင်ခြင်း။
🩺Pyridoxine (B6) အလွန်အကျွံ သုံးစွဲခြင်း: အာရုံကြောများ အလွန်အကျွံ ထိခိုက်ပြီး လက်ဖျားခြေဖျား ထုံထိုင်းခြင်း (Neuropathy)၊ အကြောတက်ခြင်းနှင့် လမ်းလျှောက်ရာတွင် ဟန်ချက်မညီတော့ခြင်းတို့ ဖြစ်နိုင်ပါတယ်။
💊အခြားဆိုးကျိုးများ: ဗီတာမင် B12 သို့မဟုတ် Folic Acid အလွန်အကျွံဖြစ်ပါက ပျို့အန်ခြင်း၊ ဝမ်းပျက်ဝမ်းလျှောခြင်းနှင့် ခေါင်းကိုက်ခြင်းတို့ ဖြစ်ပေါ်တတ်ပါတယ်။

💡 အကြံပြုချက်: သဘာဝ အစားအစာများမှတစ်ဆင့် ဗီတာမင် ဘီ ရယူခြင်းသည် အလွန်လုံခြုံပြီး ကျန်းမာရေးအတွက် အကောင်းဆုံးဖြစ်ပါတယ်။ အကယ်၍ အားဆေး (B-Complex Supplements) သောက်သုံးလိုပါက ကျန်းမာရေး အနေအထားနှင့် လိုအပ်ချက်ပေါ်မူတည်၍ သင့်လျော်သော ပမာဏကိုသာ ဆရာဝန် (သို့မဟုတ်) ဆေးဝါးပညာရှင်နှင့် တိုင်ပင်၍ သောက်သုံးသင့်ပါတယ်။



#ကျန်းမာရေးဗဟုသုတ

12/09/2026

ဆီးချို သွေးတိုးလူနာတွေမှာ ကျောက်ကပ်အားနည်းနိုင်လား?



#ကျန်းမာရေးဗဟုသုတ

11/09/2026

အသည်းရောင်အသားဝါ စီပိုးဟာ ဆေးသောက်ရင် ပျောက်ကင်းနိုင်လား?



#ကျန်းမာရေးဗဟုသုတ

⚠️🦷 သွားကျိုးခြင်းနှင့် သွားများမခိုင်တော့ဘဲ ကျွတ်ထွက်လွယ်ခြင်းတို့သည် …သွားနှင့်ခံတွင်း ပြဿနာတစ်ခုလို့သာ ထင်ရတတ်ပေမယ့်🚨...
11/09/2026

⚠️🦷 သွားကျိုးခြင်းနှင့် သွားများမခိုင်တော့ဘဲ ကျွတ်ထွက်လွယ်ခြင်းတို့သည် …

သွားနှင့်ခံတွင်း ပြဿနာတစ်ခုလို့သာ ထင်ရတတ်ပေမယ့်🚨ခန္ဓာကိုယ်တစ်ခုလုံး 🦴အရိုးပွရောဂါ ဖြစ်ပွားနေမှုကို ဖော်ပြနေသည့် လက္ခဏာများထဲတွင် ပါဝင်နေတတ်ပါတယ်။

👵အသက်အရွယ်ကြီးလာသည်နှင့်အမျှ ဤအချက်များကို သတိပြုမိစေရန်နှင့် အရိုးကျန်းမာရေးကို ကာကွယ်စောင့်ရှောက်ရန် သိထားသင့်တဲ့ အချက်များကို အောက်ပါအတိုင်း အနန္တစေတနာ ဖောင်ဒေးရှင်းမှ မျှဝေတင်ပြပေးလိုက်ရပါတယ်။

🦷 သွားကျိုးခြင်းနှင့် အရိုးပွရောဂါ ဆက်စပ်မှု
▪️မေးရိုးသိပ်သည်းဆ ကျဆင်းခြင်း
အရိုးပွရောဂါ စတင်ဖြစ်ပွားသည့်အခါ ခန္ဓာကိုယ်ရှိ အရိုးများသာမက သွားများကို ထိန်းသိမ်းပေးထားပေးသော မေးရိုး (Alveolar Bone) များပါ ပျော့ပြောင်းလာပြီး သိပ်သည်းဆ တဖြည်းဖြည်း ကျဆင်းလာတတ်ပါတယ်။
▪️သွားများ အလိုလို လှုပ်ခါခြင်း
မေးရိုးများ အားနည်းလာသောကြောင့် သွားများကို တင်းတင်းကျပ်ကျပ် ဖမ်းဆုပ်ထားနိုင်စွမ်း မရှိတော့ဘဲ သွားများ မခိုင်တော့ဘဲ လှုပ်ရှားလာခြင်း၊ အကြောင်းရင်းမရှိဘဲ ကျွတ်ထွက်လွယ်ခြင်းတို့ ဖြစ်ပေါ်လာပါတယ်။

‼️သတိပြုရမည့် အစောပိုင်း သတိပေးချက်
သွားဖုံးရောဂါ (Periodontitis) ကဲ့သို့သော ရောဂါများ မရှိဘဲနဲ့ကို မိမိရဲ့ မေးရိုးအောက်ခြေနှင့် သွားဖုံးပတ်လည် အားနည်းလာသလို ခံစားရခြင်းသည် ခန္ဓာကိုယ်အတွင်း အရိုးပွခြင်း စတင်ဖြစ်ပွားနေပြီဖြစ်ကြောင်း ပြသနေသည့် သတိပေးလက္ခဏာတစ်ခု ဖြစ်ပါတယ်။

🦴 အခြားသတိပြုရမည့် အရိုးပွရောဂါ လက္ခဏာများ
အရိုးပွရောဂါသည် လက္ခဏာပြလေ့မရှိဘဲ တိတ်တဆိတ် ဖြစ်ပွားတတ်သောကြောင့် "တိတ်ဆိတ်သော ရောဂါ" (Silent Disease) ဟုလည်း ခေါ်ဆိုကြပါတယ်။ သို့သော် အောက်ပါ လက္ခဏာများကို တွေ့လာရပါက သတိထားသင့်ပါတယ်။
⚠️ကျောကုန်းကိုင်းလာခြင်း
ကျောရိုးဆစ်များ အားနည်းပြီး ဖိသိပ်ခံရခြင်းကြောင့် အရပ်ပုလာခြင်း၊ ကျောကုန်း ကိုင်းလာခြင်း။
⚠️ခါးနာခြင်းနှင့် ကျောနာခြင်း
ကျောရိုးဆစ်များ သေးငယ်ကျိုးပဲ့ခြင်း (Micro-fractures) ကြောင့် အကြောင်းရင်းမရှိဘဲ ခါးနှင့် ကျောတို့တွင် နာကျင်ကိုက်ခဲခြင်း။
⚠️ထိခိုက်ဒဏ်ရာ သေးသေးလေးနဲ့ အရိုးကျိုးလွယ်ခြင်း
အနည်းငယ် လဲကျရုံ၊ ထိခိုက်ရုံဖြင့် လက်ကောက်ဝတ်၊ တင်ပါးဆုံရိုး သို့မဟုတ် ကျောရိုးဆစ်များ လွယ်ကူစွာ ကျိုးသွားခြင်း။

☀️ ဗီတာမင်ဒီ (Vitamin D) နှင့် ကယ်လ်ဆီယမ် မှီဝဲသုံးစွဲခြင်း
အရိုးများနှင့် မေးရိုးများ ကြံ့ခိုင်သန်မာစေရန်နှင့် အရိုးပွရောဂါကို ကာကွယ်ရန် အောက်ပါအတိုင်း ဖြည့်တင်းပေးသင့်ပါတယ်။
✅ဗီတာမင်ဒီ (Vitamin D) ကို မှီဝဲပါ။
▪️ဗီတာမင်ဒီသည် ခန္ဓာကိုယ်မှ ကယ်လ်ဆီယမ်ကို စုပ်ယူနိုင်ရန် မရှိမဖြစ် ကူညီပေးပါတယ်။
▪️နံနက်ခင်း (၈ နာရီမှ ၉ နာရီအတွင်း) နေရောင်ခြည်နှင့် မိနစ်အနည်းငယ်မျှ ထိတွေ့ခြင်းဖြင့် ခန္ဓာကိုယ်က ဗီတာမင်ဒီကို သဘာဝအတိုင်း ထုတ်ပေးနိုင်ပါတယ်။
▪️လိုအပ်ပါက ဆရာဝန်ညွှန်ကြားချက်ဖြင့် Vitamin D3 ဖြည့်စွက်စာများ ကို မှီဝဲပေးနိုင်ပြီး မှို၊ ငါးနှင့် နို့ထွက်ပစ္စည်းများကိုပါ နေ့စဉ်စားသုံးမှုတွင် ထည့်သွင်းပါ။

✅ကယ်လ်ဆီယမ် (Calcium) ဖြည့်တင်းပါ။
▪️နို့၊ ဒိန်ချဉ်၊ ဒိန်ခဲ၊ အရိုးပါ စားသုံးနိုင်သော ငါးသေးသေးလေးများနှင့် အစိမ်းရောင် ဟင်းသီးဟင်းရွက်များကို ပုံမှန်စားသုံးပေးခြင်းဖြင့် အရိုးသိပ်သည်းဆကို ထိန်းသိမ်းပေးပါ။

🦴အရိုးကျန်းမာရေး ကာကွယ်စောင့်ရှောက်ရန် အကြံပြုချက်များ
✅ပုံမှန် သွားနှင့်ခံတွင်း စစ်ဆေးပါ။
သွားဆရာဝန်ထံ သွားရောက်၍ မေးရိုးအရိုးသိပ်သည်းဆနှင့် သွားဖုံးကျန်းမာရေးကို တစ်နှစ်လျှင် အနည်းဆုံး (၁-၂) ကြိမ် ပုံမှန်စစ်ဆေးပါ။
✅အရိုးသိပ်သည်းဆ တိုင်းတာခြင်း (BMD/DEXA Scan)
အသက်အရွယ်ကြီးရင့်လာသူများအနေဖြင့် မိမိတို့၏ အရိုးကြံ့ခိုင်မှုကို တိကျစွာသိရှိနိုင်ရန် ဆရာဝန်များနှင့် တိုင်ပင်၍ စစ်ဆေးမှုများ ပြုလုပ်သင့်ပါတယ်။

‼️အသက်အရွယ်ကြီးလာစဉ် သွားနှင့်မေးရိုး
အပြောင်းအလဲများကို လျစ်လျူမရှုဘဲ စောစီးစွာ ဆေးစစ်ကုသမှုခံယူခြင်းဖြင့် ပိုမိုပြင်းထန်သော အရိုးကျိုးခြင်းအန္တရာယ်များကိုပါ ထိရောက်စွာ ကာကွယ်နိုင်ပါတယ်။



#ကျန်းမာရေးဗဟုသုတ

Address

Yangon

Telephone

+959755899449

Website

Alerts

Be the first to know and let us send you an email when Ananda Saytanar Foundation posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Ananda Saytanar Foundation:

Shortcuts

Share

Category